WM Café & Bar (八號花園)

Open Now

Now Closed

行完大埔超級城，近近地係返大埔搵野食，唔想食大型連鎖餐廳，但又想食西餐，於是去左超級城附近嘅八號花園「WM Cafe & Bar」試下。一入去就已經有個哥哥黎問幾位，有禮貌又親切，揀好位置之後好快就送左2杯熱水黎。今日超級肚餓，所以叫咗兩個主食+兩個小食：（1）WM雞翼（柚子蜜）6件 $58超級熱辣辣，係即叫即炸，每一隻雞翼都脹卜卜大大隻，充滿着柚子蜜嘅甜味，就算淋咗好多柚子蜜都唔會腍啤啤，仲係外面脆卜卜，入面勁多汁。（2） 特色炸薯條（黑松露芝士汁） $58一送到上枱就聞到濃濃嘅黑松露味，啲黑松露同芝士份量都好足夠，每一條薯條都可以沾到黑松露芝士汁。（3） WM安格斯牛肉煙肉芝士漢堡 $98個包好香軟，舊安格斯牛肉夾埋煙肉同埋芝士，再加上蕃茄同生菜，令到成個Combination一啲都唔油膩。（4） 日本帶子明太子扁意粉 $158呢個扁意粉份量好多，仲有三隻帶子，個汁嘅明太子味道唔算好重，但係濃濃嘅忌廉汁令到個扁意粉好夠味（5） 跟餐：百香果冰紅茶 $38百香果冰紅茶唔會太甜，食完嘢飲佢可以解油膩。總括嚟講呢間餐廳係一個聊天好城地方，因為餐廳嘅職員唔會趕住送餐趕住收野，可以俾我慢慢坐

今日同朋友咁啱入咗大埔，就順便食埋lunch～我哋今次揀咗呢間想試好耐嘅WM Café and Bar，樸素舒適嘅環境都係吸引我哋嘅一個主要原因，加上有好多款食物俾我哋選擇，實在吸引❤️忌廉龍蝦湯首先我哋試咗佢嘅餐湯，濃郁嘅龍蝦味瞬間係我嘅口腔蔓延開去，加上忌廉湯細滑的質地，真的非常美味！另外，用餐包沾上一點龍蝦湯再放入口，香脆的麵包和濃郁的龍蝦湯混合的味道，簡直是完美的配搭！烤澳洲豬鞍扒配時令蔬菜、薯蓉剛剛上菜時，烤豬鞍扒的香味已經撲鼻而來！豬鞍扒烤得適中，不會太乾身，加上他們的特製醬汁，非常惹味😋還有蔬菜和薯蓉，味道也不會太淡，剛剛好，整體不會太油膩👍🏻日本帶子巴馬火腿卡邦尼煙肉扁意粉卡邦尼意粉是我最愛的意粉之一～餐廳嘅意粉非常特別，日本帶子非常可口鮮甜，同好大粒！火腿加煙肉混合意粉，味道剛剛好，不會太鹹或太淡味，非常好吃🫶🏻🫶🏻吉列炸蠔炸蠔外皮炸得香脆，蠔肉🦪更是鮮甜！加上醬料非常美味，非常值得推介！！👍🏻廚師沙律沙律的配搭適中，每一種菜分量剛剛好，加上沙律醬料，好吃！

下午茶呢hightea，紅磚牆裝修加上木質家具，一些植物裝飾，營造溫暖的氛圍，傾吓偈好寫意🌿Daily Soup$38意式鮮茄湯，酸酸甜甜，鮮茄粒粒仲好多去埋皮 🌿Green Apple & Avocado & Chicken Salad $98一座綠綠小山丘好吸眼，牛油果成糊狀融合青蘋果及雞肉粒，層次驚喜，撈埋沙律菜食好豐富🌿Black Truffle & Mushroom pizza128脆薄餅底十埋邪惡拉絲芝士上面仲有珍貴黑松露醬同什菌，極濃郁要趁熱食🌿 Caramel Latte with Popcorn (Ice)48朋友望到呢杯嘢有種興奮感覺，但加爆谷後更有雙重焦香咖啡味，濃濃的好飲～🌿Grape fruit Honey Tea $44特飲款式多，揀咗甜潤葡萄柚蜂蜜茶，打卡都好靚嫁～

