山一 (Closed)

12點前嚟到，成為第一個食客，裝修冇乜特別，陰陰暗暗，style有點兒過時，吧枱後邊師傅喺度高談闊論，氣氛有點兒破壞，不過服務都唔錯，幾親切，但係我個麵豉湯啱啱到咗無幾耐，蓋都未開，諗住等陣先飲，已經嚟過兩三次話係咪飲完要收。三個午市套餐，望落去好豐富，份量夠，食材新鮮，沙律就完全冇特別，有啲求其，壽司飯飯覺得甜咗啲，佢啲炸嘢都唔錯，鬆脆唔油膩，服務員都好勤斟茶，不過茶就淡而無味。其實食物本身嘅質素唔錯，總係覺得受整體形象拖累，亦都唔太清楚佢嘅市場定位⋯⋯

心血來潮想食日本野, 就去左開左幾個月但一直都未幫襯過既山一, 山一係和食屋, 價錢走中位價路線, 呢日我地等左10分鐘度就有位。我地order 左以下幾樣：❇️山一兒童餐-白 $98蟹柳壽司玉子壽司熟蝦壽司、加州卷、日式炸餃子兩隻、日式味付油揚稻庭烏冬、甜品（泡芙一粒）呢個兒童餐算幾抵, 我女話稻庭烏冬好食😋其他嘅壽司正正常常不過不失。❇️北海魚生丼$188壽司飯同平時食嘅無咁多醋味，個人來講鍾意多醋味嘅壽司飯多啲，海膽好新鮮，本來覺得比較細碗，但係食咗個海膽之後就發覺值回票價❇️海鮮蒸蛋$42平視我個女好鍾意食日式蒸蛋，不過呢道既海鮮蒸蛋佢食咗一啖就冇再食啦，我試左覺得蛋味比較淡，整體來講比較普通❇️蟹棒壽司腐皮壽司各$16正常味道不過不失❇️三文魚魚湯泡飯$88呢樣我覺得做得出色既，三文魚煮得剛剛好，好滑好好食，加埋個脆脆（唔知係咩黎既呢）配上湯飯好好食😋唯一不足係唔夠熱整體來講唔算太有驚喜，侍應冇主動加水，感覺上人手安排比較混亂，但可以一試。

終於等到LOHAS既店舖開得7788先黎行街. 廢事黎到咩店舖都未開一直係商場搵野食,發現好多間都係食川菜.呢間和食屋就丙埋左係角落頭, 唔行入去都唔知, 差D MISS左呢間.咁岩黎到仲有午市套餐 不過佢既set lunch都唔係特別平睇埋main menu就發覺呢間野真係唔平  之後上網查番先知係連鎖集團開既其中一間和食屋咁質素應該都OK既叫左一份壽喜燒既set lunch. 有湯&沙律菜&三片三文魚刺身&飯 $168黎到就覺得 168好值. 因為牛肉好大塊 而且好食!!另外再加左$30要一份烏冬 好大份阿 好食其他都係單點小食餃子炸雞玉米都係正常發揮但個茄子好好食 已經起左皮比你 淨係食肉最後想讚一讚環境真係好舒服 暗暗地好有FEEL 台同台隔好開 坐得好舒服 好企理亦有口罩套同埋濕紙巾提供 店員會一直介紹食物~

見佢主餐牌68折咪叫外賣，所有刺身都厚切，勁開心，有深海池魚，刺身都好新鮮。大拖羅好ok，中拖羅我真心覺得壽司郞質素好過佢。其他都吾記得係咩魚。但係原價488，真心吾會係康城食。質素係好既但係而家係cwb食都吾需要甘既價位

