名門讌客 (Under Renovation)

公司隊長退休宴，同事介紹呢度，除了地點方便大家之外，服務都好！訂位唔使落訂！講信用！套餐選擇有彈性，可以有限度揀菜色！地方大，裝修光鮮！白色主色唔俗！最緊要間房好大，放3張枱都非常多地方多出，大家可以打牌傾偈！店家仲好好提供埋大頭釘比我哋掛裝飾（因為海綿牆壁）鴻運乳豬大拼盤：食咗乳豬皮脆唔肥，中華沙律正常芝士焗蝦球伊麵底：賣相一般，芝士雖然多但唔香，伊麵太淋！蝦肉已起殻，蝦肉爽口！碧綠醬爆雙蚌片：蜜糖豆飽滿，醬汁辣辣地，蚌片彈牙！好味！紅燒竹笙海皇翅：翅湯夠熱，翅唔大唔多！當湯飲！乜都切碎晒！食唔出味道！蠔皇金錢海鮑片：冬菇好厚肉，鮑片彈牙，啲膠水獻太漿！生菜爽脆！清蒸大海石班：魚肉雖然唔嫩滑！正常名門一品燒鵝：燒鵝味濃，雖然皮唔脆！正常！翡翠粒蛋白炒飯：有啲飯一團團！餸菜粒唔多！一般豉油王炒麵：麵索咗豉油！炒得鬆！無漿住一起！正常小壽包：無食好運紅豆沙：好杰身，豆落得多！起沙好味！環球鮮果盤：西瓜同切橙食物比想中好！服務殷勤！我哋想set大枱即刻幫我哋改！幫到嘅都幫手！不過中間我哋頒緊禮物時，店員又唔通氣繼續上菜！（係已經叫佢停都超上）地方好適合攪飯局

這間店剛開張的時候，曾食過幾次，味道也不錯的，但不知道是換了廚師還是怎樣，水準開始變差d，後來也沒有再食了幾年後的今天與友人再決定試一下。午飯時間慶幸吾洗排隊便可入座食物來的時間也很快，選擇款式也多。最令人驚喜的地方就是食物味道回復以往水準。以後午飯時間也可以多一個選擇了。

同長輩吃早餐都係飲啖茶食個包。去依間因為唔貴又就腳。去到阿姐叫我地自己揾位，但我地入去行咗個圈都冇位，唯有搭枱。坐低後阿姐除左幫你寫要咩茶丶拎茶嚟和點餐外，都冇service，加茶都係要自己嚟。亦冇人嚟收嘢。我地叫咗兩個點心加一個粥餐個粥一食第一啖已經feel到好勁味精，料唔係多，偏稀，麻麻。蘿蔔糕OK，煎得幾香。蝦餃皮厚，入面d蝦散收收，好似將d碎片合併埋一齊咁，唔得掂。偏細粒，肥豬肉多過牛肉好多，比例失衡，都係唔得掂。埋單位位＄34，係飽嘅。抵就抵，不過唔好抱太大期望入嚟。

今日星期六，難得地做孝子同老媽子飲啖茶 食個包。葵芳酒樓好多，但好食既就少之有少，但唔緊要啦，飲茶都係旨在嘆杯茶，休閒下架姐。今次呢間名門讌客既位置都幾方便，就係地鐵站隔離，可能係星期六既關係，門口排晒長龍，等左15分鐘左右就入得，尚算可以接受。毫不意外地，酒樓既阿姐都係極之「有禮貌」，呢個亦都係全香港食肆既通病，酒樓阿姐既態度更甚惡劣。飲啖茶 下個火就放佢一馬。先黎一個香煎腐皮卷，眼望第一眼有一舊腐皮已經穿左，美觀上先扣一分。但難得皮夠薄，微脆。但餡料好少，只食到少量紅蘿白，冬菇。蝦餃係必點之選，蝦肉足秤，尚算新鮮。但皮有d厚，整體不過不失。我既致愛鼓椒鳳爪，有d澀身，偏咸 缺少辣味既點綴，味道還可以。鼓椒蒸排骨，老媽子order要食。份量都幾大，但有唔少肥肉，最後媽子嫌肥 夾晒比我食。咖哩土魷，冇乜咖哩味，去到食蘿白果下先食到個咖哩味，只能說不合格。兩個人叫左5個點心，唔算十分飽肚，食物質素一般，但勝在位置方便就腳。

