西麵 (Closed)

平時太多人等位，所以成日經過都食唔到，今日lunch早出去未係好多人時，終於食到喇，我地叫咗2個lunch set,雖然好多人等位，但都堅持即叫即煮嚟到熱辣辣，我叫咗個意粉，個意粉好好食呀，我老公既屯門牛飯個牛都好好食

呢日嚟到屯門，行經華都中心，見到呢間「西麵」餐廳門口大排長龍，於是我都嚟湊熱鬧幫襯，嗌咗份「白色恐怖」（卡邦尼扁意粉）。.🍝「白色恐怖」外面細滑，充滿白汁，好creamy；內裡邪惡，扁意粉上有隻煎蛋，好多蛋白質，煙肉粒加埋個汁，要做返幾課運動減脂。隨餐有杯熱檸水，英式茶杯相當美觀。.💁🏻‍♂️間鋪150呎左右，座位共十個。小店由四個後生仔打理，兩個做廚房連水吧，一個樓面，另一個喺門口招呼。雖然等候時間長，但好多客人都願意耐心等候，亦有家長帶埋小朋友嚟懲罰佢哋。

————————————————————排咗呢間鋪頭三次 每次都等左九個字就放棄🤯今次專登未開舖就嚟！————————————————————🔹黑松露雜菌意粉 $60 (+$18 轉套餐包飲品、餐湯及餐包)🔹香蒜日本帶子炒意粉 $68.坐係出菜位附近，一路等個意粉一路聞到強烈黑松露香氣🥰一上碟——果然不負所望，勁香勁濃嘅松露😍個汁偏向creamy，熱辣辣包住每一條扁意粉，咀嚼時口腔充滿菇菌香味，好幸福啊😭意粉好彈牙好有咬口，好耐無食過咁al dente嘅意粉！尤其係呢種只有菇同醬汁嘅配撘，越有口感就越有層次！帶子炒意粉就略嫌無乜餸，但都幾香口，朋友勁快鯨吞哂🤯🤯🤯🤯本身抱住黃店點都撐嘅心態去食，點知超有驚喜，60蚊完全worth the price ，如果佢開個靚啲嘅舖位真係賣到98蚊一碟都得😬

We have started to visit this restaurant since they opened. They have become more popular now. If you would really like to try, you may have to go there earlier to get a ticket first. They usually play music. When they see my son, they try to avoid any songs that are too rock or not appropriate to children. This is highly appreciated. Their food tastes good as well. My son always orders the rice with smoothy eggs and iberico pork in curry (咖哩滑蛋黑毛豬飯).

今日同兩個朋友黎到屯門諗唔到食咩，於是佢哋話最近新開左一間良心小店，叫我嚟試吓！所以我哋三個一齊等位～間店有啲細間，可能大約容納到12個人到，所以我哋三個人嚟食就有啲麻煩，不過等左一陣都已經有得入去食佢個餐牌都有好多唔同款嘢食，我就叫咗個煙壓瘋，即係煙鴨胸炒意粉，佢仲可以叫一份柚子蜜，都算係幾抵食個意粉炒得好香，啲黑椒令到個意粉更加入味，而且過煙鴨胸唔會太難咬，不過就油左少少，係整體來講都係一個好高質嘅菜式！值得推介呀！

大家政見一樣，所以諗住黎支持下小店。但係真心態度可以改善吓。剛到嘅時候，有個員工起出面行返去開門。咁我咪裝下係咪無位，佢問我"咩事？", 我搭"係咪無位？" 跟住佢搭係就關門。問都唔問幾多位。咁咪唔食囉。

