白石燒烤

Open Now

Now Closed

十人餐腸仔起碼6包， 其中一包腸仔恐怖到變色咁， 其他食物咸到， 職員態度也很差， 比食物好似派難民營咁，貼錢買難受。爐貼爐坐到好迫，生日乳豬卷含糊，唔知係咪引人黎，以後唔會幫襯。超級伏，唔知點解仲咁多人去。

第一次去，無下次！環境：首先我地一行8位book左10人海邊燒烤獨立屋，說好的海邊係隔住啲散客燒烤爐，加埋個遮陽篷基本上只係望到個罅海。食物：勁咸，咸到食唔到！因為全部急凍，冰到冇哂肉味，佢地就落到勁咸去醃，一方面可能係想冚住啲急凍肉味，另一方面又可以增加保存期，換黎就係咸到食唔到，食左一半已經放棄左！份量：雖然冇食哂，但10人份量絕對唔夠10人，我地8個都覺得唔夠食！性價比：加錢買左幾樣食物，貴過出面就預左，但起碼俾返個質素我地，好似棉花糖，收成$35一包，好心就俾返包rocky mountain，佢地包唔知咩牌子，唔好食又燒唔起。結論：去完一次，冇下次，極不推薦！

一班朋友去燒烤，揀咗白石角呢個都幾出名嘅地方享受下美景！同埋book間房，唔係太多地方有室內BBQ房好耐之前好似嚟過一次，都記得個印象係嘢食麻麻哋，地方就很好嗌咗啲套餐再加啲小食，因為其實佢套餐包嘅份量非常之少，每一個水平size係勁細，譬如話10人有兩包丸， 但係一包係勁細應該只係夠一兩個人食好明顯啲價錢同食物係唔成正比，但係都預咗，因為畢竟佢係Cell環境同埋任何嘢都要加錢好無奈，仲要家園錢自己出去拎，手續又麻煩而且效率勁低長期要等袋，六點嗌嘅嘢食要成七點先有得拎不過算啦我哋志在聚一聚海鮮好似比上次好食，不過佢呢度嘅醃製食品好似比較重口味，黑椒雞腎爽口好味，不過就算洗完都超級重味精同埋鹹一次半次食下呢啲嘢算啦龍蝦尾就出乎意料地好味喎！呢個大家都100%認同

白石燒烤｜ 西貢天氣開始涼，可以去燒嘢食Hea吓好舒服😌今日個場都幾滿，有八九成客，呢度燒烤場好方便，可以嗌套餐佢哋會準備晒所有嘢食俾你，今次一行10人我哋就叫咗燒乳豬仔餐，十分有趣第一次自己燒乳豬，但大家要預多啲時間去燒，因為呢隻豬我哋由7:30燒到10:30試食要成三個鐘🤣由隻豬上架到燒完都要自己負責，中途要不停將隻豬仔反轉身，三個鐘後有製成品好脆口好Juicy 😋如果大家嚟呢度燒嘢食都可以試吓叫乳豬仔，呢個係一個幾特別嘅燒嘢食體驗！一班朋友一齊食燒豬，十分正😎

朋友生日特登約出嚟燒嘢食慶祝壽星早一個月登記做會員而且燒烤當日消費滿1500就可以免費送乳豬一隻😋睇返menu原來直接訂乳豬要六百幾蚊, 所以如果夾到成班朋友生日月黎燒其實好抵十月開始天氣涼爽左啲, 望住個海吹住海風燒嘢食其實都幾寫意. 可能未到BBQ旺季, 所以星期六晚個場都唔算爆, 爐與爐之間空間都好足夠. 仲有空間比小朋友踩單車同玩搖控車~食物方面全部燒烤食品都係獨立包裝一包包pack好哂, 感覺上都幾乾淨衛生. 現場工作人員態度友善, 我地唔識燒乳豬佢又會主動黎教我地, 值得加分👍🏻

