和田便當 (Closed)

今日買飯比我見到呢間自助販賣機，有得賣熱辣辣嘅日式便當，全程自動化，價錢又正常。每日選擇有五款咁多，咁特別當然體驗一下。今次揀左一口牛配蒜香山賊燒醬汁（$66）。由落單到攞貨都係一分鐘之內，望著部機好似汽水機咁運個飯盒落黎，好穩陣，一出黎係摸到熱辣辣。一打開見到個飯盒有前菜架！係玉子！一口牛就略嫌韌，不過都重牛味，個飯感覺幾健康，唔會好多汁。飯係用左珍珠米。整體份量中等，大食嘅就記住點埋飲品喇～呢度淨係開一至五，適合上班族～

一點食lunch嘅我，通常去到海富都好多人，附近的兩餸三餸飯都會冇乜選擇淨。新開張嘅便當店暫時都唔算好多人，等咗兩個人就到我用販賣機，因為有人等緊都有啲壓力，好快就揀咗個。用八達通俾錢，包一罐飲品。整個流程都好快，快過平時等隔離龍X嘅外賣。味道都好食嘅，個飯合就唔係話好熱，係暖。佢標榜自己日本材料，我都會再幫襯。

金鐘最近開左間新便當，咁岩係金鐘返工，緊係要試下！價錢都係$5x-6x便當係可以預先預訂的，咁就唔驚會賣哂，買完之後會有個QR core，一嘟就可以！即使係用自動販賣機，但係都會有人幫忙的！選好便當比完錢後，部機就會將你既便當取出，過程有d似細個既雪糕機！便當取出時係熱熱地，但唔會燙手的.而且已經附上筷子，拎完便當就可以自選一款飲品，飲品選擇都幾多，有唔同既茶/果汁/奶茶！三文魚西京燒便當三文魚有成3塊，而且油脂豐富，微微燒過既三文魚有股煙薰味，而且仲有玉子等既配菜，米就用左日本米，別有一番風味！柚子照燒雞拼安格斯牛肉便當，份量好大，飯既份量都好多，男仔食一定夠！雞用左柚子汁黎調味，甜甜地咁好香好好味，安格斯牛就稍微有點硬同唔夠入味！但呢個價錢係金鐘黎講都算抵食！

據說附近有一間神奇的便當自助售賣機廣獲好評，於是乎中午便跟隨同事來到這一間便當售賣機打算試一下啦！原本還在想怎樣自助下單呢！但幸好旁邊其實還是有服務員會幫忙的，我們分別叫了一個卡真雞扒大盛和大盛安格斯牛丼，另外還配套獲一罐橙汁和茶（自選）。先不說味道，單看這個外賣盒的外表我已經幾滿意，密實之餘，里面有一層油紙很細心的鋪在面上，食物不會輕易打翻，導致飯盒蓋有油積並令手指沾上。另外，筷子里面有一根小牙籤，這個設計都幾有趣的。好！說回食物方面啦！首先，卡真雞扒大盛里的雞肉除了大塊之外，厚度都一點也不薄，雖然是一早已經做好的便當，但里面的肉質依舊鮮嫩，完美的鎖著了肉汁，塊雞皮有點烤的味道，非常之香噴噴！而大盛安格斯牛丼里面有非常多片的牛，牛肉片本身應該係浸過醬汁，肉汁和醬汁的味道配合在一起鮮甜之餘還別有一種風味，而牛脂的香氣也充分體現了出來，滿口都是牛的味道。總括而言，在金鐘附近上班的朋友仔絕對可以試試這間和田便當，並嚐一嚐卡真雞扒大盛和大盛安格斯牛丼的滋味！

今次呢間係小胖無意間發現的，午餐時的金鐘，餐廳人多到核爆，作為小薯，午飯時間當然短的可憐，好多時都係外賣，但外賣都有排等🥲呢間自助便當店係新開的，重點係佢可以先網上訂餐，去到掃個code ，揀埋包嘢飲，過程唔使5分鐘就可以走佢每日都有唔同款可以揀，啱晒我呢啲貪新厭舊嘅人🤭小胖和胖友就買咗韓式拌飯和柚子燒雞牛丼，佢的便當微溫，買咗即食剛好，佢的飯軟硬適中，唔會因為係便當變得過軟無口感，飯的份量亦剛好，不過對細食嘅人來講可能仍然會偏多韓式拌飯的配料很多，色彩十分豐富，肉醬味道微辣，配埋微酸的腌製小菜，頗開胃，推柚子燒雞牛丼的肉量頗多，燒雞的柚子味亦夠，淡得黎又有存在感，減低燒雞嘅油膩感，不過整體可能因為肉多所以都係偏油，牛同雞的配搭還可🙂價錢和飯菜比例適中，午餐來講，不錯試。

