What is Cafe (Closed)

本來打算包場和朋友開gathering 但因為好多人話來唔到好彩我地夠早講佢地都好好人咁照俾我地只book 一部份的位但可以照用 projector 得設施食物依夠好味oero 特飲 & 雞翼係我的至愛薯蓉有芝士味之餘仲有番小小細粒的薯仔增加口感連甜品雪山朱古力心太軟都係未食推介睇過其它食評話服務一般可能我地的心態係自己開 party 自己一班朋友玩，都無咩要佢地serve 但感覺佢地都係 nice 的，不過唔算好醒果ｄ可能cafe 都係咁啦，如果成日就過來serve 你好似吹你走咁仲煩

個朋友考完試, 去慶一下, 一行6人叫左個白汁意粉, 肉醬意炒, 鴨胸意炒, 醋汁蕃茄,芝士拼盤…. 大家都一齊飲朱古力 因為食評話正. (熱$30, 凍$34/38, 跟意粉+$10可以選一杯$30 以下o既飲品)其實d 意粉 約$54碟, 都好味, 好過旺角d好多. 我最鍾意白汁個個, 唔係用現成汁料開, 有誠意 !不過幾杯熱朱古力就唔係好似之前食評寫o既禁濃味…我覺得 ookk 啦.相反醋汁蕃茄就好開胃, o岩晒女仔口味…跟意粉+$10 就有一碟, 共7件.仲有炸芝士拼盤 , 好正, 唔同o既芝士:芝士菠菜, 芝士波,… 必食不過招呼差, 個朋友問老闆d琪點玩, 佢叫返我地睇說明書….我地由7pm 食到 9.30 都只得兩枱人(10個客)幫親, 侍應有兩個男人, 應該係老闆, 但d態度真叫人失望 , 同埋個女厠o係後巷, 有d嚇人...好彩無煙味,都乾淨,可以去下o既.

尋日(31-1-2009Sat)同男友應約o黎呢o度飲o野傾偈,有男友人D,J,S同女友人E,C.我o地o黎到時,先叫啲o野飲.我叫o左$33.00一壺可re-fill o既水蜜桃茶,男友叫o左$33.00o既藍莓茶.o黎到重有蜜糖跟o黎,o黎到喇,係好香水蜜桃味,不過一定要加蜜糖飲,但又溝極都溝唔到o岩味.唔好飲o既.飲完一壺又唔自動re-fill,要叫至斟,第二壺啲味都已經好淡喇.之後我o地都一邊玩game一邊食o野.然後我o地又分開叫o野食,男友叫o左$54.00o既焗肉醬意粉,等o左好耐至o黎到,都係普通o野.服務:有個唔係幾得,佢攞兩個空o既玻璃杯o黎時,咁o岩有對朋友o黎到,正在除褸,差啲撞到佢,o個個人避到,但面口好黑.之後佢等o左陣,到另一個朋友想坐低時,佢又想拎過o黎,又差啲撞到佢,佢又再次黑面.其實點解佢唔開心叫人小心?反而係我開口叫啲朋友小心後面?環境:唔係好大,有啲枱都幾迫,不過都算.但問題係開放式廚房,一炒濃味o既調味料時,嗆得我好辛苦.呢次只計我同男友飲同食o既價錢係$120.00

