百年路 (Closed)

今日lunch嚟到觀塘揾食😝😝 突然想食肉骨茶 於是同事就推介呢間星馬小店 lunchset每款都係50蚊咋 我見好多人都叫左肉骨茶同喇沙 因為好耐無食肉骨茶 於是就叫左第一個set🤪肉骨茶藥味吾係好濃 好易入口 排骨有四大舊 燜得好淋 好有肉味🥰🥰🥰 而且仲有菜 豆卜 金菇 分量都好多 仲有油條飯配嚟食 成個餐好豐富😚Lunchtime時間雖然好多人 但staff態度都好好 下次嚟會試下招牌喇沙😍😍😍推薦:⭐️⭐️⭐️⭐️

同事想食肉骨茶，所以lunch 同佢一齊黎左uptown 食番個肉骨茶lunch ，好多人等左一陣先有位，我地叫左2個老街肉骨茶配油條及飯$50，再加$6 馬拉青桔酸梅水，肉骨茶味較淡，所以佢有個醬汁比你加重個味道，肉骨就好腍身，有冬菇，金針菇同生菜，仲有豆卜索晒d 肉骨茶都幾好食，仲有油條同飯撈埋一齊食都唔錯！再飲埋杯酸梅水酸酸地好解喝，個飯好大碗都食唔晒。呢個價錢係觀塘食個lunch 都好親民，抵食！😋👍✨✨✨✨✨✨✨✨✨✨如果大家喜愛我寫既食評📝，麻煩幫幫手比個愛的鼓勵❤，我會寫更多豐富既食評比大家！🤤✨✨✨✨✨✨✨✨✨✨

呢度連D醬都係自己抄嘅. 推介肉骨茶, 藥材味香但唔會太重, 慢煮嘅排骨爽滑彈牙. 想清D嘅可以食馬來啦啦粉(蜆肉粉), 蜆湯清甜. 2種湯我都會飲晒, 太好味喇. 鐘意食辣嘅可以試吓咖喱牛肋條, 風味十足又唔會太辣. 蝦麵同喇沙D湯底都落足料, 非常濃郁. 仲有香港非常少有嘅馬來班蘭拉茶, 茶味香濃幼滑, 同班蘭香味好match.

我同老公已經黎過呢間餐廳食過幾次，呢到老闆同伙計都好好傾，好好人，試過幾款，喇沙，蝦湯麵，肉骨茶和森巴撈米粉，都好好食。我老公最愛佢地嘅蝦湯麵同肉骨茶，肉質煮到剛剛好，一d都唔un, 好軟身，湯味道不算好濃，入口適中，有小小藥材味道，但又唔會太過火，好足料，有豆卜，冬菇，小小菜同金菇。 而我就最鐘意食喇沙，湯底唔算好濃好杰身個款，味道都有小小椰香味，另外飲過佢地嘅拉茶同桂圓羅漢果，都好正，羅漢果味好足，以呢個價錢食到呢個質數，算是不錯，希望可以保持水準，繼續支持，加油！

超驚喜，無唸過在觀塘會遇到甘正的美食，又從未飲過甘好味的肉骨茶，堅有誠意，價錢又抵，又多豬肉，又多湯，又大碗，又有濃濃的香味，服務又一流及友善，值得繼續再光顧。撐！！

星期六中午來觀塘上yoga. 口淡淡，想食d潤嘅野。無意間行上一樓搵到呢間東南亞餐廳，地方舒服。有2枱客，感覺悠閒。叫咗肉骨茶飯餐$50，＋$6有餐飲。算抵食！個肉骨有4大舊，味道偏淡，有藥材味。個人覺得味道剛剛好，因為可以點鼓油辣汁提提味。仲有d菇，豆卜同生菜。好似幾健康，而且份量都唔少，好飽。食晒d嘢，慢慢想飲個湯。我覺得無咩味精的！（其實唔係好識分。。。哈哈。）老闆好細心話我個湯凍咗，俾個熱湯我飲。唔想浪費，婉拒咗。個紅棗杞子茶好好飲！老闆見我好似入緊wifi, 又專登俾個私人wifi code. 話會快d...人太好啦，要寫篇文讚下！無食招牌喇沙，但見隔離枱食，都好正。下次來試下。

今日又試新嘢，觀塘區午餐時段其實點都需要等下位，等左大約5分鐘左右時間合理，餐牌食物選擇唔多，唔多就啱我啦，可以快d決定到食咩嘢。叫左個瑪沙曼牛肋條（薄餅及飯）連拉茶$53，都幾抵食。瑪沙曼咖哩味道濃郁，夠辣又惹味，牛肋條軟腍，水準不錯，撈飯或配薄餅都好味。另外拉茶飲落又有d似咖啡,可能比錯或我味覺有些少問題，但兩樣我都飲嘅所以無深究，哈哈！服務員態度親切有求必應，不過可能新，出餐上可能有些少混亂，但問題不算大。希望保持水準，遲下試埋其他嘢食

D一區好少D种嘢食，上次同朋友去食，真係好好吃，D嘢食全部都勁足料，超好食，例如我叫咗個肉骨茶，好香好食，D餸好送钣，好食过之前食個D餐廳，而且價錢合理，雖然等得有D內，但都值得

又到左happy Friday!梗係出去lunch 啦！見到公司附近有間新開既餐廳！食東南亞既食物，唔錯咁，去到就有位坐，始終新開餐廳，唔算太多人，叫左個星加坡喇沙另加$5有杯野飲，就叫左杯凍既馬拉青桔酸梅水！嘩，個喇沙賣相好吸引，有豆卜，魚片，芽菜，雞肉同2隻大蝦🍤，黎到就梗係飲左一啖湯先，好香椰奶香味，飲多幾啖d 辣味開始攻緊上黎😅，豆卜索晒d 湯底入晒味，大蝦都好爽口彈牙，再配埋馬拉青桔酸梅水解下辣味一流，咸咸酸酸咁好解喝！整體上味道品質都唔錯，尚算抵食！😋👍+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

前日約朋友去食午飯，佢帶我去成業街工厦食飯，去到都幾多人，見到人食肉骨茶好似幾好食，想叫但話賣晒，失望，最後叫左個星喇沙，第一啖覺得吾錯，好食，跟住店員比左個醬我加落麵度，(類似辣椒醬)，真係估吾到有意想不到既效果，正正正。下次試下我朋友點果個蝦湯麵，佢話超正。

上星期 收到傳單 ..知道有間新餐廳開張..就同埋同事一共3人去食啦..我叫左個啦沙..同事就叫肉骨茶同埋蝦麵 ~估唔到啦沙咁好食 同出面好唔同..好好食 個肉骨茶 勁多料 蝦麵就有d辣 就好香口 又足料 價錢又合理下次會再去食 可惜只做lunch