彩晶軒 (Closed)

屋企人話呢棟大廈新開左好多酒樓，不如試下好唔好。去到大堂都幾嚇人下，好多人等緊lift，心諗唔通呢度d酒樓好好食，定係唔洗錢呢，駛唔駛咁多人排隊呀!!上到去都好多人係度等緊，可能因為我地人多，所以都唔係等好耐就入得去，入到去見d裝潢都ok。坐底先叫d小食，諗住叫豬腳仔同鵝肉卷，點知話豬腳仔冇晒。個鵝肉卷都ok，好重煙薰味。之後都係叫d大路點心啦，不過呢度d點心名都幾得意，全部都好長。d點心水準都ok，當中夠唔錯既係清湯腩，蘿蔔夠稔，牛腩夠味，不俗﹗但呢度點好多點心都話冇，同埋唔知係咪人多，d服務都頗慢。最後叫左d甜品，最有趣既是有個甜品叫芒果拉麵，之後再叫左份心太軟同楊枝甘露，芒果拉麵都係gimick野，食落冇乜特別，心太軟竟然係凍既，楊枝甘露就普普通通。總括黎講食物唔差，環境ok，服務可以好d。

試過晚飯, 今次試下飲茶。 點心同其他酒樓相比較為特別, 但其size真係的骰到呢, 價錢唔平, 服務態度亦欠佳。溫馨提示: 若飲茶攞大枱, 佢哋會要求你有半數人到齊至會比枱你架, 如果你唔夠人, 櫃台姐姐懶得理你等咗幾耐, 就算張枱係輪到你, 佢都會毫不留情地比下一位架。 生煎叉燒包: 煲仔上，唔太油好香, 底墊洋蔥絲，出奇地是小點 : 北海道牛奶蛋撻仔: 唔多覺有北海道牛奶, 好細粒 肉碎蠔仔粥: 根本唔係粥, 啲米仲好生

不知是否鱷魚恤中心的咸水管是否出現問題,去過唐人佳酒樓的洗手間,同樣是臭臭髒髒的.1. 粉絲貴妃蚌@$10 ~ 很多粉絲鋪面,貴妃蚌不會蒸到剛熟.2. 豉汁涼瓜炒聖子皇@$28 ~ 聖子皇都幾大隻及新鮮,不過豉汁不夠香.3. 砵酒焗蠔 @$28 ~ 蠔算是肥美又新鮮,賣相也靚,食時用刀叉,很過癮.4. 紫芯蕃薯浸豆苗$68 ~ 清淡得來又特別.5. 薑陳香葉煎日本蠔餅$88 ~ 蠔仔都好大隻,唔同潮州蠔餅及其他店子的蠔仔煎.6. 六必居滷醬油黃金豆腐$38 ~ 炸起的豆腐加點醬汁.7. 蜆芥薑蔥豆腐牛仔肉煲$48 ~ 最抵食,又熱又香口,牛肉亦夠多,不過是用玉子豆腐.8. 西樵黃金大餅$28 ~ 即是我們在上海店食到的蔥油大餅.9. 徐大姐士多啤梨焗肉排$78 ~ 細碟到無論,不過滲出香濃的士多啤梨味.10. 上湯米粉$22 ~ 埋單先知要$22一碗,唉,都幾貴.11. 迷你甜品 ~ 藍山咖啡布甸+心太軟+渣渣等,細細盅,不予致評.

觀塘工業區酒樓是多.. 但總是不足夠應付午一群上班族..這棟大廈正好舒緩一下午市所需.. 因為大部份差不多都是食肆!這裡算是寬敞.. 還很新呢.. 環境亦舒服..服務員服務一般.. 這是沒有辦法的.. 他們忙過不停!食物方面是可以的.. 味道賣想也不錯..蝦餃燒賣蝦腸皮薄.. 餡也足料.. 有蝦.. 亦沒有肥豬肉..牛肉球不錯.. 燒腩仔皮脆.. 鹹水角和炸蝦卷也香口..蠔仔粥的蠔大隻.. 沒有沙.. 湯底也清淡.. 味道很好..伊麵鍋味道亦很好.. 材料足夠.. 賣相更好!整體來說在這區算是不錯.. 尤其是繁忙的午市!

