元豐園

Open Now

Now Closed

今次就試左由韓國阿豬媽開嘅韓國菜🇰🇷🇰🇷韓國牛肋骨煲🐮牛肋骨係入口即溶，牛味好濃，而且食落去個口係會有油香，個汁甜甜地，撈汁食飯真係好正🤤食到一半有d膩又可以飲啖湯🤤而且個煲有舊蘿蔔晒d汁👍🏻紫菜包飯🍙雖然個賣相就真係唔係好靚仔架啦，有d似屋企包咁，但個味道就真係唔錯，而且份量好多😌😌另外仲有好多韓國前菜，可以係等緊個餐個陣食住等🙈🙈🙈個人最鍾意係魚仔乾同薯仔👍🏻但提一提大家，老闆娘係好有性格，你問多兩句同嗌餐慢少少都會比人黑面，所以要有定心理準備🙃食餐飯都要受下氣🙃

琴日落雨，所以去光顧呢家韓國菜，是韓國人打理的。叫坐的時候逼你叫多份燒肉，係咁話唔夠食，明明我哋叫咗一份燒肉一個炸醬麵，一個豆腐鍋，一份生菜一份麵豉醬，我哋三個人，我等埋朋友嚟在家都唔得，超級冇禮貌。性價比又低，食物質素就普普通通，但服務態度真係好惡劣，無論係等位的時候下面的服務員或者是幫我們開座位的服務員，都超級不禮貌，我覺得雖然不是貴價菜，但都不應該用這種禮貌來對待食客。我諗我不會再去光顧，韓國其實有很多新派菜也很好吃，大家真的不用去受氣！信我

限聚令已經增加到8人，終於可以約埋親朋好友一齊出去食晚飯，疫情持續大家都唔知幾時先有得去旅行，所以今日我哋選擇咗食韓國菜。好多人會介紹尖沙咀韓國街嘅韓國菜，但係我試過之後最鍾意都係食呢間，但係睇返評價十個有八個都係話佢態度差，我哋都食過五六次，暫時都未遇過服務態度差嘅問題，不過都唔係好。今次我哋帶咗個燒烤四人餐，再加左泡菜湯、炆豬肋骨、鹽醃魷魚、韓國炒粉絲，韓式拌飯。首先黎咗十幾碟前菜，薯仔🥔大豆芽、菠菜最受歡迎嘅，不過前菜係冇得任食㗎，侍應會過嚟幫我哋燒肉燒號之後再幫我哋剪小件上碟，提一提烤豬肉係辣架，炆豬肋骨超林，韓國炒粉絲都好惹味，唯一係個泡菜湯比較酸，其他我地都好滿意，lunch set仲抵食啊，lunch時間黎開呢頭都可以試吓

一間差不多全是韓國人主理嘅餐館，前菜有好多款我們六個人叫了一個四人餐再加一個石鍋飯,炒粉絲同一個泡菜湯，可能我們樣樣都想試叫太多了食唔曬，其實四人餐份量真的唔少~有燒牛,雞,豬,蝦,魷魚,一個牛尾湯或辣牛肉湯再加一個紅燒牛助骨煲，特別推介牛助骨煲超好味，燒物都好入味基本上全部出品都好食嘅，不過兩個湯就稍為差少少~牛尾湯偏淡冇乜味~泡菜湯就太酸，不過值得一讚就是不用自己動手燒有專人幫你燒，大家就可以慢慢嘆慢慢吹下水。

One of best Korean restaurant in Hong Kong. The Korean hot pot is really good. The portion is enough for 4 people. It's almost same as original Korean food. It's really good with Korean soju. The side dishes are also good. They open until midnight. Really good place for Korean food and soju lover. The price is not cheap but worthy to try.

