US813 (Closed)

屯門長大既我睇住屯門巿中心附近既變化, 呢日咁啱路過俾我發現咗呢間小cafe, 唔熟路既真係好少會行到去華都, 但近來都開始多人知道呢邊都多咗好多野食。吉之島附近其實比較少呢類Cafe, 價錢其實唔貴, 仲好多唔同沙律意粉燉飯飲品選擇, 梗有一樣啱食😁🔸凱神雞肉沙律🔸凱撒沙律, 沙律菜夠新鮮, 我鍾意佢沙律醬份量啱啱好, 唔會水汪汪。🔸蘿勒忌廉鮮蠔意粉🔸好有驚喜, 估唔到忌廉醬汁加蠔又幾配, 唔會太漏, 鮮蠔又唔腥👍🔸拿坡里德式香腸意大利粉🔸香腸大大塊又厚, 蕃茄醬唔會好酸, 份量仲幾多添~ 一間令我下次黎會諗起佢既小店💕

位於屯門華都幾呢間 US813， 鋪仔細細但係食物質素都唔錯㗎， 大家如果諗唔到食咩又想嘆番個輕鬆嘅下午茶，咁呢度就絕對幫到你啦。選擇都有好多㗎分好曬類別，可以揀你自己想食嘅嘢雞肉凱撒沙律 $45輕輕鬆鬆就當然這個凱撒沙律啦， 沙律都幾大碟， 酸味味嘅醬汁非常開胃， 配合沙律菜清新感覺， 而雞肉肉質唔會好似擦子膠咁樣， 亦都算嫩滑， 整體上都唔錯㗎。焦糖香草冰淇淋奶昔 $32雲呢拿雪糕冇咩特別， 但係個奶昔就唔同啦， 除咗焦糖味非常之重之外， 奶昔本身亦唔會太過甜， 所以飲落唔會覺得好膩好厭， 而奶昔本身都幾滑，絕對唔錯。整體上呢間舖頭都算唔錯，值得回頭再食過。

睇食評，有人話好難食！真係想試下有幾難食。呢間店係朋友介紹我去。因為我兩個寶貝契仔鐘意食。今次我點了一杯棉花糖熱朱古力一碟沙律一碟朋友推介的芝士意粉。三樣我都好滿意。兩大三小都清碟。用難食來形容真係點令人信服。說真的。若麵包太凍又唔好味。直接要求更換或取消囉。何必咁樣寫個食評！當然食評一定有好和差評。但用難食形容太誇張。小店小本經營又唔收天價。我個人好滿意呀。不服食物質素、衛生情況、店員務服，我都覺得滿意。下次再來食💕💕💕💕芝士意粉上左枱才磨芝士。見店芝士磨到意粉。心情滿有期待。

店裏有好多款唔同嘅意粉揀，價錢同普通西餐廳差唔多。叫咗個雞肉麻醬冷麵，味道唔錯但係得兩三舊細細嘅雞肉，另外意大利蕃茄燉飯一般。份量有d小，所以每人叫一個都唔係幾夠飽。

無食過咁垃圾嘅餐廳，忍唔住劣評!!用劣質合成煙肉。意粉未收汁就上碟。味道又差😷蒜蓉多士又凍又乾又硬!!叫左三杯咖啡，勁淡!! 焗你叫礦泉水， 當自己高級餐廳😁😁叫侍應埋單，完全無視仲黑面。見到其他人行出去埋單先知原來要行出門口收錢。當自己高級餐廳但收錢就茶餐廳? 😂😂本身諗住揾間隱世餐廳，支持下本地小店，點知食到一肚氣既劣食。如果咁既水準既意粉叫用心制作，『人等麵，麵唔等人』既話，咁應該pizzahut 都可以叫做本地優質意大利菜。無下次!!

