燒肉牛蔵 (Closed)

放假日最好就是睇戲，由於最近太多好戲上映，每隔2星期左右就入戲院一次，睇完戲超肚餓，一出門口附近見到有間燒肉放題，而且竟然無限時，超吸引喔，價錢3佰多可以任飲任食，一於今晚就放題之夜吧🤣餐廳格局都挺有日式居酒屋感覺，多個卡位位置，非常有私人空間。店家採用QR code 自助落單，方便而且可以減少人與人接觸，落單過程簡單易用，出面還有一個自助區域，提供各款冷熱飲品、沙律、蔬菜、甜品等等，應有盡有。韓國出產的Lemon Sparkling ,味道清新而且完全沒有糖份，不錯喔！澳洲和牛分別有西冷、肉眼、牛筋肉、牛肋骨、牛舌等，當然每款都要試試，西冷肉味香濃，肉眼鮮嫩可口，最喜歡牛筋肉牛味特別濃郁而且帶一點咬勁，越咬味道越香甜，而牛舌嫩滑鮮美，爽口脆嫩，沾少許wasabi ,味道更加提升。海鮮類帆立貝size都挺大粒，燒到表面香脆，內裏軟嫩juicy ,魷魚鬚口感爽脆，鮮味十足，而多春魚魚肉鮮甜，外脆內軟。炸品選擇都非常多，全部即落即炸，每款都新鮮熱辣，炸大蝦外皮香脆，蝦肉鮮甜彈牙，免治雞肉棒炸到金黃色，味道香甜多汁。米澤豚腩片以為會比較肥膩點知入口爽脆彈牙，味道鮮甜。香草金沙骨用上大量香草醃

I hesitated to visit this restaurant as it has quite a number of bad reviews, but my friend suggested we go, so just gave it a tryWell... the price for a lunch set is kinda low in this area and the quality reflects on the price. To be honest, it was not too bad, I had the grilled beef set, it was OK... but it is not a place that I will visit againAlso, I am still not sure if this is a Japanese or Korean restaurant..

肉本身質素唔差 雞都ok但8點半 四款牛肉兩款無🤷🏻‍♂️牛肉無調味 得一款燒肉汁點仲要無加過-款式已經不多乜都無-天婦羅蝦🍤皮厚天婦羅汁要叫先至俾不會主動提供-蝦又全程無貨螺肉得汁無螺肉D汁又稠-地獄湯烏冬無乜味好淡❌-5個人都係1個爐燒烤網無換過無抽氣扇-最後食甜品雜莓奶凍都冇9點未到-食完好似無乜點食過野咁無選擇 好單一-又話唔收消費卷我俾tap and go過左賬又話唔收消費卷話公司唔支援消費卷但又過左賬即係點？🤷🏻‍♂️-唯一好係上菜速度快無乜漏單4百幾真係無下次不推

早幾年食過，當時要成500蚊一位，開爐前仲有刺身拼盤，都係無限時的燒肉放題。經過幾年疫情的洗禮，難得仍然營運中，但價格和食物質素就太不如前。始終一分錢一分貨，價格平左，食物款式和質素雖然比不上以前，亦未至於差的水平，勝在仍保持無限時，如果一班朋友想一路食一路吹水傾計，又有野食、飲品、甜品，其實都係一個唔錯既選擇。本來約左朋友6:30，因為工作安排關係提早了5:30到，想搵個地方做下野，去到門口帶位姐姐又俾我入坐，由5:30坐到10點鐘，都贏哂喇。

放題貴 野食少 食刺身飲啤酒等等通通要加錢職員多但係個個企曬係隔離勁得閒菜單上有嘅野食有部分啱啱開舖已經無貨肉類海鮮類雪糕甜品甚至調味同野飲種類仲少過大瀛喜我寧願食大瀛喜多謝

兩年前嚟過，嗰陣食過好好食，今次再嚟，差到爆，啲牛完全唔係和牛，全部又勁細塊咁上，款式又少！收300幾蚊位完全唔值！呢個價錢得4款牛，幾款豬，熟食又少選擇，仲要係勁難食！啲牛肉完全唔新鮮，而且脂肪分布唔靚！有兩轉啲牛係成舊肥舊咁上，點食呀大佬？你收人300幾蚊，俾呢啲野人食？無野呀？除左牛，連熟食都係惡劣，地獄烏冬係味精水不特止，仲要係接近清水！仲要乜配菜都無，淨烏冬加有色清水。好意思俾客？整呢啲野？唔限時都無用啦，無野食，間餐廳又嘈到街市咁！唔會再去！

唉，一年幾冇去食，啲野食質素完全唔掂，肉類種類少左好多，上枱嘅牛肉一係散修修，一係好似星期六賣旗支旗都大過佢，咁都上到枱，而最重點嘅係，啲牛肉質素真係連佳寶都靚過佢，啲牛肉啤水啤到白晒身，似梅頭豬肉多啲，總之就冇件牛肉類係得，仲有係而家係冇得一個人任飲清酒就一個人比錢，一定要全枱比錢，如果你錢多又想食垃圾，你可以上去嘅，