係屯門華都地舖，呢間係有連儂牆既良心小店，價錢唔貴，性價比高，最梗要係食得開心！因為好多人排隊食，老闆好有禮貌叫我地耐心等，同指示排隊方向。好，坐底睇下有咩好食先。煎蛋泡菜黑毛豬飯，個飯一黎到，比個為食朋友偷食，話左相機食先。大大隻煎蛋係面，豬肉片煎得香口，飯量足夠，雖然客人眾多，都仍然Keep 到水準。卡邦尼扁意粉，又係有大大隻蛋，應該係呢度既signature， 意粉望落唔算特別，但一食落口，就見真章，醬汁有濃厚芝士忌廉味，而且沾滿每一條意粉，剛剛好掛上去，唔會過多或過少，味道有意外驚喜，好食！呢排叫主菜都免費跟飲品，凍飲加$3

一間有連儂牆的餐廳，澳牛式的格調同風格，配搭精緻的餐點，明明係快餐但又有食cafe的感覺。叫左卡邦尼意粉（$60)加配餐湯飲品($18)。意粉份量好足夠，我食一半就飽，上面加左隻太陽蛋，成碟意粉開心哂，餐湯係粟米湯，餐飲哪左熱朱古力，隻杯好靚，但杯野超級爆甜🙈其餘整體都唔錯，座位都好舒適，加埋個政治立場，100分。

有朋友推薦過呢間餐廳 喺假日周圍都要等位嘅時候就醒起華都呢間小店喇大概7點4左右到 餐廳唔大 大概只有13個位慶幸啱啱有張二人枱又未有人等位 可以即刻入再晏小小就都有幾多人等位喇餐牌：款式唔多 不過如果做得好嘅過獨沽一味都可以打響名堂嘅✨餐湯&包 $+18湯係粟米濃湯 甜甜地幾好飲包就普通餐包加啲牛油烘熱佢整體嚟講無特別✨香蒜和牛炒意粉 $68上菜個意粉好夠熱亦都好香和牛粒有6-7粒 但有小小韌個蒜味非常強 強到好似食緊小食撈撈咁✨香煎帶子墨魚汁焗飯 $75賣相好單調 不過勝在夠黑😂個飯食落無墨汁味 只有淡淡嘅忌廉味帶子就正常水平✨凍朱古力 $+3幾濃朱古力味但就比較甜整體嚟講味道還可以 但性價比唔高環境嚟講其實比較差 因為店內油煙其實都幾犀利人均差不多要一百蚊嚟講 筆者覺得可以有更好嘅選擇可以一試 但回頭指數就唔高喇

抱著報答同路人的心首次光顧，在門口看完餐牌，卻發現與當天店內的不盡相同。店的面積很少，裝潢簡潔精美， 目測大概有20個位置。店員友善且細心，建議我可先把大袋子置於空位上。點選了卡邦尼意粉和凍檸檬茶，店員友善提醒因有外賣製作中，故等待時間會較長。先上飲品，凍檸茶水準屬一般，當然及不上茶餐廳的，而且我的那杯大概忘了放糖走甜了吧，還好我能接受；才喝上幾口，不消一回意粉也來了。意粉份量不算多，食量大的男士或者要另叫小食。才剛上枱，香氣四溢，試一口，芝士、蛋、牛油（我猜是牛油吧？）配搭極為香口，配料絕不吝嗇！濃度與溫度剛好！這是我暫時吃過最高水準的卡邦尼意少粉！話雖如此，吃到最後有點油膩感，這份量即時顯得很相宜了，這味道足以彌補凍檸茶被走糖的一點失落。在進食期間，店員間一直在討論煮食技巧，有客人點了牛肉的菜式，大概好像賣完了？新的食材還夠未夠入味，店員對食物質素很堅持說不希望賣出不到水準的食物，友善地建議了別的款式，客人也欣然接受。看到裝飾櫃上置有貓糧，未知是養在店內還是店員家中？待會兒去看看樓上的Q仔吧。希望小店能持續成長，這將會是我這位屯門牛的新飯堂了，必定會再來。

