Victoria Restaurant

Open Now

Now Closed

和朋友吃飽飯後，經過見到蘋果批好想食，但又唔好意思兩個人只點一個蘋果批所以企左係門口一陣，之後店員出來招乎，我地就表明來意，店員亦表示無問題！好高興無因為我地點咁少野而要最低消費，服務態度亦無因此而有改變，店員亦好有禮貌！蘋果批味道不錯，甜度合適如可帶點點酸味就更完美！另外，如果係配雲呢拿雪糕會更好（個人口味問題覺得配雲呢拿會夾啲，其實佢個朱古力雪糕係好味嘅，入面有啲朱古力碎）已Bookmark下次來試試佢嘅晚餐！支持小店！

My friend m and I just had a lunch today at this restaurant, which we thought was the worst lunchset ever. We usually have a weekend lunch together and have tried a lot of restaurants in the town, from economical to expensive ones. This is the worst experience we have had, poor air-con even in September when the weather is bit of cooler. We were attracted to the place by its interior design. However, we were shocked after sitting down.The soup is extremely small which we thought it was for placi

今晚去了太子嗰頭 Dinner，搵到間裝修唔錯，好有歐洲古船風格。仲可以 candle dinner 添。兩個人唔一定要食兩個 full sets，叫一個就夠 ($358)，再加多一個三文魚凱撒沙律一齊 share 就夠晒喇。我留意到隔離好多張檯都係 reserved，最初以為係裝假狗，坐坐下，又發現原來真係有客的，仲越坐越滿。八卦問咗老闆娘中午開唔開? 佢話淨係星期五六日的中午才會開，平時至會開夜晚，六點才營業。我心諗，咁都為到皮，證明經營有道，食物水準一定高，招呼一定好，才留到班消費高的熟客。【三文魚凱撒沙律 $78】、【黑椒半燒薄切鮮吞拿魚】兩個starters 都一齊來，在燭光照影下，分外吸引。【三文魚凱撒沙律 】幾塊厚切煙三文魚放在羅馬生菜上，有黑醋汁和煙肉粒。生菜新鮮爽脆，三文魚口感豐膩，配搭一流。【黑椒半燒薄切鮮吞拿魚】吞拿魚輕輕燒過，切片，在上面淋咗些特製嘅汁，裡面有生紅蔥粒、蒜粒，少少酸，幾開胃的。吞拿魚如此製法，食落口感有少少似食燒牛肉，好神奇，總之好食。【意大利鮮牛肝菌泡沫忌廉湯】有好濃烈好香的牛肝菌味，質感好細膩。【House Bread】自家製麵面，配芝士醬，

當你喜歡一個人，你就會願意無條件的為他付出，就好像我和老公一樣，不是特別的日子，我也會買份小禮物哄哄他，他又會投我所好，約我去特別的餐廳吃好食的。這一晚，他就帶我到了太子一間帆船主題餐廳晚飯啦，餐廳不算很大，卻頗有氣氛的。我們點了一個set dinner，再叫了點小食。Starter是黑椒半燒薄切鮮吞拿魚，吞拿魚以半燒的方式烹調，保留魚的鮮味，而旁邊的沙律菜有點點芥辣味道，酸甜得來多了一個味道層次，很醒胃。湯是意大利鮮牛肝菌泡沫忌廉湯，細滑的忌廉湯帶着濃郁的菌香，還食到粒粒牛肝菌。Main course是炭燒西牙極黑豚架佐無花果肉汁，每次見到餐廳有黑毛豬也想去試試，伴無花果肉汁還是第一次。黑豚架火喉燒得剛好，入口軟稔，沾無花果肉汁吃味道不錯的。另外我們亦點了一個蘋果批，女人有第二個胃嘛，這裏的蘋果批是餐廳推介的，需焗20分鐘。清甜的蘋果肉批配上雲呢拿雪糕，一冷一熱的口感，緩緩融化在口中，感受到一絲絲甜意，你一口我一口，就像戀愛中的情侶，百般滋味。