好耐冇入过呢間食野喇，話說元豐園都開咗好耐，第一次去係N年前既凌晨去食宵夜，印象中都開到好夜，算係宵夜好去處，飲下燒酒，吹下水，一流之選店铺裡面大多員工都係韓國人，幫襯既客人大多數都係韓國人，所以感覺特別正宗点咗個海鲜拼盤仲有專人幫你燒，為你服務(不過個感覺好似叫你食快啲咁，因為一下子食唔到甘多，想慢慢食，但凍咗又五好食..)呢個牛肉好食鐘意黎呢到其中一個原因係前菜款式夠多，添食仲五洗錢，真係好吸引，同埋平時食韓仔店都係得2~3款左右咋泡菜湯，熱辣辣，正1個人食咗1只，五算好咸，好食好滿足仲叫咗個冷麵冇影到總括黎講，想食正宗韓燒，呢到係五錯選擇，如果2個人五係食列到好多，其實叫小一個冷麵就刚刚好

元豐園 #尖沙咀嗰日喺尖沙咀度行吓行吓唔知食咩好，見到呢一間韓國餐廳，驟眼望落去全部都係韓國人，而且仲要有上下兩層，好似幾正宗，決定試一試。嗌咗個二人套餐 $420，包括烤牛肉、雞肉、魷魚，海帶湯或者豆腐湯，多種前菜，最後仲有橙食。牛同雞同樣都幾淋，但並唔係啲咩特別部位。如果有去開韓國餐廳食嘅話，都知道佢哋有款係鐵板燒肉配飯，今次燒嘅肉同嗰種鐵板燒嘅肉一模一樣，都係碎碎地細細塊，調味都係最正常甜甜地豉油，其實都好味但係絕對唔特別。反而好欣賞佢哋個魷魚，一塊塊好大塊，彈牙得嚟一啲都唔韌，自己好憎嗰啲要咬到牙軟嘅魷魚，但係呢個就絕對冇呢個問題。另外我哋揀咗豆腐湯，都係用韓國最正常果隻辣椒作調味，但係有啲淡，之後我哋要自己加啲泡菜汁落去lol不過佢哋嘅前菜就真係好出色，平時去開放題嗰啲韓國餐廳剩係得啲泡菜芽菜，但係呢度除咗呢啲之外，仲有薯仔、豆卜、魚仔等等，不過就無得添。整體來講味道中規中矩，但係要四百幾蚊有啲貴，除翻開每人都要二百幾，已經可以食到放題。順帶一提如果要換塊鐵板，仲要加$20，食食吓之後我哋啲肉全部都開晒啲焦awww味道:3.5/5性價比: 2.5/5

不賣花巧，穩打穩紮的韓式餐廳。前菜也是基本的韓食小菜，分量滿滿，特別喜歡薯仔及菠菜，份外美味。午餐有多款套飯選擇，每款都配牛骨湯，我跟友人分別點了烤雞及豬，兩款都好吃。烤豬有點微辣，很惹味。烤雞看似清淡，但其實有調味，也好吃。整體而言：食物：絕不花巧，是舊式韓食，菜色穩紮，每次來都有很多韓國人光顧，應是很地道的家常口味。服務：韓國人服務，快速實際，也是跟食物一樣，不賣花巧不虛偽，環境：傳統韓國餐廳風格，午市常常坐滿，但還是很闊落

Came here probably around 8:30 pm or so on a Friday. There weren’t actually a ton of people when we got here, so the service was pretty good and fast, in my opinion.We ordered a soju, beer, and for food we got some sliced beef and what assume was probably a gam ja tang. Let’s see... the banchan was pretty average here, so I don’t know if there is anything worth noting here, though I did quite like the sweet potato they served us. The banchan didn’t get refilled at any point.The sliced beef was q

今天七時多到此店，一進內本來被一位亞豬妈安排指定坐位沒問題，但態度及语氣卻十分差，軍令如山一般命令進內。安排1个像没冷氣最入又焗位给本人及友人。实在支持不到，本人客氣問店內一位似另一軍官的亞叔侍應，他回答坐下就凉。。好誇。進食中途，本人見亞猪妈一見日韓客才表现献殷勤的款待，对本人及友人表現不招待，充满被歧視!更離中途亞豬妈走來加水，原來顺便给我單叫本人埋單，本人只吃了一半，店內有多張吉枱，當時只是八時多。。。本人十分忿怒，也簽卡埋單，打算也吃多少少便走，点知亞豬妈又手又指又用眼睛狂"啤"似妈我不走多次。。。食物只是一般，我真的第一次有如此对待,免費食也不会去，实在要買六合彩!除非你是韓國人!绝对不要中計呀！

WonPungWon(원풍원) is one of old Korean restaurant in Hong Kong. That means the food is good. If the food is not good, it will be closed soon because of high rent fee. I ordered bibimbap in stone pot which is very popular Korean food. The ingredient is rich and the taste is good. The staffs are kind of old so they work very quickly and properly.  The price is not cheap but it's worthy to try. 

