海港酒家

Open Now

Now Closed

今日来到荃灣，好耐未吃过海港酒家D嘢，就即管试吓。薑醋豬手，好耐冇吃，够腍，味道好，pass.牛肉腸，餡嘅調味幾好，過關。蒜蓉鮮魷，就强差人意喇，魷魚太細同埋唔够新鮮，配料粉絲太多，又粘在一起。蝦餃嘅蝦就够新鮮，但皮易爛。

星期日與朋友去飲菜，等位已經是文化及每一個家座都必須經歷既週未家庭活動等左30分鐘左終於有位。四行人叫左10幾樣點心~點心的味道是不錯的，但不知道是不是人多的關係，點心好似唔夠熱，尤其是包點....推介雪山叉燒包豬仔奶黃包黑金奶黃包小籠包OK馬拉糕雞蛋叉燒腸炸兩紫心香芋丸炒米粉一般藥膳雞腳腐皮卷雞扎簿撐仲有好多點心數唔哂...點心的水準不差，上菜速度亦都快但是點心比較多油...包點蒸得唔夠熱。環境坐得算舒服亦唔會太過嘈雜服務亦唔會太差 在假日的環境內起碼會幫忙加水。推介雪山叉燒包，小籠包，豬仔奶黃包。

第一次來這裡飲茶，男友家人提議，因地點方便大家，我由屯門出去門口一落巴士就是中染，但我查看其他食評都很負面，所以不敢抱太大期望，怎知也有驚喜。首先，點心方面，普通款式的如山竹牛肉，燒賣等，不過不失，一些比較少有的款式如雪山叉燒包也不錯，更有第一次吃到的雞蛋叉燒腸粉等，很有創意，另外排骨不會是白雪雪那些雪藏肉。上湯菜心亦很新鮮好味，盅頭飯有水準，咸蛋瘦肉粥煲得相當之棉，最後加了一個鮮蟹肉蝦球燴伊麵就最令人驚喜，賣相很美又足料好味，麵質及蝦球更非常彈牙👍只是酒樓可能真的較缺乏人手，但他們的態度也不差的

今日做節，選擇左黎依度因為近奶奶屋企。佢好似特登開左好多枱咁，迫到都無位行。叫左個套餐，再加個豆苗。佢先黎左個花膠雞湯，個湯完全無味，連鹽都未落。 我地同佢職員講番，佢地更換第二煲比我地。佢再送上黎，份面係好就料有好多花膠，但個湯似落番雞精同鹽煲咁。燒鵝就皮好脆，肉質好滑，仲係好juicy。其實餸都唔錯啦。係職員服務一般般。

今日下午去了這間原本食物水平不錯，服務也可以的酒家，但今天的服裝態度超差，尤其是收銀員簡直令我火都黎，服務侍應忙碌中，親戚需要加單只行走去收銀櫃檯說麻煩加單，收銀非常不滿本枱加原又加，真奇怪有生意都唔原做。紅豆湯圓，湯圓不熟內有白粉。另外有點心等了太久要取消order也要串你，對剛剛攞住點心出來的侍應說（唔使落過去了，我請你食）。 現在想想也覺得奇怪，原本這間酒樓假期是超多人，今天不用等太久已經有位，應該是近期服務太差了。對一間連鎖酒樓不是一件好事，希望這間酒樓股東老闆見到我這文章，真的好好處理旗下酒樓。

香港蟹痴無數，本人及身邊很多朋友都無蟹不歡，而阿拉斯加長腳蟹更令蟹痴流哂口水。但香港吃蟹也不是一件十分便宜的事情，但作為蟹痴的我們還是找到了這家香港有多間分店的海港酒家。每斤188蚊的長腳蟹可以說是全港最平，再加上花雕蛋白蒸更是鮮甜無比。

