和順記 (西九龍中心)

Open Now

Now Closed

人人都知道西九龍中心最頂層有一個美食中心，但原來最近在六樓也開了一個小型一點的，而且還有挺多特色食物可以吃到，就像今天吃的這間雞腿專門店一樣！淨生炸雞腿王（４５元）真的超大個的生炸雞腿，比臉還要大的感覺，表面炸得非常焦香，內裡還保留到不少的肉汁，肉質嫩滑，味道鹹香。原隻拿上手來吃，真的很過癮！咸蛋黃醬雞髀皇太陽飯（６３元）這個是表面加了鹹香的咸蛋黃醬，吃起來脆度減少了一點，不過味道更香濃一點，特別是喜歡咸蛋黃醬的人！雞腿也是炸得非常好的！蒜香醬油炸雞+紫菜拌飯（４８元）想不到這裡還有韓式炸雞，而且挺有意外驚喜的！炸得外脆內嫩，外皮特別香脆，就算包裹上醬汁後，也不會變軟，配影甜甜鹹鹹的蒜香醬油汁，特別惹味，也很下飯的！而且還配有炸年糕，軟軟糯糯的！鴨屎香手打香水檸檬茶（２５元）吃炸雞挺油膩的，配上這裡的手打檸檬茶剛好非常解膩，味道清爽，檸檬味很足，茶底甘香！百香果多多綠茶（２５元）店員特別介紹這裡是用新鮮的百香果，而不是百香果醬，這個真的好評，味道會比較清爽一點，不會很甜膩，加上酸酸甜甜的益力多和綠茶配合，很有夏天的感覺！

今日同朋友喺深水埗度行街，行到去西九龍中心見到6樓有一個小型嘅food court，一直以來都久仰和順記嘅大名，出名食雞髀，咁岩見到係呢個food court開左，就一試啦，真係令人有驚喜！🍗生炸雞髀王配煎蛋撈麵呢個生炸雞髀係用心製作，佢嘅肉質入味。因為係即炸，我地都等左15分鐘左右，雞皮真係炸到金黃酥脆，雞肉外脆內嫩口感，加上雞髀比我嘅手掌仲要大，真係好飽肚，同埋抵食！而撈麵亦可以選擇自己合適嘅辣度，今次我叫咗小辣，調味非常合適，每條麵都有醬汁，而撈麵上有一隻太陽蛋，食嘅時候係流心，連細節都係用心製作！🍗神級雞髀王配韓國薯仔拉麵神級雞髀王同生炸雞髀一樣咁好食，即叫即責，肉質Juicy同嫩滑！而韓國薯仔拉麵就係自己落調味粉，面質韌度適中，太陽蛋一樣做得咁出色，雞髀加拉麵夠哂飽肚！🐤蜂蜜芥末炸雞估唔到呢間分店有韓式炸雞叫，表皮炸得非常香脆，肉質嫩嫩滑多汁，最出色係佢嘅蜂蜜芥末醬，甜中帶辣，加埋兩嚿炸過嘅年糕，外脆煙靭，好好味！🍹鮮百香果多多百香果飲得出係用新鮮水果製作，再加埋適量嘅多多，每啖都有百香果肉，亦都唔會比多多嘅味道搶走咗，呢杯飲品大力推薦！🧋珍珠奶茶奶茶茶底茶味濃郁，加上珍珠非

一直以為得油麻地有得食，點知原來西九龍開左分店，雖然細鋪。但炸雞脾一定係必試，但份量依然十足且外脆內嫩。雖然啲飯略嫌淋左啲，但搭配黑椒汁都重可以補救返。今次喺OpenRice睇到佢開分店，得閒就買外賣返屋企食。包裝簡單但整齊。佢嘅炸雞脾保持到水準，買外賣返去食，入面嘅雞肉都夠嫩，完全冇乾柴嘅感覺，連黑椒汁淋落啲飯都已經好夠味。價錢方面唔太平，但隻雞脾咁大隻都抵啦。下次黎會試油脾。服務方面，收銀姐姐非常有禮貌。