朋友仔係大埔住間中都嚟食今日同朋友仔約食飯佢話呢間經濟算抵食餐廳女人傾計就啱啦🙊🤣呢間餐廳環境亦都好舒適享受一個假期前嘅晚上👍🏻係門口見到有set dinner 選擇不過我地選擇呢度叫主菜可以加38升級嘅套餐其實幾抵有炸蠔2件做小食廚師沙律，餐飲，餐湯 👍🏻👍🏻前菜😋😋😋😋👉🏻青蘋果同牛油果醬雞肉沙津配合真係好夾，同埋雞肉好嫩口，呢個沙律加咗青蘋果肉 酸酸哋幾開胃好適合餐前食 ，牛油果肉柔軟，同埋其他新鮮蔬菜，一齊食口感好豐富，呢隻沙律真係食極冇停口，賣相都好吸引，真係值得推薦俾大家試一試真係好開胃。主菜👉🏻日本魷魚筒蒜香墨汁扁意粉味道沒有失望，魷魚筒很鮮嫩，意粉軟硬適中加配餐湯餐湯＋餐包👉🏻龍蝦湯幾重龍蝦味，又唔會太稀幾好飲個包唔係普通嘅餐包，而係用黑糖包心軟綿綿，仲暖暖地加配👉🏻廚師沙津都唔馬虎架，有買相🤣加配小食👉🏻炸生蠔都唔錯有蠔味小食👉🏻墨西哥芝士雞肉烤餅烤餅皮做得薄而有口感伴上新鮮嘅牛油果醬同酸忌廉確是掂👍🏻加配👉🏻飲品（熱檸水）最後諗住食飽先叫自家制蛋糕原來好快就冇呢個有點失望

呢個餐廳感覺好relax, 好適合同朋友或者家人一齊輕鬆享受美食😋佢嘅「特色炸薯條配黑松露芝士汁」好值得一試，啲薯條炸到金黃酥脆，再加上香濃嘅黑松露芝士汁，真係停唔到口！如果你都鍾意黑松露嘅味道，可以再來多個「黑松露雜菌薄餅」！餅底薄脆，上面滿滿既黑松露同雜菌，滋味濃郁，一咬落去就可以感受到嗰陣滿足感！另外我地仲叫左半份柚子蜜糖燒雞，燒雞肉質鮮嫩，外皮燒到香脆，再加上柚子蜜糖，真係令人驚喜，係一種新鮮嘅滋味！飲品方面，佢地既熱泡沫咖啡幾有水準！香氣撲鼻，醒腦提神！如果你想飲返啲清涼嘅，「凍檸檬蜜」絕對係你嘅首選！冰涼檸檬味同蜜糖嘅甜味，就好似有一陣清風吹過，即時消暑！

一家人本想開開心心慶祝母親節，點知換來一肚氣！我們帶了雪糕蛋糕，請店員為我們暫存冰箱，店員告知冰箱沒有位置，而店內沒有告示表示不能帶外來食物，網上及店內更沒有顯示要收取200蚊切餅費，但到店當晚店員表示必須收切餅費但不會幫我們切餅，只提供一把鋼刀叫我們自己處理！真係撳住嚟搶！野食都未叫就要即刻食左個蛋糕先，用餐體驗非常差。食水深！食物上菜速度慢，而且質素一般！戴眼鏡的店員態度亦不耐煩！總而言之，不推介此餐廳，服務態度差亦無理收費，絕無下次！

Cafe內外用左紅磚牆，大埔區黎講算幾特別店內乾淨企理 有唔同既植物+掛畫+吊燈做裝飾，坐得舒服 格調都唔錯🍔WM墨西哥手撕豬肉辣味芝士漢堡 $98🍟配薯條$18香辣既手撕豬肉加上厚片菠蘿 酸酸甜甜辣辣的夠晒惹味又開胃，加上我最愛既薯條 粗薯條炸得外脆內軟 略加了少少調味已經好好味🐷烤澳洲豬鞍扒 配 時令蔬菜。薯蓉 $198上枱時 豬鞍表面仍有油花在滋滋的 滿滿的香烤味 連旁邊的醬汁都有絲絲白煙飄出，驚喜位係估唔到醬汁都係即時煮起上碟，豬鞍烤得岩岩好 唔會乾乾 入口油香鬆化🍹芒果百香果青檸特飲 $48唔會好甜 微微酸酸的 帶有少少薄荷味的清爽，重點是有氣的 食burger一定要配有氣的飲品*收+1服務費*店員哥哥好細心 提議漢堡+$18可以配薯條*位於大街旁的地鋪 位置方便但又唔會好多人外面行黎行去

