小王牛肉麵 (Closed)

吃下午茶總是幸福的， 對於上班族來說「閒」 是生活的奢侈品。 能悠閒地吃下午茶， 仿佛擁有了短暫的幸福。下午茶是閒人的專利， 但既然是可有可無的 一頓， 要在下午茶時段突圍， 餐廳就要在價錢方面多花心思。近來愛上丼丼屋的下午茶， 茶市雖然比晚市便宜，但畢竟是輕奢的下午茶， 這天就轉換一下口味吃台式下午茶吧！本身是小王牛肉麵的常客， 價格算是是實惠的一家， 而下午茶便更加划算了， 茶餐選擇以米飯、粉麵或小食為主， 配上指定的免費飲品，價錢由$40起跳，勝在份量很足，屬飽肚的下午茶。懷念台灣阿仔麵線的味道， 就點了蚵仔麵線($42)套餐。 麵湯糊糊的味道單薄，  蚵仔沒有任何的鮮味， 香菜、榨菜、烏醋通通欠奉，跟正宗的蚵仔麵線差遠了，勝在麵線份量多是能吃飽的程度。 荔枝特飲是免費的，沒有很甜也有茶香， 這杯特飲表現不差。 追加的甘梅地瓜($25)反而是最有驚喜的，炸地瓜份量超多，獨食感覺十分上火，卻又因太惹味而吃光了! 地瓜炸得金黃香脆，炸地瓜條撒上梅子粉後，很有台灣夜市的風味，梅粉酸酸甜甜的，地瓜蓉又夠香甜， 如此香脆熱辣的小食真是好吃，小食比主食好吃，很有「妹仔大過主人婆」的感覺。

隔左好耐先打番個食評，初初都唔介意有咁多差評，不過見想食牛肉面，即管試下同男朋友睇下佢會有幾差先。都係寫紙仔形式，填好都好快有食物上菜。叫左碗牛肉麵，奶茶，炸雞。真心講句，碗面唔好食，奶茶都唔好飲，係個炸雞正常小小。呢碗招牌牛肉麵，我就覺得啲湯底唔係咁啱我心水喇，而且啲面，真係唔好食，奶茶都好水下又太甜，說不出的感覺！我同男朋友都一致，要比👎呢個評分。原來無人排隊真係可以唔洗入去食架！一句講曬，我寧願食多十次茶木都唔想再揀佢囉。

今日去左九龍灣工廠區返工，好耐無嚟過九龍灣，又係時候諗下試咩新嘢好la, 本身想去Megabox食IKEA(好耐無食過肉丸la😂😂) , 最後同事話想食台灣嘢，咁啱就俾我search 到 德福有間叫小王牛肉麵呢舖la! 😄我地買外賣返去食，所以打個電話落定order先，點知姐姐話10零分鐘後有得拎，勁快喔我叫左肉燥香酥雞球飯，肉燥好入味，飯唔算太多，男仔食就有相會口夠la, 不過我想講嘅係盒鹽酥雞球好大份!!! 雖然好好味，我地最後無人食得晒😯 留返當下午茶la ☕☕☕

同幾個同事一齊係德福附近上training, 因為時間唔多, 食lunch時候就揀依唔洗點排隊既小王牛肉麵一行3人被安排坐卡位唔需要搭枱, 餐廳裝修簡約有特色, 用餐空間很充足唔覺得迫.半筋半肉麵, 湯底是味道似肉骨茶的藥材湯, 味道很濃但不覺得太咸, 雖說半筋半肉但可見筋比較多,肉跟有一小塊. 粗麵不太淋有點彈牙算有咬口. 整體是很滿意. 台式肉燥豬排飯, 豬排比較厚身, 也很嫩滑不乾身, 味道普普通通, 肉燥份量適中, 也不會太咸, 總恬就是正常水準.鹽酥雞排麵, 賣相已經非常吸引, 比2隻手掌更大塊的雞排, 新鮮炸熱辣辣更滋味, 就是製作時間比較耐要留意一下, 配的麵是清湯底味道很淡, 雞排味道很濃, 單吃會覺得咸需要配麵來調和. 來此餐廳必試.