外賣個安格斯牛肉豚骨湯稻庭麵午市套餐。個牛肉有燒過幾好食，但係湯底好咸😢。飲個麵豉湯（好細碗，都唔知有冇100毫升）嘩仲更加咸😥😥 塊紫菜獨立用保鮮紙包，但食入口好淋... 份量偏細。食完得7成飽。😫正價$148，外賣88折，唔抵食。個落單receptionist 妹妹態度好差，我叫佢同廚房問下有冇得轉部分野食，佢問完都未同我講番就幫我落左單，鬧番我轉頭🥶🥶🥶🥶🥶 。作為康城居民，唔會再幫襯。 👋🏻

聽講康城個商場終於落城，今日趁就星期六去行一行。剛去到當然食個lunch 先，睇左睇商場入面啲餐廳，選擇都多，但冇物特別。唯一想試就係呢間山一，入到去，環境都好干淨、台與台之間吾逼，舒服食得放心。不得不讚下果位餐廳員工服務態度好，有禮貌又會留心客人既需要。我地2個人但叫左3個餐😆😆1個石鍋燒牛肉飯，1個吉列豬扒，1個壽司烏冬。石鍋飯，味濃而且有飯焦，鐘意食飯焦既可以試下。吉列豬扒炸得好鬆脆，吾會太大舊粉，個飯係日本珍珠米，好香好味😋壽司新鮮，烏冬個湯好有魚味。總結食物賣相靚，味道好👍🏻

開業就已經係美味 服務 裝修上做得頗完美👍同朋友係平日的中午避開市區疫情係餐廳食set餐，因為見到好吸引的優惠話半價。其實我地半信半疑純貪得意試試新耶，希望比樓上元氣之類特別D。坐低要佐一個壽司套餐一個魚生丼套餐。上菜速度令人非常舒適，大概都是十幾分鐘。座位佈置的舒服，傾計時間好快過。首先黎到個魚生丼，有三文魚和油甘魚。係厚切的，食落非常新鮮，味道剛剛好。飯的味道好香，完全係平日係連鎖餐廳食不到的滋味。濃郁飯香和美味醬油色澤伴著海鮮，令人好有胃口。而且我地仲食到細細片類似海帶的耶，老闆話其實係日式菇類的製品，飯好味係因為用佐比較特別的一種赤醬油，濃味又特別。我平日從來吃不完壽司飯，都吃完了，份量也比較充裕。然後上來壽司set，搭配都幾合理精美。完全係果D平日係時代廣場啊尖沙咀食到的壽司料理店的標準。令我完全忘記佐自己身處康城食物荒漠。我地食埋壽司和湯，最驚喜係個看似普通的稻庭烏冬，湯底居然有鮮魚味，不是味精調的，令人感覺很費心思。我同朋友用一個比元氣 等連鎖更合理的價錢食佐個咁美味可口充裕的午餐，真係好開心。我地仲大飲特飲飲佐起碼一大壺日式茶，因為味道好特別，飲落好舒服。開心之餘就開始

同事話想食日本野，本身想食加埋你，行行吓見到呢一間食sushi , 仲要half price ,看似都幾抵食就try try ~ 我地叫左個sushi set with 烏冬, 天氣咁凍梗係要食返啲麵食😂, 入面環境都相當唔錯，lunch hour 唔太多人。唔洗排隊super nice 野食方面，質素都相當唔錯，食完個sushi 已經飽飽地，以為佢個烏冬係迷你版，點知都好大碗，相當唔錯，而家半價真係好抵🤩 侍應仲問我加吳家甜品，我真係無能為力😂😂

今日又WFH諗住冬至食好啲見到山一終於減價到合理水平去試吓13:30落到去見到爆爆哋心諗應該OK掛門口Receiption話人多等陣實ok到等咗5分鐘有兩枱客走又末好枱就覺得正有得入點知等多五分鐘個receiption都冇反應，我主動問佢有枱啦喎，佢懶醒咁望都唔望就話未set好枱，我再指住張吉枱同佢講set好咗啦喎!果時已經四十幾分，我燥燥哋走咗！作為LP住客我就同妳鬥長命，一日唔炒個reception我都唔會試今時今日係武漢肺炎疫情下做飲食行業超慘，請到啲咁嘅員工就慘上加慘，年終都唔知俾佢激走咗啦都係果句換咗receiption即刻再試

