和茶房鐮倉夢見屋 (Closed)

昨天2月14日情人節我們差不多三點到夢見屋門口排隊拿號碼飛等候我們四人一邊傾計一等唔覺唔覺就等了個半鐘都算了，有個員工大約四十幾五十幾歲就行出來叫號碼，唔知點解佢好似叫來叫去都唔叫我地入去，一叫就叫左我們之後既號碼都算，叫完號碼冇人行埋去佢又走番入去，明明店舖裏面有幾張冇人坐的桌又唔叫我們入去，過左一陣又走出來又叫多次又係唔叫我們，佢重要態度好差咁問我地幾多號，係唔係四位，我地就答佢，係四位，答完佢又行番入去又要等，佢叫果D號碼係冇人因為等得太耐冇人很等走哂，又過左一陣佢又行出黎先叫我地入去，入到去當然就係點餐啦，點餐時我們四人都叫定食，我就加49元叫埋飲品同蛋糕，由點完餐到四人都食飽杯飲品吹左三次都未到我就食蛋糕先，食蛋糕之前再吹左一次都未到，食完蛋糕都未到，真係嬲嬲地想走，一杯飲品又係要等左個半鐘先有，依間夢見屋員工態度超差上餐同飲品勁耐，食餐飯前前後後用左三個鐘，一定唔會再去食！

昨天2月14日情人節我們差不多三點到夢見屋門口排隊拿號碼飛等候我們四人一邊傾計一等唔覺唔覺就等了個半鐘都算了，有個員工大約四十幾五十幾歲就行出來叫號碼，唔知點解佢好似叫來叫去都唔叫我地入去，一叫就叫左我們之後既號碼都算，叫完號碼冇人行埋去佢又走番入去，明明店舖裏面有幾張冇人坐的桌又唔叫我們入去，過左一陣又走出來又叫多次又係唔叫我們，佢重要態度好差咁問我地幾多號，係唔係四位，我地就答佢，係四位，答完佢又行番入去又要等，佢叫果D號碼係冇人因為等得太耐冇人很等走哂，又過左一陣佢又行出黎先叫我地入去，入到去當然就係點餐啦，點餐時我們四人都叫定食，我就加49元叫埋飲品同蛋糕，由點完餐到四人都食飽杯飲品吹左三次都未到我就食蛋糕先，食蛋糕之前再吹左一次都未到，食完蛋糕都未到，真係嬲嬲地想走，一杯飲品又係要等左個半鐘先有，依間夢見屋員工態度超差上餐同飲品勁耐，食餐飯前前後後用左三個鐘，一定唔會再去食！

愉景新城開左韓國鋪頭, 趁放假過黎潮勝下, 行完一輪搵野食, 見呢間門口有D公仔幾得意, 而且日式野我最啱. 睇下餐牌都係一般日式野, 圖片睇唔算太吸引, 普普通通.所以都係要D穩陣野, 吉列豬扒咖哩飯($80)份量都正常, 唔會太少. 豬扒炸粉夠薄但唔算太脆, 肉質都算軟腍, 不過唔太熱, 應該唔係即炸. 咖哩汁係日式類, 所以有咖哩味得黎唔辣而且甜甜地, 唔錯, 而且夠杰, 不過呢個汁就真係得汁, 連一舊薯仔都無, 呢樣就真係差D.

是日幫忙朋友湊細路，第一時間諗起可以帶佢去自己之前一直想試既癲噹夢見屋店裡店外都係癲噹！！癲噹餐牌裡款款都好可愛，好難揀呢~一坐下店員就遞上三杯癲噹開水癲噹兒童定食 $65兒童餐有兩款，一款藍色車，一款粉紅色車，兩款包既食物各有不同。同行小孩係女仔，佢當然揀左粉紅色啦，入面有咩食，佢無理過現實同圖片果然有出入，現實無咁豐富同美觀，不過對於小孩子，佢已經好滿意了。杯墊係阿讚貓，好得意呀！蜜糖貓屋吐司 $58呢個因為即叫即做，要等20分鐘，但都值得等下的~實在太可愛喇，碟係癲噹，雪糕上插住既朱古力牌係癲噹，吐司表面都印有癲噹~~~吐司塗滿蜜糖再烘至外脆內軟，估唔到原來個雪糕都係蜜糖味軟雪糕，好驚喜！暖暖既蜜糖麵包，沾上軟滑蜜糖雪糕吃，雙重甜蜜感受，好味呀

