水門雞飯 (百宜樓) (Closed)

#黃店🇭🇰YL-水門雞飯咁耐仲未有得去旅行嘅大家～～有冇掛住泰國既野食🥺小編其中一樣最掛住泰國嘅嘢食就係水門雞飯！！好滑既雞配上甜甜既醬 令人回味無窮😍好啦～～所以我今次就睇吓香港搵唔搵得返呢個味道😚入到鋪頭：個感覺俾到我有泰國既味道 枱櫈同環境都有Feel🥰👅 水門雞飯 配湯(⭐8/10) $50講下個湯先～～免費送既😚但味精同胡椒味較重 所以我淨係飲左幾啖(≖ᴗ≖)雞飯大大碟，食完係飽肚既👍🏻大食怪既我啱哂～～雞我冇加錢轉到雞脾肉🥺但雞食落都滑(下次會想轉雞脾肉)點埋個甜甜地既醬好開胃～飯粒分明 👅脆炸蝦波 (⭐7/10) $24其實就係同蝦餅差唔多😆不過佢外皮有唔同 就係好似有D脆粒粒係外皮咁～～但驚喜不大 味道就正正常常 大家要繼續支持黃店🥲💛🚩地址: 水門雞飯 (百宜樓) (元朗)元朗教育路24-36號百宜樓地下A號舖🚩其他地址如下1. 大埔汀角路11號地舖2. 旺角豉油街21C號地舖3. 尖沙咀金馬倫道18號萬勤商業大廈地舖

經常幫襯，食到正宗嘅泰式味道🥸🥸雞飯好好味，雞肉勁滑唔肥😚😋，飯好香又爽口串燒都好好味，唔使去九龍城食串燒啦😍😌炒菜魷魚都不過不失，味道可以🙂個湯粉味道都唔錯😆

黎到元朗行街見肚餓入咗呢間鑽食雞嘅泰國店舖新推出二人自選套餐主食加小食加飲品加甜品勁多人食飯環境好有泰國風味水門炸雞飯外表香脆內裏鮮嫩雞油蒜蓉飯超香水門雞招牌水門雞飯配合獨特醬汁好味到難以形容泰式炒通菜有泰國黃豆醬香味超正泰式檸檬茶以及泰式奶茶普遍偏甜兩個人食飯都唔算太貴值得推介

水門雞係呢2年都已經好出名,而且分店都唔少,除左有良知之外,佢地既海南雞都真係唔錯,雞皮爽口,而且雞肉嫩滑,而且份量都幾多,另外,佢既醬汁都同平時食海南雞酸酸甜甜唔同,口味係比較偏咸,都幾特別

行過教育路，見到有間水門雞，就試吓佢嘅飯啦～叫咗個雙拼水門雞飯，即係雞加炸雞，隨餐會有湯同飲品。湯有好重嘅胡椒味，而且好鹹，飲落似味精湯，所以飲咗幾啖都係不了。飲品就叫咗杯龍眼冰，幾好飲，入面亦都有幾多龍眼肉。雞嘅份量都好多，雖然雞並非雞脾肉，但係都滑，juicy，唔柴，唔會好肥，而且都有雞味。炸雞就一般啦，少少乾，而且得幾嚿仔咁。份量上略有不足啦。底下個飯都唔差，唔會好鹹。整體嚟講都唔錯，係高質嘅一個set。

第一次去水門食堂食點了豬腩肉水門雞什飯俠新推出的香辣撈夢第一次去水門食堂食，環境乾淨，燈光充足1. 燒豬腩肉 侍應姐姐推介唔肥膩，好吧，叫一個見到四四正正，入口好香口，有點肥肉但就如姐姐講唔肥膩，肥肉炸哂油出黎，好爽口。好耐無食D 咁爽的豬腩肉2. 水門三拼飯（雞什。海南雞拼雞扒）油飯香的，雞什沒羶味，點醬汁後都叫新鮮， 朋友唔大食都KO 成碟飯，行動證明一切。係正的3. 新推出的香辣撈金邊粉好似去了泰國街邊車仔檔的風味，有砂糖在面，底有點辣辣的，係夏天食甜甜辣辣的東西係好爽。唯一係汁少了點，可能是我吃太慢所以金邊粉吸收哂湯汁了。整體來說CP 值高，可以做飯堂

星期一午餐時段點了招牌菜，「水門雞飯」，味道唔錯，但又不算好特別，我平時唔食雞皮，但這裏的雞皮很薄，會不驚不覺食埋，午市套餐包一碟飯丶一碗湯及一杯飲品。性價比高，堂食座位也舒服。

一間以水門雞飯聞名的餐廳，全港有好幾間分店，這次來就想試試它的湯麵是否和水門雞飯一樣出色～1. 牛肉湯金邊粉（生牛肉+豬粉腸）$46可以自選湯底、配料同粉麵種類。湯底有清湯、牛肉湯同冬陰功揀，冬陰功就要另外加錢啦～我今次就揀咗牛肉湯，湯底味道鮮甜濃郁，粉的硬度剛剛好，生牛肉的分量算多，豬粉腸沒有腥味，也不會咬很久都咬不爛👍🏻性價比十分高！評分🌕🌕🌕🌕🌗2. 清湯魚蛋魚片河（$46）這款湯底則清淡很多，但仍然有淡淡雞味，應該沒有落味精，魚蛋魚片爽口，各方面都正常唯略欠特色。評分🌕🌕🌕🌖🌑 3. 龍眼水（$22）雖然不能更改甜度，但甜度其實剛剛好，消暑解渴一流😋評分🌕🌕🌕🌕🌘

