港味

Open Now

Now Closed

作為上水居民的我，一直都是海港酒樓的擁躉，但係自從海港搬去舊墟之後，就留低呢一間港味比附近嘅居民，聽講話港味都係同海港出自同一個品牌。呢一晚同家人一齊去食港味，叫咗好多菜式可以同大家分享一下~花膠杞子豬骨濃湯打頭陣嘅就係$8一碗嘅花膠杞子豬骨湯，味道非常之濃郁，超正！雖然唔知道有冇落味精但係味道相當之唔錯，亦都感覺到幾足料，$8一碗來講真係超抵飲！燒脆腩仔呢度嘅燒味不嬲都幾出色，係居民買餸加送嘅地方，燒豬腩仔個皮炸得相當香脆，有口感層次分明。酸甜咕嚕肉呢碟不嬲都係一家大細嘅之外，每次必點，味道其實同食街市嘅差唔多，但係勝在環境乾淨吖嘛！辣子雞辣子雞用炸嘅方法嘅，其實都好難整得唔好食，所以呢個都一般般啦，因為雞竟然唔係細細粒嘅，感覺上只係將調味料，夾硬炒一炒咁，未到唔差但係唔會再叫5個人食埋單大約五六舊水，都算可以啦

想食精緻點心呃下like，唔一定成日在油尖旺既，遠在一方的上水都有，啱晒街坊！上水中心裝修完，就有好多間食肆出現，港味次次都唔駛排隊，但唔代表啲菜式唔好食喎😆某一晚黎食晚飯，叫咗個迷你煲仔飯充撐下肚皮先（如果齋叫點心要食到飽就會太貴啦）！少少地但好好味！價錢唔算太貴。呢個桔仔就好得意，顏色夠晒鮮艷，影相一流。係蝦餃黎架！不過就乾咗少少。最後係呢隻豬，幾十蚊一隻，係超級大隻的流沙包😆😆😆自己一個食會好飽肚！（不過個顏色就無沙田間「明X閣」啲豬仔咁靚囉）總結：仲有好多款得意點心想試，會再黎♥️

其實已經去過港味食飯好多次，小菜，點心都有特色，價錢都算合理。昨晚已經六點半之前去到攞飛，三個人等三張枱，等咗25分鐘，我哋都已經寸步不離，喺度睇住叫number，唔敢走開。 卒之叫到E124,即刻唔駛一秒,入到去攞枱. 點知一個, 個子唔高細細粒粒紮馬尾嘅女侍應，話我哋張枱已經畀咗人。一句唔好意思都冇。我哋即刻解釋一路都企喺門口，冇走開過。一叫號碼已經立即入嚟。 佢黑口黑面都唔理我哋，令到我哋好尷尬、咁企喺度 。我哋再想問佢咁而家點嘅時候。佢居然走開咗去攞燒味，傳莱！ 其他做part time 侍應 ge 學生哥都呆咗！今時今日咁嘅服務態度真係令人難接受！本來都好想搵一個負責人或者高級少少嘅經理嚟投訴。但係睇勻全間餐廳都只係侍應！！ 好好嘅一餐飯畀佢破壞曬嘅氣氛！

In general, it can cost you over HK$150 per head here.  Yet, having taken the customer's order, the waiters here wouldn't attend to the customer's legitimate need any more.  For instance, they refused to provide a bowl for holding the water used for rinsing the cutlery  Worse still, they preferred arguing with customers to going one step further to solve the problem   Just one poor touchpoint experience can ruin our confidence in V-Taste, not to mention the reflection of insufficient staff train

平時都是食早餐或午餐，終於第一次食晚市。小菜款式不多，但味道都不錯。燒鵝保持一貫特高水準，非常美味。另外還點了咕嚕肉，蒸水旦及紅燒准山。咕嚕肉算是不錯，味道不會酸，但未有驚喜。准山是我第一次食，很爽口。蒸水旦是當日之最，口感非常cramey，值得一讚。