估唔到我最愛主題人物之一癲噹會出現在夢見屋,由門外到門內都見佢踪影如果要同公仔坐，就要等有公仔位 >.<由於到了主題店，就點晒主題的食品先來年糕,用紫菜包好食用,唔錯,年糕幾有可感，還有主題公仔logo再來咖喱炸雞飯定食,有點辣,但尚可,但雞肉不夠脆口麵豉湯味道不突出，應該是用粉開成吉列朱扒蛋飯定食,朱扒唔夠脆,蛋反而幾好飯硬度尚可,另跟餐沙律有生果，沙律醬，小朋友必愛兩杯雪糕特飲加入粟米片,少脆,唔錯,算幾健康總結服務ok,人手有點不足,癲噹迷必定要來一次,食物有待改進

愉景新城最近大裝修，多了很多食肆，還有經常安排大型遊戲給小朋友玩，確實很適合父母帶小朋友來吃喝玩樂。夢見屋算是主題餐廳，賣點是顛噹，其實我也不知是甚麼！！ 哈哈。。。。 餐廳內外都擺設了不同大小的顛噹，小朋友應該很開心吧。今天食午餐，選擇也不錯，共有八款，三款意粉，三款飯，另有清新系套餐，我選了灸燒三文魚茶漬飯，這個套餐有兩件漬物，細沙律，三文魚飯和一杯自選飲品。兩件漬物加細沙律都是開胃餐前小食，不過不失。主菜三文魚飯內有數件細細粒三文魚(挺方便小朋友), 配以條裝紫菜，海帶，脆粒和 日本珍珠米煮的白飯，食前自行倒入適量的熱玄米茶，茶香但味淡，三文魚沒有灸燒的感覺，味道清淡，但混合不同食材在口內的感覺也挺有趣，也是我個人最喜愛的食法。如有需要，可加些青芥辣，感覺即時完全不同，開胃醒神！！那杯凍抹茶清淡得有些過份，但加了糖水後便帶出了抹茶的香味，即時加分。另外太太點選了蒜香煙肉蘑菇意粉，份量很多，男仕也應該夠吃吧。蒜香濃郁加上鹹香煙肉味，喜愛重口味的太太，十分滿意，而意粉的硬度適中，讚！她選了熱牛奶抹茶，微香不甜，飯後飲便最適宜。午餐的價格不算貴，人流亦比以前多了，下次一定要試夢見屋的甜

我本來已是Italian Tomato會員集團旗下的夢見屋現在將荃灣愉景新城打造為癲噹主題餐廳我作為蕃茄粉絲豈可錯過呢^0^店內有無處不在大大個癲噹公仔牆上壁畫說出癲噹和阿讚如何因為食而成為夢見屋一分子的故事~我細時也有這想法十分喜歡吃漢堡包薯條的我諗住去乜記返工可以免費大吃haha~早到的我企在門口見到Matthew仔來到便張開雙手跟他擁抱誰不知出現電影情節"呼"一聲在我身體擦過原來癲噹店長已在我身後真係瘀爆啊~大家記住千萬別跟卡通人物爭寵喔!!夢見屋推出了一系列貓樣食品由丼飯,烏冬,咖哩,芭菲,甜點都一應俱全惠顧癲噹兒童餐定食$58即可獲贈癲噹填色薄一本印刷還很精美呢 ~定食內有奄列茄汁雞肉飯配雞尾腸沙律,曲奇,棉花糖橙汁或牛奶跑車造型從來深得小朋友心色彩色繽紛連大人見到都歡喜呢而且定價合理住荃灣嘅小朋友幸福喇~調皮貓湯烏冬定食$55有漬黃瓜,鮮菓沙律及一碗腐皮嗚門卷烏冬湯底清香腐皮索了木魚湯也份外好吃烏冬十分彈牙超like~搗蛋奄列伴貓咖哩飯定食$75前菜跟烏冬一樣多了碗麵豉湯~貓樣飯好可愛,奄列成品超巨大亦嫩滑配上香濃咖哩真係一口又一口停不了~萌貓芝心年糕$32我跟甜魔媽媽也很

估唔到朋友男人之家咁大個人…居然會鍾意DingDong呢d卡通人物…如佢所願…香港首間DingDong主題餐廳就登陸左係荃灣啦…我都有鍾意既主題公仔…所以好明白佢係好想快d去見到心愛既DingDong…拿拿林要火速行動啦…想唔到餐廳唔係好大…慶幸未係好多人知…排隊等位唔需要等好耐…但如果要等有成個人咁高既DingDong公仔陪坐既話…就要等得耐d啦…因為限量只得4，5隻咋…至於主題食物唔係好多選擇…當然亦有其他食物啦…但一場黎到…點都要選主題食物試下既…就算齋影相都可以好開心…^^結果選左2個餐1小食2雪糕…滑旦吉列豬扒癲丼定食+香脆雞伴貓咖哩飯定食+萌貓芝心年糕+彩虹喵芭菲+北海道3.7牛乳貓雪糕…賣相ok...唯獨無DingDong造型…只得碗碟有DingDong公仔…沙律都幾大碟…好多種類…夠凍又好味…吉豬味道一般…無咩驚喜…咖哩飯有少少DingDong卡通…睇得開心…咖哩唔辣…小朋友都啱食…但雞唔脆…飯較乾…反而年糕色香味美…好煙韌…雪糕配有少量水果同粟米片…食完比較口渴…最後見到隔離枱好似有野買…朋友唔好意思問…唯有我多口問問啦…原來係DingDong碗碟杯黎…當然朋友好高興