父親節晚飯，在酒樓吃套餐不過不失。餸菜份量充足，熱度夠，但厨房上菜速度有待改善，侍應招呼尚可，未能及時回應但總算努力做。最驚嚇部分是簽卡埋單時，女部長竟然開口要小費：「俾啲小費呀，唔係公司以為我們招呼不周。」大家十分猶豫並說這樣不太好，始終不是自願給嘛。她並沒有離開而是繼續等。直至我們商討後屈服給了現金小費才離開。其實我們不是介意那少少錢，而且女部長的舉動實在教我們不知所措。酒樓晚飯吃得多，第一次這樣被要求給小費，感覺錯愕。希望酒樓留意一下。

同屋企人一行六人嚟食晚飯, 見到有個set 係閒日$268 有四餸一湯, 好似幾抵於是就叫嚟試下叉燒肥瘦適中又唔鞋, 幾好食! 燒汁野菌雞煲雞件走過油略嫌油膩些少但都可以接受燒汁牛柳粒炒四季豆牛柳粒夠淋又入味, 好好食! 雖然鹹咗d 但送飯就啱哂啦~ 豉汁蒸倉魚正正常常幾好食, 雖然等得比較耐少少, 不過即蒸要d 時間都明嘅~叫多咗個$68 金銀蛋浸白菜仔, 都幾好食!例湯係青紅蘿蔔粟米湯, 味道偏淡不過都pass 啦呢個四餸一湯$268嘅set 係唔包白飯, 飯係需要另叫, 我地5碗飯加個白菜仔連茶芥加一最後都$5xx 埋單, 其實又冇想像中咁抵, 不過酒樓嚟講價機都仲係算平!服務方面就麻麻地啦, d 侍應叫極唔睬人, 等落單等咗好耐..... 🙈🙈🙈

飲茶，因為媽去開果頭有野做。未食過，門勁多人等位以為好耐，點知電話玩一輪已經過左😂入場就知點解咁，因為個場好～～～大，水晶燈痴既妹妹就話好靚，因為全場大水晶燈。大把枱但都好多人。啲呀姐都幾好禮貌，但啲碗碟就唔多乾淨⋯點心紙好長，點左幾個。鮮蝦菜苗餃隻隻都蒸到打開晒，點心呀姐都有啲唔好意思，問使唔使換，但我見到果幾籠都係打開口😂味係無問題架。蘿蔔絲酥餅幾好味都幾鬆化。長長一條羅漢齋腸粉，係有啲素菜但唔係羅漢齋。海哲拼青瓜，青瓜用辣油浸到咩味都冇，海哲就厚厚的好爽好味。豆沙窩餅正常味，普通普通～～埋單二百幾

本來一家人，開心一起吃團年飯，點知一肚氣！一坐下來，開茶一次又一次的不來，最後第四次至到。叫啤酒，又是一樣，最🔥滾，個侍應問我你叫邊個攞呀？跟住仲賴得理我！總知，以後不會再去😡😡😡

朝早同屋企人食早飯，好多嘢食而且都幾抵食。蝦餃如果冇記錯大約＄10一籠比出面平好多，不過相對地蝦餃份量比較細，裏面嘅蝦亦都唔多。裏面得三隻，不過都算幾抵食，而且外皮厚度適中裏面的蝦調味剛好。章魚肉餅飯又係好平，＄10左右，不過啲飯就比較硬，冇乜章魚嘅口感，要加多少少豉油。燒賣大大粒，不過煎得有少少過火，有邊位已經開始有點爛。其他食品也不過不失！

