榮式燒雞扒 (希雲街)

Open Now

Now Closed

lunch 一人去，所以唔使等位一入未坐低，已叫你落order.我第一次去食，我都唔知有咩食原來餐牌得幾款餸可選擇。我叫了雙拼。個人覺得出名的燒雞扒，質素一般，反而藕餅好味，粒粒年藕，爽脆!好耐無食過一丁，論質素，蘭方園最好味食完在附近走走，發現有蓋地方，有間茶餐廳，有一間是無冷氣，幾間好平!

未搬之前一直都有幫襯，Lunch Set抵食搬咗後一條街，今日第一次幫襯服務態度差已經不再講，在餐廳入面有老鼠，我覺得後門可關起食完準備走之際，有埋曱甴，好大隻真係好恐怖我個人認為質素已經比以前差咗好多蓮藕餅係凍嘅，飯係凍嘅我會Blacklist 呢間舖一間食肆老鼠 曱甴都有，仲要見到我會想嘔好多人會話，食肆一定會有呢啲，但俾客人見到，是否應該？服務態度，我明白快餐店，我不能要求太多但食物嘅質素是否可以提升？

榮式雞扒已經光顧幾年，每次經過銅鑼灣做野，要開飯都會想起榮式雞扒飯，上網得知搬新店再次去光臨~新店環境比以前舒適很多，位置闊落~但就無左以前特色小店感覺，見證時代進步，懷舊特色慢慢消失~但慶幸味道仍然保持水準!!今次例牌叫了雙雞扒，特別試了加茄子汁，雞扒仍然燒得香滑多汁，燒得一點都不過火喉，香脆好味~! 飯粒軟硬適中，粒粒分明，加上特別加茄子汁，配飯一流! 成碗飯可以改善地方就係蔬菜少，如果可以加返菜份量，就可以達到飲食均衡，更加健康! 整體評分滿意8/10，以後都會繼續再次光臨!

Ever since they moved the place, taste definitely changed. I think they don’t grill enough to cook faster and get more customers, which ruined its unique taste. Try another branch but not this one. Their attitude is better than before though.

呢間位於銅鑼灣既榮式燒雞扒我已經幫襯左好幾年記得每逢食lunch 時間都門庭若市，唔喺十二點前到或者人數多啲都好難搵位最近佢搬鋪到左隔離既希雲街鋪頭既門面唔同左但入面既格局同以前差唔多呢度唔係一個會食得舒服既地方 — 但佢仍然有咁多人排住隊咁黎食就可以諗到佢既食物實有返一定水準啦食物方面，我既default係佢地既雞藕天成飯，亦即係雞扒藕餅飯 — 燒到皮脆肉嫩同煙韌既藕餅口感互補；豉油汁、菜脯同葱油同白飯撈匀之後令人食到津津有味除左燒雞扒之外，餐牌上仲有其他嘢食可以揀

今日過銅鑼灣，本來想吃車仔麵，誰料天降大雨，導航失靈，一兜已經走到了希雲街。平時都是吃旁邊的poke，今天就來試這傳說中的燒雞扒吧叫了榮氏燒雞扒飯和腐乳通菜，一上來就是兩大塊燒雞排。雞排嫩香，兩側有類似鑄鐵鍋燒後的條文，十分惹味。但下面的飯就只有油溢味並且非常乾，無飲料無法下嚥。混了少許榨菜勉強入口。吃完兩塊雞排已經是非常飽，飯沒動幾口⋯下次叫一塊扒已經足夠。腐乳通菜，沒特別吩咐過已經將腐乳醬分開上，值得一讚！問題是通菜太老，又切得頗長，纖維化到難以咬斷，只好囫圇吞棗⋯早知道選圓白菜好過。這間新裝修過的店舖，環境十分整潔。侍應亦十分貼心，有空位時便令客人不必搭檯。非常喜歡店內的音響！音樂給用餐環境增分不少，我明明在茶記用餐卻彷彿置身酒吧😍結帳時看到大廳前部竟有六個高清電視屏幕，也許真是仿照酒吧設計。世界杯時候在茶記照樣看球，太舒適了總的來說，儘管食物質素一般，但價格與用餐環境相抵，銅鑼灣區應該算是cp值頗高了