剛剛台灣回港，想食番d香港野，經過港味，就直接入左去開左咁耐都未入去幫襯過，每次都係買燒味飯食朋友話可以自己揀自己杯茶似咩，咁好？咁我就揀杯薏米茶喇！呢到用三角茶包茶味可以完全釋放跟住因為朋友未到齊，就叫左兩個小食咬下夠薑凍手佢將豬手切到一粒粒，食落好方便啊都好入味泡椒鳳爪我自己好鍾意食鳳爪，猶其泡椒，但係呢盆就有少少淡喇，但底下既配菜出奇好味，俾佢辣到7嘴8舌呢個不得了，咬落好爽，重有微微既酒香，作為前菜，一流！紅梅醬炸排骨排骨淡淡肉，加少少醬汁，多少甜味西蘭花炒珊瑚蚌西蘭花同珊瑚蚌都好大件好爽口黑椒炒牛柳粒，炒得好香，牛柳粒唔會過火，好juice gaa鍾意食秋葵既要叫呢個喇！有白合木耳配搭，啖啖都好清爽，唔會太油薯仔炆雞，薯仔炆得好入味最後食完都口痕痕心癢癢，都係叫左兩隻乳鴿！哈哈哈哈侍應話生炸要等多陣，無講笑，好好味，好脆口，好正好正好正！我都估唔到 港味 有呢個質素，真係可以繼續支持啊

復活假，一班朋友都去左唔同地邊外遊，番到黎大家不約而同話想食番香港地既野，結果黎左「港味」上次黎最impress有牛蒡茶飲，不過今日佢話無貨，只好飲玄米茶，不過都開心呢度有除了普洱香片，額外多個選擇。 用獨立茶包，味道唔錯，感覺都可以各人有各人選擇 ，唔洗就黎就好，大家都開心。朋友未到 ，叫左兩個小食先，夠薑豬手，佢整到細細粒好似入口，不過略厭唔係好夠薑味 我一路懷疑佢上錯左，但打開圖大家都話係呢個 （咁我只好信 ，但欣賞有雲耳食，好爽，好香麻油味）泡淑鳳爪，好辣呀 ，但愛辣朋友表示唔夠味🤦🏻‍♀️。呀 不過兩個前菜既底都有醃製白蘿蔔，味道唔錯 幾好食。七嘴八舌 ，朋友食左話好好食，但佢地食食下食晒 我一啖都未食🙈人多食飯 好易出現呢個情況。 甜酸排骨，以士多啤梨醬配，感覺好fresh 一減油炸感覺，好特別。 西蘭花炒珊瑚綁🤔 味道好一般 ，太多油。黑椒安格斯牛多汁好食 ，唔會炒到乾憎憎。黑松露炒蛋，黑松露味唔夠出，蝦無咩味 ，不過個蛋炒得好滑，好岩送飯。乳鴿即叫即炸 ，仲有手套俾埋你用，超貼心，好好食好脆。 其實仲有雞煲同櫻花蝦炒飯都未影，不過已經覺得好好食

抓緊好天氣, 同熊先生嚟上水踏單車, 出完一身汗, 嘆返個茶。呢度嘅裝修, 風格甚至連杯茶都同一般茶樓好唔同, 仲可以揀我最愛嘅玄米茶, 我以為我揀對了, 可惜....呢個超脆麵太令人失望...說白了...就係冇味嘅媽咪麵... 蟹肉一眼見曬, 就係得咁"多", 芡汁亦唔夠小籠包還可以, 算不上皮薄, 但食落多汁, 不過不失。鹹水角唔錯, 熱度夠, 糯米皮先脆後綿, 餡料調味適中。本來想點流沙包, 叫錯左呢個金沙包, 餡料太甜, 有點膩。最後食埋呢個傳說中嘅水信玄餅, 外表晶瑩剔透, 入口滑捋捋無咩味道, 就好似食緊一粒凝固咗嘅水珠咁。一般水信玄餅會伴黑蜜同黃豆粉食....而呢一個, 就用咗糖不甩嘅配料(砂糖, 椰絲 & 花生碎), 感覺....怪怪的。整體食物賣相吸引, 唔難食亦唔係特別好食, 但價錢就當然比一般茶樓貴啦$$ 新鮮感係有嘅....不過就同水信玄餅一樣......水分多囉。

今晚出街食飯其實上水有唔小選擇不過今晚諗住搵間環境好啲舒適啲嘅餐廳所以決定去試港味其實係海港酒家啲分店 精緻版都好嘅試下囉 環境唔洗講啦 係升吸版嘅港或茶餐廳而且野食好精緻不過就唔算大碟而且因爲賣相好 價錢昂貴口水雞細細碟 不過佢起晒骨都叫啖啖肉不過小弟唔食得辣 我覺得好辣另外佢嘅柑桔蝦餃賣相好靚不過皮較厚蝦都大粒 爽口但3粒賣咁貴就有啲.......另外叫左個紅菜頭帶子炒飯飯幾多 但材料唔多不過平時好小機會有紅菜頭嘅餸食還好啦仲有個豬仔大奶皇包不過不失吧