本來抱著興奮不已的心情去葵芳名門食晚飯，點知令我大失所望。我地叫咗呢個乳豬海鮮餐。首先黎咗個乳豬，點X知隻乳豬係凍嘅，暖都唔暖下，X你個街，隻乳豬凍嘅叫人點食呀？ 之後黎咗個「龍皇帶子卷」同「奇脆拔絲骨」，X喇星，呢兩個酸到X街，點X樣擺入口呀X街。 然後黎咗個「上湯焗大蝦球」同「花膠絲拔時蔬」，個餸一黎到，我即刻有D想衝去廁所嘔嘅感覺，我仲差D不禁爆出:「X你老母，咁X難聞㗎X街！」我認為呢兩個係成晚最差嘅餸 之後嘅係隻雞，唔熟，好韌。 然後嗰D就好返D喇，不過都唔好得去邊，都係普普通通。 最X衰嘅都係個價錢，咁X難食嘅餐，竟然賣$1988，簡直係「People's Refxxking of 名門」，吊吊吊吊吊👊👊👊👊👊 最後，我係度奉勸大家，真係真係真係真係唔好黎食。

之前間野都無咁衰，今次食真係好失望，叫左7個點心，真心無樣掂⋯服務又差，一入門口同接待處講2位，之後叫我地自己搵位，入到去坐低，有條著西裝既友仔飛單落枱⋯野食真心難食，之前無咁衰，無下次

今日中午同班客人幫襯呢間野，叫左好多嘢食，但客人可能舟車勞頓無乜胃口，我見叫得太多，想取消一碟未嚟嘅餸！同個侍應講，佢黑面同我話無得取消！除非你埋單時碟野未到啦！你而家係咪走丫！哇，呢D咩待客態度！我都明order左唔一定可以取消，但既然我禮貌地問你都可以好聲好氣答我丫！最神奇係果碟餸後來一直都無來，我以為佢唔通取消左？點知到我地食完差唔多埋單碟餸先來！咁即係點？我見有客人響度費事同佢嘈失禮人，依然好客氣咁問佢攞個盒打包走！個侍應好黑面好大反應咁話，要比一蚊架喎！我而家有話唔比咩？咁樣對客係咩服務？你唔比我取消碟野，又遲遲唔上菜！我走果時問你拎個盒打包好似欠左你錢咁嘅！呢間野以後都唔會再幫襯！

本人在兩星期前已訂了13位的周日晚市飯，亦一早付了訂金。當下去到只給了我們8人枱，連枱都冇set好，凳都只得8張。當我們向員工查詢，得到回應只是“係呢張啦，你坐唔坐丫？“跟住就走左去。態度不能接受，以後都唔會再去

今日lunch同同事去飲茶除咗普通點心之外，仲有好多其他小菜呢個椒鹽味既香酥豆腐，外層炸得幾香脆，咸咸地，豆腐都幾滑，不過無話特別好食。咸水角好香脆，咸香味好唔錯！入邊有一啲肉碎同蔥花！太多人食，所以送左一隻雞俾我地！唔試過都唔敢相信！真係一隻完整既雞！！肉質嫩滑，仲有d淡淡既雞香味，好抵食，因為唔洗錢！！叫左個鳳爪排骨飯，米飯比較硬，醬汁唔夠多，鳳爪好夠味，排骨都唔錯叉燒腸粉包住好多叉燒同肉碎，不過味道一般，主要係食豉油嘅味

今日同家人去左呢到試個片皮鴨。一坐低就叫左個片皮鴨，果個人話要叫多一個小菜先可以食優惠價，我地就隨便叫左個炒菜。片皮鴨好快就到，配料有京蔥絲同青瓜。先講講個皮，d皮又凍又厚，不過唔硬，過得去既，個片皮鴨就做得幾好，有埋張台仔係門口睇住佢切，d皮仲好脆，厚薄適中，肥膏唔多，不過肉質有d老，但整體都唔錯，下次可以再食。