今次為大家介紹嘅係一間唔係好出名嘅韓國人經營嘅韓式餐廳,呢間餐廳位於尖沙咀嘅寶勒巷 ,大家要留意如果大家想嚟呢間餐廳有時真係要碰運氣,因為呢度嘅韓國老闆係有時會做韓國嘅旅行團,當佢間餐廳FULL HOUSE的時候,佢哋係唔接受你排隊等位的,食到或食唔到全部都係靠彩數。但係點解我都要去食呢,就係因為佢比較好食,大家仲要留意多一點,呢度嘅客服style有少少似澳洲牛奶公司的,落單諗嘢唔好諗咁耐,如果有選擇困難隨時畀人黑面,如果大家食飯又要多汁多餸或者多飯呢啲咁嘅要求奉勸大家唔好啦。點解我講到咁都要介紹呢,唔通人真係犯賤。為咗食好嘢冇辦法啦。 飯前小吃 - 唔錯炆牛助骨堡 $75呢度牛助骨堡分開上, 牛助骨大大嚿夠曬入味 不過我個人略嫌份量太多, 而且仲有個牛肉湯清湯另上,再加一個白飯,節食緊嘢我唔敢食呢個餸。 大大舊竹牛助骨牛助骨湯飯 $60牛助骨湯飯係會有一個牛清湯配一啲牛助骨,同埋另外一個白飯另上,牛肉湯清清地又好有牛味 ,我個人覺得仲好食過清湯腩飯。要留意呢個set係lunch係中午先有㗎,晚飯佢淨係得燒烤,所以想食佢呢個午市套餐一定要喺中午度食。

前幾次到尖沙嘴探尋好味韓國菜都失望而回，這次也沒抱太大期望。推門進去，幾乎都是韓國客人紅着臉圍着火鍋吃飯聊天，等了一會，阿豬媽我們示意上2/F。地方略殘舊，很有傳統有韓國餐廳的感覺。餐廳提供的菜式種類很傳統，可火鍋可小菜。傳統韓國餐廳的前菜小碟，十分美味，強烈推介所有小碟（蘿蔔除外）。點了泡菜湯及炸醬麵。泡菜湯味道很濃，水準之作，不像坊間那些湯及渣分開處理、喝下去如泡菜水一樣淡而無味的湯。炸醬麵相信是全港唯數不多、數一數二的出色之作。味濃而不鹹，麵條彈度剛剛好。尋味傳統韓國菜的朋友記得將餐廳放入必吃清單。

今日同朋友食生日飯,食到一肚氣.首先食完啲前菜叫佢幫我哋㖭啲，藐嘴就不在話下仲要俾說話我哋聽,話只可以潻一碟，都算啦⋯⋯食完第一碟燒雞肉，個燒烤爐已經黑晒燶晒，有禮貌叫佢唔該幫我地換個新嘅，又話通常唔會幫我地搵因為我哋只係order 咗2dish bbq,真係唔明三個女仔叫左4碟嘢有咩問題！最嬲嘅係佢賣單嘅時候我哋叫前菜同埋換碟嗰啲都有收我哋錢！如果收錢就唔好俾說話人哋聽啦 ！態度差，服務唔好，嘢食唔得唔會再嚟！！！

服務太差！今日同朋友慶祝生日,3個女仔所以嘢食唔係叫得多,侍應已經有少少面色. 之後問有冇得免費加少少前菜,佢話平時唔得(下刪一百字)之後話可以加一碟. 之後燒嘢食,個燒爐燒竉咗,叫佢玩換,佢又再呻一輪之後都換...最後全部都係有額外收晒錢...食物一般服務差! 第一次食到open rice 寫bad review!!!真係太過分啦又唔同我地講靜靜雞charge咗!! 我哋都一直好聲好氣,佢就想反枱鬧我地......