Walls Thai Food & K Pub (Closed)

今次經朋友介紹下BOOK 了這泰式CAFE 與朋友共渡生日..初時去到有點怕..因他是一幢舊式的大廈內..再轉接才到達...入酊CAFE 內..很有家庭FEEL...不錯很舒適..還有外面露天位置..但要一早預約...我們5個女子一共叫了很多食物..由於太大多...只好大慨記下...蒜蓉包..好脆..但尚欠牛油及蒜蓉味蝦手指春卷...好好味..入面蝦蓉很有咬感..外脆春卷皮..是推介之選SMALL SIZE 雜錦泰式併盤...很正宗的味道...由其雞翼與醬汁很配合鮮芒果蝦沙律...芒果很鮮甜青咖哩海鮮....比較一般..沒太特別炒芥菜, 蝦醬炒飯...都是一般...沒太大特別要食多幾次就是以下極力推介的生蝦....好味...如果食得辣一定要加添他們特制醬油一流....食多2之都唔夠喉....最彼ORDER 飲品椰青等...埋單好似先4-5百幾..好平....一定要多人才可以試多幾款

今年生日揀左黎walls...提早兩三日打黎book 話要非吸煙區心思思想試seafood platter...不過都係算了...因為加到$98@實在有d 貴...叫左必吃既生蝦, 菠蘿海鮮炒飯, 半打串燒同埋飛天通菜生蝦有14隻, 可能因為今日0個d 比較細隻? (之前一路都見人地話係12隻)點左d 醬汁真係超好味...個汁好味得黎d 蝦又爽又鮮甜...正! 菠蘿海鮮炒飯既味道無太大驚喜, 不過值得一提係炒飯用既海鮮係新鮮海鮮唔係雪藏的...尤其是d 魷魚, 超爽口! 抵讚串燒份量十足, 豬肉最好味, 豬頸肉黎ga...good good~跟串燒仲有菠蘿粒同青瓜條...中和一下油膩感...非常好 全晚最失色都係個通菜了...未試過0係泰國餐館食咁難食既通菜...d 菜好老, 好靭...又唔辣...加埋d 菇, 搞到碟野好似炒雜菜咁... DBS 有85折...折後$250 都唔駛...抵!!!

相約很久沒見的2位朋友去之前試過不錯的WALLS！她們2個都不知要吃甚麼，結果由我發板點了幾款菜式...生蝦 － 好多隻，冰凍又幾新鮮，點埋泰式辣醬好惹味阿～ （我好怕食辣，唯有點少少）冰鎮海鮮拼盤 － 呢個仍然犀害，有鮑魚、墨魚、蝦、螺、青口等等～ 點泰式辣醬或者豉油都好鬼正！冬蔭公 － 材料十足，蝦好入味，味道不錯～ （不過我都係 prefer 少辣的)馬拉盞通菜 － 份量多，少辣但仍然好惹味泰式炒金邊粉 － 預料之外好味～2位朋友都讚食物不錯，食完後有位哥哥仔問我們要唔要甜品，我話唔要，結果呢位哥哥仔拿了三個幾靚的椰汁糕比我地，話係送呢～哈哈！這裡服務不錯，雖然被迫坐了吸煙區，但對於好敏感的我也算可接受！

我都是見d人講得咁好，先去試。可惜黃咖哩牛肉，d肉好似分開煮既，d牛肉粒似華園牛肉粒既味道，再浸住咖哩汁。雞串d雞肉，好似雞球咁大粒，都唔知係唔係叫落足份量喇。一碟烘脆既方包，服務員堅持說它是法包。d野又起得慢。碟包比錯左其他枱，先至尼比我地食。d後生仔服務員掛住同d靚妹客仔影生日照，都唔理自己既責任。希望尼度d讚美唔係做馬喇。

