越泰 (Closed)

打風星期日探朋友去食飯，來到越泰，客人唔多，侍應帶我地坐卡位。餐牌上推介沙嗲，我又鍾意食沙嗲，所以叫咗沙嗲河試下。點知中伏！個沙嗲完全唔香、冇味、仲"杰撻撻" 漿住晒 😵！一般茶記既沙嗲比佢仲香仲有味，唔明點解係推介 🙄！點餐飲時我冇睇餐牌，就咁叫兩杯熱奶茶，點知個經理好悔氣又大聲咁話佢地冇港式嘢飲！結果點咗兩杯甜過糖水既特飲 😒！到俾錢時我問一句收唔收咭？個經理又係大聲夾悔氣話只收八達通同現金。其實間餐廳咁靜，我對耳又冇事，使唔使咁惡咁大聲先😤！兩個人都食得唔開心，難食或者係打風個櫉冇返工卦？不過個經理(黑衫黑褲)態度咁差，點解去食嘢要去受佢氣😤？！

餐廳內算多位， 有卡位有圓桌， 午飯時間不算太滿。 我坐了入卡位， 但感覺好吾舒服， 桌子同卡位凳太迫喇！我叫了生牛肉腩片湯河， 碗大但份量吾大， 生牛肉片及牛腩片份量好少， 牛腩吾算肥👍🏽， 但真係味道一般。成碗河粉冇越南河既香味， 當然湯底亦好一般貨式👎🏾， 完全食吾到湯底有牛骨熬完湯及香料味！芽菜得果幾條仔，九層塔一食就食到吾新鮮and 只有一至兩片很小的葉子！店員給我辣椒及青檸， 辣椒得4小粒， 青檸只有1/3粒，半粒青檸都冇！！Lunch set 有熱飲品， 我+3蚊叫了凍青檸水， 超重糖， 好似飲糖水甘！👎🏾

難得有時間同呀哥呀嫂食下午茶，一向無民主，呀哥話事，間店光線夠充足，夠乾淨，下午茶時段唔多人可以慢慢坐。順化香茅雞翼飯42元，分量大唔怕唔飽，雞翼夠味但唔鹹，無雪味。下午茶餐加28元升級優惠泰式豬頸肉，份量夠，肉質唔太肥又唔會乾，蒜片炸得夠香，好味。順化香茅豬扒撈檬38元，豬扒一般，唔係一件過，大細不一，外觀唔好，還有些韌。下午茶餐加22元有四件蝦餅，個面炸得過左火好乾加28元餐飲轉泰式原個菠蘿冰，實物超大，超冰甜，正。

肥矮男經理對大班大陸客招呼周到，大大聲同下屬講招呼大陸人好過香港人，又讚人地豪爽，叫左好多野食，跟住指住一個港人話，好過招呼lee d 一條友，果個人肯定都聽倒，到班大陸客走左又笑人地衣著，仲講晒粗口！

午餐時段光顧，服務員吹趕點餐時要點飲品，我喜歡飲熱飲，我向目無表情的服務員表示用餐完畢後才點，她面色變黑，還說她覺得會快d。其實，我不趕時間。此時心知不妙，這店是趕客之店，這店經營之道是客人快快手吃完快餐，黑面女侍應看準客人用餐完畢後立即便開口要顧客起身交檯。我環看四周，其實是有“吉“檯。咖喱牛好硬，不值一試。其他食物，不特出，不要有期望。服務態度差，食物沒有特別，亦沒有主題，是趕客之道。致命不再回頭光顧的原因是客人覺得不愉快，單方面只顧收錢，客人絕不考慮再光顧！

星期六嘅下晝同朋友食個快lunch ,見到呢間有位於是就入去打算食個快lunch ,再繼續活動！預計都係茶餐廳質素，每個餐五十幾元至六十幾！都不是很大期望！我叫了生牛肉牛腩片河粉，朋友叫了豬仔脾飯！再叫炸蝦餅、泰式鳳爪等等。再叫咗滴漏咖啡試一試！怎料一到賣相已經十分吸引！豬仔比好靚，食落充滿骨膠原，我當然搶了來食，味道入味十分不錯！至於我的生牛肉牛腩片河粉，也沒有失望，湯底味道很好，在天氣凍的這天實在是很好的選擇，食落全身暖晒！值得一提的是滴漏咖啡，咖啡味濃郁，令我諗起越南的咖啡啊！這個快lunch實在食得很開心，我們沒有選錯餐廳喎！

Craving for some nice soupy noodles? This would be a great place. The beef noodle was delicious! Wouldn't have mind more vege with it...but good enough.