今日小學同學gathering有個fd揀左黎呢間度聚一聚我地2點幾去到13個人叫左15樣野食+15樣飲品(飲品跟野食既話有半價)一路玩玩玩 玩到7點幾先走人玩足5粒鐘 先係700蚊!!!好抵野食方面野飲好快就到,野食就慢d所以未有野食前我地d野飲全部share晒十幾個人飲一支飲管!*口*不過no problem啦~冇人有愛滋我將飲過既野都講講啦mint chocolate(半價後$17)好好飲!!唔會好漏 mint味好清新fruit punch(半價後$15)ok,唔會太甜,我覺得唔錯cappuccino(半價後$17)最初唔想試 因為唔中意coffee但係個個飲完都話好飲,咁咪試囉又ok禾!!!coffee味唔係太重 good!!!double chocolate(半價後$17)勁朱古力!不過都幾甜 我呢d甜牙齒就勁中意金莎朱古力(半價後$17)好特別!!真係有d金莎粒咬下 又夠濃味 好得mocktail-banana+strawberry+orange+pineapple(半價後$17)都係抱住試下既心態飲,有d人覺得"麻麻"(姐係唔ok囉)但係我又覺得唔錯禾!!!可能d怪怪地既野

食物同環境都唔錯... 我食左蛋汁煙肉磨姑扁意粉, 真係幾好食呢. 我D frd 就食辣汁司華力腸, 佢地就話太辣lor~但大家都覺得環境幾好, 成間cafe有兩個梳化位, 一個大約坐到10個人, 另一張就坐到6個左右, 其他就係普通枱咁... cafe俾我地既感覺都好spacious, 幾舒服...不過有個小插曲, 就係有位子聰明既姐姐0係我地D人黎得七七八八既時候行埋黎同我地講, 如果我地要切蛋糕要收$50切餅費, 而我地既主角都係在場ga lor... 本身特登自己早D上黎諗住俾個驚喜個frd, 就係咁cha wor 左....

以食論食﹐呢度的野食其實真係唔錯…尤其係當你好似我咁﹐食過好多旺角銅記的 café 都係難食到嘔的時候 =__=”對於我呢個芝士迷來講﹐佢地的意粉就做到好吸引﹐而且其他炸物都唔錯﹐最多人叫的係炸薯拼盆 (薯條薯角薯格﹐熱氣死)﹐其次係煙肉芝士薯條﹐不過呢一味當然無 Outback Steakhouse 做得咁正啦﹐但都 OK 的。Drinks 來講﹐佢地的 Mocktails 都算唔錯。我比較錯意 Beauty Monkey 同埋 Wake up Baha.環境唔算靚﹐但落地大玻璃加超高樓底搭救﹐唔錯。而且比起位於太子的競爭對手﹐佢地贏在張張椅都有椅背﹐唔使坐到腰骨都累。以 game 來講﹐就唔夠 Jolly 好了。一來選擇較少﹐二來比較舊。但係價錢啦喎﹐當然係相差一截啦。咁所以﹐只要 What is 仲有我最想玩的 games, 我都會選擇呢邊的。不過有兩個 advice 俾 What is 的店主們：1. 我想玩 Settlers of Catan, 而唔係Cities and Knights 的 Expansion, 仲要係德文版…(汗)2. 週未或假期前就開夜少少啦3. 其餘都

同8朋友玩board games,我地先叫野食,唸住食完先玩由於佢地人手唔夠,等好耐只係泥左一份,我地邊玩邊等...玩到中途野食就到喇..於是再收反d野,食左先..我食左個TUNA忌廉意粉+ICE LATTE..意粉係OK既..但杯野飲就真係...友人杯熱飲反而幾好!其他人D意粉都唔錯!食完就玩喇.我地自己帶左D GAME泥,呢度都有唔少GAME,問佢佢會教我地玩,我都係第一次玩,真係幾好..右可以上網..中途肚餓再要左個餃子雞翼!呢個真係正喇.!不過得4件...玩左8粒鐘..真係朋友傾計,消磨時間好去處,如果係玩GAME既要訂位喇..星期日會FULL架!

跟朋友到cafe玩board games, 曾到不少樓上cafe的我對食物沒有信心, 反正一玩數小時, 就點些東西填肚.由於是即點即煮的關係, 需耐心等候食物上枱. 不過是值得的. 意粉煮得al dente, 白汁裡的芝士多得見到一絲絲.飲品有一般常見的咖啡, 朱古力, 花茶, 都甚有水準. 朋友說她的湯味道也不錯.最喜歡它的炸芝士小吃, 濃濃的味道絕不欺場.此cafe有大量board games供客人玩. 若有不明白, 店員都會向你講解. 數十塊有得食有得玩, 地方舒適, 我會多加捧場.

