維港冰室

Open Now

Now Closed

【灣仔區】【維港冰室】喺會展站落成之後，經常都有由會展站行落灣仔或者銅鑼灣嘅機會。咁喺行杜老誌道入灣仔嘅時候，見到呢間茶餐廳好顯眼。但係一直都只係經過而因為各有唔同嘅事要做而冇入去食嘢，今次終於的起心肝，走入去食吓佢。見到下午茶餐第一個餐就係 $48 嘅「維港第一菠」，個餐牌整到佢好似係全間餐廳嘅招牌菜咁，咁就食吓佢啦。佢係一個好大嘅菠蘿包，夾住煙肉、芝士、炒蛋、火腿、沙律菜同埋鮮茄，上菜嘅時候見到覺得佢真係幾大個。味道方面，我逐樣嘢拆開食，都唔錯嘅。而個菠蘿包本身都香脆又夠甜，睇個勢本身都係幾好食嘅。而佢塊包係有搽牛油稍為煎過吓嘅，所以就算分開食都唔會太單調。飲品係加 $3 嘅「凍奶茶」，唔算好飲，稍嫌茶味偏淡。就咁咁樣就食完，讀者們就梗係唔會放過我。補多 $8 要多件「蛋撻」，啱啱我叫嘅時候就遇著佢新鮮出爐，因此隻蛋撻係超級勁爆熱嘅。而呢件咁熱嘅蛋撻係酥皮嘅，香脆值爆燈。不過佢個蛋香其實唔算好出，係贏溫度。叫埋 $26 嘅「法蘭西多士」，見到隔離枱叫係用韓國糖漿，果斷地叫佢用煉奶上，味道都 okay，係有夾花生醬嘅。咁樣夾埋就食咗我 $85，冇計，都叫做食咗三樣嘢。而我見在座都幾多

如果想快快脆脆食個午餐再開工，咁就要嚟維港冰室😆因為佢哋嘅送餐速度非常快，如果你中午午餐趕時間，呢間餐廳一叫即到簡直一流。另外佢哋仲有新鮮出爐嘅麵包店，你哋路過都可以淨係買個包繼續上路。佢哋嘅麵包真係有半個頭咁大㗎！真係好厲害😋見到都想食。我同我嘅朋友呢，就最鍾意喺度食佢嘅常餐。因為佢嘅常餐份量適中，味道OK，最得意嘅係有時佢係會跟普通餐包，有時會係班蘭味餐包，有時係會跟菠蘿包。 🍞🥯🥐 如果你係麵包控，記得過嚟試一次啦！

22/4 今天與友人想著一同試這餐廳的飽點是否很好吃。一入場時餐廳內相對人流比較多。我們也要搭檯才能有座位。當我們坐低後。侍應連一杯水都沒有送上。 都不緊要。送餐飲時。我們當時叫了一個椰絲包，檸檬撻，凍檸茶及凍朱古力。當送上朱古力時候。竟然在我的身後即是背部送上。即時有機會淋在我的身上。雖然我們消費不是太高。但都希望服務態度保比較好的水準。這樣令食客很不安心。去到收銀處付款時。當是是一名女收銀員。態度嚴重欠佳。當八達通未過數時。已黑面離開坐位。連一句謝謝都沒有。總括而言。這一次經歷很不輸快。食物水準還可以。服務態度有待改善。

早上叫個早餐，語氣就好似差佢錢咁，“食咩！……係咁！”勁大聲cut線。食物再好食都唔願意比錢買難受👎👎👎平時堂食，埋單個陣，仲經常black面，覺得你快食完好走。

成日都見客人喺門口排晒隊等入座相信食物製作認真係多回頭客嘅主要原因下午茶嘅份量並無因為係下午茶而變得細份好多好似我哋咁當晚餐食份量都好足夠先嚟一個咖喱牛筋腩飯有少少辣牛腩炆得好琳都有好幾嚿牛筋再嚟一個乾炒牛河牛肉嘅份量都頗多比較油不過叫得呢碟都要豁出去 凍檸茶質素高檸檬同茶都一樣咁香灣仔區又一抵食嘅下午茶唯一要改善嘅地方就係衛生問題每次去幫襯個地下都比較污糟相信係之前客人跌落地下嘅食物明白呢啲多係客人質素嘅問題希望餐廳都可以多加清理

店名: 維港冰室 地址:灣仔軒尼詩道303號協成行灣仔中心地下B號舖灣仔站A2出口，行6分鐘環境: 4/5價錢:4/5味道: 4/5常餐: 冬蔭公肥牛湯米粉/葱油瑞士雞翼撈公仔麵配火腿香滑炒蛋+自家製餐包，熱飲$57/$56常餐好大份，包一個湯加炒蛋火腿同餐包冬蔭公湯好入味，同出面泰國餐廳嘅味道十足十😋肥牛唔會話得肥膏無肉，仲有好多秀珍菇🤩瑞士雞翼好入味好大隻，同出面茶餐廳瘦猛猛嘅形成好大對比炒蛋擺盤好靚，好大陣奶香同牛油味🧈餐包就係紫色嘅，估計係芋頭味，雖然食唔出咩味😂熱奶茶好出色，好濃茶味，好香😚總括來說，食物份量超大，個麵已經同出面一樣份量，仲有炒蛋餐包，一個人食會超飽🙈#stitchfoodie灣仔#foodie #香港美食 #美食推介 #港島美食 #九龍美食 #食好西 #香港吃貨 #打卡美食 #生日好去處 #拍拖好去處 #香港食評 #香港餐廳推介 #香港小食 #香港甜品 #香港西餐 #香港中菜 #香港泰菜 #香港日本菜 #炸雞 #放題 #火鍋 #打邊爐 #香港拉麵 #香港川菜 #香港台灣菜 #珍奶 #吃貨 #hkcafe #香港越南菜

