樺得園 (Closed)

💛Keto-friendly推介💛幾可出街可以食到生酮🍔仲有金文拔芝士-Keto All Day Breakfast 🍳 $58生酮麵包+煙肉+炒滑蛋+沙律菜 驚唔夠飽既酮友仲可以加配埋雞/牛/豬-生酮麵包🥯主要成份係洋車前子、亞麻籽、奇亞籽、杏仁粉標榜No Sugar, No Starch，可以安心食～我相信大家都好怕生酮包入面濕濕地痴住痴住既口感（你懂的）🥯對半切開後再焗，外皮相對焗完乾身帶少脆而內層既質地都唔算濕身，值得一讚口感唔錯但由於佢成份係洋車前子果類粉組成，所以味道都係偏典型生酮包既口味以呢個價錢黎講，值😌仲可以零售幾個翻屋企做早餐 $17/1🥯-除左生酮包之外，金文拔芝士牛肉漢堡一定要食‼️🍔💕 $98上下各一層厚厚既Camembert Cheese夾住兩層牛肉漢堡再加多兩塊芝士，Total四層芝士兩層肉😱😱😱上下兩層金文拔半溶狀態 ，牛肉Juicy，再夾埋大量🥗呢個Burger真心超正🤤🤤諗起而加想再去食😛芝士食肉獸點能抗拒😛

九龍城一向都好多野食 但最吸引我嘅就係呢間burger 價錢比出面平三成左右 但味道係不相伯仲 店舖12點準時開門 未夠12點已經幾枱客等緊包括我 經上一次食黑椒牛堡 今次食英式腸拼牛肉(100g)漢堡💰68 Set lunch仲有忌廉蘑菇湯再有多杯餐飲 我嗌咗咖啡 但就一般般主角依然係burger 肉質juicy 加上最愛pickles 酸酸地 好開胃 上碟嘅時候仲會比埋burger紙 方便食客包住成個包食 唔洗食得咁狼狽 好細心

嚟到九龍城唔係剩係得泰國菜食架🤩—————————————————————大西北牛牛又出城啦🐂講真！一講起九龍城最先一定會諗到泰國素食！但原來仲有間Burger啱晒葷素素人去食架🤘🏻就係樺得園啦～ 今期佢地同Impossible Food合作～嚟慶一慶國際漢堡日😽得素食寶寶都感受到哩個氣氛～.🍔Impossible 金文拔芝士漢堡（$98)哩個包係冇麵包的！！係用左金文拔芝士做包皮！！入面係有洋蔥芝士生菜🥳多重口感咬入口唔算太漏但因為係芝士所以係淋淋的～打卡一流☺️👩‍❤️‍💋‍👩.🌭Impossible 黑松露雜菌熱狗 （$123)鍾意食熱狗嘅不要錯過！無論係肉食定素食寶寶🤘🏻幾有驚喜～一嚟平時冇咩地方會有🥂二嚟佢個味認真good個包脆胞的不在話下～impossible腸腸咬落去都會有juicy感覺下面仲有黑松露菇菇加埋上面啲芥末番茄芝士 正呀喂～.🍔Impossible 大烤菇漢堡 （$113)哩個都算係素食漢堡界嘅Classic款😂大啡菇但係-堅-係-正！佢個包包烤過嚟所以特別脆入面個菇切開唔會大出水！（加分）仲加埋佢地嘅秘制醬汁酸瓜醬 好開胃！.🍟🍟🍟🍟佢地啲薯條全部即叫即炸～好脆

今次已是第N次光顧此小店的外賣自取，當初因疫情關係多了叫外賣，無意間揀中此店一試，然後再介紹給家人，家人亦很喜歡，今次慶祝親友生日，一於再次光顧，等大家可大快朵頤。由於已多次光顧，今次大家都主打和牛漢堡，上次試過近江和牛，試咗比較軟身的飛驒和牛，肉質柔軟，口感極佳，再加上不同配料，實在美味。多種選揀的食品，加上優質食材，再加此等價錢，的極係值得支持。由於每次都只顧開餐，所以冇影到相，有機會影咗相再同大家分享。

午餐本要有飯氣，但偶爾嚼飽亦無妨。W Burger 在九龍城區已經一段時間，亦穩得住腳。有很多選擇，叫了磨菇芝士牛肉漢堡 。以前食得很吝盡，左邊滴汁右邊滴醬，今回有如信封套紙作托底，方便很多。麵包頂如磨菇的神態，以為是大磨菇，原來暗藏小磨菇，牛肉肉質很柔軟，不黏牙，肉汁很美味，飽的體積剛巧，不用以前張大口也放不下，食得非常狼狽。侍應服務很好，態度誠懇。因為坐近門口，大門一開一合，飽受暖悶風的煎熬，旁人說可否加多半杯凍檸茶作補償，侍應二話不說，即到之餘，更逢上十萬個不是。這是儲蓄回頭客的基本禮儀與技巧，為生之道之一。