1.海鮮拼盤 – 真係好新鮮,可以媲美酒店質數 (必叫)2.生蝦 – 一樣夠新鮮,個汁真係好得 (必叫)3.冬陰公湯 – 足料,酸辣味恰到好處4.炸蝦餅 – 合格 (不過不失)5.馬拉盞炒通菜 -- 夠獲氣,正,但略為細碟6.魚蝦蟹粥 – 海鮮都係o個句,夠新鮮,煲出黎既粥理所當然又係正7.椒鹽雞翼尖 – 不夠惹味,咪道較淡8.蝦醬炒飯 – 掂,如果飯可以炒得更硬身就perfect

某君和朋友食過此間泰菜後便說可以與九龍城小曼谷比併、比併。 由於提到地方不大, 所以要訂位較為保險免撲空, 特別在週末的時候......... 果然!!! 我第一次打電話訂位的那個週末恰巧裝修; 第二次打去滿座, 第三次星期日打去休息, 第四次打, 終於成本喇!去到當然點了某君推介的生蝦及海鮮併盆, 再來沙爹(雞+豬頸肉), 炒通菜和泰式炒金邊粉。推介的食品如何好味, 我都不再說了因太多人已經發表了, 但其生蝦真的可以與小曼谷比併一下的。 至於沙爹雞的做法與香葉雞相似, 豬頸肉即泰式燒豬頸肉, 有點失色, 真的不及九龍城的。炒通菜OK啦, 大大碟, 夠味.....至於泰式炒金邊粉味道好, 與泰國街邊檔有得比呀~~~~ 可惜粉硬了點, 好像未煮好......由於那麼"難訂位", 我便問了店員是否星期日不開門的, 她說: 不是....但有時候不開門. 噢, 怪不得啦~~~~ 所以各位, 去前都係BOOK位為妙!!P.S. 分量大大碟...我和某君食不完, 要打包回家呀!!!

昨天跟朋友2人去食, 主要係想試下那生蝦刺身和冰鎮四寶. 我地就叫了呢2樣加個炸蝦膠春卷.生蝦刺身($88), 12隻 : 真係幾好食. D蝦好爽, 醬汁野味, 不過好辣, 成日都要飲水, 自己本身唔係幾食得辣, 但我朋友食得辣, 都話辣. 食完之後重encore 多一碟呀.冰鎮四寶($98/person) : 雖然我地有2個人, 不過此味實在貴, 所以只叫了1人份量, 有2隻鮑魚仔, 1隻大蝦, 1隻帶子, 2隻魷魚(好似比以前細條了很多)1隻青口, 1隻大螺, 4隻小螺, 幾條青瓜咁啦. 整體都ok gei. 炸蝦膠春卷($58), 5條 : 呢個好唔得. 係好別緻, 用1個杯裝5條長炸蝦膠春卷, 應該都有25cm 長既, 不過好幼的, 1cm 左右. 都幾脆, 不過蝦膠無味. 呢味菜只係點salad 醬, 呢個價錢超唔值. 好upset 叫左. 因見到人地叫的蝦餅, 同價錢的, 有成6-8舊蝦餅.因食完都唔係好飽, 叫多個泰式炒飯($56), 呢個真係超值, 好大碟, 成3碗飯都有, 有20幾隻細蝦仔, 不過個人認為炒得太濕, 唔知係唔係咁style 呢, 不過味道唔錯.是次消費

今次試左間幾好味又幾靜侷o既泰國菜所以點都要分享一o下Walls Thai Food & K Pub - 其實呢度分兩層1樓係Pub形式而3樓係dinning區我o地呢d唔煙又唔酒o既,當然book左呢樹o黎hea住講是非la好食的地方 :炸蝦春卷 - 好脆喔~~~ 味道亦OK生蝦 - 個汁辣左d, 生蝦亦爽口香芒柚子大蝦沙律 - 好辣...連食得辣o既我都話"好辣"馬拉盞炒通菜 - 好好味咖喱蟹 - 一早講明小辣所以辣度適中, 咖喱好香好滑, 隻蟹多羔新鮮...正正正蒜蓉飽 - 唔錯配咖喱一流是日: 每人$180 服務亦有禮~~~

