華記餐室

Open Now

Now Closed

入到大澳，第一時間搵野醫下肚先，就近呢間茶餐廳，可能天氣太熱的關係．一入去冷氣凍到不得了，怕熱既我都凍到死要飲杯熱野先得，我要左一個牛筋河，熱檸蜜：牛筋整得好淋，好入味，但係河粉就好大條，仲好厚，而且鞋左Ｄ熱檸蜜又出事，甜到飲唔到，就算已經篤晒Ｄ檸檬，都係甜到飲唔到，係咪大澳Ｄ蜜糖平Ｄ男朋友要左個牛筋腩飯，凍檸樂：牛筋腩應該同我既牛筋河出自同一樣呢間餐廳待應好有禮貌，我同佢講唔該，佢會同我講唔洗客氣，而且又會同ｄ客人吹下水，問下佢地行山行左幾耐雖然食物一般，但有禮貌已經比其他茶記好得多

係大澳四圍行,行到好攰,所以好想搵間茶廳餐坐下,hea下,飲杯野留意到這間茶廳餐人流最多,又有冷氣,所以就入去囉~~~廳餐牆上貼左好多來往大澳渡輪時間表,放便食客因住時間離開 奶油多+餐蛋麵+凍奶茶=強勁組合 奶油多麵包烘得好好,非常脆,奶油分佈得好平均.......正正正~~~就最都encore多一次,再食多一份先夠飽餐蛋麵餐肉都算厚切,麵軟硬適中,而且好有屋企出品既味道凍奶茶味道好濃,好滑,呀姐沖得好掂啊食飽這個強勁組合之後,完全充滿能量食飽嘆完冷氣就走人去左大街買蝦醬,廿蚊細細樽味道非常非常之香,香到不得了樓下都聞到...........哈哈哈喜歡蝦醬既係你唔好錯過啊~~~

無無聊聊,即使下雨,照入大澳閒逛。逛到中午,隨便找間冰室。大澳的冰室有好幾間,這裡看起來不算最舊式,但應是最大。來大澳當然是有目標,所以只點了咸牛肉三文治。可能因為肚餓關係,吃上來幾滋味,咸牛肉份量多,暖暖的,牛肉咸味足,方包鬆軟。吃畢再喝下一杯凍水,身涼了,開始找尋目標。

今日(24-11-2007 Sat)同半個家庭成員一行5 人趁天晴兼唔凍唔熱,o黎個大澳行.由巴士總站沿住大澳永安街行,中途遇到位82歲o既熱心街坊,自動請纓地當我o地導遊,帶我o地走入棚屋群中參觀,講解歷史及教我o地點去一間靚廟.好多謝呢位伯伯,令我今次入到大澳,可以睇到更多o野.參觀完棚屋,我o地先醫醫肚,大約2點,求祈o黎到呢間,我o地叫o左$24.00乾炒牛河,$22.00粟米肉片飯同$24.00三絲炒麵share o黎食,全部都唔算大碟,且普通而已.服務:唯一一個侍應OK o既,幾好禮貌同服務.開頭佢o地放一壺凍水o係枱,但媽唔可以飲凍o野,o係爸o既要求後,佢就好好咁話畀壺熱茶你啦.點完食物後,自動拎5份食具o黎,唔駛叫,真醒目.衛生:爸話睇住佢o地用滾水淥淥啲食具至拎畀我o地,抵讚.環境:呢o度係由兩個單位打通而成,不過好得意,一邊清涼啲,一邊暖啲,哈哈!埋單$79.00因我飲o左杯凍檸水

同老公d朋友一齊食早餐! 因尋晚餐太飽,而又想留肚再試其他出名小食, 所以只叫了杯熱o茶及油占多, 老公都只叫了凍o茶及奶醬多! 食物質數一般! 而地方勝在枱大張可一大群朋友坐, 所以老公d朋友就話到呢到食早餐吹水(茶餐廳老細同佢地又會吹埋一份! 食人情品多d) ! 而佢地叫咗d弼食! 佢地話個弼底煲得好棉好靚! 是餐又要多謝老公d朋友!

秋意正濃,收工無聊入大澳吹下風,影下相.早餐未有著落,路過看見有間華記餐室,睇個樣幾對辦.照計無四十年也有三十年歷史.沒有早餐,只能散叫,例牌茶記貨.價錢不比市面平.一個出前一丁麵配煎蛋煙肉,加杯凍奶茶,多謝$26.明知這碗麵我整都好食過佢,(隻蛋煎得不似蛋形.)無法子,無辦法唔比錢人賺.只怨自己肚子劇餓難檔.奶茶過甜.意料中事.吃罷拿拿臨埋單,頭也不回再上路.

下午在福滿林食完飯無耐，在大澳周圍走左一轉，食左D好正的燒魷魚和瀨尿蝦乾，正準備出番東涌，見巴士仲有幾個字至開，行經這裡就入來避一避火辣辣的太陽先。叫左杯涷檸七及涷奶茶，味道還在其次，最緊要就係冷氣夠凍，熱到一身汗走入來涼一涼確係幾爽！