很快又來到11月，一個忙碌緊張的月份，因為多場K1面試已經展開！為了舒緩緊張的情緒，今天補記上週一荃灣愉景新城「夢見屋 x 癲噹主題餐廳」的食記，癲噹迷尤其不能錯過～我們家近幾個月都愛上了愉景新城，遠是遠一點（搭西鐵其實很快，不過要轉的士，而且也不近地鐵），但實在太適合帶小朋友逛啦！這邊的餐廳也特別 baby-friendly，如 Holly Brown、Delifrance 也會特別供應 Kid menu，上週更新開了「夢見屋 x 癲噹主題餐廳」！其實夢見屋已經開張一段日子了，但翻新後真的「打耳」了太多、吸晴了百倍！餐廳由店面裝潢、菜式到餐牌，隨處都可見癲噹的蹤影，我雖不是粉絲，也被可愛的環境所迷到～而且不似某些主題餐廳，只有幾款相關主題食物；新店的餐單中，所有食物都有癲噹的影子，甜品類固然會印上癲噹圖案、或插上癲噹白朱古力片，主食類也一樣堆成癲噹頭樣，或加上癲噹圖案紫菜粉；最後飲品／雪糕都用癲噹的餐具，形象非常貫徹始終呢～比環境及食物更加吸引囝囝的，是巨大的癲噹店長，他未到門口，已經飛撲過去要給癲噹一個熊抱了！除了初見的擁抱合照，之後囝囝又多度尋找癲噹店長，店長忙就拉來巨大癲噹公仔

今天下午和客人開了一個3小時長會，離開客戶公司已是今晚7點，需要食物充電。不用兩分鐘就到了愉景新城購物中心，路經以癲噹為主題的餐廳。癲噹爸爸是我喜歡的香港本地創作人，不理一切，一於撐！在店員的推薦下點了香趣雞塊伴貓咖喱飯定食加萌貓芝心年糕。定食先上，炸雞塊香脆，因爲肚餓大口口的牛嚼牡丹，對味道毫不在意。反而可愛的造型癲噹非常吸引人！萌貓芝心年糕的糯米粉團口感煙韌，流心芝士味不錯。年糕是癲噹可愛的大頭，賣相精緻。

近日有空閒 趁天氣清涼 就與宇哥去針草操山 四點半完成 走到愉景新城搵食先回府..裝修了一段時間 食店開始復現眼前 加入不少新食店及連鎖中檔店子 這時見夢見屋不是太多客 隨意入去試下 不過門外沒有侍應招呼 餐牌應該是全日供應 主菜另加錢會跟是日餐湯及飲品 再加一我點了白汁煙肉蛋黃醬意粉 份量同相片出入很大 少意粉 少煙肉 唯價錢不變 味道一般 無特別 餐湯是忌廉粟米湯 香香甜甜 普普通通凍咖啡 都是奶少糖水多果種 友人點了芝麻醬雜菌雞肉意粉 份量同樣少得可憐  行完山添更加不飽 熱咖啡 無特別主菜要加湯加飲品(加二十八蚊 每人成佰元埋單食下午茶 不值

以為食緊法國菜，每半個鐘先上到一個餐，講極成間鋪得2枱客等咁耐，食物質素仲要唔掂無得救11點左右到，食到下午1點都仲未食完一個牛肉鍋等左40分鐘，後手加個意粉，都要等30分鐘，失敗

一定唔會再去！差！差！差！過了午飯時間，餐廳內只有三枱客人，侍應們都不算忙，可是並沒有人帶位，點菜的時候，侍應Sxxn沒有笑容地說了3個字'係、係、好'。我們點了兩個餐，分別係滑蛋豬排飯和咖哩吉烈豬排飯，很可惜，飯並未熟透和凍，豬排和咖哩也沒有很出色。埋單時又是Sxxn過來，Sxxn只說'169元'，連多謝兩個字都沒有！ 出門口之際，Sxxn跟一侍應兩人站在門口，另一侍應打碎了匙羹，三人並没有即時清理碎片，剛巧我不小心踏中碎片，三人只是站在原地，沒有抱歉，當然連'再見'兩個字我都聽唔到！169元稱不上貴，但lunch 169 元卻得到如此服務實在離譜！