幫襯小王幾次，每次都食半筋半肉牛肉麵，其實除咗牛肉麵外，個人推介必選鹽酥雞，蚵仔煎！今日放工已經好肚餓，急需補充糧食，鹽酥雞配拉麵應該可以應付一下，再配埋個台式蚼仔煎就大滿足喇！鹽酥雞扒比坊間嘅炸雞排厚，雞排肉汁豐富唔會乾埩埩，調味方面相當重手，所以味道偏濃，但配味道偏淡嘅拉麵就啱啱好喇！麵條方面，今次就揀咗幼麵元，麵質爽滑，湯底非常清淡，所以我要求多莞茜蔥多酸菜。蚵仔煎之前响台北食過一次，感覺極差 今日膽粗粗再挑戰，竟然成功令我對蚵仔煎改觀首先小王嘅蚵仔煎比較乾身，入口鬆軟仲啖啖都有蚵仔肉，重點係佢冇討厭嘅紅色獻汁，取而代之係甜辣醮汁 成件事正面晒！呢一餐既飽肚又有新發現，正呀！

行過幾次今次決定入去試吓，去到餐廳嘅時候大概12點半，所以都好多位揀。午市有幾個餐不過一開始見到Menu已經想叫我仔麵線，所以最後男朋友叫咗牛肉麵餐，跟餐再加鹽酥拼盤，因為食台灣野冇理由唔食鹽酥雞😆。嘢飲叫咗珍珠奶茶同埋桂花生薑茶。個牛肉麵湯底唔錯，有肉骨茶嘅味道，好香，份量好夠，最重要係好夠熱！蚵仔麵線好有驚喜，裏面啲料好有層次，有蚵仔、豬肉丸條、豬腸、冬菇，好鍾意個麵線同埋個湯，最緊要都係超夠熱！鹽酥拼盤可以揀三樣嘢，我哋揀咗鹽酥雞、豆腐、貢丸。個鹽酥雞好好味，豆腐都唔錯。桂花生薑茶好好味，桂花糖同薑嘅份量落得剛好，飲完個胃好舒服。會再嚟！

台式飲品就開得多，台式食店又有幾多間呢？好多年前小王開張有食過，之後都係經過。突然好想介紹比叮叮食，雖然分店都多，但覺得佢冇好似仙Ｘ岩關門大吉，就一定有捧場客。半筋半肉麵貪心想試哂兩款可以叫依個，我個人好鍾意食牛筋，但因為依度好足料，成碗都係牛筋就好似花膠湯唔飲湯齋食花膠，一個字，溜。牛腩位中間有層筋鍵位，又有咬口，就好似係台式既Ａ５牛。 一口鹽蘇雞幾好食ＷＯ，一啖一粒好過癮。外面調料唔會太重手。 一口豆腐冇乜調味，衰過煎釀三寶既炸豆腐。 台式珍珠奶茶飲得多新式既黑糖珍珠奶茶、奶蓋，間唔中一杯台式地道既珍珠奶茶，飲緊既係回憶呀！ 滷水大腸都叫滷入味，但係腸太肥，個人唔太喜歡依個口感。一定一定唔會再叫。 依度地方闊落，多卡位，係落單有時有出錯，但都可接受。至於麵食方面有粗幼麵選擇，加唔加酸菜。識食一定食粗麵，原因就係厚身有口感，好似手切刀削麵。酸菜可以混係湯底，中和牛骨湯底。 想每日跟你打打鬧鬧，那怕別人看來是無聊極透的小事情，我都想跟你一一完成，來填滿心間。

啲人成日都話小王牛肉麵好好食，之前下午茶食過一次之後就覺得中咗伏。今日同同事唔知食咩好，佢提議食小王。見今日晏左出嚟食飯，周圍都無位。於是就俾多次機會佢啦！Lunch食飯人多，搭枱就預咗㗎啦！我就叫咗個豬手滷肉飯。還好普通啦同事A叫咗個滷肉蛋飯。買相好似好唔吸引。同事J就叫咗個我都唔記得係咩既麵。反正大家食完之後都冇咩特別既感覺。都真係普普通通啦！因為感受唔到台灣嘅感覺，我哋之後去咗斜對面嗰間台式飲品店，再買野飲。

呢個真係我比較推既一間台式連鎖店, 佢間間既水準都唔差不過so far我都只係去過九龍灣, 青衣同沙田分店 (笑)______________________________🔹肉燥鹽酥雞扒飯 $63 (連蜂蜜綠茶)每次黎到既必點, 為既係佢手掌咁大既雞扒 (利申: 我係大手仔)大大塊雞扒沾上有調好味既炸粉, 炸粉唔會過厚我都唔知佢既調味係用左咩, 但總之就好台式, 近似豪大大既味最正既一點係佢係連雞皮架!! 雞皮都炸得好酥脆!😍😋而且食親都係無咩肥膏位當然食完都有少少油既, 不過完全係接受範圍以內而且雞扒係另上既, 好貼心!!👍🏻👍🏻.佢個肉燥都幾好食既, 不過略嫌汁少左D, 拌飯最正係可以每一啖都有肉燥, 佢食到尾就有D唔係好夠.不過總體黎講呢, 係好抵食, 食完一定覺得飽, 而且好好食。不過要提返，炸雞再加拌飯始終都味濃，食完都有少少口乾，配返杯野飲就岩晒喇😉.🔹半筋半肉面 (粗/幼) $56 (連蜂蜜綠茶)叫得做小王牛肉面🍜, 點可以唔叫一個牛肉面食呢?!半筋半肉面既肉當然係牛喇.份量都大碗既, 有少許肉骨茶既味道肉同筋都算淋既, 但整體上唔算特別好味, 無咩記憶點🤔.*上面兩個