位於馬鞍山烏溪沙，毗鄰海星灣，船灣淡水湖大壩，碧海藍天，黃昏影相景色十分美呢場內還提供了各類娛樂活動適合一家大細📸📸🎉🎉室內仲可以唱K燒烤食物亦不錯，款式亦很多

今日同男朋友+我嘅朋友黎左呢度BBQ 我已經係第三次黎嚕 我地差唔多燒足成日 叫左個五人海鮮餐再散叫左啲 一叫完野食已經好快有人幫手開爐 🤩 可能今日天氣暖所以唔多人✨五人海鮮餐 $950➡️$850 (迎新減$100)海鮮有青口 帶子 蝦都好食 全部都幾新鮮嘅 但呢個價錢就唔好期望到啲蝦係勁爽口彈牙嗰啲 青口帶子配埋啲蒜蓉牛油黑椒更加香👍👍👍肉類都好食 醃料香味好突出 尤其係雞排嘅香茅味 同埋蜜汁叉燒有油脂感 幾滑🤤🤤因為我地有六個人所以呢個五人海鮮餐唔夠飽 再散叫左✨咖喱魷魚翼✨多春魚✨雞腎✨山賊雞軟骨✨有機雜錦鮮味菇Total $206 全部醃味都唔錯 菇就要搽佢比嘅蒜蓉牛油先惹味 總括黎講食物味道都幾好 而且環境真係好靚 對住個海 仲睇到日落 個場又好大 唔會話好逼 我覺得呢度仲好貼心個餐會包埋較剪 食物夾 燒烤網 紙巾 一班人燒野食同分野食都會方便好多👍👍👍味道❤️❤️❤️❤️抵食❤️❤️❤️💔服務❤️❤️❤️💔環境❤️❤️❤️❤️💰人均～$180✅再幫襯

好耐冇燒嘢食，有朋友介紹呢間燒烤場，所以就book咗去試一試。燒烤場係定額收費，每個人都有一個燒烤包，另外仲有飲品。因為我哋人多所以book咗間獨立屋自己有兩間房仔，私隱度足夠。食物份量都夠，特別想讚下佢哋另外加錢嘅燒乳豬。今次係我第一次燒乳豬，唔使好多功夫，燒出嚟又脆又香又好食，真係好驚喜。

住開沙田區多數都會嚟白石燒烤，成日聽朋友講好多次，早幾日咪去試吓囉，都多人嘅，環境就真係一流啦，同埋座位與座位之間相隔好遠，同埋好開陽感覺唔錯，但係嘢食就麻麻哋，乳豬都唔好食

好厲害，未見過搵笨搵得咁交關嘅燒烤場我哋六個人叫咗一個四人海鮮餐+1個二人海鮮餐，嗰啲所謂海鮮就係幾隻入口即溶發霉嘅雪藏哈同埋大過五毫子小小嘅扇貝，其他全部腸仔雞扒粟米有幾舊，好cheap嗰啲丸餐牌上面好靚好豐富嗰啲食物都係假象嚟，全部要另外俾錢又貴而且同實物差好遠，真係叫唔落手，所以係冇top up嘅情況之下變咗人均消費二百幾但係食腸仔，我見現場大部份嘅爐都係咁嘅情況如果唔叫餐，淨係散叫食物嘅話就要每個路比多$200開爐費，因為限聚四人一流，即係六個人就要開兩個路比$400開爐費

有同事想燒嘢食，睇更表啱腳即約😆近近地決定了去 白石，訂枱食套餐仲有優惠呢😀 另外呢度最特別的就係可以燒乳豬仔🤭 所以訂了一隻！可能平日，無乜人，包場咁滯，好舒服。環境比想像中好，無人地講得咁差喎。我覺得比元朗D場更企理乾淨。加上天氣又唔熱又唔太凍，對住個無敵大海景😃 好正呀～ 點了個四人套餐，加隻豬仔。好彩無叫多個餐，大家都飽了🙈 本身好擔心10點都燒唔熟隻🐖，但最後9點已經搞掂了，我哋好叻啊👏🏻👏🏻👏🏻 皮脆肉嫩😋 至於4人餐有海鮮有肉有蔬果，詳情可以睇返餐單張相😙 食物質素都好好，醃料好味又唔咸，真係去過咁多個燒烤場暫時最好係呢度👍🏻👍🏻 可能唔係任食質量真係好D😄