朋友來屯門工作，略盡地主之誼，來這間我挺愛的食店。一直覺得us813既款式多，價錢實惠，可能同舖頭位置有關係，位置偏離屯門市中心隔離既商場，仲要係下一層，唔算容易留意到，但知道會特登黎搵！當然，唔係屯門人都未必留意到。兩個人，所以簡單地叫左一個意粉同一個主菜。餐牌上係蕃茄野菇意大利燉飯，但佢可以轉意粉。主菜就叫左煎雞扒拼薯蓉。意粉冇咩特別，粉如其名，係好稱職既蕃茄野菇意大利麵😆呢道主菜唔係第一次食，都幾喜愛。薯蓉超滑，雞扒雖然話係煎，但可能有加粉，所以有啲炸既香口感覺，再配上酸酸地既汁，係好好味！以前有得自助斟水，但而家變左要買！一枝礦泉水$8😅😅寧願叫野飲（可能係策略之一）我叫左洛神花花茶，朋友叫玫瑰紅茶，望落冇分別咁😆味道正正常常，所以都係冇咩特別。

想係屯門搵野食，個幾個大商場大部份都係大型連鎖店，想食得好少少都唔平所以每次入屯門我都會去Ｄ細商場或者地舖搵野食，而依間ＵＳ８１３係為於華都商場既小店，幾年前一試變左鐵粉，次次入黎唔想諗食咩就一定係佢煙三文魚牛油果沙律＄７２依個係佢地最貴既沙律，但都好抵食，因為真係好足料好多牛油果，感覺應該用左成個不過我會推介意大利黑醋海鮮沙律＄５２，都食左好多次，入面有蝦有青口有魷魚，又係俾得一Ｄ都唔孤寒當然依個價錢唔可以ｐｒｅｆｅｒ食到新鮮海鮮啦，但至少無雪味無腥味，配黑醋汁酸酸甜甜咁都幾開胃我既至愛拿破崙式雞扒伴通心粉＄８３，係我每次黎都必點既野，千祈唔好打算一個人食哂！因為真係好大份！雞扒份量超多（次次食完Ｄ通心粉都仲有剩），面頭好似沾上左少量炸粉，外皮香脆，輕輕炸過咁，但雞扒肉質仲保持到嫩滑。食到好香的香草醃料，真心好正，去到一家必試！個通心粉都唔係流既，拿破崙式其實即係用蕃茄做調味～佢個茄醬汁其實偏水狀，感覺似蕃茄湯，但依然好濃味，加埋椰菜係入面煮，有唔同既食物質感去增加層次唯一想反映既係，以前依度會有水供應，但依家要俾錢買Sparkling Water或其他野飲，依點唔太討好。不過見在佢

差不多每個星期六放工後都去屯門和另一半吃晚飯, 今晚又來到我們經常光顧餐廳給大家介紹下。餐廳位於華都商場, 就在賣小食的食店附近，所以人來人往, 雖然餐廳有兩個舖位，但仍然經常見到餐廳門外大排長龍，可知很受屯門人歡迎。餐廳主打意粉菜式, 款式非常多, 而且cp值不俗今晚我自己點了一杯冰磚朱古力咖啡，$32價錢可以，味道不錯。柸size還很大的冰磚吃下去好像吃啫喱一樣, 散發出朱古力加咖啡香濃味道，都算沒有點錯。我覺得很配合吃意粉時候享受一番這是另一半推介的番茄海鮮意大利麵, 不單只貌相吸引，味道非常好, 帶少少酸辣，十分開胃。海鮮有蝦有蜆，色彩豐富而我今晚很想試白汁吞拿魚西蘭花意大利麵, 我每次都沒有點錯，今次也不例外，本身自己很愛吃白汁西蘭花，所以這個意大利麵我是真心很喜歡的兩碟的意大利麵，讓我們渡過愉快的晚上。多謝另一半的推介，很喜歡每次和妳在這一起渡過的每一餐。希望好像餐廳這幅畫，能和妳走遍世界各地, 食盡世界美食......

