犬茶

Open Now

Now Closed

身為長洲街坊表示，有晚行過見到呢間台式茶飲時興奮到大叫咗！！一直都好想有間咁嘅舖頭喺長洲！！終於唔使再出島買！！！相信之後會成日幫襯！！！！（利申：今次第3次幫襯～）Menu有好多芝士奶蓋嘅選擇，好邪惡今次叫咗芝芝奶茶(紅茶)，茶味甘香，茶質夠香純～芝士奶蓋的奶味適中，質感細滑，恰到好處～老闆好好好熱情，好nice!!!! 會同街坊吹下水～店外有隻哥基，好易認，店內仲有櫻花樹for打卡tim！！建議大家有機會試下堂食！(下次我都會try try!!)

見今日假期同女朋友嚟到長洲估唔到假日嘅長洲比出邊旺角更加人山人海行到攰攰地見到一間裝修非常之靚嘅鋪頭門口仲有隻可愛嘅狗仔見到隻狗有風扇有嘢飲真係做狗好過做人😂一開頭以為佢哋有嘢食不過店員話事業期間暫時只係得飲品不過唔緊要反正我哋都未肚餓入面嘅環境都非常舒服座位唔多不過成個燈光裝修都令人覺得好放鬆而行到最入邊仲有一棵好大嘅櫻花樹梗係要打卡啦我哋飲咗芝芝芒果（$38）+芝芝草莓（$38）飲得出係新鮮生果味道天然仲有淡淡果肉芝士奶蓋濃厚咸香超級好味其實長洲因為係旅遊區所以一般飲品同食物都比出邊貴但係呢一間佢同同我喺市區飲嘅價錢差唔多而且佢好足料性價比好高店員亦都好有禮貌如果下次嚟到長洲會再返嚟

行過見到試業中就試下新野。杯芝芝莓莓入面有啖啖果肉，個芝士奶蓋鹹香有層次，飲完重有淡淡既芝士香味。舖頭重有比狗仔飲既飲品，狗狗同主人都可以一齊嘆飲品。舖入面重有可愛既哥基屁屁打卡。店員好友善細心去推介飲品，服務態度亦都行好。