聰少甜品 (Closed)

看到 Facebook 朋友介紹，一心到屯門店試這新款。小弟豆花例必要求加淡奶。平常豆花店七至十元一碗，加淡奶例必免費。這裏「紫薯豆花」已卅四大元，要求加淡奶，竟要另加六元，俺頓時愣住，然後動身離開了，頭也不回，分文也沒光顧！

屯門新開人氣聰少甜品，下午經過無咩人就入去試下。入到去坐底左都無人理，諗住等佢俾menu，遲遲又唔俾，問職員先話係放左係台下一個暗格到，之後隔離台既食客都係搵唔到menu，我指俾佢地知，佢先見到。職員既服務認真麻麻。隔離枱有對內地母子，食完走左去無埋單都無職員見到...D職員都唔知做梗咩係到...龍眼椰果冰：$40好有龍眼味，龍眼肉又唔係好多，但嫌冰粒過粗，不夠幼細，感覺無聰嫂甘好味，食完唔覺得有咩特別。

菠蘿椰子特種冰🍍 $38見到新推出心癢癢去試 屯門開左分店對我泥講實在便利多了 紫薯冰退役了 泥左個Pina Colada 菠蘿同椰子既結合吾陌生 如果菠蘿控既應該會好鐘意 一貫地好濃郁水果味 菠蘿冰幼滑帶椰絲 面頭係椰子味冰 38蚊份量都幾大 兩人分享就剛剛好

之前食過佢地嘅龍眼冰同蜜瓜冰真係覺得幾好食！今次我二訪就決定試下第二樣。士多啤梨椰果西米冰 $34我覺得呢個都幾甜！士多啤梨味香濃，但唔假。而且呢度嘅冰份量都多，share食食多幾款唔係問題。唯一呢款真係甜左少少。個人黎講都係鐘意食龍眼冰同蜜瓜冰。

屯門餐廳多，但要搵間甜品店，都有一定嘅難道🙈基本上，佢一開已爆場，我第一次去等左好耐😩最後無耐性再等就走左了!時隔兩星期再去，今次竟然唔洗等👀直接有位! 可能我地太早去😆眼見店內周圍放滿西米冰嘅相，一於試下佢😋由於有嚴重嘅選擇困難症，揀極都揀唔到咩口味，最後點左呢款有齊4款西米冰😌蜜瓜味係最好味，好香甜😋其次係芒果味，呢4款甜品都好重水果味，而且味道好真實👍🏻大讚!最後仲點左芒果班cake😋，厚度適合嘅皮包埋大大件嘅芒果😍，唔洗解釋都知正呀🍴👍🏻下次再去一定會點返蜜瓜西米冰同芒果班cake😋

吃完正餐，當然要去吃甜品。看到有新甜品店進駐屯門，我就當然不會錯過啦！新開的甜品店就是「聰少甜品」喇！很久之前，我在港島區吃過同集團的「聰嫂甜品」，招牌「龍眼冰」一試令人難忘。這次來聰少，自然也要點招牌甜點。我這個紫薯控，自然也不會錯過期間限定的紫薯冰！看看宣傳牌，原來用餐那天正是最後一天供應這個甜品，我實在太幸運了！紫薯冰 ($38)這個紫薯冰的賣相一般，有人甚至覺得有點「頹」，到底味道怎樣呢？跟以前吃的一樣，碗內有紫薯冰外，還有椰果及西米。紫薯冰不真的是「冰」，而是紫薯蓉混水再雪，之後再刨成冰。吃起來很幼滑，不會很甜，但每一口都嚐到濃濃的天然紫薯味，很特別。最適合我這個愛吃烚原個紫薯吃的紫薯控。西米和椰果豐富了整個甜品的口感，前者清爽，後者煙韌，有火花！另外吃的是「龍眼椰果冰」。當中的冰該是將龍眼肉跟冰打碎混和。吃的時候，冰融掉了，就會吃到真龍眼肉！不過，可能因為現在龍眼不當造，甜度不太高；但西米和椰果吃起來爽口，又有嚼勁，不愧是店家招牌呢！紫薯冰比龍眼冰平!?給大家看看menu！

食完tea, 同男友、男友媽三人行去食個甜品😎 因為我突然好想食甜品，就醒起之前係fb見到話新開又好味 叫左三款甜品：龍眼椰果冰、芒果椰果冰、聰少三兄弟 龍眼椰果冰：味道清新，最重要係吾係周圍都有得食芒果椰果冰：味道ok, 聰少三兄弟：班戟皮薄， 芒果、香蕉、榴連份量多，cream滑👍🏻