朋友搬去炮台山都有一段時間，終於都有時間去參觀下。樓下餐廳未算多，經過越泰覺得裝飾唔錯就入咗去。由於人不多，所以有卡位坐，又幾大幾舒適下。雖然離下午茶時候仲有三個字到，我地要店員都照俾menu。下午茶餐加廿零蚊就有多樣餸，都幾抵喎，要咗泰式豬頸肉。比起湯河，我就鐘意撈檬多啲。雞翼豬扒就成日食，好耐無食牛啦。上碟之後好驚好啵！出乎意料的大份，配料十分之充足，絕對飽肚。檬粉爽口，跟返脆卜卜的甘荀同青瓜，清新唔油膩。而豬頸肉也不會隨意唬弄，份量誠意十足，味道就更加真誠啦！片片肉大塊而厚身，肥而不膩，肉汁多多，又脆又彈牙，不愧是我的最愛。每枱有提供sriracha辣椒醬！！之前係美國都有食過，我幾鐘意呢種口味，個人覺得綠色果款會酸啲。隨住愈來愈多人入黎食下午茶，發覺好多人都有跟餐加豬頸肉，的確係好味嘅，又抵食。

We have been here twice for dinner. Both times the food came out very fast. The Pho before the appetizer. We will certainly go again, the food and service are good.

以前曾经來过，不太差。昨天想再去，结果非常不愉快！昨天大约兩点半，已经过了午市繁忙时段，餐廳內仍有客人，有一半是空桌....我選了靠窗的卡座，待應生説有客人的只是去了洗手间……他们点着靠出菜位的一四人桌叫我坐下。我看了回，问他们可否坐靠角落的卡座...一名白上衣的女待應說"那是四人的"...黑着脸硬指着原本的位置要我坐下...那我于是説"這樣不吃了"...這女待應竟然一臉得意的説“好呀，拜拜”...真是倒老板的米！

囗痕痕入左越泰，食番餐下午茶我呢碗湯河，湯底濃郁，好香牛香，加埋蔥及莞茜，十分香口河粉幼滑，咬囗有彈性，吸左湯味，好開胃，不過份量一般，細嚐一流香茅豬扒切開一件件，肉林味香，炸得鬆化，唔錯

下午茶是屬於懶人的週末日間餐若想早午餐一併吃，那就來對地方了，這裡能帶給你既飽肚又賞心悅目的進餐時光沒記錯的話，下午茶時段兩點半準時開始，價錢比午市便宜得多！該時段可單點湯河、撈檬等主食配飲品，亦有套餐供選擇，即額外加錢有不同小食。一行兩人，各自有了心儀的主食和飲品後，加價點了一份豬頸肉share。拒絕生食的朋友們毋需顧慮「生牛肉」三字，侍應送來時，牛肉已全熟還未開口品嚐，香茅的獨特味道已向鼻尖襲來，食慾瞬間大開，不由自主地拿起筷子湯河中的金邊粉與港式河粉不同，形狀一細一粗，且前者黏度似乎更高且偏粉質。即使在湯水中，仍常凝成塊，開動前不妨用筷子撥散它們確保每一條麵與湯汁充分接觸，增加金邊粉的濕度與味道，減少結塊造成的彈牙。舀一口湯，彷彿整碗生牛肉湯河的精華聚於脣齒，滿是牛肉熬煉出的鮮甜味，捨不得嚥下。之後便是機械式地一口接一口喝湯，恨不得把湯勺變大，一次性喝個夠青檸和辣椒之於這碗湯河，頗有點睛的效果。擠上幾滴青檸汁、放上極少許辣椒，微微拌勻，豐富了牛肉湯頭的層次可別小看辣椒的辣度！若不擅吃辣，千萬別放太多。撈檬絕對是高顏值的代表味道和擺盤一樣好。淋上大量酸甜汁，拌勻各味配料，菜的清新、

好耐都無嚟過呢頭食午餐，呢個位期實成日都轉唔同餐廳，所以都沒有抱太大期望。三點幾己過午餐時間，但都有五成坐滿。剛好可以order 茶餐，每個餐三十幾至五十幾蚊包一杯飲品，價錢都算合理。加十至二十幾蚊仲可以加小食。值得一提係佢哋個越南炸春卷，呢度啲春卷好食過其他大名氣嗰啲餐廳。上枱時熱辣辣，餡料又多又新鮮，炸得好脆。初頭入嚟無乜其望會食到好嘢，呢個炸春卷給我一個驚喜！

第二次黎食下午茶，兩次水準都ok，沒有太大分別，環境都算幾舒服，會播住d唔知係泰文歌定咩歌，幾有feel生牛肉河粉，味道ok，但唔知係咪因為下午茶關系，牛肉小左d。凍峰密柚子茶，正常，都算大杯。牆身掛畫

晏晝同同事去左呢間食lunch，因為都兩點幾所以有下午茶餐，我們兩人嗌左一個冇骨豬脾飯同冇骨海南鷄飯share食，仲嗌多個春圈添。先講講豬脾飯，雖然有啲肥，但食落好滑，味道都幾好，抵讚。再講個海南雞飯，餐牌話冇骨海南雞，先唔理佢正宗係咪用雞脾肉先，黎到面頭隻雞亦都算，但仲要有骨，同埋有唔少毛，真係有啲接受唔到，跟住到個油飯，完全唔夠味，呢樣就真係好失望。至於春圈就冇咩特別。