今日同男友去屯門搵姊妹拎野，順便食個lunch，同姊妹都有個習慣，唔鍾意成日食d連鎖店所以我地多數都會揀d cafe小店開餐嘅⋯⋯點知⋯⋯⋯⋯我同朋友分別都叫左日光珍寶 $98 ——其實就即係all day breakfast ，有用粉溝成嘅薯蓉（但唔怪得嘅好多餐廳都會用粉溝⋯⋯方便啊嘛），個有一pat沙津醬但味道唔係好夾而且有d乾嘅粟米，芝麻醬青瓜沙津，完全冇味嘅黑松露炒蛋（估計唔記得落鹽，而且松露冇咩味），冇咩特別嘅火腿同腸仔。最後有我嘅特別介紹 —- 平時食開茶記$30早餐都未見過嘅劣質合成煙肉只有幾絲吞拿魚但自稱係吞拿魚法式牛角酥，牛角酥亦係備硬身（似唔新鮮果種硬）男友叫左神秘辣汁雞肉意大利面 $58，煮個意粉時間控制得好，咬口有彈性嘅，個辣汁真係好神秘，神秘到唔識形容⋯⋯感覺類似係Tabasco但唔酸嘅辣汁，食落亦同樣有微微嗆喉感覺嘅。賣相可以但味道中間一般水平，$58呢個價錢可以接受。飲品意大利牛奶咖啡（凍）$25 - 咖啡唔夠，不過不失水蜜桃紅茶 （熱）$18 - 朋友話覺得係用水蜜桃茶粉沖，唔知點解係好甜嘅芒果冰沙 $23 - 睇相就知佢有幾沙同有幾冰好明係用粉溝出

呢間餐廳絕對係同一班sister and friends聚腳既地方。個環境design令人有種好comfortable既感覺。簡單咁叫左一個卡邦尼意粉同一杯紅茶，味道唔錯，會再有下次！

食物都ok但服務唔得囉😪唔可以帶外來飲品我明，但水都無杯嗌左杯水果紅茶，嗺左2次 都話 <得啦知道咖啦咁>明明得3台客人，d野食都食完，杯野飲都未到🤔 15-20分鐘黎左唔好意思都無講。又要黑口黑面。。基本禮貌都無，不快體驗..............................

Tuen Mun 唔算有好多Cafe 呢間係Town Centre都算幾就腳價錢公道 海鮮意粉都算中上級坐左好耐都唔會趕人走 所以服務態度可以比滿意 下次食tea/lunch 都會再尼

本來意粉好好食，食物賣相都好好，不過2歲小朋友都要計人頭收費(餐牌無提過)，小朋友想要杯水都要收錢?! 唔好扮高級啦，去大快活有水，去Pizza Hut又有，去迪迪尼酒店都有....唔知點解貴店無呢? 差評!

喺屯門市中心大部份都係連鎖餐廳，要揾間有特色既小店真係唔容易。今次試咗個日式胡麻火腿沙律，經典大丈夫闊扁麵，明太子鮮蝦意大利麵，蜜瓜奶香同朱古力棉花糖。意粉一如以往高質素，蜜瓜奶香味都值得推荐，每次黎食都feel到依間小店既心意。

成日經過都想試，今次睇戲前終於有機會黎試下睇MENU覺得唔係好貴，樣樣感覺幾抵食就入左黎同男朋友一個嗌左飯一個意粉海鮮意粉Ｄ海鮮都幾大粒，入味不過我個人覺得D飯可以林少少明太子意粉，雖然個樣望落單調Ｄ但食落味都唔錯，我一開頭以為Ｄ麵煮得唔夠耐所以有Ｄ硬後來有人問先知原來係咁食法，如果大家想林少少要同店員講聲的！Ｄ汁都煮到收水，無話成攤汁係底總睇味道係唔錯，以呢個價錢食到呢個味都唔錯，但係份量多少少會更好！下次黎試埋Ｄ小食同野飲！