當你食過聰嫂 有種情意結 就想想去試下聰少係咩一回事新屎坑 就實多人架啦 店仔又細細間。職員仔都有d手忙腳亂。而我地都唔知係排隊等外賣定拎飛。 不過食客都算去得快。 等左15分鐘左右都入得去了。裝潢包裝設計都有d似包裝過既滿記。唔知係咪出左名既甜品鋪都會走呢條路線。叫完野食都好快就上到菜姐想食的是聰嫂味 一於叫番個榴連水晶珠仍然係咁出色😎好真實既榴連味，連d冰都係咁濃郁🤗點解可以出色到咁👍🏿👍🏿👍🏿士多啤梨椰果冰。小西米分上到旁。正當我讚賞佢小西米分開上既時候，隔離戈位已經一氣過倒左落去🙈士多啤梨就好似食緊雀巢既士多啤梨雪糕囉。味道無榴連咁出色咁真實。紅豆茸豆花（33）紅豆茸好清涼得黎又唔會好水啵👍🏿 同埋同豆花好夾。如果想食清新d呢個係個唔錯既選擇不過實在太多人等。都唔太好意思坐咁耐。收銀處有生果水飲。見佢靚靚地咪試下。 um.....清水好似好飲dPs 到11月底個名有個聰字或同音（沖？衝？松？）可以全單有8折這些機會不是我的

踏入10月，沉寂一時的V City變得活躍起來，先是商場各大商鋪大執位，然後就是新餐廳的進駐了。 聰少甜品是當中的ㄧ員，前址是甜牙牙，表現強差人意，試過一次便没有再試的意欲了。此一位置的人流不見得怎樣好，如今換成了聰嫂兒子主理的甜品店，且看看會否扭轉頽勢吧！聰少在風格上較聰嫂年輕化，開放式的格局座位不多，座位空間不免狹小。新張的關係食客眾多，派籌程序未見流暢，食客有點無所適從。服務只屬一般，雖然侍應不少，但仍顯混亂，期望日後會有改善。聰少的主打，是冰品。與大熱紫薯冰緣慳一面，只好改選蜜瓜西米冰($34)。簡約潔淨的甜品賣相，反璞歸真反而更好。蜜瓜冰份量不少，一人獨享有點吃力。綿綿的質感，淡淡而自然的蜜瓜香，冰沫內有蜜瓜粒，清甜不膩。西米分開另上是個細心位，大大顆十分煙靱，令蜜瓜冰更有層次，感覺清新。老公選的是薑汁鮮奶燉蛋($29)，對成品的形態老公頗有微言，看上去水汪汪的，一點也不像燉蛋。店員解釋後才知燉蛋只佔一部分，面層是薑汁鮮奶，如此一來兩者是分開的。燉蛋嫩滑有蛋香，只是熱度不足，薑汁鮮奶偏淡口，也是微溫狀態，論味道不差，只是後期處理不好，溫度影響了整體食感，可以更好。聰少甜品走的

樓下開左新甜品鋪，喺<聰嫂私房甜品>㗎新Line<聰少甜品>，急不及待要試下呀！花多眼亂，最後都喺揀左最主打㗎冰，超級期待。龍眼椰果冰 $40甫上枱已有一陣淡淡的龍眼香~冰入面有細細粒龍眼肉，好清甜，而且吃到有奶香味。撈埋面頭的實心水晶珠同椰果，口感超豐富。雖然天氣愈黎愈涼，加上愈食愈凍，但真喺完全停唔到口。好好味，好滿足，可以安心訓覺！下次黎一於試下同樣大熱㗎榴槤水晶珠。

知道左屯門開就感興奮，希望快啲黎試到，難得今日係附近，就醒起。 好彩剛剛有位，唔使等。 入到去無人招待，可能唔夠人手關係。我今次試了呢個密瓜西米冰，啖啖密瓜香味，超冰凍，口感有點似雪糕綿冰，夏天食必定一流，西米是分開的，可以隨自己喜歡加入。裝飾得還不錯，不過如果服務好一點就更好了。

第一次寫食評，驚寫得唔好，不過呢排真係好想寫下！因為最近區內多左好多食肆，試完實在係好想分享下！😋其實一早都收到風V city會開聰少！一直都有留意因為太想試佢地個紫薯冰！但尖沙咀比較遠，所以好期待！第二日就去左試....去二當然係點👇🏼👇🏼👇🏼果然名不虛傳！正！好濃郁嘅紫薯味，紫薯控表示❤️最衰我個名無個聰字，如果唔係有八折仲抵！下次再約朋友試其他甜品再報告下😁