食包 (Closed)

📌太子今次同大家介紹返依間 無意中發現既小店 一 Winner Burger @winnerburgerhk 🍔 經典牛堡 $52 經典芝士 x 煙肉 x 漢堡扒漢堡即叫即整，煙肉煎香過，手工漢堡扒牛肉味幾濃，不妨一試🤤👍🏻📍食包 Winner Burger地址：太子太子道西139號地下C號舖

本身懷住試伏心態嚟試一試，點知有意外驚喜😳！一嚟就見到店內坐滿曬人，就簡簡單單咁嗌咗個最原汁原味嘅經典牛堡拎走🍔，估唔到返到屋企個包都冇走樣，咬落麵包好鬆軟😌，而且漢堡扒好多汁🤤，一啲都唔乾😝！呢樣真係加唔少分！煙肉好惹味🥓，配埋芝士成件事好夾！

唔食老麥唔食雞伯伯，太子有抵食漢堡店 Winner Burger 🍔 就一定要來試下啦。呢度主打一個外賣🥡漢堡店，好多人都來拿外賣🥡，漢堡餐頗為抵食，晚飯點左兩個套餐外賣打包食：1. 黑松露煙肉🥓牛堡 $52 2. 經典雙牛漢堡🍔 $68 漢堡照舊份量足，味道👅都好好👍🏻 另外➕$30 就可以有埋薯條同特色飲品，漢堡店做埋特色水果茶，點左葡萄🍇柚四季春茶同蘋果🍎香橙🍊冰茶，飲得好爽好好飲，之前一直都係配汽水🥤，宜家漢堡可以配水果茶又係新風味，不錯體驗喔👍🏻

🍔好耐以前食過一次，當時款式選擇比較多，而且有期間限定口味依家漢堡款式專注4️⃣款，定價相對亦都平咗，而且最近仲有埋水果茶選擇款式都有幾多選擇，呢排好興既鴨屎香手打擰茶都有手打漢堡扒入面加入咗唔少洋蔥，食落口感同層次都更加豐富黑松露醬嘅味都比較突出，雙層漢堡主要以千島醬為主另外亦推薦加錢💲轉套餐，店家嘅連皮粗薯條係用新鮮薯仔切成即叫即炸繼續keep 到口感好軟綿，不過食得多就開始覺得調味上重手少許

快餐真係日常食厭咗連鎖店一式一樣嘅漢堡最近喺太子搵到一間超足料嘅漢堡包店同朋友每人叫咗一個餐黑松露煙肉牛堡黑松露真係我嘅最愛第一次食黑松露漢堡完全冇違和感經典雙牛漢堡超大份量岩晒男仔食牛肉質感超鬆化超腍身有少少入口即溶嘅感覺而且好鍾意呢隻芝士唔會搶咗牛嘅味道一口咬落去有幾個層次仲有幾款特別嘅手打檸檬茶我就試咗爆打香水檸檬茶除咗檸檬嘅酸甜味仲有少少淡淡嘅清香唔會過甜最近天氣咁熱啱晒解渴我覺得呢間嘅漢堡真係值得一試食材幾優質同埋啲醬汁真係好滋味

呢排最流行手打檸檬茶系列🍹心血來潮想飲番杯廢水😆食得快餐多，見呢間舖都幾有特色，送完Lisboy番PG即來呢間漢堡店食Burger🍔同飲杯手打茶🤤一次過滿足我哋嘅願望！🍔 經典雙牛漢堡要食就要試Double牛堡🍔order完見廚房員工即煎個包同漢堡扒，勁耐無食過即叫即整嘅漢堡包！一出爐仲熱辣辣，即刻試一淡，滿口都係牛肉🤤又多洋蔥粒～好juicy～果然兩塊牛肉嘅威力！漢堡中間仲有塊脆卜卜煙肉，好有咬口。🍔 黑松露煙肉牛漢堡老公最愛黑松露，話一定要試呢個黑松露煙肉牛漢堡配特飲餐，黑松露醬好吸引，個漢堡牛好似Homemade咁厚切，啖啖肉，同個黑松露醬都好夾！🍟 連皮薯條叫漢堡加$30升級套餐，可以有包脆爆連皮薯條同特色野飲！一個漢堡點夠我哋食！即刻升級，個薯條都係即叫即炸，到手時熱辣辣脆卜卜，仲有少少調味，唔咸，反而食到有薯味🤤🍹 葡萄柚綠茶 & 蘋果香橙冰茶本身係想飲廢水，依家$30升級就可以試到兩杯特飲仲有薯條🍟，好抵食啊！特飲都有好多款式揀，我哋揀呢兩杯特飲好有咬口，漢堡加特飲，清涼又解渴，小Sun媽好滿意🫶今次真係食包食飽！||

鄰近太子地鐵站既winner burger🍔一出C出口過條馬路就見到 非常方便-黑松露煙肉牛堡 $52Wb bacon supreme with truffle sauce 好香黑松露味 配搭埋煙肉同芝士 口感一流漢堡排都非常大塊 味道好好😛經典雙牛漢堡 $68Wb mega supreme雙層牛肉 好大好巨型既漢堡包🍔牛肉好juicy😋配合埋芝士+煙肉一流🤤配薯條🍟各汽水+$18 / 特色茶飲+$30薯條即叫即炸 熱辣辣 香口又脆身😝鴨屎香檸檬茶 Yaxi lemon tea🍋最近好興既手打檸檬茶呢度都有得飲👍🏻