近排部份工程都係深水埗區進行，所以都搵到唔少地方食飯、飲酒，果然係個唔錯嘅地區。今日因為見完客都已經晏晝，而且呢排天氣非常之炎熱，見無咩嘢做就早啲返屋企休息，不過呢啲時間又好尷尬所以打算買埋晚餐返屋企食，上網都搵下仲有啲咩嘢比較出名嘅，發現原來西九龍中心開咗間對我而言比較老字號嘅餐廳，就係和順記。佢最響噹噹嘅食物就係巨型炸雞髀，諗下都晒流口水。而另一半話未試過都有興趣想試下，咁就決定今晚食和順記啦。本身喺長沙灣區都有間，但可能舊區收購所以執笠，好彩深水埗都仲有一間。商場變咗好多而變得最多就係Food Court，有好多唔同種類嘅餐廳林立選擇亦非常之多，不過云云之中見到最想食嗰間和順記，間鋪面唔算好大但餐牌張貼咗好多唔同款嘅食品款式，   當然佢主打都係雞，所以睇咗一陣都有決定，最後就點咗一份小蜜蜂炸雞套餐，入面有鹽酥炸雞、紫菜拌飯、飲品，而幫另一半Order馳名嘅生炸雞髀王煎蛋飯，醬汁方面加兩蚊換個沙嗲汁，另外飲品方面經老闆介紹試咗個百香果多多綠茶特飲，而自己就要杯凍檸茶，咁就成件事已經完成啦~攞咗部BB機等佢響就可以取餐，大約等咗十分鐘食品就已經完成可以取餐啦~~~ 好彩下午茶人流比

和順記總店係荃灣食過第一次就覺得高質雞髀炸得香脆 大隻多肉汁點知原來西九龍都開左係6樓一個小型food court入面所以我作為深水埗街坊當然去幫襯下之前係得淨炸髀現在多左好多吾同款式例如 飯呀 麵呀 薯菜等等 仲有其他炸雞同埋野飲小編就叫左招牌炸髀薯菜 配上冷萃桃香烏龍茶雞髀即叫即炸 所以大家要預10-15分鐘上到枱 仲係聽日滋滋聲 勁辣手😂所以建議上枱俾佢rest一下先隻髀勁大隻 大過小編塊面😨雞皮炸到勁脆 好似食緊薯片咁雞肉勁juicy 啖啖肉🤤加埋香脆薯菜 簡直係絕配黎到西九龍真係要試下🥹

今日黎長沙灣合署續牌，於是去隔離西九龍中心搵食，聽人講話6樓有間炸雞髀好好食，一於去試下，上到去6樓已經比炸雞髀果陣香氣吸引到，午市人較多，眼見好多人都食雞髀撈麵，於是我點左辣沙嗲雞髀皇撈麵同手香水檸檬多多綠茶，我見到隻雞髀都嚇左跳，咁大L隻，我以為火雞髀，老闆話係美國無激素雞髀，雞髀皇果然名不虛傳，食落去更讚不絕口，雞皮炸到好似薯片咁脆，咬落去雞髀重標緊汁，真係超正🤤🤤🤤，沙嗲汁撈麵好好味，不過有d辣😅。手打香水檸檬茶都抵讚，感覺好清新，好足料，應該有整個檸檬，上次係旺角飲，30幾蚊，比3片檸檬比我，真係想爆粗。總括而言，雞髀好食，值得再去👍

我差唔多六點去到個food court好多位剩，叫完之後等咗10分鐘內就有，應該算係快！今次三個人叫咗兩份雞髀加薯條，一杯手打檸檬茶，一杯珍珠奶茶！其實已經唔係第一次食，但係因為怕熱氣好耐冇食，但老闆娘竟然認得我，仲記得我上次同咩人嚟，原本以為佢吹水，佢一講竟然中，真係好好記性，老闆老闆娘好有禮貌，人好好！講返食物，炸雞髀同之前一樣外脆內軟，啲肉係超Juicy，薯條今日略嫌老身咗少少，但志不再薯條，最緊要炸髀好食，另外提一提佢杯珍珠奶茶，我覺得個茶底相當唔錯，可以一試，手打檸檬茶不過不失，費事行上樓上買！

