外灘軒 (Closed)

本人今早9時許，欲於外灘軒飲早茶，於09:04落單，於09:34仍未上菜，便向樓面職員查詢，而該職員調查過後跟回覆：今早只有一名廚師，所以整唔切。然後，本人卻看見遲入場的客人都上菜了，再次向職員查詢，職員找了部長來跟進。部長回覆：本店制作過程是分先後次序的，請再稍等。此點像是質疑本人點菜時間比其他人遲卻催三催四。數分鐘後，在旁比在下遲10分鐘入場的客人點的生煎包，與本人點的同步上菜。本人再度查詢，該名部長跟本人說：現在第二名廚師已回來。本人覺得該部長處理的手法不太恰當，從來沒有承認過廚房漏了單，只說自己人手不足，或質疑本人點菜的時間比其他人遲，所以享用過生煎包過後，便取消其他order然後結帳。

本人已經在外灘軒晚飯了幾次, 亦嘗試了店內各種菜式, 覺得美味可口, 那些套餐亦十分經濟合理, 而且他們的甜品真的要給十個贊豆沙煎軟餅, 壽桃包, 高力豆沙 等等,  本人母親大人一向對甜品十分高要求, 她亦贊不絕口, 可見真的十分可口美味  而且員工亦十分友善細心.  吃東西本身最重要便是美味及服務態度, 我覺得這間食店完全做得好好, 很適合一家大小 / 老友相聚的好地方  

約左朋友喺天水圍食晚飯，因為有小朋友，所以想揾一間坐得舒服D嘅，朋友之前食過呢間外灘軒話幾好，咁又走去試吓啦，我地6個人，叫左幾個小菜，好多小食，佢個小籠飽都算多汁，D肉唔會好散，唔差喎，另外好出色嘅係個素鴨，煎得一D都唔油，仲要好香，醉雞細細碟D肉好滑，一般上海甜品都係豆沙鍋餅，但呢到係豆沙煎軟餅，煎左出嚟外脆內軟，比起一般嘅豆沙鍋餅更好食，仲有D特式飲品調較出嚟亦唔差，呢間嘢D價錢唔算好貴，所以都食得過，可以再去

父親節，爸爸中意食中餐，所以成家去左食上海野。好彩我book 左第一輪6pm, 因為之後就好多人等位。點菜前食果兩碟免費小食幾好味，點左既魚羮，小食同小菜都好好味，非常值得推薦。黑魚子熏蛋：溏心度岩岩好，唔會太生or 生熟，配上黑魚子非常夾，仲有一陣熏香味，非常好味！！大讚！！宋嫂鮮魚羮：好足料，味道幾好！招牌擔擔麵（小辣）：湯底好味道，麵既口感好好，我個人比較中意食硬dd 既麵，呢個唔會太林，怕辣既朋友就可能唔太岩食。招牌灌湯小籠包：皮薄餡靚，入面有好多汁，一咬開吸一啖湯，正！金銀炒膳糊：炒得好有火喉，配飯食一流水煮桂花魚：中意食辣既朋友呢個菜就岩啦，辣味好，少少麻，個魚煮得岩岩好，肉質鮮嫩，好滑，搞到我食完一片再一片。金華火腿燒津白：津白好鮮甜蔥油吊燒雞：皮脆肉滑，味道都唔錯高力豆沙：上菜時仲係暖暖既，唔會太甜芒果&士多啤梨益力多：中意飲乳酸飲品既朋友仔一定會中意，好飲！

外灘軒味道不錯，尤其係佢既擔擔麵，好濃旭，下午茶相當經濟。可惜，有個男經理(前富x酒樓經理) 服務態度差到一個點！！好聲好氣叫佢"麻煩你比杯暖水我丫", 佢完全話之你，掉底張單就走去同班女人客人吹水，吹到坐底哂，唔做野，認真過分！有次問佢，"格離桌吃的甜品是什麼？", 佢望都唔望，答我"係豆漿"!! 你當我白痴咩？豆漿都唔識！ 不過佢係一店之大，投訴無門，只好係呢個平台發洩一吓！！