華都商場底層有不少自家食店,這天見到西麵店內高朋滿座, 就決定一試。食店主打不同意粉,有蒜炒或白汁等等,加錢可配餐湯和小麵包。當天的湯是南瓜餐湯,甜甜的,很好味,幾有驚喜。麵包就是牛油小餐包,溫度夠熱,而且SIZE不大,可以過過口癮又不會太飽。本來是點了菠菜蟹肉意粉,但店員話剩下來的菠菜不夠,幫我轉了野菌配蟹肉,意粉新鮮煮起,白汁味道濃郁,整體很creamy,而且蟹肉份量亦不小,整體很好食,而且價錢實惠,大家經過不防支持下小店。

店鋪空間很少 但勝在食物高質 員工態度很好 見到我拎住袋 即刻拎個籃比我裝住 同朋友分別叫高質卡幫尼意粉同牛排(一set三款),卡幫尼有汁唔乾但好夠味 超正 而且完全唔膩！！牛排set比較肥膩 但都幾唔錯！小食牛肉粒比較無感抵食 份量較小 都唔錯

留意咗呢間舖一段時間亦見到好多好評於是放咗落pocket list決定搵日去開屯門時要順便試下！個日睇完牙醫就順便去了！同男朋友分別叫咗什菌黑松露意粉同蟹肉菠菜意粉男朋友嘅加錢升級做set（有湯、包同野飲，野飲佢揀咗英式奶茶）哥哥好nice咁提醒英式係淡少少，仲問我地得唔得等咗陣就嚟咗栗米湯同包拎咗男朋友幾啖湯飲甜甜地好好味！仲有切碎咗嘅栗米粒係入面每啖都有好多好豐富嘅栗米粒再等咗陣就上咗我個什菌黑松露意粉勁香！嗌野食之前男朋友已經聞到黑松露好香所以叫咗嚟試！果然冇失望！好香好香又好多好多黑松露個意粉又好有咬口，好煙UN彈牙！sauce又好creamy但又唔漏又有好多菇真係好正雖然睇完牙醫做完個小手術冇咩胃口但都食咗80%先捨得畀男朋友食男朋友的蟹肉菠菜意粉我食咗啖，同樣係好正！個sauce冇黑松露咁濃如果你唔鍾意黑松露呢個都係另一選擇男朋友仲話蟹肉好多英式奶茶男朋友話冇飲開嘅咁甜佢自己本身唔太好甜野嘅都okay！但如果你鍾意甜野，就可能未必適合了－除咗野食好味小店服務都好好好親切食野個陣見到個哥哥要找錢畀客佢見到張10蚊紙濕咗特登用紙巾抺乾先畀客人好細心，抵讚！

同朋去去咗一間屯門小店食晚餐，我叫咗法國鮮蠔扁意粉，意粉除咗蠔，仲有菠菜、菇、少少蟹籽......食落口感好正！啲蠔真係有鮮味，成個扁意粉好creamy，但食落又唔會太膩🤤😛 朋友叫咗香蒜帶子意粉，蒜香味好出，帶子彈牙爽口，重點係超鮮甜，比起我啲蠔仲正🤨🙈配料有少量紅椒、青椒同黃椒，成個賣相擺碟好sharp醒小食方面叫咗個和牛粒，肉味比較重，雖然份量唔多，但每一粒都好嫩滑，好易入口😋質素搭夠😍

返工返左成日好辛苦，當然要食好D慰勞自己。於是放工黎左包屯門小店—西麵，叫左一個墨魚汁帶子扁麵$75，加$18轉餐，當中包左有餐湯，多士同飲品。飲品要熱洋甘菊茶，洋甘菊茶係用茶包沖既，好熱辣辣同幾香濃~餐湯同多士用個粉紅陶瓷盤裝住，好靚😍，用黎打卡呃like一流。出品唔止睇得，仲食得添﹗烤蒜容多士，脆脆地好食，甘荀湯幼滑香濃﹗扁麵入面有兩粒帶子，食落幾鮮嫰。墨汁意粉好夠濃味，充滿墨汁味，不過要小心會食到成嘴都係黑色🙈😋