燒肉武田

Open Now

Now Closed

刺身新鮮又好食，牛肉高質，推薦牛三角腩。牛真係有好多種類比你試。當然做得燒肉放題都算係基操。偏向油脂味好足👍🏻真係和牛嘅味道。最有驚喜係D海鮮，好新鮮，好好食簡左三個鐘個餐，都只係5xx，真係可以慢慢歎，慢慢食。甜品屬正常水平，不過種類都算多。服務好好，上菜好快，又比足。收你呢個價，真係交足貨。誠意推薦海鮮，真係好有驚喜😋😋🦐🦐座位算寬落，環境舒服同幾靚。已經二刷左👍🏻👍🏻👍🏻

見佢新舖好有日本風，咁啱又想食燒肉。見佢都多人等位，咁就等埋一份啦。舖頭裝修好有日本橫丁嘅感覺。是日同朋友點咗晚市放題。一黎就有個野炊風嘅鍋飯，即刻點咗紫菜同日本蛋。見埋碟和牛，真係覺得好開心。放題仲可以無限點和牛，和牛真係好好食。推介要點蝦，比係居酒屋食仲新鮮同大隻，雞泡魚乾同雞皮。甜品區有飲品、雪糕、生果、沙律菜，樣樣都試過下真係唔錯。一路食我哋都真心覺得呢間係良心店舖。去唔到日本呢間燒肉真係一個唔錯嘅選擇，一定會再去，勁正。

今日適逢老公生日🥳，見到沙田新開了這間燒肉店🥩，裝修格局非常日式，價錢又覺得好合理又抵食。決定今日試一試啦。其實係香港都食過好多次放題，但每次都係失望而回，所以今次都抱住一個不敢抱太大期望的心情進店用餐。一坐低店員已經介紹台上有個飯會即場煲，我地已經覺得咁特別，好驚喜。我地食咗$398的放題餐，真係估唔倒這個價錢都可以食到咁靚嘅日本A4和牛，真心覺得物有所值。上菜速度快，不會漏單，而食物質素一直保持好高質素。一間用心做的日本燒肉店，絕對值得支持，真心推薦💯。

這燒肉店於沙田新城市新開張不久，星期六晚一心想去試一試，直接打電話訂枱兩位，餐廳回覆當晚要等到8:45才有枱，於是我留下姓名及手機號碼完成訂枱。我和太太由大埔專程開車到沙田，並準時8:40到達燒肉店，餐廳女經理始告知當晚已滿座，沒法安排入座。她解釋是因為已訂枱客人全部到齊，在那一刻我才知道原來我的訂枱屬於候補。強調電話訂枱時，餐廳從來沒有提及我的訂枱是候補或可能沒法安排入座。餐廳女經理就是說了聲不好意思便浪費了我們1小時的來回車程，極度不負責任。

性價比高，分量質素完勝💯！一向都鐘意試不同燒肉，今次發現沙田有新開燒肉，梗係要試試啦！打電話訂位後，有人會WhatsApp confirm 留位，再俾埋啲餐牌您睇，俾留位訂金後，就會再WhatsApp confirm 。我哋今次三個人，揀咗$598個餐，有刺身、海鮮盤同燒肉，另外加咗$30甜品飲品放題，起初我哋諗住係同平時啲燒肉放題差不多，點知原來係成架船擺上嚟！！打卡贏哂👍👍👍🥩啲肉真係超高質，入口即溶，首盤分量仲要係打孖上，唔係同平時啲放題咁樣，3個就3片，4個就4片，呢度已經完勝其他放題，起碼唔係慳住俾客人！仲要有個即場用日本米煮嘅飯，可以食住燒肉再食啖日本米！刺身就正常，帶子厚肉鮮甜！🦪🦐海鮮盤就會等我哋食完啲肉就送上，職員講係每日新鮮揀貨，呢個真係堅，因為啲蜆一熟就標啲水出嚟彈到我哋，係新鮮先會有足夠水份，呢個要讚！！再講，海鮮分量又係超多，質素又係超高，食得出鮮甜！😋🍰🍦🍩甜品都幾多選擇，驚喜係有我最愛嘅朱古力蛋糕，但佢唔係普通朱古力蛋糕，係特濃朱古力蛋糕，真係極之好味！！水果都有幾款，可惜太飽，食唔哂。所有職員又笑面迎人，又有禮貌，執碟又快，唔會食到成枱都係嘢。

嘢就唔知好唔好食, 打電話book咗4位, 職員whatsapp餐牌話比我做reference, 去到點知揾唔到我個booking, 嗰刻先話要比deposit, 但又可以同時打電話比無deposit 嘅食客問佢哋到唔到? 人哋無deposit就有record, 我留晒名同電話就揾唔到? wtf, 淨係同我講佢哋明白, what 7 you understanding? 最後當然費事再喺度嘥時間, 同場有好多選擇