好忙啊 🆘 人哋收爐⋯⋯ 我就好似開爐咁 😂 唔係好夠時間食飯, 我揀咗 “食包” 係食漢堡包呀 😜🍔🍟🥤 位於地鐵站C出口, 過馬路步行2分鐘 👍🏽 地理位置非常好, 唔使左搵又搵 😏 為咗保持新鮮及美味- 佢哋嘅食物係即叫即煮 👍🏽 📌 黑松露煙肉牛堡$52 (芝士片、煙肉、手打漢堡扒配 黑松露醬)睇圖片都知道佢超級Juicy⋯⋯ 咬落去爆滿口感 🤤 煙肉🥓加芝士🧀勁香 😍🤤 📌 一份薯條+一杯特色茶飲 $30 薯條新鮮滾熱辣, 葡萄柚四季茶清新好飲😍

既Winner burger,叫左黑松露煙肉漢堡，黑松露，煙肉再加上芝士，真係好香，又唔會遮左漢堡肉扒既味道。食落去每一啖都有黑松露，真係好正。跟住仲叫左個經典牛堡，裹面有WB 自家制既醬汁，個漢堡肉扒好juicy 煎得岩岩好🥰佢個薯條係有薯皮既個一種，外脆內軟，希望有多d 味道選擇

最近去左太子既Winner burger,叫左黑松露煙肉漢堡，黑松露，煙肉再加上芝士，真係好香，又唔會遮左漢堡肉扒既味道。食落去每一啖都有黑松露，真係好正。跟住仲叫左個經典牛堡，裹面有WB 自家制既醬汁，個漢堡肉扒好juicy 煎得岩岩好🥰佢個薯條係有薯皮既個一種，外脆內軟，希望有多d 味道選擇

唔介意態度差又被差別對待嘅人歡迎去食🤷🏽‍♀️我買完即場店內食，張枱完全無抺過。薯條竟然可以係一早炸起，又凍又淋，連翻炸都無？個包又被d醬浸到食唔出有烘過😓落單時想叫杯檸茶，店員話無檸檬，點知食到半途大陸客入黎嗌野食，又突然有檸茶飲架喎 ！然後薯條又即炸比佢地👌🏼唔阻住你做同胞生意喇🤮

難得平日放假有啲me time，久違的去下旺角同信和閒逛，決定搵間新野食好西睇到Foodie介紹漢堡包好吸引，當日1點左右到店，即刻買個招牌漢堡+香水檸檬茶試下，點知有大驚喜🤩🤩漢堡扒勁有份量，又juicy，每一啖都係肉香味。食得出個包底用心，一般用嘉頓唔係同一個層次。我本身好少飲茶飲店嘅嘢，見到香水檸檬茶好吸引，又唔想飲汽水，試飲咗。香水檸檬味好特別，糖度配得啱啱好啱，體驗very OK!!連埋操薯條，成個餐都係$82，抵！如果去開旺角、深水埗附近行模型舖，絕對值得一試👍🏻👍🏻

社交媒體網站foodie KOL介紹完就去一試Openrice寫開11點，星期日12:30去到閘門半開，問個女仔話開1點就決定等等12:55開始有人仲有位男員工到店開店連埋我地都係3組客人原來小店一男一女，踩點到店果位男仔負責整包等大約半個鐘行開一下冇睇自己order1:30左右拎到返到去兩個雙層包其中一個包面包底都黑色算啦⋯剪走黑炭照食前面睇住個女仔每個包親手pack見到包黑哂佢都照比感到無語人手唔夠名氣大薯條好食可惜漢堡肉調味偏咸煎到又硬又碎包只係要烘熱都出事希望下次有所改善

👍🏻經典雙牛漢堡 $68👍🏻黑松露煙肉牛堡 $52呢間小店食物種類選擇唔多，專注做好burger手打牛肉漢堡配上煙肉、芝士，配搭三款自家製醬汁，經典醬、黑松露同黑椒醬🌟-經典醬味道有啲似千島醬，酸酸微辣，比較開胃雙層牛肉肉量十足，厚身鬆軟唔係煎到焦燶嗰種，仍然保留好多肉汁，好juicy😛牛肉入面混咗紫洋蔥粒，牛味濃得嚟又有明顯洋蔥香，咬落爽脆增加口感層次，不過牛肉調味稍為鹹咗啲啲-黑松露個款冇得嗌雙牛，單層牛食落芝士味比較重，兩款都配搭煙肉麵包牛油味重，味道香甜，有烘過但唔係焦脆嗰種，鬆軟type-🔸升級套餐 (包薯條、特飲) +$30薯條即叫即炸，拎上手超級熱辣辣🔥連埋薯皮，粗身大條唔算好脆口，介乎薯條同薯角之間薯味比較濃，本身有黑椒味粉同鹽調味，就咁食都夠味特飲嗌咗蜜桃冰茶同爆打香水檸茶，兩款都係用台灣阿薩姆綠茶底個人口味比較鍾意蜜桃冰茶，味道自然甜度適中夠解渴😌-味道：8/10性價比：8/10-📍#WinnerBurger @winnerburgerhk太子太子道西139號地下C號舖

做完運動，諗住去食個飯，經過見到呢間野，食burger都好喎，但入面冇人，而且價錢都好平，諗住伏多，但都膽博膽試下。叫左一個經典牛漢堡和雙層牛堡，一份薯條和汽水。堂食坐低等，先來薯條，嘩，好大份，而即叫即做，好味而且薯仔味重。之後來個經典牛堡和雙層牛堡。竟然同張相一樣，冇呃人。食落好好味，牛扒好多肉汁，滴到成枱都係。所有配料都好味，煙肉唔硬而且香。今餐好滿意，咁嘅質素竟然$4x。總之性價比好高，希望多啲人食。