本身係太子搵地方晚餐，行到旺角警處附近，地點好易搵，就係正七喜對面！門口有個小counter 放左menu, 小裝飾，剛好又想試試西餐，所以就入左去。一開頭待應方排我們二人坐近門口餐枱，但我們一問之下佢地又立即安排入小小餐枱給我們，十分合作，而且態度友善！食物方面也挺有心思同質素，係太子區來講比較少有，因為有質素的可能已經要去尖沙咀地區，先吃八爪魚沙律，個汁好特別，食材新鮮！份量兩位女士剛好，另外我們叫了兩個main, 西冷牛扒配闊麵，闊麵個汁好滑、又不會擺左一陣變乾，好好味！西冷也不錯，熟度適中！同時我們也order 了另一個虎蝦同魚柳，虎蝦雖然只有一隻，但食得出好新鮮，魚柳個底汁好夾、好滑！兩人晚餐大約五百三十元，女仕來說份量可以的，環境衛生，而且不會嘈，傾計也十分舒服！！一定會再同其他女士朋友來！！

1522年9月6日， 由麥哲倫所率領的維多利亞號團隊返抵西班牙，完成了歷史上首次環球航行。而L今晚則跟女友於"維多利亞”…餐廳來一次環遊世界。話說與女友到太子花墟買她心愛的繡球花後又到晚餐時間，無心插柳下留意到松記糖水旁有一間低調外觀又確實難以發現的餐廳。L認為一間餐廳與一個人相似的地方，外觀低調的往往是很有實力的。進門後發現餐廳裝潢以航海為主題，帶點中世紀歐洲的風格。藏紅花茄蓉海鮮湯裡有大蜆、青口、小魷魚、大蝦、椰菜花、洋蔥及番茄。青口同大件都冇沙粒，不得不提的當然是全球最昂貴的香料藏紅花。其珍貴在於產量少而且難收成，是香料中的黃金。氣味特殊而且味道微苦。藏紅花只是因明代由西藏傳入得名，藏紅花真正的起源地是伊朗。西至歐洲，東抵印度中國，漂洋過海，經歷了漫長而有趣的旅程，於旅途中帶給世界各國芬芳。其後阿拉伯人將藏紅花的種植帶入西班牙，演變成今日的海鮮飯。麵包軟熟，配合芝士醬或牛油都是等待上菜時的良伴。原隻澳洲大龍蝦配芝士忌廉汁啖啖肉的蝦肉好多汁，是一種負擔到但奢侈的享受。 蝦肉的鮮味亦沒有因為芝士忌廉汁而蓋過。最後甜品是蘋果批伴雪糕牛奶味雪糕，為這次環球航行劃上一個圓滿的句號。女友提議

放假約了好友見面，係花園街附近見到有一間門面幾有特色既西餐廳。餐廳環境昏暗舒服，靜靜地。播著一些純音樂，氣氛好好。好岩與朋友係度傾計談心，慢慢享受美食。😊-食物選擇都多，餐廳亦好細心 提供食物既相片，等我地可以參考一下！最後我地選擇左一道小食同兩道主菜😉-點完餐，先來一份餐包給我們。😋除左配有牛油，還附上 🧀芝士醬 。😍芝士醬好濃郁，連埋餐包一起吃，比起牛油更加好味！ ！而且餐包食落相當鬆脆可口。-小食：香煎法國鵝肝多士😋鵝肝味好香而且份量都幾大同肥厚！鵝肝煎到外脆內軟。煎得剛剛好，不會話煎到好熟，令到鵝肝好乾。而且一啖食落去，鵝肝油即刻流出，口感相當豐富，好肥美！😍多士吸收左流出的鵝肝油，令到多士更加香口！ 另外配有黑醋沙律，相當開胃，亦可解一解油膩。🙂-主菜（一）🍝：炭燒頂级西冷牛扒配彭馬芝士鮮忌廉寬條麵 🙂這塊西冷牛扒既牛味比一般既煎牛扒味道更加濃烈，食得出有一陣陣既炭燒味道！ 而且牛扒不會過熟。食落肉質好嫩滑，好juicy!而寬條麵以芝士鮮忌廉汁煮成，食落芝士味好重，好濃郁！！忌廉汁更令到寬條麵好 creamy，好滑! 😋好好味！-主菜（二）：鮮蟹肉海膽藏紅花忌廉飯🍝望落相當吸