水門雞飯🐓係元朗嘉城附近，住左元朗區咁耐居然今次係第一次食🤣餐廳分店幾多、聽過既review 都幾好🔖～叫左自選粉面：雞絲扎肉河粉（冬陰功湯）好快就上碟，賣相都唔錯～ 湯底都幾夠濃，冬陰功湯又唔會太辣😋 味道係幾好，啲餸都唔錯👍🏻 不過份量有啲偏少阿（女仔食就啱啱好🤣）另外叫咗杯芒果冰，有少少太甜因為佢係用糖漿製成😣 但係可一讚既係唔會食到好重嘅沙冰感，口感綿綿地～係下次可以再食既一間餐廳💛💛

早左食晏所以早左肚餓但走左去食糖水😂食完糖水👨🏽都話肚餓咁兜左幾個圈最後決定食水門雞飯啦本身諗住一人一碟就算👨🏽痴左線 又菜又魷魚🙄—————————————————————本身碟水門雞飯已經幾大碟下面頭一排無骨嫩雞加下層油飯加上舖頭嘅裝修有少少似置身泰國唯一唔同係有冷氣同無冷氣🤣當然心情同真係喺泰國好唔同啦👨🏽叫左碟泰國無嘅辣炒牛河當日都見到好多人叫呢個試左啖如果喺泰國應該唔會想食🤣唔係唔好食 係會食到頭頂冒煙然後有例牌嘅炒通菜最後仲要叫埋西蘭花炒魷魚又係抵食夾大碟 魷魚夠多又大條食到尾好似多啦A夢個百寶袋咁食極都有🤣真係飽到想嘔呀😅—————————————————————✡︎ 水門雞飯 $50✡︎ 泰式乾炒辣牛河 $65✡︎ 馬拉盞西蘭花炒魷魚 $68✡︎ 泰式炒通菜 $52

想試呢間水門雞飯好耐，今日見app做緊7折，就一於叫來試吓。水門雙拼雞髀飯點晒個三盒醬 覺得好好味😋 叫咗個檸檬梳打 Lemon Soda檸檬，真係幾酸🤣鍾意酸嘅朋友可以叫呀😆👍🏽泰式凍鴛鴦屋企人話呢個好飲😋泰式辣雞絲湯粉屋企人話好食😋脆炸蝦波 我同屋企人都覺得好好食泰式炒通菜好惹味但又唔會太鹹好like!!今餐好味😋

-行過教育路又諗唔到食咩就入左呢間綠水門，唔係黃色招牌嗰間🍲水門雞飯 $50佢有一個雞飯同湯，飯唔算太油粒粒分明幾好食，啲雞點醬之後甜甜地好開胃，個雞飯整體嚟講好滿意，不過個湯😂，真係超鹹，落太多胡椒粉搞到仲鹹過啲醬，食完即刻去左亞玉買枝豆漿飲🦑原隻燒魷魚 $38呢個價錢兩大隻，幾抵，而且好好食，配紅色嗰個醬，我個人覺得唔點醬好食好多🐤雞肉串燒*2 $26 + 🐷豬肉串燒 $13比左個好似椰漿咁嘅醬，我自己就覺得個醬味道好淡，串燒燒得幾香口😌我幾鍾意#sorriso_新界 #sorriso_元朗 #sorriso_旺角 #sorriso_尖沙咀 #sorriso_九龍 #sorriso_大埔-📍 水門雞飯元朗教育路24-36號百宜樓地下A號舖尖沙咀金馬倫道18號萬勤商業大廈地舖旺角豉油街21C號地舖大埔汀角路11號地舖🕑Mon to Sun 12:00~22:00

元朗實在太多嘢食啦，今日行到呢一間舖頭附近，天氣太熱都唔想再特登搵其他餐廳，門外睇餐牌都幾啱食，一於揀呢間食海南雞飯啦Weekend lunch都有lunch set包飲品，可以選擇既野飲好多選擇，除非一般泰國餐廳有嘅泰茶之外，仲有香茅茶或者沙冰等等既飲品，今日揀咗水門雞飯同埋泰式豬手飯，另外仲送一碗湯。雞飯既味道令我諗起泰國嘅味道，另外豬手飯亦都非常好食，肉質好淋，豬皮亦骨膠原食落都唔會覺得好油膩，好快就KO左成碟飯。飲品叫咗香茅茶，呢啲天氣飲真係一流！

話說我去左元朗到食飯，但又唔知點解元朗四圍都係人又搵唔到有邊間野好食，就我就是但搵左呢間水門雞飯去試一試。入到去發覺雖然冇係門口排隊但係入面都一樣係好多人。咁我坐低左就叫左個招牌既海南雞飯試一試佢。叫左個海南雞飯佢仲有一碗例湯配埋個飯去食。個雞飯啲雞好軟好滑好有咬口，啲雞同個汁又係好夾，一啖雞一啖飯好快就食晒成碟飯，食完個飯都唔會口渴，幾好。但係我覺得個飯既份量有小小唔夠，如果叫多個小食就應該岩岩好。

一如往常咁 店鋪有8成入坐率 坐位亦寛敞舒適菜單相比以前都多咗好多選擇 有炸雞，雞雜 除咗飯以外亦有泰式麵$52 雙拼飯（雞+炸雞）油飯偏乾但雞油濃 飯量少 如果胃口比較大 或者男仔就可能要加多個飯 白切雞 雞味濃厚雞件唔肥（唔多脂肪） 但嫌有啲鞋口 炸雞就唔係新鮮炸起 入口微溫 但炸漿同肉質都岩岩好 唔會炸過火 但食落係好食湯就一入口成陣胡椒粉味 同咸 但就每碗都有一個冬瓜整體來講 仲算可以 雞件質素唔差 但就份量偏小 如果可以多啲就完美啦