素食之選！高質漢堡包今次係第一次幫襯！因為本身唔食牛，所以無唸過去食🍔！除左M記既豬柳蛋漢堡！不過我朋友誠意推介左幾次話佢既素肉好似真肉！所以今日經過九龍城所以都想試下！入到佢點左個大烤菇素肉漢堡份量都好大！咬落去大烤菇好juicy 舊素肉真係好似牛肉係有肉汁，食食下忍唔住再問服務員係咪素肉！(因為信佛戒牛驚破戒)個女仔話係大豆做我先安心食！誠意推介比唔食牛既人！真心好味！可以一試重有好幾款素既漢堡！熱狗！其待下次再試

減肥係我一年四季有三季都做緊！所以咩方法我都試過！今期流行無澱粉減肥法的確好見效！有興趣減肥真係可以試下(緊記每天要飲2000cc既水）！今日偶然食午餐入左間餐廳(入去主要原因都係貪佢無乜人同夠乾淨，因為今時今日衛生最緊要!原本唸住食過沙律就算點知比我發現新大陸！金文拔芝士牛肉漢堡係無澱粉底面都係芝士超好味！初頭侍應攞上枱我見咁大份實已為自己食唔嗮！點知係無！不過真係好飽！減肥又多左食物選擇！勁開心

其實不是第一次到這間店午餐，但這是我第一次真心覺得需要讚揚一下這間食店。平時必點的會是黑松露雜菌漢堡包（ 好像是這樣叫吧？！ ）加薯條及水牛城雞翼。 但今次想試新口味，所以問當時在場的一位女店員詢問一下， 她推介了『黯然銷魂漢堡』，一聽之下心想這莫非是『金庸style』？！ 但既然已經向店員詢問了，就試試看吧， 反正我對這間店有信心再差也不會低於水平～一試擦出愛火花， 『黯然銷魂漢堡』的漢堡包面竟然是菠蘿包。 包面又香又脆，跟我在一般麵包店買到的菠蘿包還要好吃。 漢堡中層是一塊比女生手掌大一點點的厚叉燒。當時叉燒邊位有點焦黑，我想有可能會有點乾。 但實情是厚叉燒非常juicy，一點使用鬆肉粉的味道都沒有。 另外，必點的小食亦是一貫的滿分作品。 水牛城雞翼，外香脆內多汁，辣度剛好能夠刺激你的食慾又不至於毀掉你的味蕾。 薯條是粗薯條外加少許薯皮的那一款，新鮮炸起又香又脆，不是死鹹又軟奶奶的那種。下次再到這間店， 我相信我會一併點兩款漢堡，分一半share俾朋友～ 又或者再叫當時的那位女店員推介一款新口味給我吧～

昨天訂購外賣，結果送到家時所有外賣盒已經破爛了！包裝食物的紙和食物分開，食物汁漏都全袋都係！結果我打電話去W burger問發生什麼事，但是接聽的女士態度非常唔好, 只答我「從未接到這樣的投訴」。其實我只是想對她說希望佢以後有得改善，希望佢哋有改善空間，但是她的態度10分惡劣，完全不接受意見！今時今日的這樣服務態度實在不要得，我以後也不會再幫襯此店，我亦勸喻大家不要再幫襯此間食店！

談不上係常客, 但一年總會嚟幫襯不下於十次。 食物質素其實一向係中上, 但尋晚被侍應對待的經歷真係令我唔想再嚟。原本都唔諗住上嚟嘥時間作文比劣評, 但一睇之下, 原來之前同樣有食客話個雞扒唔熟的問題; 諗左一諗, 呢間野都係唔抵幫, 要上嚟出個劣評警剔下大家先得!話說我點左個雞扒漢堡, 塊雞扒係幾厚下, 成個包的味道係 ok o既, 但食到後段將個包放落碟用刀切開嚟食的時候, 發現開出嚟的雞扒有一部份係未熟 - 喺佢間舖咁昏暗的燈光之下都明顯睇得到舊雞肉係粉紅色。 因為都食到尾有 d 飽, 再加上佢未熟透, 都唔諗住再食啦... 於是搵個冇戴眼鏡的侍應姐姐埋嚟同佢反映返個問題, 以下係真實對話, 歡迎店家隨時留言對質:我:「唔好意思小姐, 個包塊雞扒好似唔係好熟得透」侍應望左一望之後答:「唔係呀, 正常架塊雞扒~ 我地自己食都係呢個生熟度」我:「會唔會係塊扒太厚所以煎得唔夠透?」侍應:「客人如果想食熟 d 呢, 可以同我地講; 如果唔係就會係呢個熟度。 同埋我地 d 雞扒係用蘿蔔同唔知乜野一齊醃制 (個姐姐真係同我講 "唔知乜野"), 所以有呢個顏色係正常」聽到呢度, 我己經再冇心力再