早前為了迎接新年，經常到花墟逛逛打算購置年花。逛街後少不免醫醫肚，就在鄰近花墟的街道，讓我發現了這間「Victoria Restaurant」。餐飲我點了一杯凍檸茶，糖漿是另上，可以按自己的喜好調整甜度；茶香充足，味道不錯。先點了一份小食，就是半燒薄切吞拿魚柳。除了主角吞拿魚柳，碟邊還有清新的沙律菜🥗半熟的口感更有層次感，外層熟了的吞拿魚柳口感帶點鬆軟，內裡的生吞拿魚柳則口感較軟，有種溶化的感覺面層的醬汁帶有芥末味，只是略嫌醬汁有點多，建議先把醬汁撥開再品嚐吞拿魚柳，不然會覆蓋了魚柳的味道。我選擇加$58配上餐湯和餐飲，只因這藏紅花茄蓉海鮮清湯對身體健康有很大的作用。當中的藏紅花對調理女性週期有不少益處，更有養顏功效，可以一試。麵包籃有香脆的麵包配著餐湯享用，最特別是配備的醬料是芝士醬，一揮平日沈悶的配搭。是晚主菜我點了安格斯肉眼排，配菜有烤菇和焗薯等。牛排的份量不錯，只是表面的調味放得有點多而令到味道有點鹹，可以先撥開面上的調味再品嚐牛排，這樣更能嚐到牛排的原味。牛排內部的肉質呈粉紅色，熟成程度控制得不錯，能夠保留鬆軟的肉感。整頓晚餐下來，我留意到店員會一道道菜慢慢地上，不會一窩蜂上

旺角，人多車多，加埋大媽獻唱，真係不敢恭維。所以我A姐真係好少去旺角，反而會選擇去過少少嘅太子，喺街角小巷尋寶，搵到好多特色小店。今日，就去試一試Victoria Restaurant。主菜加38蚊就可以轉餐，有湯，麵包同飲品，非常划算。意大利鮮牛肝菌泡沫忌廉湯嘩！一嚟到，就聞到好香菇味。入口香滑，好Creamy，仲有六七片磨菇，又有得飲，又有嘢咬下，口感豐富，好足料。特色麵包三款麵包都係暖笠笠，而且仲好脆口，香草味濃，配埋個湯，Perfect！黑豚鞍架伴無花果肉汁厚切黑豚鞍架，啖啖肉，爽口肉汁豐富，最鍾意邊位嘅脂肪，好香油脂味，點埋甜甜哋嘅無花果汁，吊出豚肉嘅鮮味。配菜一樣吸引，薯仔連皮烤焗，非常香口，青瓜同雞肶菇加入香草，烤得啱啱好。燒檸香脆皮地中海黃油雞半隻黃油雞，燒到啱啱好，外皮香脆，裏面嘅雞肉啱啱熟，嫩滑多汁，不過唔係好覺有檸檬味，似普通燒雞。配菜同極黑豚鞍架一樣，正。By A姐M佬 玩樂日記（記住Like同Share畀朋友）

有晚朋友約左我黎呢度食飯店內唔算好大，但環境同裝修都唔錯，氣氛幾好啵當晚我地揀左個Chef Recommended 既“西冷牛扒配忌廉芝士闊條麵”HKd168+10%同要左份“燒焗芥末脆皮澳洲羊鞍扒”HKd$198+10%，然後再加38蚊轉做跟湯既套餐先黎既係奉送既麵包籃同牛肝菌忌廉湯個湯香滑得黎又夠熱，仲有好濃郁既菇菌味，朋友試左啖之後就即刻散點一碗，話要獨自嘆返碗嘆完個濃郁香滑既忌廉湯之後，我地既pasta都隨即呈上牛扒雖然唔係厚切，但有一整塊，計埋有成八大片，份量一啲都唔少！！！食落既味道都唔錯，肉腍無筋，而闊條麵亦能掛上滿滿既芝士忌廉汁之後既主菜羊鞍既份量更加唔野少，呢四件羊鞍都係厚切又大塊羊鞍燒焗既程度掌握得岩岩好，色澤粉嫩亦無多餘既血水食落肉質香軟，連同邊位既羊脂一同吃下，羊香既滋味在口腔散發，確為滋味而伴旁既薯菜也同樣燒至惹味最後飲埋呢杯帶酸解膩既lemon teaaa，咁就又係一個great night 啦