脆脆魚柳伴德國腸配火腿香滑炒蛋+自家製餐包個餐包係新鮮既提子包，好香好鬆軟。德國腸係一條好長既脆皮腸，味道都係脆皮腸咁既味。滑蛋是一個球既形狀，食落多汁滑溜，可以夾落餐包到食增加層次感。火腿有兩塊，不過不失。沙律加左醋，酸酸地都幾清新。吉列魚柳好似手掌咁大塊，好脆既，用蛋漿同木糠包埋先炸，魚都有汁，佢配咗一兜芝麻醬，如果將啲魚柳點落去好好食😋。個奶茶係香濃幼滑的，幾好飲。成個早餐都好飽，食完可以唔洗食午餐都得。店內的人服務態度都唔錯，會好貼心咁幫客人安排坐位及服務客人。#維港冰室 #魚柳 #炒蛋 #餐包 #德國腸 #奶茶 #早餐

由一開業都keep住幫襯，食物味道唔錯，但係服務態度一日差過一日，人多時，我哋都識做，快快脆脆俾張枱你，但係連抹咀戴口罩嘅時間都唔俾，就話叫d人入嚟，我哋話等多兩分鐘，完全唔理，叫客入嚟望住我哋。搞到我哋好似走佬甘，攞住口罩抱住件外套同袋，離開張枱。快餐文化，我冇預茶餐廳服務要幾好，但係唔洗趕客啊…

本人絕對明白午餐繁忙時間，但無理由食完個飯就走掛！我坐低只不個20分鐘，食完飯仲有大杯嘢飲未飲晒，就過嚟同我講出面有客等緊叫我走，杯嘢明顯仲未飲晒佢問我要唔要，真係可笑。我從未試過這樣體驗，超級差！

好食！好有心思！值得再去！好友推薦冰室，話去灣仔一定要去試下。食著常餐A餐，冬蔭公肥牛湯米，聽落幾有新意囉！比較其他冰室，好有心思囉。食落好好味，份量大小岩岩好，淨係掛住食，唔記得影相喔。炒蛋嫩、鬆、滑、鹹甜有致、微微蛋香，樣又好睇。仲有自家製架餐包，有一層黑白芝麻，滿滿芝麻香。門口有新鮮出爐架菠蘿油同埋蛋撻都好吸引哈，值得幫襯，下次再試埋。仲有冰室常見架沙嗲牛，下次都要一次過試勻！室內環境舒適，乾淨，亮堂，餐廳服務態度又好好！

中午從酒店來到這家冰室食午餐,第一次光顧. 抱着很大期望,點了一個708香煎砵酒牛脷, 後來被告訴沒有牛脷,改了706紅酒燒汁雜扒,加一杯椰果紅豆冰. 食完飯飲冰的時候發现椰果咬唔爛,將椰果用手把水份壓出后, 椰果變成扁平狀, 懷疑係紙做嘅,冰室伙記話係罐頭椰果, 老板話係新鮮罐頭.（第一次聽,罐頭都有新鮮？） 後來老板話可以換成紅豆冰, 結果無換杯新嘅紅豆冰,只係價錢換了紅豆冰嘅價錢😡. 無下次生意,差評

下午行過見到佢門口擺左好多麵包，吸引左我入去食。午餐 - 海南雞飯見隔離枱好多都叫海南雞飯，我都試一試，午餐亦有湯有嘢飲。雞好滑，雞皮厚，飯唔係普通白飯，係油飯，但油飯唔會好油好重味，唔錯。我叫多左個菠蘿包食個菠蘿包好大個😂但覺得一般總結 覺得可以試吓，有樣嘢覺得要改善，就係其實張枱唔大，但佢地見到空碟唔會主動收，2次都係叫出聲先收。

已來個好多次食早餐，次次個馬尾4眼女人，也問幾多位，以為你兩人入，即大聲呼喝話卡位要3人以上，隔離個侍應答3人，先用不服嘅眼神啤你才會收聲。今日再去，話兩個人，早我們入的一個人，就坐4人卡位，我們就安排坐2位，隔離係廚房出入口兼有好多貨叠高，變相其中一個位嘅右邊係密籠，即係得2／3個枱食得。一話等第二張卡位，即大大聲叫你唔好企呢度，出去門口企，再行出去開埋門，拉繩望住你，嘑企呢企(用討厭嫌棄嘅態度)，咁嘅服務態度，劉天王都話唔掂，梗係走人啦。完全係痴線嘅服務。

好多人幫襯，企理光猛。餐廳播熟悉的舊時嘅廣東歌，真係好有街坊親切感。叫咗個招牌維港包，賣相很好，味道可以。奶茶正常好飲。另外見到隔離台點咗菠蘿油$14 超大個。下次再試！

食左好多間茶餐廳下午茶，呢間嘅雞脾沙律真夠誠意，生炸雞脾好夠味，炸得脆而唔焦，配上沙律菜，沙律都唔hea,內有菠蘿，青瓜，蘋果，薯仔，仲用個炸米紙裝住，色香味俱全。