有一款賣飯盒嘅自助售賣機喺公司附近新開，決定今日去試吓。首先前一日上網落單，我餐單好似小學餐單咁，每日有五款不同選擇。ORDER了照燒日本七彩豆腐扒配雜菌野菜，比完錢跟住就會收到一個QR CODE。去到販賣機，有一個姐姐熱情好客咁教人落單買飯。見到我個飯現場已經賣晒，好彩我係上網買，所以RESERVED左比我，估唔到販賣機都有留位呢個咁貼心嘅服務然後嘟一嘟個CODE，個飯就會出黎，整個過程都唔使我自己做，店裏面會有個貼心嘅姐姐幫我做晒…個飯到手嘅時候仲係熱辣辣！！買完仲有飲品送，一大個雪櫃任揀，我揀咗檸檬茶。返到公司即刻開餐。包裝非常日式，香味吸引咗一隻柴犬。打開個飯盒其實唔係話好吸引，有啲真係似小學生嘅飯盒。但唔知係唔係反差萌，食落去都幾驚喜。七彩豆腐扒係豆腐餅裏面mix咗啲雜菜，偏鹹但係撈日式醬汁同埋珍珠米白飯，味道啱啱好。有少少酸菜，一粒車厘茄，一舊西蘭花，一個迷你卷蛋，卷蛋偏甜，同豆腐扒相映成趣，未到絕對唔係個樣咁單調，都幾豐富。用自助販賣機買飯都係一個有趣體驗，色香味裏面香味都有，色方面真係要繼續努力喇

喺金鐘呢個食物沙漠想搵間平平哋嘅日本外賣絕對唔容易之前都試過附近幾間 都不過不失咁啦今次試和田 日式販賣機果然好方便星期一至五每日都有五款菜式 任君選擇隔離仲有個嘢飲櫃任拎今日就食咗鰻魚飯非常OK

今日咁啱有嘢要喺金鐘度做，返屋企嘅時候想順手買個外賣，經過海富中心就比我搵到呢間非常方便快捷嘅外賣店。呢間舖頭嘅外賣用自助售賣機嘅形式，跌落嚟嘅飯仲係熱辣辣嘅，拎到返屋企都仲係暖笠笠。佢每日都有五款唔同款式嘅便當俾你揀，而且會附送一包嘢飲，今日我就揀咗蒲燒鰻魚飯加奶茶。蒲燒鰻魚（ $66 ）鰻魚都算幾大塊下，上面嘅燒汁比得都唔少，幾乎每一粒飯都可以沾染到燒汁嘅甜味。而且都有唔少配料，譬如有玉子，有海蜇，有椰菜花，有蕃茄仔同紫椰菜。分量充足，食完好飽肚，加上配菜咁豐富，真係食得好滿足。

今次又同朋友係海富搵食，見到新開一間便當自動販賣機，就一於試下～總共有5款便當可以揀，朋友及我就分別揀左日式漢堡扒及柚子照燒雞拼安格斯牛丼。便當機旁邊仲有凍櫃賣飲品，日式韓式港式咩都有，任君選擇👍🏼便當買完攞上手仲有微溫，唔係凍冰冰嘅～便當上面附有筷子，很方便呢！飯盒包裝很好，沒有漏汁。日式漢堡扒便當配料十足，有雜菇及甜蛋！柚子照燒雞扒有清新嘅柚子味，安格斯牛肉很有質感👍🏼提提大家記得自備膠袋/環保袋購買喔！

今日放Lunch經過海富中心買飯盒，見到間新野，係買日式外賣飯盒，見到menu幾唔錯，就同同事一齊買黎試下舖面四正光猛，有2部大型既飯盒機同1部飲品機。其實有d似日本d拉面店，按機比錢拎飯盒，都幾方便快捷。Menu原來每日都唔同，都幾有新鮮感，唔會食黎食去都係果幾款。我同同事一個叫左照燒牛仔骨飯，一個叫左廣島蒜盬燒豚肉飯。咪講笑，兩盒飯新鮮熱辣辣，而且賣相一流，價錢都唔貴，性價比高呀!!!!照燒牛仔骨飯: 有成5,6塊牛仔骨，有哂肉汁，一d都唔um。隻醬料味仲幾o岩我口味呢~廣島蒜盬燒豚肉飯: 呢款d豚肉多到覆蓋哂d飯，同埋比想像中淡味，減肥既朋友都可以食XDDDD兩款飯盒仲有2款小配菜，好唔錯呢!!下次再試埋其他款式先

Lunch Hour 嘅金鐘真係好多人間間都排晒長龍咁, 咁岩見到呢間係新開嘅便當幾得意就去拍一拍卡買左2份同同事一齊食我地揀左韓風烤牛肉同炙燒鹽麴豬頸肉揀想要嘅飯同拍八達通比錢, 就係咁簡單, 便當就會經傳送帶送到手上, 真係又快捷又方便可能係新開嘅關係, 有個 staff 會幫手提提大家點樣買同埋會送飲品返到office 打開都仲係熱 =) 打開見到餸嘅份量都唔少除咗餸同飯仲有配菜, 係玉子西蘭花同番茄仔~📍韓風烤牛肉 一打開就聞到陣陣好香嘅泡菜味~ 牛肉係用泡菜同洋蔥一齊炒, 微辣開胃, 牛肉唔會太乾身, 送飯食一流📍炙燒鹽麴豬頸肉 簡單嘅調味豬頸肉爽口陣牙, 豬頸肉下邊都鋪滿左洋蔥, 撈飯食真係唔錯睇menu應該係每日都有唔同款式去website online 訂仲有85折~ 以$50-60食到一個咁嘅lunch 真係好唔錯的了❤️