之前經開銅鑼灣都有食過哩間, 早排發現原位唔見咗佢, 仲以為佢已經... 但原來佢只係搬咗, 位置都唔係遠好多, 只係喺前一條街! 新舖位置方便啲, 入面空間都大咗, 但食lunch時間仍然都好熱鬧, 喺門口都要等一陣!不過舖頭諗得都幾周到, 在門口排隊已經幫你落定單, 坐底冇耐就有得食~我平時嚟都係食雞多, 今次想試下佢個蓮藕餅!蓮藕餅配飯的話我怕有啲乾, 所以我揀咗配凍食嘅泰式撈檬, 個配搭都幾好~其實個蓮藕餅都好味嘅~

Haven't been to this place for ages! I went last night and thought the one in Causeway Bay closed (didn't know they moved). As I walked away feeling disappointed and trying to find somewhere else for dinner, I saw big bright Chinese characters 燒雞排 (part of the restaurant's Chinese name) from an alley. I was like "Eh! 😃 Is that...?" I ran to it and YEAH!~~ 🥳 They were not closed, they moved! Haha... YES!So I ordered my favourite dish here: Grilled Chicken & Octopus-Lotus Cakes with Rice. So glad

至從榮式搬左新舖之後第一次幫襯，餐廳空間比舊舖寬敞好多，座位多左坐得都舒服，冷氣抽風亦比以前足夠，埋邊牆身由9部電視組成，相當架勢，整體裝修感覺好時尚好彩搬咗新舖之後食物質素冇改變到，每次必點嘅都係榮式雞扒飯兩大塊長長嘅雞扒，面頭鋪有黑椒粒，配埋秘製醬汁，好看好惹味！雞扒咬落好多汁，肉質亦好嫩滑，而雞皮就好薄好脆，忍唔住都會食埋。飯嘅份量好多，最喜歡配埋旁邊嘅蔥油撈黎食，好香好夾。晚市可以半價加飲品，都幾抵，奶茶少甜唔會無茶味，質素唔錯。

我個人真係十分推介依間餐廳。首先，雞扒真係做得非常滑，抵佢要來做生招牌，長條型稍微有燒過嘅痕跡，調味做得恰到好處，真係百食不厭。另外配雞扒嘅無論係白飯定係烏冬，都一樣咁搭配。最感動嘅位係佢經濟實惠嘅價錢，幾十蚊就可以食到一餐咁滿意嘅飯，午餐又得、晚餐又得，仲有嘢飲跟餐，喺香港你話係咪買少見少！講到佢咁好，最後要做返個利益申報：就係我係冇收過佢一蚊嘅廣告費嘅，食評純粹係真實感受，本土小店係值得支持嘅。

近幾年間唔中都有幫襯榮式，得知最近銅鑼灣店搬左新舖位，就立即過去支持下。新店舖面積大好多，坐得好舒服，座位亦較以前多，晚飯時間去唔洗等位，而且有大大嘅銀幕+音響，十足十一間mini bar。例牌必點！榮式燒雞扒飯！👍🏻👍🏻👍🏻一如以往，兩大塊燒雞扒皮薄又脆，成塊食都唔會覺得油，而且雞肉好嫩滑，惹味到不得了！順帶一提，配埋蔥油撈飯會令你唔覺唔覺就食哂一碗！晚市時段仲可以用優惠價加小食、半價加飲品，所以我地都追加左杯咸檸七同凍檸樂，非常滿足！😗