今日同好朋友在大埔搵食搵左個比較寧靜舒適嘅餐廳食飯傾計熱鮮奶咖啡 $30份量很多，咖啡有拉花不過我太心急飲忘記影相味道岩我口味正常發揮檸檬香茅梳打 $38清新味道可以解油膩如果香茅再拍多幾下出味會仲正白酒蒜香燴澳洲藍青口 $118份量不少兩人食我地每人大約食到超過10隻青口鮮甜配上香脆蒜蓉包非常美味，推薦！意式辣肉腸薄餅 $108薄餅一上檯熱辣辣出曬煙餅皮香脆，材料辣肉腸，茄汁，蕃茄和芝士油潤多汁美國波士頓龍蝦香草蕃茄長通粉 $188龍蝦是急凍龍蝦所以質地不能和新鮮龍蝦比較龍蝦唔算大隻但有好多膏長通粉配上蕃茄汁酸酸甜甜幾好味整體食物全部熱辣辣送上我係欣賞嘅同埋價錢都幾合理所以朋友都話會再同媽媽去食

與朋友在大埔中心八號花園WM吃晚飯，門外裝修得頗別緻，店舖不算大，乾淨整潔，服務員很貼心，我和朋友都怕太大冷氣，問可以將冷氣調高一點，他體貼地關了其中一部讓我們很舒服地用膳💗日本魷魚筒蒜香墨汁扁意粉：賣相好吸引，令食慾大增。味道亦沒令我失望，魷魚筒很鮮嫩，意粉軟硬適中，充滿蒜香味，好食烤澳洲豬安扒配時令蔬菜薯蓉：豬扒沒有放鬆肉粉，揦到佢好腍，不是好嫩滑，是有質感而且很有肉香，由於用料靚，不須要加味精，我個人比較鍾意。

今日收工嚟到呢間餐廳食嘢因為晏晝食得太飽關係其實食唔到好多嘢落肚所以兩個叫咗以下幾樣嘢食- - - - - - - - - - - - - - - - - - - - - - - - 1. 青蘋果牛油果醬雞肉沙律呢個沙律加咗青蘋果肉 酸酸哋幾開胃好適合餐前食 食落口感層次分明食到蘋果爽脆 牛油果肉柔軟仲有雞肉嫩滑 同埋其他新鮮蔬菜感覺豐富 不過鍾意蘋果切粒多啲2. 海蝦蒜片檸檬海鹽醬扁意粉食落味道唔濃 會有淡涼檸檬清新香氣滲出好微弱嘅酸酸甜甜味道 加埋好有咬口嘅扁意粉意粉煮到唔會太腍/硬 配埋大粒海蝦一啖入口 都好豐富 適合唔鍾意重口味人士3. 心太軟配雪糕＋檸檬香茅梳打今日突然好想食朱古力 先叫咗心太軟配咗雲呢拿味雪糕 味道應該指定切開嗰陣 感覺到外殼係幾脆入面流咗少少融化緊嘅朱古力醬一熱一冷對比 食落係好特別～另外檸檬香茅梳打飲落酸酸哋同埋感覺清新 少少香茅草本香氣有氣泡成分令人覺得好啱夏天飲

【大埔區】【WM Café & Bar】有事入大埔做，順便約吓住大埔嘅同事食吓飯，畢竟大埔都係一個人傑地靈嘅好地方。搵咗旁證哥食飯，因為第一次同佢食飯所以穩穩陣陣揀間明知佢好食嘅嚟試。就嚟咗我喺 1am0911 已經寫過嘅呢間西餐廳，佢個位置都好方便，就喺文娛中心對面咋。旁證哥試咗個 $128 嘅「WM雙層安格斯牛肉芝士漢堡」，我見佢個包勁大個，兩層安格斯牛肉漢堡扒煎得勁香，配埋濃香嘅芝士同其他配料，旁證哥食到舔舔脷，佢係咁話好好食。我就試 $48 嘅「WM自家製蛋糕」，揀咗「巴斯克芝士蛋糕」，味道都唔錯。試埋 $148 嘅「WM小食拼盤」，有意式炸肉丸、炸雞翼、吉列墨魚餅、吉列琵琶蝦、車打芝士醬薯條畀我哋 share 食，正。另外我哋試埋各 $38 嘅兩款冬日特飲「紅豆抹茶奶」同「白之戀人」，都 okay 嘅。咁多樣嘢夾埋，加埋一，價錢 $440，係合理嘅。。。（地址：大埔安慈路2號八號花園地下20號舖）@wmcafebar#1amfoodie #foodie #hkfoodie #thatfoodiething #hkfood #food #instafood #yummy #fo