補做冬至 ，今晚要食好啲 ，所以去了荃灣中國染廠海港酒樓， 諗住全海鮮宴， 三個人， 海鮮 加一個小菜，合共$1900蚊，好似貴咗啲。阿拉斯加長腳蟹(五斤重)，超大隻, 成為$1000, 蟹腳好厚肉 ，肉質好鮮味， 蟹蓋超多膏， 蟹蓋我們選擇了蟹膏炒飯( 但要加錢)粒粒炒飯炒得 好乾身， 蟹膏融入飯中好香口侍應介紹象拔蚌 我提議 刺身食法， 唔洗點醬都好鮮甜， 但我個人喜歡點日本芥辣，我見大家都食得好高興， 所以我忍唔住開1支白酒來賀一賀冬至

由於住在附近，有節慶都會全家走過食飯，順到叫一隻長腳蟹。認真講既，相對起其他酒樓，海港既蟹又平又有質素，但服務態度又真係真心差。今晚我地食6:00第一輪，今次醒，一去到立即揀蟹，揀完即刻叫佢蒸，因為要蒸成半個鐘，以往太遲先蒸，結果食完到好飽先上蟹已經食唔落太多。今次食完頭兩味就上蟹，六斤，10個人食，都好夠食👍👍👍遲下新年可能又會貴返，大家記得早點去食！

長腿蟹超good ，絕對夠鮮味雞肉都幾nice 南瓜好入味而且好香啊个菜湯就麻麻 la有d 咸，粉絲都有 d少大致上都 OK 只係可能客太多，所以d服務員都好似無視左我地 lo

今日跟家人去睇傢私，見到下午茶時間又知有間海港係樓上，所以特意上去飲茶，今日閒日但等位人數都有好多，我地都等左約15分鐘先有位，一坐底就叫野食，見到下午茶真係好抵食，首先大中小點都係小點價，仲有張特價點心紙，一碗排骨飯都係$10，一碗菜乾豬骨粥。可能因為人多，我地叫左野食都要等左15分鐘先慢慢逐碟來食物，咁食物方面就正常，有某幾款都有驚喜，好似蕾沙煎堆仔，但價錢係超值。食完後唯一美中不足就是，出去付款時，收銀員無禮貌，無笑容，無講多謝，全程黑口面，所以如果要求好高嘅，我相信會有點生氣。

假日，飲茶係一個慣常的節目，貪咩? 貪人多、嘈吵，同埋可以坐好耐。今日都唔例外，去了海港飲茶。已知如此，人多、嘈吵……孖寶好似好抵食，選了一份，要了雲貴酸菜龍躉頭腩和欖菜海鮮粒炒飯，然後，再叫了幾款點心，由11點半坐到兩點，咩都抵番。【菜乾蠔豉豬骨粥】用料都幾足，不過要快啲食，因為佢拎到嚟只是暖暖哋。【雞蛋叉燒腸】覺得好怪，加啲雞蛋入腸粉，唔三唔四咁。最怪係啲叉燒，係切成一大片，再用生粉包住，然後被腸粉皮包住。因為啲生粉係未熟，所以搞到成碟腸粉超難食。【生竹牛肉】生竹走咗成個月，都仲係熱話，所以純粹應下景叫點嚟食，無咩特別。【雞札】好多好大條的雞毛!【姬松茸鮮竹卷】鮮竹卷味道正常，只不過，隻菇就核突啲。【水晶潮州粉果】呢個點心算係今日最出色的了。真係晶瑩剔透，味道唔錯。【欖菜海鮮粒炒飯】個樣都唔錯，又大碟。不過唔多覺有海鮮和欖菜。味道唔酸，只有少辣。都有幾件龍躉頭腩，不過煮得老了點。裡面仲有粉條，反而呢個嗦了湯汁，又幾好食。另一慣常場景係，兩個幾鐘，食晒嘢，都係唔會有人來執嘢。即使叫侍應去執走，佢都只會答，呢啲會有專人去執，不是由佢負責。呢間酒家的分工真仔細!