又係康城食野啦。今次就食山一。係門口見到有午餐有特價，決定叫個石鍋飯食。係個餐未到果時，欣賞一下餐廳既設計。餐廳裝修非常精美，座位間隔夠闊。最特出係燈，好靚。餐具都好有特色， 牙籤筒係富士山形，筷子兩頭都可以用。值得一讚！個餐嚟到，沙律普通。湯碗好靚， 不過飲落有冇乜特別，寧願佢唔畀啲兩樣野我。到食主菜石鍋飯，個樣又係好靚，石頭夠熱，又有飯焦，冬天一流。不過溫泉蛋因為太熱所以變得熟過頭，建議分開上。同埋醬汁份量比較少，可以多少少會好D。埋單100蚊左右，唔算貴但唔太唔太飽。不過真係估唔到，佢比即棄毛巾抹手抹嘴，加好多分！結論 :環境9/10食物8/10飽肚6/10CP值7/10

有驚喜的日本菜老公生日想請佢食日本菜，基於疫情唔想去咁遠就喺附近呢間山一對試吓，環境乾淨，店內只得兩個侍應似乎他們有點忙，我哋叫咗個二人嘅套餐。每樣菜待應會簡單介紹刺身好新鮮而且襯托得非常精緻海膽入口即溶唔腥好新鮮鹽燒雞翼和海蝦 伴抺茶鹽👍🏻👍🏻蟹蓋吞拿魚飯最後上埋個麵豉湯同甜品二人餐份量相當豐富，價錢我覺得都合理，老公都話好好食，而且餐廳感覺上好衛生，每一道菜你嘅時間相當好，一道接一道，而且襯托得很精美，整體嚟講味道水準都唔錯。

剛剛搬來康城時就想試吓呢間日本餐廳, 咁親生日就同老公和女兒一齊去試. 服務好好, 佢哋好細心解釋每日時令餐牌又會問下食後感. 我哋叫左個set - 有沙律丶魚生拼盤丶天婦羅丶炸卷物和豚肉鍋(也可以選擇牛肉壽喜燒)加左隻令和の怪物和兒童餐會再去試多啲佢地嘅時令餐牌上的推介.

今晚同老公、囝囝同新抱來試咗間新嘢。門面同裝修好似好貴，但一睇menu就發覺價錢好親民。呢個價錢，不但止環境舒適，食材新鮮，waiter Kelvin 仲招呼周到，淨係service已經加哂分。四個人，叫咗個set，加咗份天婦羅同烏冬，平均每人兩舊幾水，絕對可以翻炒！

雖然作為一個午餐 $200上下係價錢偏貴 但食材同埋魚生都好新鮮 特別火炙左口魚裙邊真係入口即溶 🤤🤤🤤我個定食有稻庭麵 出奇地用魚湯底都幾好 份量亦足夠 所以整體都對得住個價錢 👍🏾👍🏾 另外lunch set menu 選擇都多 下次會試多幾款～ 因為見到啲員工都盡心去招呼客人 所以先俾個評分佢 希望隔離溜冰場開左佢地都做得住 同埋維持到食物質素啦 最後康城住戶表示好開心個商場有啲唔係周街都見到而且用心經營嘅日本餐廳 🥳

想食日本菜, 最近屋企有這間, 看似不錯, 打算一試。只等幾分鐘就安排到入座, 不錯。一人晚餐, 點了共4樣:1) 特上壽司盛:- 左上角的魚腩好食, 入口即溶, 忘記了是甚麼魚。- 三文魚腩可以更肥就更好。- 其他中規中矩, 沒有特別。2 &3) 雞腎串燒, 牛舌芯串燒: - 雞腎夾脆好味。- 牛舌芯都是夾脆好味, 只是邊有啲韌。兩串都入味。我沒有點/ 加任何調味。4) 和牛串K啦, 沒有特別。上菜頗快。埋單合共HKD519.