位於大埔中心地區 雖然唔近港鐵站 但接駁巴士落車行幾步就到🚶🏻‍♂️搶眼易認莫過於以磚紅色牆為主既裝修 內裡仲有唔少掛畫 座位不少 約有30席 唔會太迫✌🏻佈置時尚舒適 令人有輕鬆悠閒既感覺🥳主打既食物種類幾多 現代Café有既野食應有盡有 可以揀散叫小食 主菜 甜品 亦有優惠既多人套餐仲有特色飲品 同多種酒精飲品可以揀🍷🥂🍻🍸價錢抵食 好適合黎嘆番杯食番餐😌之前食過二人餐 太多野食 太豐富呢排減緊磅 所以叫左一個意粉 一個漢堡 再加個甜品 就夠啦🙂💥日本帶子明太子扁意粉意粉唔會煮得過淋 🍝濃郁既明太子醬汁帶鹹香同微微既辣味🔥而且幾CREAMY帶子輕輕煎香 依然柔軟嫩滑💥 WM雙層安格斯牛肉芝士漢堡兩大塊厚厚既安格斯牛肉 好足料😌🍔而且肉質鬆軟嫩滑 非常多汁 滿滿既牛肉味🐂仲有芝士 蔬菜 酸瓜 蕃茄 口感層次分明 甚有誠意😝 💥朱古力心太軟配雪糕加左個甜品 朱古力心太軟唔算太甜大大球既雪糕 仲有忌廉 MIX埋一齊食份量恰到好處 滿足😝

WM Cafe 係大埔嘅一間平民西餐廳，店外牆身鋪滿紅磚，配埋灰色石屎牆，充滿歐陸風。餐廳那個座位都幾多，好有空間感，平日夜晚都有好多食客幫襯。餐廳有個調酒區，高牆用咗綠色植物做點綴，格局鮮明。晚餐有set menu，選擇都唔少，而且價錢都非常平民化，仲送忌廉龍蝦湯。🍽️ 美式豬仔骨配田園沙律，薯條豬仔骨炆得好腍，肉質鮮嫩多汁，份量都唔少，配埋餐廳特製嘅醬汁，好入味。沙律菜好新鮮。薯條即叫即炸，熱辣辣，炸到好脆好香口。🍽️安格斯牛肉煙肉芝士漢堡配薯條安格斯牛肉好厚身，肉汁豐富，搭配埋煙肉同芝士一齊食，口感豐富。🍺生啤大大杯，好解渴。WM Café & Bar📍大埔安慈路2號八號花園地下20號舖

喺外賣平台見到佢做特價，於是叫嚟試吓，一打開即刻好失望，個龍蝦湯同咖啡都係用平時茶餐廳嗰啲矮嘅外賣紙杯裝，但份量只得一半，你諗吓隻紙杯都已經夠細隻，份量竟然仲要減一半，留意番，我肯定外賣送遞員係冇倒瀉過，成個感覺已經非常差！如果係因為特價嘅關係，所以份量減一半嘅話，我覺得不如你唔好特價啦，但如果平時都已經係咁嘅話，更加唔能夠接受囉！真係未去過一間餐廳外賣飲品係會少一半，外賣餐湯用呢啲杯裝都仲係得一半，其實就係兩啖！

有個好friend嘅大埔街坊閨蜜，一直都帶我喺大埔搵好嘢食，今天收工終於都搵到佢傾吓兩句閒偈，想搵間Cafe坐低傾吓偈食吓嘢，都知道呢間好牆WM cafe 都喺大埔開咗一段時間，原來喺馬鞍山都有一間，可能之前都有食過了。呢個閨蜜都係草食性動物，最近可能都要減吓肥，所以都叫咗兩個沙律嚟試試，因為聽落個名真係都幾吸引。青蘋果牛油果醬雞肉沙律 $98青蘋果同牛油果醬真係好match，同埋雞肉好嫩口，各樣都切粒，食落去口感好豐富，青蘋果酸酸地硬身，雞肉軟腍腍，一齊食落去就係兩種口感。呢隻沙律真係食極冇停口，賣相都好吸引，推薦俾大家試一試真係好開胃。WM巴馬火腿蜜瓜沙律 $98其實都真係好欣賞呢間餐廳嘅沙律會用好多唔同類型嘅材料，呢個火腿加蜜瓜嘅配搭都係因為個名吸引我哋去試一試，鹹甜之間取到一個好好嘅平衡，一種好清新嘅口感，真係10分推薦，大家要試一試佢哋嘅沙律。炸小食拼盤$148見到好多款唔同嘅小食，選擇困難困難症又來了，所以都喺叫咗個炸小食拼盤。呢個拼盤都好豐富，有芝士薯條、炸意式肉丸、炸雞翼、炸洋蔥圈、吉列琵琶蝦同吉列墨魚餅。啱晒有選擇困難症嘅我哋，每樣都係兩件，兩個人食的話就啱啱好，可以