荃灣這個舊區，有好多食肆，酒樓又特別多，自己住同工作都係荃灣，所以經常出外食飯。最近突然鍾意飲茶，飲到上咗引。上個月轉咗去中染大廈健身，發覺健身室下面就係酒樓，上個禮拜就去試吓這間酒樓，去到發覺好多人等位，原來可以選搭抬同唔搭抬，由於肚餓，希望快啲有位，所以選咗搭抬；當初以為搭枱只係兩組人共用一張抬，點知原來係4組人一張，超誇張！這個大蝦燒賣，賣相麻麻，好似溶緊嘅雪糕，不過味不錯。另外叫咗個套餐，楊州炒飯加豉汁油墨菜，非常大碟，楊州炒飯同我以前食過不一樣，冇义燒粒，但有粟米粒同杞子，配搭都幾特別，米粒不硬不軟，又不油膩，味道不錯。至於油墨菜，非常大碟，豉味濃郁，不消一會，我整碟食曬，非常滿足！最後甜品係黑色流沙包，非常特別嘅賣相，我相信個包係加咗墨魚汁，所以非常黑。個包好鬆軟，奶黃甘香並流動，好滋味！最令我迷罔係唔知包面那一道金光是何物。這間酒樓嘅出品不錯，可借係坐得比較迫。

今日去到酒樓叫咗一個孖寶，包括一條魚同埋燒鵝 ，條魚遲遲都未到 ，半小時後，條鱼終於來到，好開心，一食覺得有啲腥味 ，食下食下發覺唔對路，原來條魚完全係未劏嘅 ， 成副魚內月臟(包括心、腸..等等)重係個肚裏面， 好離譜， 叫個經理呢， 諗住反應一下， 都冇諗住投訴 ，個經理第一時間將條魚攞走， 然後就唔見咗人， 咁樣嘅食店 ， 今時今日咁嘅服務態度 ，下次請都唔去

昨晚一家三口去食飯 ，點咗兩個套餐一個係燒鵝配蒸魚餐牌寫約一斤重$398，第二個套餐薑蔥生蠔配豉椒炒小蟶子$298， 加一個花膠雞湯$128。 燒鵝例牌ok，第二度菜小蟶子其實正名叫薄殼， 骨肉分離好多碎殼， 第三度菜薑蔥生蠔超級難食，我未食過啲生蠔用漿粉炸完再用薑蔥煀， 我自己在家煮好食過佢， 條魚上枱睇落得十両重，魚毛一條又唔新鮮， 個湯唔係原煲燉， 係合成湯， 所有配料都冇味道。 埋單九百三十幾蚊， 錢唔係問題，食物質素很差，侍應服務態度也差，個湯上枱冇人分湯全程好似食自助餐自己搞掂。👎👎👎👎👎

今天來到中染新城7樓海港酒家飲茶，一出lift就看到門口逼滿人。我們兩個人，看到顯示螢幕要等八張枱，心想都好快啫....就去攞飛，怎知等了一小時才能入座，幸好玩住手機時間都好快過。我們二人不撘枱，一座低已經有兩位侍應招呼，一位鋪枱，一位沖茶，效率好快。點心選擇好多，我們叫了七碟點心，點心都好吃，最重要是碟碟都好夠熱。葯膳雞腳用上杞子，黨參，紅棗等湯料，煮成湯浸住雞腳。湯好濃好夠味偏咸，雞腳煲到好入味好稔，連骨都是葯材湯的味道。煎米雞一層薄蛋皮代替了荷葉，包住糯米飯，面層有豬肉鬆。好有層次感，糯米飯好足料，有冬菇，蝦米，咸蛋，連蛋皮一齊吃，味道好夾。韮黃蝦腸蝦腸上枱是熱的，腸粉好滑，蝦腸切開有六件，每件都有一隻蝦，但蝦好細粒，5毫字大小黑金流沙包好有藝術感，黑色的包皮上金筆一揮，可惜是有一個包裂開左，流心奶黃滲左出來。三個包好厚，中間流心蛋黃好少，所以不算好流心，但味道都好，包都軟熟小籠包小籠包夠薄，肉好多，沒有肉汁。蒸魚頭最驚喜係有酸薑一齊蒸，魚頭無腥味，鮮味即刻提升左棉花雞有兩件好細舊既雞，兩舊都係骨多無咩肉。冬菇沒有菇味，魚肚偏硬，成個碟都好多油。味道一般，棉花雞水準偏低。