雖然地點稍為偏遠, 此處不失為三五知已, 新朋舊友聚會0既好地方。首先, 地方闊落, 坐得好舒服。主持人好像是全男班, 但食物賣相不錯, 睇得出有心機去煮。唔係得個Ding字~會場提供多款紙板遊戲, 我地要求主持人介紹易上手遊戲。經過高手簡易教授, 大家都玩得好開心。繼續努力呀, 會再黎架~

晚上時段一行6人朋友聚會最喜歡環境夠開揚, 樓底夠高所以唔會覺得侷促, 且裝潢非常親切舒適別緻食物很不錯, 即叫即做毫不馬虎, 可惜稍嫌food list選擇不夠多, 只有5款但對於它的服務非常失望, 點餐後竟隔了半小時有多才回覆說材料用光要轉另一款意粉, 可能廚房不敷應用, 但最後我們竟等了近1小時食物才到就太誇張了吧?!逗留期間也是很少得到他們的注意和服務但為著它的環境和食物下次我會再試試的

第二次黎呢間cafe第一次覺得冇乜特別但今次食個芝士意粉好好食, 好香芝士味雖然好\"lau\", 但好香好香其他餐\廳都冇佢\咁得呀環境舒適,三五知己聊天一流

星期一下午茶時段，帶了兩個朋友來這兒。朋友要了飛碟、花茶、果茶，我要了釀餃子雞翼和黑牛。雖然不是什麼特別的東西，但下午茶時段飲品半價，算是抵食。當然味道也是不錯啦。除了食之外，我們做了三件事︰1. 聊天（閒日的這個時段沒有什麼客，不會吵）2. 帶了電腦來看旅行相片（這兒有電插頭，你可以替電腦充電）3. 玩棋（這兒有大量棋類遊戲供大家玩）自由自在，有點在家的感覺。

本蟲一向甚愛棋類活動，所以當行家告知有此咖啡店，我便急不及待去一試。拜訪後果然覺得聞名不如見面，那兒的棋可算包羅萬有，由大眾化的波子棋、戰國風雲，到紙牌類的BANG！及CITADELS，甚至一些香港鮮能見到的圖板遊戲都應有盡有，以後去那兒玩便不用自己帶棋了。那兒比其他同區的樓上咖啡店更勝一籌的地方是他們的食物，無論是飲品和意粉都是水平之上，絕不是粗製濫造。食意粉連龍蝦湯加飲品才七十元，還要有數之不盡的遊戲和漫畫可供選擇，實在是店如其名這樣才稱得上是一間有誠意的Caf。近來他們的生意好像越來越好，週末如不訂一定恕不招待，店主是切實執行訂服務，一旦訂了他們是真的會騰空桌子直至顧客光臨，而不是一般的優先打尖服務。

野食款式絕對唔係即食野，或者係毫無誠意既食物。(好似腸仔火腿...)最愛既係佢白汁系列既意粉，真係好好好好食!!!!白汁芝士xx意粉(意粉可以轉其他款)，記得趁熱食呀!!!因為，你卷起d麵會見到芝士痴住左，好好味呀!!!蛋黃汁亦係另一個選擇!!!汁夠濃!!小食推介係芝士煙肉焗薯角!!又香又脆~~飲品都好多選擇ga~~仲有一點，呢度有好多出面cafe冇既遊戲玩，唔係得uno同波子棋咁悶。有d我都未見過，職員仲好細心解釋玩法。好nice!!覺得好玩，仲可以買tim ga!!真係比起d冇誠意既cafe，呢間係做得好好~~起碼價錢合理，食物質素較好~~