余媽媽一家到左牛藏 Yakiniku Gyukura 食無限時任飲任食和牛放題 (1.2米以下小朋友係必費㗎)~本身價錢已經包左M6+和牛任食，不過我地想去盡啲，所以加左$188／位 upgrade 做日本A5和牛放題，對牛魔王嚟講真係值回票價㗎~ 加上我地食左超過4小時，咩都抵番晒啦~餐廳環境舒適，設大量卡位，而且私隱度高，好啱三五知己或家庭聚會~呢間和牛專門店 除左牛之外，仲有米澤豚、雞、海鮮炸物、烏冬、飯類和小食等超過40款食物提供，食物多元化, 而且可以經手機落單~ 十分方便~ 而飲品、大部分蛋糕甜品和日式雪條都可以係自助區自取，余小b睇到兩眼發光~前菜有泡菜、枝豆、溫泉蛋沙律、沖繩秋葵等...可以食住開開胃~牛魔王的我就當然勁食和牛啦～ M6+和牛其實質素已經幾好，肉味濃郁，Upgrade左嘅日本A4和牛西冷, 肉眼, 和牛肩胛就更加係肉質鮮嫩，我地都忍唔住encore左好多轉~仲有牛板腱、牛筋肉、牛舌片、米澤豚西冷和豚腩片、厚切殼飼豚都係我地嘅心水~ 而余小b就特別鍾意食雞肉腸、海老、帆立貝、鯖魚、黃金螺、炸大蝦、雞亦、雞柳、天婦羅、榴槤炸彈、蟹肉薯餅~ 唔好睇少佢人仔細細

各位，真係吾好再去呢間，d牛已經不是以前的靚牛有哂名牌，已經冇當年濃味綠茶雪糕、家陣比d牛肉係亂切什錦垃圾牛完全想嘔（未食見個樣）d雞亦冇任何味道完全冇奄過，d所謂海鮮全部垃圾完全冇任何1點鮮味，4佰幾元冇野食、恐怖到係你一路食一路罵完全吾洗比面！未試過可以比0分一間食市！之前都有盤什錦刺身送上檯，服務態度又好，而家佢d侍應似cid 咁巡場！講完！

本身不是特別愛食燒肉，不過朋友們都是食肉獸，所以今次捨命陪君子。呢間餐廳係朋友揀的，勝在貪佢無限時同埋放題本身包左燒和牛，$348食足4個鐘都抵啦(我地6點零鐘去到）！一坐低首先梗係去左自助區睇下有咩食有咩飲！難得齊人出黎食飯就加$188升級食日本A5和牛😋最後加加埋埋連加一$675/位...不過出面食燒肉散叫其實都要呢d價錢...佢呢度係和牛任燒，質素又唔錯，而且可以坐咁耐，我覺得可以接受的。如果嫌貴，佢好似有宵夜優惠，8:30pm 入座會有8折！有機會我都會再翻來食的！

平時都有食開唔同舖頭嘅燒肉，今次第一次黎牛藏，但係真係從來未食過一間咁難食嘅燒肉，基本上成間舖頭既燒肉剩係得牛舌係最好食，其他牛嘅部位都係冇味嘅，完全唔知食緊啲咩！我哋冇加錢食和牛，都未至於差到咁啊🤔🤔唔好意思真係實在太難食啦！希望你地會有改善🙏真心講炸物係五差既….

去開isquare睇戲，都有留意呢間餐廳，見佢sell $348一位無限時任食，似乎幾吸引。橫掂都試，仲加咗百幾蚊一位，升級食A5和牛。比較過加錢同唔加錢嘅質素，覺得唔加錢嘅澳洲牛其實都ok，當然加錢食嘅A5和牛，一定腍滑啲嘅，油脂都多啲啦。豬（有唔同部位）、雞翼、魚、蝦都有試，燒螺原來好好食，所以除咗牛，encore最多係佢。雖然好飽，但既然唔限時，慢慢食都想試埋熟食，包括天婦羅、雜菜鍋、烏冬，味道ok，旨在食下唔係燒烤嘅食物，感學抵啲嘛。甜品焦點係任食朱古力同合桃movenpick，出面仲其他牌子雪糕雪條，不過緊係食movenpick啦！升級咗A5和牛，冇再特別加錢任飲酒，因為見凍櫃啲嘢飲都唔少。整體黎講，食物質素同種類係ok嘅。

今日約左兩個好友食午餐吹水。咁耐無見當然要搵個地方可以坐耐啲慢慢傾下計。老實講午餐放題折左之後每人都要$313都真係打左個突。不過佢嘅好處係可以坐到四點。雖然話放題但佢選擇真係唔算多。但豬牛雞呢啲基本肉類都有提供嘅。老實講佢呢個價錢，而且選擇少，咁就會將期望放係食物質素上。佢啲肉都幾入味。同埋真係點幾多嚟幾多。出面都有自助吧，但老實講，真係一啲都唔吸引。如果要再比錢嚟食就不了。有人請嘅話都會叫佢請幾他野食😂

🤬🤬🤬🤬🤬🤬🤬🤢🤢1. 牛肉難食，得豬肉還可以，但呢度叫牛藏lol2. 無任飲酒，全部酒要加錢3. 甜品極難食，入埋啲泰國甜筒lol，自製雪糕is a joke4. 上餐速度應該係呢度最好嘅，俾番credit啲staff5. 無movenpick雪糕6. 點解無和牛？overall：$3xx一位，失望

1. 得豬肉好食，但明明廣告入面寫住牛肉好正既感覺。2. 冇任飲酒，要飲酒就要價錢，仲要啲酒唔好飲3. 明明佢個牌寫住有movenpick雪糕，去到根本冇曬4. 環境ok既。