We Time Cafe (光輝圍)

Open Now

Now Closed

🤪 小編依日周末想外出食個午飯先返去做嘢，叫咗個朋友一齊，然後搵咗個好少去嘅區，揀咗間餐廳食lunch。 🍽 招牌鰻魚炒飯 😋😋😋😋猶疑咗好耐叫邊款炒飯，最後揀咗唔係成日食嘅鰻魚炒飯。飯炒同粒粒分明，用咗好簡單嘅配料一齊炒，已經好香！鰻魚係切件炒嘅，仲係好完整，唔會炒到爛晒！好夠調味！☺️ 🍹 低糖薏米水 😋😋😋😋😋跟餐加錢叫嘅～ 薏米浸得好軟綿綿，份量好多，仲有少少咬口！飲到薏米嘅甜味，唔係死甜嚟！似食緊中式糖水！👍🏻 🥩 相撲手肉眼牛扒 (8安士) 配黑椒汁跟扁意粉 😋😋😋😋依碟係朋友叫嘅主食。小編試咗一細塊牛扒同少少扁意粉，🥩 牛扒煎得幾好，唔會太韌，黑椒汁另上，想惹味啲就可以自己點，而扁意粉有淡淡嘅茄汁味。🍝 整體不過不失！午餐 💵💵 約港幣$70/人💁🏻‍♀️ 依間雖然叫café，但感覺似西式茶餐廳多啲，食物OK！🤔 作為平日返工嘅飯堂都幾唔錯，而且提供多款菜式。卡位張枱加咗隔板令用餐空間減少，中午繁忙時段，人多的確有少啲擠逼！大家如果中午去幫襯，就要留意一下啦！😉🙆🏻‍♀️ 最後，喜歡嘅話，歡迎follow @foodirectory.hk！

📣召集十八區生銅人🔹生酮料理餐: 椰菜花炒蛋🔹$62配豬扒/牛扒/雞扒 (仼選一款)身為常客表示菜式嘅分量撞手神，今次塊牛扒偏細🤡好彩夠厚身👌🏻 入面都好粉嫩😚但就唔會重牛味㗎啦，傾向係鬆肉粉乸過嘅牛扒椰菜花炒蛋炒成蛋餅咁嘅厚度🍳健康清淡嘅感覺，需要加一旁嘅茄汁調味連埋一大推沙律菜🥗 飽得嚟減低罪惡感六十蚊營養又滿足，仲包埋足料湯品，星期一至五日日唔同午市晚市餐牌同價，真係算區內好親民嘅西餐廳，menu選擇仲要多 點食都唔厭，難怪會成為我收工後嘅飯堂㗎😝🫶🏻 遲啲有機會再同大家介紹其他幾款，我百吃不厭嘅菜式🕺🏻✨

雖然葵興唔多美食, 而且冇乜野好行, 不過連埋荃灣或者葵芳作為半日遊, 光輝圍作為中途站食下野都係唔錯相撲手西冷牛扒配黑椒汁跟扁意粉 - 西冷牛扒夠大份肉味濃唔會嚡熠熠, 意粉有撈過茄汁唔係就咁淥熟, 價錢相宜, 每次嚟都好多人叫嘅人氣套餐脆炸更邪惡芝心豬跟扁意粉 - 一切個芝士就流出嚟, 跟飯應該更好, HKD63出面茶記都係普通醋扒撈丁, 抵食焗黑椒汁牛魔皇跟珍珠飯 - 幾喜歡餐廳會跟沙津菜, 黑椒汁好惹味同牛係無敵組合, 少食飯都忍唔到口 全日早餐 All Day Breakfast - 除咗最吸引我嘅奶油窩夫同茄汁豆, 仲有香草腸、煙肉、炸薯餅、牛乳炒蛋、山葵汁田園沙律, 而且跟餐有熱飲都只係HKD60, 我要咗薏米水都唔洗加錢, 唔洗升級都好飽

本來想去「一意」食點心，點知撞啱做緊外賣團購，要6：15先開，於是改去食「川龍」，行到去見隔離間西餐幾次經過都冇幫襯，決定試試。黑松露野菌帶子意大利飯（$68）凍朱古力（+$3）黑松露醬汁幾香，亦夠濃味；但飯偏淋；帶子好有誠意煎得好靚，可惜冇咩味。因為係全日套餐，跟咗個餐湯，係粟米忌廉湯，味道正常。美國安格斯牛肉漢堡配薯條（$58）低糖薏米水牛肉漢堡比較普通，但整體味道都合格。粗薯條好味道，而且洒上孜然粉辣粉，勁惹味。另外仲有沙律菜。下午茶餐呢個收費抵食。