中午約在兩個FD食中午！鱷魚恤中午實多人！鄰近工廠區，無計！三個人叫了十樣嘢！上咗身咁！嚟襯都差唔多叫安格斯肥牛抄河及叉燒包！因為肥牛抄河都算ok！叉燒包小點，幾抵！(上碟時加d酒淋上個煲仔上)安格斯牛腸，以為都好似其他酒樓係碎牛！點知唔係！有成兩片！！不過始終最過癮的是迷你版甜品！整體上ok！但座位太迫及份糧較少！

星期日, FAMILY DAY, 同屋企人飲茶的好日子鱷魚恤中心的幾間茶樓, 排隊由下面電梯條隊出到去APM我地屋企去開呢間彩晶軒 , 今日如常... 點知食完之後唔飽加一肚氣!下午12:45 找飛等位, 勁多人, 出出入入, 年老年幼都有拎四位, 見到等三個NUMBER, 應該唔駛好耐gwa..點知等左45分鐘先至有檯.. 因為大部分檯都係留比d 十位,八位o既客人下午1:30: 好開心有位啦, 被安排坐在近窗+近走廊的一張檯人多出出入入都預左, 驚點心太耐先黎就order定先叫左蘿蔔糕, 粉果, cha siu 腸, cha siu 包, 仲有排骨蒸陳村粉下午2:00: 我地淨飲茶都飲左半個鐘, 叫呀姐加水當睇唔到, 佢真係好忙執檯叫一個矮矮地o既部長加水, 佢好誠懇回應你「好, 即刻加之後」拎住我地個茶壺比左一個執緊檯o既呀姐, 個呀姐見到客人等緊張檯就再交凡地個茶壺比另外一個呀姐...........救命... 其實係唔係要客人自己去沖水呀?????部長先生可能身份較高... 其實佢比左個茶壺呀姐之後, 佢企左o係我地張檯前面, 無野做。都唔幫我地加水..ok fine. 我地

同大學同學聚舊，去左大家工作的中間點觀塘食。APM附近好多酒家，不過有個姐妹就嫁，所以去望下其中一間目標：彩晶軒。幾個女仔叫得唔多野，都 叫左四個菜，幾個甜品。先講下個貴妃蚌，味道相當鮮甜，粉絲吸哂貴妃蚌的精華，實在 送飯佳品，仲要計返幾蚊一隻，結果一人兩隻，個個滿足。然後 鴛鴦豆腐，即 蒜蓉蒸豆腐加帶子蒸豆腐，帶子都仲 爽的，雖然就淡左小小，但依然 相當鮮甜，我鐘意。仲有個唔記得叫埋名的蝦球，用千島汁煮的，酸酸甜甜相當惹味。而甜品就 我地最愛，我點左朱古力心太軟，雖然細細個，但朱古力味相當濃，仲好香口！埋單一人８０蚊~

三鮮鍋巴 - 開胃好吃, 但實物與相片相差很大, 相內有筍, 但實物沒有, 侍應答: 相片只供參考(他的態度和回答不太友善) 水果 - 賣相超級高雅, 西瓜, 哈蜜瓜, 蜜瓜和菠蘿放在高身玻璃盆的冰內. 正! 砵酒焗石蠔 - 香口 甜品 - 賣相像日本甜品和好吃, 但$10細細杯像拜神三杯酒. 紫蕃薯浸莧菜 - 像糖水, 以為是蕃薯葉, 怎知是紫蕃薯粒浸湯. "煙"楊抄飯 - 一碟分2格分開紅和白抄飯, 失去"煙"楊的意思, 味道一般.

怕正日母親節迫人, 所以大家都同意遲一個禮拜先至慶祝,老表提議去彩昌軒。 是晚都仲係好多人, 坐就真係唔係太好坐, 感覺好迫。 同埋, 佢哋啲單都幾亂, 連啲菜出咗同未出都唔知, 隻碟就好大隻, 不過, 啲餸就好mini。1/彩芹炒斑球: 好味, 不過份量太少太少喇2/ 風沙脆皮琵琶豆腐: 幾特別, 略燶咗少少3/東星斑: 又細條又唔抵, 呢條東星斑承惠$590 4/蛋白花雕蒸貴花蚌: 花雕味好重5/飯後甜品: 不錯, 細細盅, 又唔會太甜

自從做左依家呢份工﹐都好少係閒日約朋友仔食飯...但現在應開始回到得閒時期，可以寫返食評同埋搵下食了。 今次朋友約左係觀塘既彩晶軒等，去食飯前行左個零鐘，買左兩條裙同埋一堆化粧品，真係「無事出街小破財」。都係講返今晚飯局先，七個人，主要係叫小菜，各食物的評語如下。1. 冬瓜盅: 佢會將個冬瓜盅放係你張枱隔離，然後逐碗裝比你。不過，我 PREFER 放上枱，然後可以自己添，哈哈。不過，味道方面唔錯，好清，好足料，夏天消暑最岩。2. 砵酒焗蠔 ($28/隻): 個汁酸酸地，個底墊左 d 洋蔥，配搭幾得意。隻蠔都幾肥美同埋新鮮 個賣相都算靚，不過，個人鍾意薑蔥焗蠔多 d 。3. 炸子雞 (沒有相): 皮簿，同埋隻雞都叫做有雞味... 而且佢都唔算多油.. 所以佢都幾快被「搶購一空」。4. 蒸石斑: 係養魚黎既，不過肉質都算唔錯，可以叫。5. 大澳蒸芋泥: 取名為「大澳」，我想是因為其中一邊係用蝦醬蒸。五花腩既份量岩岩好，佢 d 油剛好被芋泥索左，所以 d 芋泥腍身得黎亦好入味。兩邊黎講，覺得南乳比蝦醬濃味，用黎撈飯都唔錯。6. 海鮮豆腐煲: 豆腐新鮮，滑得黎又重豆味。魚塊彈牙，兩者配搭不