9 0 後 的 味 蕾深藏係馬鞍山最入既地方，竟然有一個地方超闊落，仲要望海既燒烤場.個日同朋友去完西貢玩獨木舟，夜晚諗緊仲有咩好玩，上網就見到白石燒烤.其實佢係位於烏溪沙最入既地方，揸車/搭的士/踩單車會最方便入到黎，行就……會有啲辛苦..而家可能疫情關係，佢嘅套餐包哂開爐費、炭、燒烤用具、連蜜糖、紙巾都有，可以話係一條龍服務嘢食全部都係冰鮮，抽真空包實，幾衛生.我哋叫咗四人餐，有兩樣海鮮，其餘係扒同蔬菜海鮮就唔好咁高期望，帶子都正常，蝦應該說咗好耐，啲肉梅梅地.但係佢啲雞扒豬扒叉燒就好好食，全部醃得好入味，肉質又好嫩，個個都大讚.⚠️Tips: 如果平日去可以用Eatigo預訂，最高有半價⚠️Tips: 登記做會員，生日月份消費滿$1500送一隻價值$600嘅乳豬😋.我自己覺得整體來講係一個唔錯嘅燒烤場，唔會好迫，又有麻雀，同其他小朋友設施，玩返半日完全冇問題👍🏻

今日去白石燒嘢食。一去到book咗間房，入到去都，一陣霉臭味。地下有一大堆污水。啲枱櫈非常污糟，周圍又有大量曱甴同烏蠅。同啲職員講，佢話係咁㗎啦，用就用，唔用就冇辦法。估唔到真係傳聞中咁差。我地叫咗兩個四人餐。啲嘢食好渣，海鮮仲有啲臭。同負責人講。佢話：「唔好意思，幫唔到你，食物冇得退。」。唔緊要，黎得玩，都唔想鬧交。我地仲叫多隻燒乳豬。我都唔想諗到呢度咁差。但啲職員似乎好記仇，俾隻臭嘅乳豬我哋燒(但又可能佢哋每一隻燒豬對臭，所以冇得揀。）我好聲好氣同佢哋反映，但佢哋服務態度非常差，以後都唔會幫襯了。

星期六，沒事做 ... 很久沒去過bbq了，在Openrice找個離家不算遠的燒烤場hea下。點了兩客海鮮餐，老實說，食物 品種一般，一點也不抵食，除了那幾隻帶子外，其他都是普通不過的燒烤食品，也不是什麼海鮮，稱這做“海鮮餐”實有點過份，但味道尚可，沒什麼可投訴。還好，工具齊全、整潔，枱椅、環境十分乾淨， 一點油漬髒物都沒有，清潔力度強！向著無敵海景，邊食邊聊，只要對食物不要抱很大期望，也可愉快地消磨一個下午。

環境同食物唔錯， 但食物價格偏貴，當然路程都好遙遠。當日慶祝朋友生日，4個人叫左5人海鮮餐888蚊，份量剛好3女1男食only. d丸平均每人4粒，真係覺得好sad...麵包20蚊包，綿花糖35蚊1(如果無記錯)...不過個到既氣氛唔錯，又有人帶位，仲有好多遊戲俾小朋友玩，所以還好甘啦。海鮮餐但其實得個超細粒帶子同蝦lol....但d肉醃得幾好食，唔會太咸或一樣味。時間都算短，close10定11點......你趕住bbq同朋友無時間傾計甘....