與三位朋友一起到此晚餐，由於大家都是相熟所以便打算叫四道菜一起分享。首先是煙三文魚沙律，都是見慣不怪的擺盤，份量適中，沙津吃得出是新鮮的。之後是泡菜炒飯，賣相有點被其他西式菜色比下去，飯裡有泡菜，也有點芝士，但炒飯略有點濕。然後便是西冷扒及黑毛豬。西冷扒只是一百多元那個，叫了5成熟，味道及肉質對得住價錢，但筋有點粗，不喜歡食筋的要考慮一下。黑毛豬肉質不太鞋又不太稔，剛剛好，重點是那個蜜糖芥末醬，幾惹味，叫了記得要點。最後叫了個甜點，雪糕是雲尼拿雪糕但是好食的，但吃不出是甚麼牌子。窩夫即叫即整，十分熱和脆，混了凍的雪糕十分好食。

話說呢日囡囡又話同埋我哋食晚飯.叫我哋喺葵涌搵間餐廳食.食完可以就腳搭車返屋企！我係光輝圍附近搵到間We Time Cafe 西餐廳.我記得以前這間餐廳係 Cafe & Tea .間舖裝修都比以前特色啲.但係座位比較逼夾.好彩我哋三個人坐喺四人卡位.比較鬆動。今晚點餐如下：1. 8OZ西冷牛扒配黑椒汁意粉 X1 $73元2. 黑松露惹菌帶子意大利飯 X1 $68元3. 卡邦尼煙肉扁意粉 X1 $60元4. 餐飲：凍檸茶涷飲加$3 X2 $65. 餐飲：凍鴛鴦涷飲加$3 X1 $3📌We Time Cafe (光輝圍) (葵涌)葵涌光輝圍21號昌發樓地下6號舖

因為見呢間嘢之前比人罰停晚市，所以想試下呢間本身諗住用外賣app落單，但個app又search唔到特登11點幾親身走落去餐廳落單，諗住外賣自取11點2X分去到問佢有冇得落單，門口個員工態度麻麻咁話要準時11點半先落得單咁算啦，等到11點半去落單，落咗兩個餐之後就一路等啦等咗半個鐘，見到成堆外賣app落嘅自取單已經搞掂曬但係我明明11點半已經落咗單，結果都仲未有得拎仲要有啲遲過我入去堂食嘅食客連個餐都食完埋，我都未有得拎用外賣app嘅客就係客，親身走落嚟想支持你間嘢嘅就唔係客?而且啲員工嘅態度又係好麻麻咁都算啦，拎完返屋企食叫咗一個$65脆爆芝心豬意粉同一個$58龍脷柳配荷蘭醬個羅宋湯啲料就好少，而且酸過頭啲意粉完全未煮得透，有好多係硬到痴埋一嚿嚿咁豬排係唔錯嘅 但係佢跟嗰個醬超級難食 係酸嘅枇杷膏咁嘅味龍脷柳就非常普通嘅冰鮮貨色 但係佢跟嗰個醬又係唔好食 荷蘭醬還荷蘭醬啫 都唔係整到好似人哋就咁坐溶啲牛油就算啩 食到我成口都係油咁完全唔明點解呢間咁難食，服務又咁差嘅餐廳可以生存到激到我完全冇出過食評，都要特登寫個食評嚟鬧呢間嘢以後絕對唔會再幫襯呢間又難食，出餐又慢，服務又差嘅餐廳

陪老公黎葵興睇完電單車袋，難得黎到呢頭就搵個地方食個靚tea。《We Time Cafe》絕對係一間平靚正小店。［花生醬西多士+凍檸茶］超級大件同厚，炸到金金黃黃，好吸引！入面既花生醬仲有好多花生粒，好足料👍🏻［碎蛋牛角包+蜜香紅茶芝士奶蓋］牛角包好脆，有芝士、蛋碎同沙律，又係好足料。唔係咁多cafe有台式飲品揀，呢度既選擇仲要好多！我呢杯蜜香紅茶芝士奶蓋跟餐只係+$8咋！好濃蜜香味，芝士奶蓋香得黎但唔會好膩🤤不過環境就稍為迫左少少，但整體都值得一試👍🏻