係觀塘陪朋友睇完中醫,時間仲好早,又未食早餐,就去左彩晶軒飲茶 叫左幾樣點心,好似家鄉風味粉絲蒸勝瓜同農家有機瑤柱菠菜餃,個名長長地幾有趣,另外田園風味上素水晶腸同吉列脆蝦一口漢堡仔覺得幾好食 1)田園風味上素水晶腸,佢個皮好薄,入面有甘蔗,粟米,菇......清清地又唔油,健健康康 2),吉列脆蝦一口漢堡仔,賣相幾得意,估唔到酒樓都有得食漢堡包仔,入面既脆蝦熱啦啦嘢食幾好味,係賣單嗰時睇睇張單先知,原來平日1-5 11:00-12:30點心佢計左有75折,今餐又平左喇

祖母生日, 揀左去彩晶軒同佢慶祝一行6人叫左5個餸, 每個菜都有特色又營養豐富日本櫻花蝦浸勝瓜 – 以為係普通蝦乾, 但其實係好大隻好有香味既櫻花蝦, 依個菜清清地, 岩晒grandma食鴛鴦蒸豆腐 – 老小都岩既豆腐, 有蝦有鮮帶子魚湯勝瓜浸斑片 – 個湯好有益, 有蕃茄, 魚同埋勝瓜, 食左d 餸仲有湯飲香芒蝦球配千島汁 – 全晚最鍾意食既一個菜之一, 重點係個千島汁, 配埋個蝦球食, 回味無窮金華火腿雞 – 金華火腿好香, 好岩送飯最後食埋佢個朱古力軟心蛋糕, 真係有朱古力漏出黎, 估唔到酒樓都有依個水準

自從鱷魚恤中心起好之後，APM隔離就變了觀塘飲茶熱點! 試左咁多間, 最終都係覺得彩晶軒係最抵食, 同埋好味。 其中特別推介我的至愛-蝦蛟! 雖然$33四粒好似好貴, 但係果然係一分錢一分貨~ 皮薄, 唔會太多油, 雖然無添好運咁好食... 但係總算係酒樓蝦蛟入面O既上品!另外一個好特別O既係蘿蔔絲腸粉, 腸粉皮薄, 口感軟, 食落去脆脆地, 但又不會沒有吃腸粉那種感覺。唯一唔好就係碟腸粉好細。比起其他酒樓一碟三條, 佢一碟都只係得一條。星期六日去最好就有心理準備要等位, 至少半個鐘, 平日去, 中午最好訂位~但係早茶星期一至五係11點半先開始! 建議得閒就去O個度飲下午茶啦~

家陣物價高漲，想食d價錢合理而又有番咁上下質數既菜都好難 上星期五剛好同一位知己朋友聚舊, 佢介紹我嚟呢間酒樓試試....我地得2個人, 都叫唔到好多野, 唯有叫3幾樣糊吓口同傾吓計:1. 蒜蓉粉絲貴妃蚌: 佢新鮮得嚟仲好好肉地, 正! 仲要$8隻, 過癮~~ 我地2個女仔每人食2隻已經好夠...因為粉絲都好足料^.^2. 小蝦蝦蒸勝瓜: 果d細細隻既蝦喺上面好得意, 清清地咁但味道唔錯。3. 香芒蝦球:佢入面有千島醬同芒果, 食起上嚟好fresh, d蝦咁樣配落去剛剛好, 好好味! 呢日同朋友吹水吹咗好耐, 聚舊之餘又食到好野~~ hehe

早排食過如心廣場間v cuisine, 覺得好ok上星期經過apm, 見到原來鱷魚恤中心都開左間~ 當晚就去左果度晚飯喇! 果然, d水準真係唔錯! 雖然d裝修冇如心廣場果間咁靚, 但都唔算差, 都食得幾舒服~我地叫左幾個小菜三鮮窩巴: 酸醱甜甜好開胃海鮮湯: 好鮮魚味, 夠清甜!扇貝: 好多蒜同粉絲~~~食完仲叫左d甜品~~ 今次食左楊枝金露, 好香好好味! 好滿足既一餐!