一越越南餐廳

Open Now

Now Closed

價值$50 嘅扎肉飯，根本就係白飯一碟，附加5塊扎肉，一滴汁都冇，仲要完全冇味！要自己用豉油撈飯先勉強食到。真係好意思拎碟咁嘅飯岀黎收錢！簡直中晒伏！不可一，不可再！

去開屯門碼頭，行過啟豐商場，見到有間一越，第一次食呢間，環境乾淨企理，睇落坐得舒服，即管入去試下。因為天氣悶熱，完成唔想食飯，食撈檬岩胃口，上菜速度都快，同朋友傾左陣，已經送上飲品，冰凍椰子冰冰，即刻消暑解渴，越式雞翼撈檬，雞翼熱辣脆口，撈檬都好足料，啖啖青瓜生菜，朋友叫豬扒飯，見佢食到清碟，應該都不失禮，大碟又夾抵食，我們叫了小食，炸蝦餅夠正宗，即炸即送上枱，朋友一人一件，份量岩岩的好，最後比錢有驚喜，有靚靚收銀姐姐。

原先諗住幫襯李錦基食好越南野，點知執咗，舊舖新店又係買越南野，入去餐牌又同舊時差不多，結果中晒伏。叫咗李錦基招牌咖喱雞河，上枱時買相似無似樣，點知咖喱味淡如水，只係有d黃色嘅淡咖喱同埋一件件充滿碎骨嘅雞件，差d食雞食到碎雞骨入肚。另外點咗燒豬肉飯，葱油同豬肉都幾好，係個飯，個飯令我聯想起幾廿年前番鄉下食嗰d米飯，無飯香而只有朕朕糠味，唔係臭，但食得出d米擺咗好耐同埋係平米。以上兩碗全部在水準之下，如果想食番「李錦基」嘅出品，只能說一句：『往事不能回味了』，本人以後再唔駛山長水遠地到屯門碼頭搵越南野食。