兩人同行人係有啲多既晚市早啲拎定位係好啲既座位係舒服既老人家或一家大細去都好適合叫左宋嫂魚羹 (9/10)二十五蚊位又唔算貴既食晚梗係要飲啖湯羹先舒服既好鮮甜好好好味！！麻辣家雞 (8/10)麻辣係好夠既，如果啲雞再多啲就好啦哈哈我係食肉獸仲有水煮魚片 (9/10)又香又滑花椒同啲油浮下浮下睇到都流晒口水中意食辣一定好中意！！值得一提係佢個碟小菜鹹鹹地既炸豆，好脆，食落又甜甜地晚飯泥講算好唔錯！

母親節當日不手想到酒家食，便選擇了食京川滬菜。這家食店感覺舒適衛生，即使等了約一小時都不介意。點了4人餐，外灘兩小碟，是肉質香嫩的鴨及蒜蓉炒青瓜，炒青瓜好開胃，食到飽飽再回食都可以。清炒河蝦仁，爽口得來不會太雪藏，不錯！黑醋三刀骨，好入味，肉質唔鞋，亦是開胃之選！沙鍋雲吞雞夠洒足料(半隻雞), 雲吞質素平平，湯很清甜！巴蜀章茶鴨半隻，皮脆肉嫩，非常香口！伴有熱乎乎的貝殼型饅頭(荷葉餅) ，這個配搭好match! 瑤柱濃湯水東芥，真的好濃，要配飯食。至於水東芥菜就帶有苦味，個人不太喜愛。最後來了蟠桃，即壽包，又是熱騰騰，軟棉棉，好味！期間點了杯士多啤利乳酪特飲，就是士多啤利及益力多攪拌而成，都幾得意！這個母親節4人餐，其實6人食都可以，最後要打包兩盒走。結帳時侍應送來了一支花為母親節作點綴，好細心啊！

去老友家之前先醫飽肚子，在商場尋找美食，發現有間吃上海菜的餐廳，大家都喜歡，不如試一試。餐廳環境有上海風情的感覺，乾淨舒適，喜歡。午餐有客飯套餐、上海湯麵和炒粉麵飯等，種類選擇都算多，各式其色。我們點了泰式肉碎拌溫泉蛋飯套餐配蓮藕章魚湯、金牌擔擔麵，等了約12分鐘左右就來，看到都幾大碗，賣相吸引。辣辣地的泰式肉碎拌溫泉蛋飯，有青檸作調味，味道不是很辣，都幾惹味，而老火湯用足料煲，好有肉味 ; 另一款香氣摸鼻的金牌擔擔拉麵，濃濃芝蔴醬有花生碎粒，食起來有口感，我就最喜歡啦 !很美味香濃的上海菜，相信一定會再光顧，而且侍應態度十分有禮貌，令人吃得更開心！

昨天我去老友屋企前先醫飽肚子，在商場尋找美食，發現有間吃上海菜的餐廳，大家都喜歡，不如試一試。餐廳內在環境有懷舊上海風情的感覺，乾淨舒適，喜歡。有客飯套餐、上海湯麵和炒粉麵飯等，午餐種類選擇都算多，各式其色。我們點了泰式肉碎拌溫泉蛋飯套餐配蓮藕章魚湯，金牌擔擔拉麵，等了約12分鐘左右就來，看到都幾大碗，賣相吸引。辣辣地的泰式肉碎拌溫泉蛋飯，有青檸作調味，味道不是很辣，都幾惹味，而老火湯用足料煲，好有肉味 ; 另一款香氣撲鼻的金牌擔擔拉麵，濃濃蔴醬有花生碎粒，食起來有口感，我就最喜歡啦 !很美味香濃的上海菜，相信一定會再光顧，侍應態度十分有禮貌，令人吃得開心！