於2024年6月4晚點了外賣自取。外賣等候時間如openrice app一樣，我共點了一個黑椒汁炸雞髀飯和三個避風塘雞扒煎蛋飯。我記得以前吃過長沙灣分店，炸雞髀香脆多汁，就連配汁，黑椒汁、避風塘口味都均一絕。誰不知道今次非常失望，飯是水狀，像糊仔，也只有很少的黑椒汁。雞蛋則煎得完美，一刺就破流蛋汁。至於雞髀大小，也是如我手掌般巨大，但雞味不香。至於避風塘雞扒飯，配的豉油不是甜豉油，味道有點怪，雞也是煎老了。唯一讚是員工招呼很好，見我一個人取如此多食物，替我包裝得宜，方便我。

lunch時間去西九龍中心搵食見到呢間炸雞脾好吸引叫完等左差唔多10分鐘但係見到個大大塊雞脾就會覺得值得等配上太陽蛋，真係好好味炸脾外脆內軟，新鮮熱辣肉質好juicy珍珠奶茶，奶味濃郁真係好夾

本身呢間鋪係兼善里果陣已經想試好耐..知道搬咗去西九龍中心..即刻嗌外賣嚟試吓..因為之前都見到幾多foodie介紹過好似好正咁🤔聽到炸脾.. 我既預期係有脆脆外皮加內裡肉嫩juicy果種（佢本身present出嚟嘅相都係呢一種）..點知叫外賣返黎先知原來唔係🫣雖然有啲失望..但咁都唔算大問題既～～隻雞髀係真係好大隻既～ 點知一食落口..啲雞肉係醃到完全冇雞肉味.. 就算唔落脆漿.. 都可以炸到好乾身架嘛 🫨 雞皮又唔夠脆..仲好油tim.. 鹹蛋醬又唔夠香.. 成隻脾既感覺係唔香之餘又油淋淋..淨係食到鬆肉粉嘅味道..😐😐$60黎講 （仲要折左先係呢個價） 真係好唔抵..😓😓 我寧願等下午茶食大家樂炸脾好過…或者麥當勞脆香雞翼都好食好L多🫥 奉勸大家要試嘅話唔好期望太高… 真心冇下次😑😑

中午12點叫餐，並要求1點07分準備好，1點30分送達。這筆訂單是兩份飯，享受八折優惠，價格為160元。然而，由於過了午餐時間，打工族無法享用餐點，這讓人感到非常憤怒和無奈。想像一下，作為一個繁忙的打工族，你已經盡力趕在午餐時間之前下單，希望能享受美味的餐點，結果卻因為種種原因而被拖延。你可能感到無奈，因為你需要在工作間隙享受一頓營養豐富的午餐，以保持精力充沛。此外，你還給予了餐點最低評分，這是因為你可能已經等待了很長時間，甚至可能收到一份已經冷凍的餐點。這種情況讓人感到憤怒，因為你付出了金錢和期望，卻得到了失望的回報。因此，我強烈建議那些有充裕積蓄和時間的退休人士和闊太太，可以考慮點餐，因為他們可能擁有更多的彈性和耐心來應對可能的延遲和不完美的服務。但對於打工族來說，這樣的等待時間和食物品質問題實在令人無奈和憤怒。希望這樣的情況能得到改善，讓大家能夠順利且滿意地享用餐點。

大概年幾前，光顧過荃灣的「和順記」的下午茶，對他們的神級炸雞髀印象深刻，因為真是超級巨型，最近知道他們在「西九龍中心」開了分店，對我來說更方便，就相約朋友到來吃一頓神級炸雞髀晚餐。「西九龍中心」美食廣場一向都頗有人氣，而現在更將六樓的一角僻作一個小型美食廣場，設計跟八樓的一模一樣，又是那些令人坐得不長的高腳斜椅，哈哈！講到食物選項，在舖面貼出所有各色各樣的菜式，天是圖文並茂，看起來真是花多眼亂。但來這裏 的必點就是「雞髀打人牙骹軟」的神級炸雞髀，店員更強調所有雞髀都是生炸的，不會預先炸定再翻炸，所以，等候需時要多少少時間。飲品方面，當然有一般茶餐廳慣常見到的檸茶、檸水、奶茶、咖啡，但這裏不同，他們與「Bee B Sweet」聯乘，提供多款凍飲，如近來大熱的手打香水檸檬茶、手搖冰果茶……等等。朋友揀選了「神級雞髀皇拼韓國薯仔拉麵」（$65），這是一個非常豐富的組合，因為雞髀已經超級大件，加上一整碗韓國拉麵，朋友吃完之後大叫飽到不得了。店員更加為他的雞髀灑了一點點辣粉，他大讚變得更滋味，而韓國拉麵富彈牙感，湯底惹味，十分好吃，最貼心的是不單加了太陽蛋和青瓜片，更將調味份只下了一半，剩餘半包