有朋友介紹呢間嘅雞扒飯勁好食 最鍾意食雞肉嘅我點可以錯過🥢燒雞扒胡麻撈烏冬(冷食) $52呢幾日天氣真係唔係講笑 飲幾多凍嘢都解唔到熱 呢度竟然有凍烏冬 梗係要試下 烏冬配埋胡麻醬真係絕配🍜而塊雞扒皮脆肉嫩🐥 可能係我食過最好食嘅雞扒 唔係講笑 如果我係呢頭返工 我可能會一個禮拜食一次🥢燒雞扒配豬頸肉飯 $51豬頸肉好薄🐷啲肉係瘦肉 同其他餐廳食嘅差唔多無乜分別 不過啲飯有榨菜係面.凍飲加兩蚊 本身落單鹹檸七 侍應竟然問熱定凍🤔 佢覆單嘅時候都確認鹹檸七 但最後張單寫嘅係鹹檸蜜 我地又無發現所以最後錯曬🤦🏻‍♀️..PS好有趣嘅係得六部電視，但拍埋一起擺埋同一面牆 坐對面嘅佢狂擰轉睇電視 但係有條柱遮曬🤣🤣🤣

榮式雞扒搬左，地方大左闊落左，坐得舒服左！🍴雞藕天成配湯烏冬 hkd61“雞藕天成”就是燒雞扒配鱆魚蓮藕餅。榮式燒雞扒最出名緊係雞扒啦，雞扒好大舊但比想像中薄身，食落有淡淡黑胡椒味，而肉質也非常嫩滑，不會煎得太過火。另外蓮藕餅有兩大塊，十分香脆，鱆魚、肉、蓮藕比例很平均，加左馬蹄增加咬口，比招牌雞扒更加出色！如果第一次黎食，就一定要試下”雞藕天成”啦，但烏冬湯底普通，可能配飯更好，而且有菜脯撈飯，仲更加抵食。

太耐無黎銅鑼灣，原來榮式雞扒搬左鋪位，裝修都唔同哂，鋪位大左，亦都坐得舒服左。今晚食飯時間黎到即刻有位，入到去見到大部分都係遊客慕名前來。餐牌加多左插圖介紹食物，但入面的款式都係一樣，所以二話不說就揀左榮式雞扒飯。除左裝修靚左，連上菜的碟都換埋，望落兩大塊雞扒確實係幾吸引。不過我一向覺得榮式的雞扒無咩特別，比較薄身，偏咸，配菜份量亦偏少。雖然味道上吸引唔到我，但可以係市區用呢個價錢食到咁大碟飯已經算好抵。

榮式雞扒呢個名聽得多 但食真係第一次今晚同朋友行過見到lunch set幾抵所以入咗去試啦首先講吓啲嘢飲啦 我叫咗杯椰子冰少冰 味道方面非常普通 純粹就係椰汁加冰小食方面 叫咗個好普通嘅娃娃菜 基本上就係將娃娃菜煮熟左之後淋啲豉油喺上面 老實講就真係一啲都唔值叫咗另一道小食 芝士蝦球啱啱揸出嚟熱食嘅時候都幾香啲芝士仲可以拉絲添不過就略嫌個皮有少少厚 唔好食到有蝦味終於到主食啦 我朋友叫咗豬頸肉撈烏冬烏冬係用麻醬撈嘅 好似平時出面食既日式撈烏冬咁 豬頸肉又係平平無奇 冇咩特別之處最後係今日嘅主角 榮式雞扒肉操飯本身真係滿心期待 首先講吓個肉操先呢度啲肉燥唔似出面食嘅味道 唔好食到一粒粒嘅肉粒喎 鹹就係夠鹹嘅 可以撈晒成碗飯但反而無咩香味雞扒方面比我想像之中薄 雖然夠滑 味道幾香但係滿足唔到想大啖大啖食肉嘅口感Overall黎講 性價比係幾高嘅淨係食lunch hour嘅set 都係around 50-60蚊一個人可以一試 但應該唔會再Encore