今日同家人來食。原本想飲茶，但因為要等好耐，所以改來這間食。因為上星期來食下午茶，食左擔擔麵，好好食，兩個拼盤，兩個人食140元。上次都有食招牌抄飯，因為好食，今次又食。今次就食招牌抄飯，上海粗炒，炸銀絲卷，小龍包。個飯同個面都好食，都重味精，個抄飯濕左少少，兩碟都大碟。個炸銀絲卷似炸鏝頭，但比鏝頭冧些。今次3個人食，每人80元。覺得唔好就係收茶位錢，但唔會俾壼水放係枱度，飲水好唔方便，飲完要叫服務員加水。其實每張枱放壼水，都可以減少服務員服務大家。

難得放假食過靚靚下午TEA~呢到裝修幾有上海風味。擺設都有懷舊味道,又華麗FEEL。叫左個金牌擔擔麵餐,配紅油抄手,有豆漿送。不過只限凍豆漿,對女士黎講不太好。金牌擔擔麵~纏上汁醬的麵身很煙韌。好重花生味,飲啖湯,好濃味,但稍稍偏咸偏辣。湯顏色比較深。面上有幾多肉碎。微辣、鹹鮮、帶麻醬香，不太膩滯。面分量算多食到最尾更有想噴火感覺。嘴都麻了,個人覺得太重手。紅油抄手冇咩味,小小偏甜,好細粒,不過皮算薄幾好。

e間上海菜，幫趁咗幾次，服務水平同食物有番咁上下，係少數我值得讚嘅餐廳，小籠包juicy、黃魚脆卜卜、樟茶鴨煙熏味香濃跟上海食嘅正宗上海菜一樣，必點，重有大湯黃魚，雖然唔夠灣仔個間咁好食，但成餐價錢好抵，下午茶重送飮品及免加一，可以一試

由於現今身體欠佳，不方便到遠處聚餐，所以好友特意安排於天水圍區聚餐，所以我就揀天盛商場外灘軒食上海菜雖然店舖不算太大，座位位置稍為逼迫，不過檯櫈款式非常舒適，值得一讚，我們一行3人點了以下菜式:招牌灌湯小籠包: 皮薄餡足，咬落湯汁已經流晒出黎，建議夾時小心及放上湯匙到食，配姜醋一絕，值得推介上海炒年糕: 味道唔錯，可以一試松子榨菜肉末（配叉子燒餅）: 叉子燒餅好香脆及芝麻味，雖然餡料唔覺有松子響裡面，不過配燒餅好好食菜肉雲吞: 雲吞皮薄，餡料好好味，值得推介菠蘿咕嚕雞: 雞粒個味好怪，唔知係D肉梅定係雪味，又難食又失望高力香蕉豆沙: 個皮好香蛋白味，味道唔錯豆沙窩餅: 個皮同個豆沙餡唔係太夾雖然整體黎講小菜味道都幾好，不過被兩樣菜式拉低左分數，希望下次有機會試埋其他著名菜式

很久沒跟老朋友見面了, 一行6人就選擇到這家新開的京川滬菜館晚飯!! 門外多人等待, 訂了位也要早點到...併盆, 合核及碎雞好吃! 松露燻蛋~松露夠香元啼~ 入口即溶不肥膩松子魚~魚香脆, 汁的酸甜度剛好!!小籠包~皮薄多汁!! 推介!!糯米飯炒蟹~ 粒粒飯都有蟹香味, 愛吃蟹的朋友大愛!! 推介!!酸辣湯~略嫌味淡担担麵~有担担麵香味但沒担担麵的辣上海粗炒~ 沒味道, 需改進燻炸黃魚~皮脆肉嫩!! 推介!!2款特式的甜品驢打滾及甘桂欖仁露(好像是這家自創的甜品. 可以一試!)下次再試其他的

啱啱坐落冇耐，個個企門口嘅個個就行過嚟問我地食咩 我同grandma坐係到睇左冇耐睇都未睇完，之後我地米話未得住，之後佢就黑黑地面仲收走我地啲紙 好似驚死我地會拎曬啲紙咁。叫野食嘅時候就個心根本唔係我地到 唔知係到做乜 態度又差~~~~~野食其實都有啲難食門口個個金毛後生女子 真係態度好差啲人啱啱坐落冇耐 就問人叫左野未，叫得未食完又唔收野又冇人倒茶