616燒肉酒場 (Closed)

大圍越來越多好嘢食進駐，616火鍋近排都轉型開咗間燒肉酒場，今日就同朋友去試下佢好唔好食。616燒肉酒場，肉類選擇花多眼亂🤣，最後同朋友決定，直接叫佢哋嘅套餐就算，今次朋友請客🤪所以就叫咗個「雪。二人特盛」，成惠$888，食返餐好嘅✌🏻頭盤一上嚟就係蕃茄沙律清新嘅蕃茄再加油醋汁同紫洋蔥，係打開胃口同食慾嘅好開始。之後再上刺身三道同埋野菌蟹肉茶碗蒸。新鮮嘅牡丹蝦 三文魚 同 油甘魚，款款鮮甜美味。而蟹肉茶碗蒸，蒸蛋嫩滑，有蟹肉嘅鮮味同鰹魚高湯嘅香。💥💥💥終於主角都嚟啦💥💥💥二人份量嘅澳洲和牛拼盤終於上場👏🏻👏🏻店員建議由右至左嘅方向去食，當食晒所有牛同蔬菜之後，最後就燒埋白鱔。將結論放喺前面，今餐所有食物都好高質，特別想講店員都好主動留意顧客們嘅用餐狀況，今日食呢款套餐，全部都係我哋食完一樣先再上一樣，完全冇一次過就堆晒上嚟。特別想講有兩款牛肉黑毛和牛 特選牛小排：油香感十足，食落啖啖嘅滿足。澳洲和牛 肉眼上蓋：油花豐富兼且肉味香濃，真係點食都唔夠😆燒白鱔：店員建議燒魚皮先，到金黃色之後再燒魚肉，最後點埋佢哋特製嘅醬汁和牛拼盤進食期間，店員上埋個溫泉玉子丼，咁樣配埋啲和牛一齊食，油膩感即

係大圍一開就去啦 門牌望落去有日本feel，食材各方面都ok環境也闊落 ，每次食都會送代金券～ 午餐都可以來試試 有lunchset定食 屋企人聚餐好去處 有各種牛 同刺身食～！食完會送甜品～！

好耐之前經過見到616燒肉酒場既裝修，比佢深深吸引住，好似好有特色咁，今日終於黎試一試食物係咪一樣咁有特色😂係OpenRice book到18:45，可以有85折，可惜，因為我趕唔切準時18:45去到，遲左5分鐘，所以冇左個85折🥲🥲🥲門面：日式裝修風格，好有特色，令到我好想試下佢啲燒肉😍餐廳內在環境： 同樣日式裝修，店員著既都係日式服裝，枱唔係好多，鋪頭細細地，略厭坐得唔係好舒服，因為下面個爐位同張枱差唔多大，坐入小小已經頂住對腳，全程都係要打側身坐，避開個爐位🤷🏼‍♀️好辛苦點餐：用iPad點餐，可惜食物總類不多☹️雞泡魚干 $38呢個雞泡魚干好出色，燒之前，店員有提我地要反多啲，因為好易燶，好細心😍呢個真係好好味，味道適中，點埋沙律醬一齊食👍🏼👍🏼👍🏼正燒完就係咁既樣～👍🏼👍🏼👍🏼和牛六點盛 $398🐂日和牛肩肉🐂日和三角肉（呢2款肉，店員推介食左先）🐂澳和肉眼上蓋🐂牛腹肉🐂牛肋肉🐂日和牛條（呢2款包菜食）Um…睇佢個樣好似好出色咁，咁食起上黎冇咩特別😂擺左落口，好似舊舊都差唔多咁😂爐上面個網成日都痴住啲肉，但又唔見有油/豬皮油提供，差唔多舊舊肉都會痴網🥲 👍🏼燒到咁上下，可以向店員

今晚同好朋友一齊食晚飯，在這裡搵下餐廳，搵搵下，搵到大圍既日本菜燒肉食，入到去都幾寬落，啲員工都幾好禮貌，食物都上得好快，仲教你點食法最好，整體都唔錯在Open Rice 訂位仲有85折，每人都係食了384.5，已經好飽，總括會再幫襯的，大圍真好，好多好野食