有個 friend 生日 , 我建議吃泰國菜 , 上去 openrice 找 , Walls Thai 的 comments 好像不錯 , 環境又 ok . 訂了 19:30 吸煙區 , 想轉非吸煙已經沒位了 , 只得露臺 , 驚有蚊 , 最後也是沒有轉 . 點了生蝦 - 好多隻 , 又鮮甜 , 一定要吃 . 干炒金邊粉 - 味道 ok , 少許辣 , 不過不夠熱 , 好像已經放了一段時間 . 海南雞飯 - 個人覺得有一點肥 , 不過 , 味道也尚可 . 生菜包 - 太多油 , 之前在其他地方吃過 , 是辣的 , 這裡一點辣椒也沒有 , 不知那個才是正宗 . 豆角 - 少少辣 , 好好味 .榔青 - 好甜 . Mint Soda - 薄荷味好勁 , 好冰涼 , 這種天氣喝就最好 . 服務 ok , 哥哥仔好 nice , 說真的 , 食物味道不是想像中那麼好 , 可能 comments 說得太好 , 期望當然也會高些 , 不過 , 如果和朋友想飲 1-2 杯又不想只吃薯條之類 , 這裡也是一個好的選擇 , 環境 ok .

一食再食,一星期內兩度光顧,如果今晚book不到3樓,我是絕不會再來的4人的飯聚,3樓的格局果然與2樓完全不同,好有私房菜的住家式感覺,裝潢令人感覺好舒服,而且環境寧靜,方便傾計今晚試了:1)炸雲吞---有泰式辣醬配合,所以幾好食..但炸雲吞本身有一點燶味呢2)青咖哩豬頸肉(配麵包另加$20)---青咖哩比黃咖哩更好吃,沒那麼甜,豬頸肉一樣份量十足3)炒金邊粉---嘩...想不到都幾辣,但酸甜味適中,有數隻蝦仔,幾正4)蝦膏雞肉炒飯---賣相以為好淡,其實人口好香口,蝦醬好惹味5)榔汁雞湯---其實是for2人的份量,不過都夠4個人分...香濃榔汁,又帶點冬陰公味,雞肉好滑,好正有朋友不吃生蝦,所以這必吃之選,今晚要暫停一次了所有食物幾乎是無可挑剔的,比上一餐更好,"泰"好食了... 服務也依然一流幾時再有下一餐呢p.s 今日比上次還抵食,每人不用$90

星期五晚幫老友慶祝生日，主角指明要食泰菜，我早早就在openrice看中了這間，一於這晚去試試。Book不到非吸煙區，同行有大肚婆，有些少不便。九個人坐張大長枱，有少少迫，親密些少啦！講講食物…1)生蝦---超好食，新鮮，個sauce又正2)鹵水拼盤---蛋…紅腸…雞亦…普通…不好吃3)海南雞---好食，嫩滑4)黃咖哩豬頸肉---好多豬頸肉，咖哩點多士，好開胃5)冬蔭公---夠辣，多料，差不多有10隻蝦6)生菜包---我無食，朋友話好正7)香芒大蝦炒飯---不夠味，芒果味幾醒胃，食剩一半8)蝦醬炒飯---好正，好夠味叫了榔青…青檸soda…飲品略遜Book位時詢問會否有蛋糕買，$100一個，心想會比較方便。雜果忌廉蛋糕，$100當然不應有太高要求。waiter端出蛋糕,並且播起生日歌,朋友surprised,安排不錯呢環境方面，太嘈，未到9點半隔離枱已開始玩骰盅…唱k…想傾計傾耐少少都難，因為嘈到要大嗌先聽得到…侍應服務好好，好有禮貌有下次的，不過希望可以book到3樓

Went there with my GF 2 days ago, the environment was decent, abit crowded and noisy for my taste, but the staff was very helpful and nice, and the food was good, especially the tom-yum-gon soup... very nice !!! Best of all - smoking is allowed !! Haven't ate and smoked at the same time in HK for a long time. But if you're not a smoker, i wouldn't recommend it then, cause you might not be able to stand the smoke..... just like my GF.