忙完一輪終於有長假放～但屋企嘅遊戲唔足以慰藉我空虛嘅心靈，所以去旺角物色一堆順便係附近食個晚飯再反屋企大戰途經一間西餐廳，門口望落好有氣氛就比佢吸引左入去店入面嘅裝修佈置以船艙設計，牆上擺滿海圖船舵等等，更加有氣氛前排食過一次黑毛豬之後驚為天人，所以今次見set dinner有炭燒西班牙黑毛豚架，二話不說就點咗落去先上頭盤法國鵝肝～鵝肝美味之處在於佢入口即溶，仲有淋係上面甜甜既蜜糖，又甜又香，可惜係火候控制方面，表面煎得老咗少少伴鵝肝仲有沙律菜，蔬菜新鮮爽口值得一讚，不過黑醋有啲酸餐湯牛肝菌忌廉湯，忌廉湯有淡淡嘅黑松露香味又唔會好嗆，湯入面仲有好多牛肝菌肉，同鵝肝一樣入口即溶，味道甘甜軟滑值得一試期特左好耐既主菜黑毛豬架終於隨住飄香上枱～肉質結實肥美，啖啖都充滿油香肉味，仲有微微既甜味，非常美味最後一個跟餐甜品芝士蛋糕作終結，食飽飽反去大戰360個回合

仲有幾日就過年了，放工撲左去花墟，打算入番盤靚水仙同蘭花賀新春。點知人多到爆，離遠已經見到人山人海，湧入花墟果條窄窄的巷仔。見勢色唔對，我地當機立斷，一於响附近醫左肚先，打算等之後人潮散左再去。行行下見到一間餐廳好似幾好，門口仲大大塊招牌寫住$688 for two 情人節套餐，有沙律、有餐湯、有主菜、有甜品仲要各兩款真係好抵喎。佢格局似傳統西餐，但都冇就住呢個《掠水節》趁火打劫，認真抵讚。雖然未到情人節，但係我哋都俾佢吸引，入左去試吓。  時間尚早啱啱好唔使等位，個場唔太大，但係都舒適好坐。裝修好雅緻，牆上面有好多船，令人感覺好似置身中古時代船艙裏面食野咁，氣氛一流。望望餐牌，我最喜愛的牛同羊都 sold out，咁今日唯有鋸豬了，我地仲叫左幾款嘢食一齊share。首先是餐湯同餐包有驚喜喎！個湯好濃好重料，一放低已經聞到，有好濃郁的牛肝菌味餐包係麵包條同脆口麵包片，配上芝士醬，一流。麵包用來點湯都唔錯，如果份量多DD就正啦！呢個沙律很特別，除左沙律菜之外仲加左芝士粒粒 (feta cheese?) ，仲有香味格外特別之青橄㰖，加上沙律油之調味 ，清新健康又開胃，同一般響香港食到的唔同

今日係我同男友既週年紀念，梗係要食番個西餐浪漫下😚順便想去花墟公園行埋年宵，所以就黎左太子搵食。環境細細但滿有情調，裝橫帶點古典味道。燈光暗暗的，但枱上有燭光作點綴。不過咁啱無位要坐四人枱，同隔離緊貼住，稍欠私隱度。掙扎左好耐食乜😆黑豚架一早鎖定要食，咁梗係叫set dinner啦。不過想食意粉但佢又無set, 雖然可以加湯，但少左套餐既前菜，飲品，湯同甜品。癈事兩個人爭野食，最後都係叫左兩個set.✨黑椒半燒薄切鮮吞拿魚：作為前菜已經充滿驚喜，面頭超多洋蔥碎，加上酸酸地既汁同辣辣地既黑椒～配埋吞拿魚真係超好味👍🏻個汁我勁鍾意，味道好開胃好豐富，撈埋沙律菜very good✨香煎法國鵝肝伴蜜糖香桃：我未食過鵝肝多士個鵝肝係超級大舊！😭真係好邪惡，雖然講過唔食鵝肝因為覺得d 鵝好慘，但男友叫左又忍唔住食晒，好罪咎。。個鵝肝煎到帶點脆身，真係好肥美甘香😍，下面個包亦都非常鬆脆。食食下有點漏，不過好彩有個沙律中和下，蜜桃唔係好多，我無食到添😢✨意大利鮮牛肝菌泡沫忌廉湯：呢個湯真係可以用超級滑黎形容！散發淡淡菇菌味，入面仲有d 菌粒。個人覺得味道可以濃番d, 不過真係非常高質，好耐無飲過咁滑既