專登嚟試呢個企鵝點心set，呢個set$78蚊，有1個布丁，4粒蝦餃，4個麻榕包。佢哋用個籠放起啲點心，的確幾吸精，不過味道就好一般了！首先個布丁係超難食，完全無布丁嘅口感，似pat漿糊咁！嗰4粒蝦餃就味道正常啲！跟著呢4個包呢…攞您命3千！首先個包上面嘅公仔原來係佢哋用1張圓形嘅紙貼埋落個包度蒸，第一個唔知道食咗落肚，到第二個食嘅時候見到塊圓形嘅公仔紙飛起咗啲邊位出嚟，先發覺原來唔食得嘅！至於味道就真係唔掂，我情願嗌個奶皇包嚟食！至於其他嘢食就正常，同平時差不多

今日大年初一， 趁住拜年之間有啲時間去食個下午茶 。年初一嘅商場本身都好冷清， 都都係得幾枱客人喺度，抱住一試無妨嘅心態，就係想試下佢d點心有幾特色，但其實都幾失望。 一嚟就會比你每人揀一杯茶，可以揀玄米、觀音等等， 但原來只係比個茶包你，叫你自己加熱水。我地叫咗四個點心， 一個叫千奇百趣，原來就係脆皮豆腐，亦都有鼓油鳳爪，雲耳切豬手等等。賣相係唔錯嘅，而份量都算係好足，但可能係我唔識叫嘅關係，覺得點心都不太特別，原本都幾期待佢可以挽到d咩新花樣，點知都係失望而回。最後四樣點心200幾蚊找數，最後一句點評:不太特色，但有閒錢可以一試。

大年初一  想搵個地方食lunch都唔系咁易嫁 😅港之味竟然有開😍😍😍飲茶小編覺得唔錯 不過晚飯就差左少少........環境唔似一般嘅酒樓 呢度比較fashion 少少好光猛 佈置得好有新年氣氛呢度嘅玄米茶 茶包頗唔錯👍🏻👍🏻👍🏻叉燒飽 - 一般般松露餃 翡翠蝦餃 - 好香 金錢肚 - 惹味 但偏辣松葉蟹柳春卷 - 炸得香脆 咬落多料珍珠雞 - 好味 不過可以再多少少汁鮮竹卷 - 偏軟 好食牛肉球 - 好大粒不得不食 燒bb乳鴿!!!$38即燒 好香好脆 肉唔鞋 仲有手套你用 貼心管理得唔錯😊

試過早餐黎食...張點心紙係有啲野冇架/·\... 所以想食啲特別少少嘅，午市會多選擇好多叻叻豬流沙包～～個樣好可愛呀💕其實只係想影張相，味道呢⋯⋯不過不失，但好大個呀⋯⋯好夠熱，一撕開啲汁跌晒出黎熱死我😑見到隔離枱有呢個好靚，食飽左都叫多款點心....係雀形嘅鳳尼蘇呀😆！不過得個樣，啲皮厚到爆好普通嘅菜式～炸豆腐，但係味道同質感唔普通呀！外脆內軟，入面好滑！炸完都仲可以好似百福豆腐咁滑！都幾多下架..食豆腐都食飽人

呢間食物味道幾好，唔貴，仲要全部即蒸！熱辣辣送上款式都算多不過服務員嘅質素就要有所改善，對熟客會熱情❤對生客就會唔多理多數入座都唔駛等太耐，所以通常飲茶都會選擇呢度！

帶位嗰個, 跳號碼黎叫!!! 我地一路都齊人企喺門口度等, 完全冇走開過, 明明等到下一個號碼就到我地, 但佢skip左我地, 又冇同我地交代一聲, 直接叫左下一個號碼, 跳左一個號碼都算啦, 佢仲想直接叫之後既號碼, 繼續去, 我地唔出聲既話, 真係唔使指意有枱!! 我地叫左1碟炸兩, 問阿姐有冇甜醬, 花生醬, 阿姐一口拒絕話冇, 淨係得豉油, 就走左去。我地亦叫左棉花雞, 棉花雞一上枱, 份量少得可憐...下次都係去返茶樓好d!!!