好耐冇黎食，今日特登幫襯。我男朋友住梨木樹成日都叫我帶佢去食九龍城既野食。所以我諗起依間。Sad ~我叫左一個小食拼盤，加2個漢堡包同豬鞍扒包仲係好食，同以前嘅味道差唔多冇乜變，不過多番少少汁會好啲、冇咁乾其他野不得了，no good no good 我叫左$168蚊嘅炸豬扒定煎豬扒😂😂😂😂完全唔係我認知嘅豬鞍(犀利）我男朋友仲要同我講個炸雞翼咁似佢屋企樓下茶記嘅雞翼。sad 以上係我同男朋友個人意見不過服務態度都算唔錯，你哋下次去嗰陣可以試吓個漢堡系列。👍🏻👍🏻👍🏻加油💪🏻

話說今日係國際漢堡日，梗係借啲意去食burger啦。去九龍城食泰國嘢就食得多，食burger就第一次！睇吓得唔得先非常多款式揀 真係花多眼亂牛肝菌忌廉湯濃度剛剛好，配埋熱辣辣嘅蒜蓉包炸魚薯條，外脆內軟 魚肉唔老仲要非常熱，相信係即叫即炸炸雞比炸魚遜色 但亦都不錯 細件得黎肉都比較少主角終於出場啦！飛驒牛漢堡 賣相幾好牛煎出嚟仲有肉汁又唔乾 整體ok 另一個招牌 黯然銷魂漢堡顧名思義叉燒同蛋啦 包係用菠蘿包！幾特別味道不過不失啦 個人都係覺得傳統比較好

提起九龍城第一反應一定係諗到泰國菜但其實依家嘅九龍城多左好多國家菜好似日本同台灣菜咁不過今次我係去食漢堡包🍔——————————————————分別叫左兩款和牛漢堡一個係飛驒牛一個係近江牛其實兩個個base都係一樣所以第一啖我覺得無分別🤭咬多兩啖我就食到個飛驒牛牛味比較濃不過稍嫌醬汁多左少少搶左個牛味+$可以轉套餐或小食之後行AEON見到一塊和牛漢堡賣$30香港舖租真的貴🥴🥴——————————————————⎋ 近江和牛漢堡 $83⎋ 飛驒牛漢堡 $83⎋ 3式腸拼盤 $38

疫情下大家都會少咗出去食晏，所以之前呢間要等嘅舖頭都唔駛等，不過量體溫呢個步驟都唔會唔做。點解會有個咁嘅標題？因為之前嚟食嘅時候叫咗個漢堡包，但當其時侍應冇俾到張包住漢堡包嘅紙我，淨係俾刀叉，所以食起上嚟有少少麻煩。到第二次再嚟食先知道原來有果張"紙"提供。言歸正傳，今次嚟食咗個all day breakfast，以一間喺九龍城賣burger嘅舖頭入面嘅all day breakfast賣$58，佢嘅CP值都算可以接受。炒蛋真係好滑，啲腸仔略為鹹咗少少；但係杯咖啡喺一間食burger嘅舖頭就算係幾好飲架啦。

以前次次去九龍城都係食泰國菜，今次嚟試試呢間漢堡小店，相當唔錯！招牌菜漢堡包除咗常見口味，仲有暗然銷魂漢堡、鰻魚漢堡等創新口味，而且有分100g同200g，細食嘅女仔都唔怕食唔哂。Menu仲有其他意粉、小食，都幾多選擇。但set dinner反而無burger揀，一定要散叫，可以再加錢做套餐。黑松露炒蛋牛肉漢堡雖然炒蛋偏少，蛋控嘅我有啲失望，但手打牛肉都食得出幾有誠意，整體來講都算合格嘅雙層芝士牛肉漢堡上菜時俾佢嘅分量嚇親🤣女仔真係好肚餓/大食先好叫牛肉質素同上套餐嘅粗薯條夠足料，上面落咗調味粉，好食！橙汁有陣好假嘅甜味....整體來講質素唔錯，點餐後店員仲會主動提供放咗入熱水嘅餐具，務求大家食得更安心。我第一次見餐廳咁做，覺得幾窩心，讚啦！7/10