店內座位都幾狹窄，肥少少都坐唔落😂張細細既枱仲用partition 隔開左一半，真係啱啱好放到自己個餐咋😅不過香港土地問題嚴重，好難避免。叫左個All Day Breakfast, 60蚊有香草腸、煙肉、薯餅、窩夫、炒蛋、茄汁豆同沙律，跟餐仲送杯熱杯，呢個價錢食到咁既ADB都算係咁啦！👍🏻👍🏻另外試左相撲手西冷牛扒配黑椒汁跟薯菜，薯條分量十分多，肯定夠飽！牛扒都好大塊，唔怪之得叫相撲手牛扒啦！牛味濃，又唔鞋，正😋😋😋不過薯條得啲辣椒粉調味，有啲單調，我都係鐘意蘸茄汁多啲！牛扒餐仲有啲沙律🥗，食完牛扒可以解下膩～和風牛肉配稻庭烏冬（黑蒜油豬骨湯底）紫菜淋左😂好多配料～黑蒜油豬骨湯底夠濃味，稻庭烏冬一貫彈牙，呢啲烏冬都係穩陣之選，無咩特別🤪除左環境窄左啲之外，其實整體都好高質，絕對值得試下😜

今晚老婆要OT冇人煮飯，咁就同阿仔諗吓附近叫邊間外賣啦～————————————————————————We time cafe💛前身係奶茶咖啡室，以前成日幫襯，不過改名之後就冇幫襯過，好啦，咁今晚就揀你啦😁😁😁————————————————————————套餐包括主菜，西湯，沙律，餐飲，$60幾70蚊，價錢絕對超值👍🏽👍🏽塊牛扒比得上出面$2，300蚊果d質素添😋😋用某個外賣apps仲有95折優惠，抵食！

又到下午茶時間喇，行過見唔使排隊，緊係去食個TEA先喇😆😆😆😆😆😆三重芝士熱狗配薯條，下午茶會免費配飲品首先，講隻熱狗先，麵包有微微烘過，暖暖地，芝士量都夠嘅，可以做到少少拉絲嘅效果😍腸就係脆皮腸，幾好食😂但由於成個熱狗都無額外嘅醬，所以整體黎講又少少偏乾，如果加翻d醬落去會好d🤔🤔至於薯條就真係麻麻地，上到黎已經得微微暖，仲淋淋地，唔係脆身嘅😖😖😖薯條外層灑有類似椒鹽嘅粉，就算唔點茄汁都夠味嘅。沙律就正常發揮，普普通通咁🫣🫣🫣

今日2022年4月25日早上8點33分在葵涌光輝圍we time cafe 訂購外賣早餐自取，在回公司後發現少了加購的迷你火腿螺絲粉(蕃茄湯)，本人已即時打電話到餐廳理論，該餐廳職員態度非常惡劣，只說下次補回漏的餐點，本人要求不用下次補回及作出退款，但職員說不能退亦未能安排其他職員即時補回該餐點，及後該職員把電話給餐廳老闆嚴先生，本人已一再強調我是真心白銀付了款而得不到應有的餐點，但嚴先生再次確認不會為本人補回漏給的餐點及不會作出即時退款......

光輝圍果邊特別多餐廳小店(不過依家出去好危險🥺)，一眼望去呢間cafe望落算四正。不過有個幾大嘅扣分位...🧐就係座位超級窄🥸partition將張枱打橫分兩半，放完個餐已經無位🥲想擺多個嘢飲都要就住。另外，唔知係咪因為太忙，店員送錯餐嘅次數都幾多😅🌟西冷牛扒配黑椒汁+薯菜 ($73)牛扒超級大塊 有牛味，無咩筋👍🏻呢個價錢簡直超值。已經試過太多切到手都軟嘅牛扒😥呢間價錢完全收貨！薯條撒咗辣椒粉係上面🍟味道略顯唔夠濃不過都ok。🌟凍檸茶 (+$3)味道正常，幾大杯。

初4咁架樣 食反個西多開心下！！店內裝飾幾搞笑！！！超厚西多士！！！好靚仔！！！！ 兩片厚方包 仲夾住d花生醬！有粗粒果隻！！正！！西多士炸到金黃 鬆脆！！糖漿另上 任你落！！！就係爽！！ 仲有少少沙律伴邊！！蔬菜口感爽口！！係日式芝麻醬！！食完西多解解油膩感good!!!！！跟餐叫左杯低糖薏米水 清一清個口腔 岩岩好！！！！重點係31蚊！！！抵到爛！值得再去 ！！！一個男人食都夠晒皮！！女仔架話要2個先食得晒！！

難得早收工，歎翻個tea先😌Tea time meal真係幾幾抵下最後叫左花生醬西多士，連飲品都係30蚊個西多士上到黎真係又大份又厚身😱糖漿係另外上，可以根據自己喜好落仲附送埋少少沙律添👍🏻食得悶悶地就食下沙律☺️個西多士食落唔會好油膩包身鬆軟帶少少脆但個花生餡只係薄薄一層食落唔係好滿足飲品叫左低糖薏米水，真係低糖，甜度得微甜，薏米又甜甜地淡淡地又幾好飲bor，又解膩👍🏻整體黎講都抵食嘅，唔會好似某d連鎖咁得薄薄兩片夾住😂