餐廳係一間充滿歐陸風情嘅小木屋，喺太子花園街呢條舊區中嘅老街顯得份外突出。室內裝潢如出一轍，木枱木櫈加上暖色吊燈，配上柔和輕音樂，俾到食客一種溫暖感覺。兩人叫左一個Set Dinner同一個主食。Set Dinner $358 包括頭盤、湯、主菜，奉送是日甜品。【香煎法國鵝肝伴蜜糖香桃沙律】未上菜前以為前菜只係細細件薄薄地嘅鵝肝，我錯鳥。鵝肝有大半隻掌心嘅尺寸，而且夠厚，底下仲有層鬆脆多士。鵝肝皮煎得香脆，內裡口感軟滑，帶少少羶味，最正係爆油嗰種感覺。跟餐除咗麵包仲有兩條麵包條，最特別係有軟滑芝士醬，唔係次次牛油咁悶～【意大利鮮牛肝菌泡沫忌廉湯】唔見有泡沫，不過忌廉湯軟滑creamy。濃濃嘅菇菌味，上面再加咗香蔥提味，相當唔錯。【炭燒西班牙極黑豚架佐無花果肉汁】極高質嘅豬鞍，無需要燒到全熟，就係為咗食佢嘅Juicy同質感。豚肉輕輕兩下就可以切開，見到肉質粉嫩再帶點肥美，油脂加肉汁混合，非常美味。炭燒味道就唔夠出，不過豚架上面鋪滿香蔥同香草，倍添美味。是日甜品係【芝士蛋糕】，我覺得好好食。【炭燒頂級西冷牛扒配彭馬芝士鮮忌廉寬條麵$168】牛扒大約五成熟，肉味豐富，最出色係牛扒下面擺咗條百

收工之後去咗花墟揀定兩盤靚年桔俾阿媽，同埋訂定情人節花俾Honey，然後去接埋Honey 去吃飯。又行番去花園街，貪呢邊閒閒地有幾十間嘢俾Honey 去選擇。Honey 覺得呢間門面係成條街至靚嘅一間，就揀咗入去食晚餐。 入到去，仲靚!佈置以歐洲舊式帆船為主題。無論是燈飾、掛畫、其他擺設，甚至播放著的音樂都很講究。坐在這裡吃飯，就好似電影橋段中，到了上兩個世紀，坐在歐洲遠洋船吃晚餐，好有 feel。 我哋點了一份晚餐套餐和一份前菜一齊吃。晚餐套餐是【炭燒澳洲M6霜降西冷牛扒佐牛肝菌燒汁】，有餐湯、主菜和咖啡，而前菜是【黑椒半燒薄切鮮吞拿柳】，另外，餐廳奉送 House Bread。 【牛肝菌忌廉湯】個湯好 creamy，牛肝菌味道很濃郁，很香滑，很好飲。 【House Bread】麵包是自家製，好脆，好食。 【車士打芝士】這個芝士實在出色，很香濃，好好味。我哋仲同靚女 waitress 講，啲麵包好好食添。估唔到，之後，老闆娘親自送多份麵包和車士打芝士俾我哋食，很感激!前菜【黑椒半燒薄切鮮吞拿柳】賣相好靚，一邊是沙律菜，另一邊是吞拿魚。 吞拿魚柳燒至半熟，外皮佈滿黑椒粒。很奇怪，食落唔