當初朋友推介和順記神級炸雞脾，我並不相信。但當我親眼見到後，真是驚為天人，果然名不虛傳。⭐️滷水雞髀皇太陽蛋飯$55滷水雞髀醃得入味，恰到好處；雞脾肉軟諗嫩滑配上漂亮飽滿色澤鮮明的太陽蛋，簡直是相得益彰。⭐️手打香水檸檬多多綠茶$35綠茶的苦澀與檸檬的酸甜完美融合，令人回味無窮，兼且消暑又解渴。⭐️生炸雞髀皇$45Size足足大過我一隻手掌的生炸雞脾，即叫即炸所以能做到外脆內嫩的效果。巨型雞髀以菠蘿、甘筍、西芹等6至7款蔬菜醃至少6小時，果酸會讓雞肉變得更鮮甜，不愧能稱之為雞脾皇。⭐️孜然粉$3另加上口感風味極為獨特，氣味芳香而濃烈的孜然粉在生炸雞脾上，別有一番風味。⭐蒜香醬油香氣濃郁，更能襯托出生炸雞脾皇的獨特性。⭐️秘製麻辣雞扒撈麵$45雞扒煎得恰到好處，內裹仍能鎖住肉汁，加上秘製麻辣醬，令每一口撈麵都能品賞到麻辣鮮香的美味。⭐️黃金魷魚酥驚喜小食首選，加入蛋黃和蛋漿，外層炸得金黃酥脆而魷魚鬚仍能保持鮮嫩脆彈，口感一流。

滷水雞脾煎旦飯❤雞髀勁勁勁大隻!!! 仲大過我隻手~ 肉質軟嫩，而且仲好入味! 雞皮亦唔厚，仲好彈牙，食起黎係好香甜既老水而唔死咸! 加埋隻靚靚太陽蛋，晚餐黎講，好夠食!生炸雞脾配薯菜 ❤食起黎一d都唔會好油膩 / 有果陣油憶味! 酥脆香口既外皮內軟又JUICY既雞脾肉，食起黎一d都唔嚡口!岩哂中意重口味既你! 而且佢地係唔落鬆肉粉，即叫即炸，夠哂新鮮！香煎雞扒肉燥飯❤️ 白飯上既滷香肉燥同大大塊煎得外脆內嫩既雞扒，入口勁香口惹味，鹹香岩岩好❤️乾爽分明既飯粒，淡淡米香撈埋啲肉燥，夠哂惹味開胃鴨屎屎香手打香水檸檬茶❤️同 鮮百香果檸檬茶❤️兩杯既檸檬香味都好滿分，一d都唔死甜！如果中意開胃小酸既可以試百香果。如果鍾意濃濃嘅檸檬香味，咁鴨屎就必點喇！

滷水雞脾煎旦飯❤雞髀勁勁勁大隻!!! 仲大過我隻手~ 肉質軟嫩，而且仲好入味! 雞皮亦唔厚，仲好彈牙，食起黎係好香甜既老水而唔死咸! 加埋隻靚靚太陽蛋，晚餐黎講，好夠食!生炸雞脾配薯菜 ❤食起黎一d都唔會好油膩 / 有果陣油憶味! 酥脆香口既外皮內軟又JUICY既雞脾肉，食起黎一d都唔嚡口!岩哂中意重口味既你! 而且佢地係唔落鬆肉粉，即叫即炸，夠哂新鮮！香煎雞扒肉燥飯❤️ 白飯上既滷香肉燥同大大塊煎得外脆內嫩既雞扒，入口勁香口惹味，鹹香岩岩好❤️乾爽分明既飯粒，淡淡米香撈埋啲肉燥，夠哂惹味開胃鴨屎屎香手打香水檸檬茶❤️同 鮮百香果檸檬茶❤️兩杯既檸檬香味都好滿分，一d都唔死甜！如果中意開胃小酸既可以試百香果。如果鍾意濃濃嘅檸檬香味，咁鴨屎就必點喇！