恢復晚市堂食既第1️⃣個weekend, 條街即刻多返好多人 我最掛住既都係外賣食唔到既野: 燒肉、🍣omakase、雞煲、放題今次要介紹呢個好高質既燒肉, 肉既質素比放題既高好多🥩 一碟就有六款牛肉唔同部位加帆立貝：拼盤都有唔同配搭同和牛grade揀, 而呢個最抵食既已經有大大隻帆立貝同日本🇯🇵澳洲🇦🇺和牛, 燒起黎真係好有肉味加埋炒得好鹹香既櫻花蝦🦐和牛炒飯, 兩個人食非常豐富食燒肉飲埋杯凍飲就爽啦 呢個白桃乳酸梳打唔算太甜, 果味幾重又幾抵飲餐廳裡面裝飾都好和風, 抬頭就有櫻花🌸希望開返晚市之後, 下一樣放寬既就係去旅行啦✈️ -616嚴選拼盤🥩($498)櫻花蝦和牛炒飯🦐($88)白桃乳酸飲品🍑($18)-616燒肉酒場大圍積福街60-62號好時洋樓地下4-5號舖1200-2245

約左2個朋友一齊去到大圍食燒肉，收得咁貴應該有服務！有2個女人跟本冇嘢做係個場吹水，我哋估佢係店長或其他管理層😮‍💨其他員工都好忙係2個女人比較差！食物質素一般 ，只碟就好大啦每樣野得4片收人哋幾百蚊，同我係日本食簡直比不上👍🏻😙不值得推薦 收咁貴又要限時踏你走！座位又迫😞講日文唔識講就唔好講歡迎光臨！扮晒好像日本咁！著既和服又唔正宗！又唔似居酒屋！好心學好啲日文先做啦！真心616火鍋好食過佢👍🏻仲要打嚟話有最低消費…但你哋門口同餐牌冇寫清楚！係咪可以去告你地😄

🥩616燒肉🐮去左大圍開開心心踩完單車之後梗係搵好西食啦(≧∀≦)呢間616燒肉酒場係好有驚喜係我係香港食過最好食嘅日式燒肉佢嘅店員全部都係着緊和服成個舖頭裝修都非常日式去完就好掛住我鄉下日本講番個肉由佢上菜果下個賣相已經令人流晒口水就算唔識食都睇我出個肉既紋理好靚食落口個下真係味蕾大爆炸個肉香充滿成個口腔個肉滲出嚟嘅油流左落喉嚨而且個肉好有咬口真係無得輸順帶一提職員服務非常好又細心已經列入左我嘅必食高質店之一

大圍高質燒肉聽到616平時都係即時諗起打邊爐打邊爐食過幾次都係keep到水準 唔錯今次就試下佢既燒肉店經openrice訂位 某d時段會做到九折好抵但今次我無book到 walkin 等都好快留低資料好快就call back 話有位 大約30分鐘入座寬敞 兩個人佢安排左坐卡位 抽風都做得好好 無油煙味 店員細心介紹唔同部位仲推介食拼盤 有澳和同日和配搭可以試清楚邊個位好食再散叫👍🏽👍🏽👍🏽👍🏽👍🏽本人最愛日和三角肩 似一口牛 油花味濃又有咬口 基本上全部牛都唔需要點醬油 加少少鹽吊一味提鮮就夠🔥🔥🔥🔥

住大圍咁耐都唔知有間日式燒肉店，於是約埋屋企人一齊去試吓！特登book平日冇咁多人去食！雖然餐廳都有限時，但職員解釋如果唔full就可以繼續坐！好彩果日都唔需要我地交枱，可以enjoy一下個dinner！服務都真係幾好！首先會有職員跟進一張枱，講解餐牌同優惠，其間都唔厭煩我哋問咗好多問題！最後我哋揀咗餐廳主打嘅熟成牛同埋拼盤！上枱時職員會細心介紹點樣燒同埋食嘅次序，邊款配料搭邊款牛肉，今次真係漲知識，平時喺出面食真係完全冇理會到呢啲！平時少飲酒嘅我哋都試埋清酒(因為支裝有8折，覺得幾抵😝)由於對清酒冇乜認知，所以詢問左職員邊款清酒易入口！(最後揀左支雪女神，易入口 帶有果香 都幾有層次感！)最後先知多次service我地既係靚女經理，咁啱次次舉親手同問問題都係佢應我哋😆整體而言：餐廳環境有置身於日本嘅感覺！對於食物及服務質素非常讚賞👍🏻