今日去左九龍灣德福食lunch, 等左一陣就有位。鋪入面啲位都幾多， 唔會太迫。午市套餐都幾多選擇，加錢可配餐飲。價錢合理。鹽酥雞好香口， 都有好多舊。 幾好。牛肉同牛肋都夠淋，味道都幾好。賣相都可以， 有少少肥。

今天同同事一起吃lunch,來到德福商場品嚐台式食品-小王牛肉麵。 先來看看menu, 同其他台式餐廳差不多，都是主要粉麵為主。 另外，亦有點小菜及飲品的menu, 及後，我點了一個J餐：台式肉燥香酥雞球飯。賣相不錯，雞球味道一般，炸得不夠香口，但份量頗多。 至於同事則點了一個D餐： 鹽酥雞扒麵。 雞扒很大塊，但略嫌味道不夠濃。 而另一位同事則點了五香牛肉乾拌麵，同事覺得味道不錯，牛肉味濃郁，而且質感不硬。 總括來說，整體食物不過不失，價錢合理，如果普通吃lunch也是不錯的選擇！

今日中午要在九龍灣搵食，在德福二期走了一圈，經過小王牛肉麵，決心試一下他的牛肉麵 。可能時間較早客人不是很多，不需等位。 這裏有午市套餐，半筋半肉麵加一杯冷飲才是65元，在德福來說這個價錢算是中等。 我個人較喜歡台灣麵食，而半筋半肉麵可以看出一間台灣麵店的水準。這裏的半筋半肉麵 牛肉較入味，而且燉的時間足夠，反而別牛筋不夠淋。未能做到完全起膠的口感。湯頭偏鹹 但可以接受，麵質只是一般。而我最喜歡的鹹菜則非常惹味。這裏的服務只是一般，有什麼需要有很難找到服務員的注意。

正價時段要60蚊一碗，而下午茶套餐只需$47包飲品。再加特惠價錢仲可以包小食。但整體感覺只值65分。半筋牛肉麵~全靠這碗麵，挽回不小分數，牛筋腩軟錦錦，很易 咀嚼,炆得很入味。台灣粗麵口感也QQ的。牛肉湯味也剛剛好但上枱時沒有熱辣辣的感覺烏醋拌雲耳~個名好醒胃，但可能預早一日前整定的冷盤，所以有小小雪味，而且不夠酸，怪怪感覺。山楂冰茶~超淡的味道，略有山楂味，微酸，微甜，但不覺有茶味，只像一杯"有味水"

大約7:30到達！要撘枱但全場有好多位！想坐卡位又話繁忙時間不可以最終比左張大枱，咁點解唔比卡位呢？但中途有兩位入座可安排卡位！什麼制度？食物選擇多，而且價錢理想(以晚餐黎講)但原來餐牌係for全日，即係午餐同晚餐一樣價錢！點了鹵肉飯及牛肉麵，都是廚師推介但落單後不用3分鐘！餐已到廚師推介是否因為方便廚師？味道方面，鹵肉飯淡而無味，好似BB食個啲糊仔咁！牛肉好似擦膠咁，咬唔開！員工圍埋一齊喺度傾計！收加一服務費但沒有服務！一個字:差無下次

小王牛肉麵真係間間分店的湯底都唔同味道，我食過德福商場、青衣城及荃灣廣場（已結業）的分店，發現都係德福商場分店的湯底最好食！今日中午差不多一點到餐廳，店內已經坐滿了，等了大約五分鐘便有座位了。我點了午市套餐的半筋半肉麵（幼麵）及峰蜜冰茶。香噴噴的麵來了😋滿滿的酸菜都好吸引🍜令人垂涎三尺🤤碗麵勁多牛筋得一條牛肉😑😑😑不過算啦..好肚餓醫肚要緊！酸菜配上藥材湯底再加上麵條已經非常美味👍🏻湯底味道香濃，牛筋煮得非常腍、入口即溶，牛肉肉質細嫩，配上獨特的湯底令人一嚐再嚐！峰蜜冰茶有點過甜，冰溶了甜度減少就比較容易入口，夏天飲杯冰飲消暑很不錯👍🏻埋單$65，不算抵食但好食🤡