哈哈~昨晚為左幫男朋友同FD 的十幾人聚會，帶左去我都幾鍾意食的一間泰國菜Walls去試菜。我一黎到連餐牌都唔睇就叫左個海鮮拼盤for two..點知叫左先知原來加左價，仲要係加左成差不多一倍呀，我好肯定我06年尾-07年頭去食只係$58/person..點知昨晚再睇餐牌: 盛惠$98/person. 唉~~早知叫一客算了..雖然又唔係我比錢~不過都痛痛地。我就咁痛痛地的等住我最鍾意食的海鮮拼盤啦,...到左呀!!看了後個心都舒服d，因為雖然加左價，不過原來入面多左兩種海鮮，之前食都係4種鮑魚(一定有), 大蝦(睇下當日有咩新鮮)，東風螺(一定有),及大蜆(睇下當日有咩新鮮)，宜家變左有成6種呀，分別有鮑魚2隻，帶子4隻，魷魚好多條，青口4隻，東風螺一堆，翡翠螺4隻。水準沒變，都係好好食...特別係佢o個d 泰式超辣醬呀!!!!勁辣，不過真係勁好味，哈哈~~原本，我對炒飯沒咩興趣，不過男朋友話要黎試菜wor，(我其實覺得係佢自己想食...) 咁就叫左..比我想像中好食多了..所以我都不停咁食..哈哈~另外，個串燒都係好好食~~$13串牛舌黎講，呢個份量係抵食的，因為真係好厚身呀!!!!

今天晚上,我們去了尖沙咀WALLS PUB 食泰國餐 + 飲酒 + 唱K , 完全一條龍....好多食物..好好食喔!!我們有十四人,餐桌是長形的,吃東西時, 都要傳來傳去, 好有外國FEEL..呵呵..自問是個食得辣的人,不過都覺得好辣,不過送啤酒都OK既.泰國菜 : 炸蝦餅,金柚海鮮沙律,生蝦剌身,泰式炒雜菜,燒豬頸肉,菠蘿海鮮炒飯,香矛雞翼.我們吃飽後...就轉落下一層的PUB, 又開始飲飲飲啦

星期六晚同朋友一齊去walls 預先book左位~~~唔使等 其實都係9點先入去等佢settle....係9點半先坐低~眾人都餓~立刻嗌野食由於有個朋友唔食海鮮~唔食辣~服務員對於我地既要求都係有求必應既~~"唔要辣.....走海鮮...." 佢都無黑面...好好態度不過叫左個炒飯 叫佢改另一d野炒 唔落海鮮 最後黎既時候話唔覺意加左海鮮.....真係呆叫左5-6個菜~~但等左半個鐘先開始上菜...推介"干炒海鮮金邊粉" 好香~~椰香味好重~好味~!"茄子牛脷煲" 都好味~~牛脷炆得好"林"~~~好入味!!!!雞肉串燒幾好味~~不過牛肉串燒就麻麻 乾得滯Order左個"黃咖喱燒魚" 點知...我地由9點半開始點菜...最後條魚11點2先上!!!!真係離晒譜!!我地催左無限次~淨係識話"果個菜係耐d....."期間我地仲叫左第二輪野食~~果d都黎晒 食完 條魚都仲未上!會唔會過份左呢!叫左個法飽諗住點個魚既咖喱汁~點知原來無咩汁...同埋等到條魚黎 d飽已經凍晒!!!叫佢整返熱...點知d飽仲黑過我地塊面!!!條魚毫不得特別!!!完全唔值用咁多時間等佢!!!好:佢d野食overall都幾