日式燒肉店 抵食A5同M9和牛燒肉有熟成櫃擺放熟成牛肉 ，由從日本、澳洲等地入口唔同高等級和牛供應刺身、壺漬、拼盤等，M9肉眼二食更加食到唔同口感！配埋杯清酒 一個字,爽!開喺大圍港鐵站附近，裝修甚有日本氣氛，環境氣氛唔錯澳洲和牛有佢嘅可取之處 食落肉香濃郁油花分佈無日本和牛咁細緻，但亦夠均勻可以帶出脂香上蓋肉會明顯更軟腍更多汁，而且無筋非常值得一試澳洲和牛舌、A5三角肩、牛臀肉、牛腹肉、牛肋肉同沙朗拼盤抵食D,可以一次試曬唔同部位既口感同鮮嫩味道肉眼上蓋帶少少筋，油脂香一般但勝在相當多肉汁和牛舌爽口唔韌，點少少玫瑰岩鹽就足以帶起肉味三角肩切成粒狀鎖住油脂同肉汁，食入口油花就即刻融化唔止燒肉,仲有其他唔同選擇 例如燒飯團,燒完包紫菜食又有清酒煮蜆,冷麵 雞軟骨捧等唔多選擇 食油脂比較多嘅燒和牛，最啱配返杯帶少少清新果味嘅清酒 呢度就好多酒選擇!消費$1000地址: 大圍積福街60-62號好時洋樓地下4-5號舖

早一晚係open rice book好枱，前幾個鐘先打電話黎話自己overbooking左。問佢點解open rice full左仲比人book, 職員解釋話不能控制open rice嘅booking, 但電話booking已經full左，同埋open rice唔清楚佢地只係分两段時間。乜都係open rice錯哂 自己好似無責任？覺得呢d操作失誤都算，職員一d唔好意思都無，就係打黎叫你一係cancel 一係waiting

616燒肉酒場距離大圍站大約5分鐘路程係一條小巷內，唔係朋友帶我去都唔識去😛餐廳裝修幾特別，好似日本居酒屋咁🤩我地係平日晏晝去，唔太多人見到好多枱都係度燒肉🥩但我地就叫左普通lunch set🍣壽司盛配烏冬定食（$98）烏冬定食可以揀配蕎麥麵有六件壽司，都唔錯，幾新鮮🤗烏冬亦好滑好彈牙😍份量偏小，稍為大食啲都唔夠飽😅🍙獅子王飯卷（$88）食完之後因為唔夠飽所以再叫多個飯卷😂飯卷有六件，餡料都幾豐富👍有芒果、芝士、鰻魚，令口感好有層次😆加埋柴魚係面一流😉

616火鍋吃過很多遍，燒肉這是新嘗試。點員會向食客介紹菜單，沒硬推銷的壓迫感。一向都不會點和牛類，總會覺得自己烤的會把肉的油份給浪費掉，要吃的話就得讓廚子來弄。牛肉的性價比可接受。肉質帶來一點意外驚喜，因為在點餐前想起的是如果用火鍋那邊的來燒的味道：）拼盤內雞肉的醃料稍嫌太濃，吃不出新鮮味道。食物與服務與同行之間比較，個人認為整體來說都不錯。唯一有待改善的是抽風系統。鄰桌的煙都向我飄過來。可能是因為坐近店門，空氣對流的關係？比較下，個人認為整體來說都不錯。

唔經唔覺，已經住咗喺大圍五年。平時成日揸車經過見到呢間616嘅燒肉店，但都總係會去咗佢哋嘅火鍋店，一直都冇黎試過。啱啱嗰個週末終於第一次入嚟。女朋友話想食三文魚，於是就叫咗刺身同埋花之戀壽司。都算係合格啦，不過就真係冇咩特別。跟住叫咗和牛、牛肋骨、牛舌心同埋鰻魚去燒。鰻魚就真係好一般，不過又未至於唔好食嘅。肉類我就覺得全部都唔錯嘅，價錢亦都合理，總算挽回一啲分數。整體而言，我都會比合格嘅。如果服務可以再好少少，相信會食得咁開心。

行過見到有間日式燒肉 門面都幾靚😍喺大圍來講比較獨特 所以就約朋友黎試下一入門口就有棵櫻花樹 天花都佈滿櫻花 環境幾靚而且有屏風阻隔裏面嘅情況 呢個設計比較細心一坐低店員會簡略介紹餐牌同優惠對於第一次黎幫襯既可以了解餐廳有咩啱食☺️於是我哋就點左店員推薦嘅拼盤-和牛8點盛 一共有8款唔同部位嘅牛肉 可以唔使諗點揀啱晒我哋食肉獸 店員果然冇介紹錯 😋途中店員都主動幫我哋換網 換碟感覺餐廳對店員訓練有素👍🏻細心專業嘅服務令我哋更加讚賞 🥰