Yatai Plus

Open Now

Now Closed

石門真係第一次嚟 原來都幾多野食😯好耐無食日本野 就揀左Yatai Plus 坐低啦首先 我哋叫左個廣島蠔土手鍋🦪有4-5隻廣島蠔 蠔夠新鮮又唔會煮過龍湯底有濃郁嘅蠔味 加左少少七味粉 令人回味無窮😋不過要留意小心燙口啊 小心啲食！跟住就叫個魚生飯 我哋叫左五極丼🍚五款海鮮 (赤海蝦、三文魚、鯛魚、帆立貝、松葉蟹爪) 鋪滿喺飯上面 色彩繽紛每一款海鮮都新鮮爽口 特別係啲赤海蝦同松葉蟹爪更係鮮味十足好滿足😋最後 草莓芭菲作為完美嘅結束🍧真係要2個人share食先搞得掂 有勁多士多啤梨!!🍓🍓🍓蕨餅、玉米片等配料撈埋士多啤梨醬 真係勁sweet總括而言 呢度嘅性價比算高 餐廳環境舒適食物款式豐富 每一款都令人驚喜👍🏻

香港全年唯獨幾日體感接近0度個日，約咗喺日本返黎嘅朋友食飯。差啲想放飛機，但又想拎手信😆 最後決定拎手信+食飯🌼石門京瑞廣場啲餐廳多到食極都未試勻哂，今晚食鍋物暖胃😗🔸廣島蠔土手鍋$88✨ 呢個鍋物好正，裡面有廣島蠔，有大有細粒～土手鍋嘅湯底都幾鮮甜，配合大量嘅蔬菜菇菌類食材，夜晚食腸胃冇咁大負擔☁️🔸牛肉壽喜燒鍋$88✨ 牛肉份量多、咬落去好嫩滑，加埋壽喜燒嘅醬汁甜甜地，本人私心喜愛🌸真係暖到心頭～嘻嘻😁🔸香蔥牛肉卷$48✨ 牛魔怪嘅我地仲叫咗香蔥牛肉卷，好彈牙嘅口感！牛肉包住香蔥，入口嘅鮮味同香氣好搭配，推介！🔸青の果（牛油果、牛奶）$38✨飲到有牛油果渣嘅牛油果🥑牛奶。本人都係牛油果魔怪🌼😙呢兩個食材加埋好順滑係無得輸架。好滿足呀！

位於石門呢間日本菜好抵食！本身食物唔貴，又唔使加一，而且食物質素非常唔錯。逢星期六日及公眾假期12pm-5pm去食刺身丼、丼飯、烏冬、特飲仲可以減$10，真係好抵食！赤蝦三文魚丼 $88丼飯面頭鋪滿魚生，有三件三文魚同兩隻赤蝦。每件三文魚都非常大件，厚厚一片三文魚食落油脂豐富；赤蝦亦非常肥美鮮甜。呢個丼飯新鮮抵食，大家可以試試！牛肉壽喜燒鍋 $88（配白飯及三文魚頭麵豉湯 +$20）壽喜燒鍋裡面嘅牛肉有六七塊左右，配料有娃娃菜、菇類等，仲有隻溫泉蛋，可以篤穿佢嚟食！我地加咗$20配白飯同麵豉湯。佢嘅湯真係落咗三文魚頭落去煲！雞肉軟骨餃子 $35餃子外皮煎到焦脆，裡面雞軟骨好爽口，好味！野莓牛角窩夫 $68牛角窩夫酥脆至極，配有movenpick雪糕、藍莓、士多啤梨等，食完好滿足。

又係石門尋寶! 今次呢間係開張無耐嘅日式料理小店屋台，Yatai Plus 主打日式料理，簡約風裝修QR code點餐小店來講打開MENU種類都算幾豐富，有齊哂小食、主食、特飲欲及甜品，最重要係性價比超值!而特別推介的一定係佢地的刺身丼及鍋物。櫻花蝦燒茄子 $38推介:⭐️⭐️⭐️⭐️⭐️先來個日式少有嘅小食款，日式中帶川式油炸嘅惹味茄子配木魚碎，口感軟綿加上海量櫻花蝦，香味特出刺激味蕾。炙燒北海丼 $192推介:⭐️⭐️⭐️⭐️精美打卡睇得新鮮鮮美好味，大滿足👍🏼牛肉壽喜燒鍋$88推介:⭐️⭐️⭐️⭐️⭐️（加$20轉套餐包白飯&三文魚頭麵豉湯）鍋物選擇有四款，每款都有十分足料菜底，壽喜燒湯底要一讚味道平衡濃郁無死甜太淡👍🏼金菇本菇、豆腐及大蔥等配料，係暖笠笠嘅鍋物撈飯一流😋牛肉肥瘦稍為肥潤容易入口又入味，讚!野莓牛角窩夫 $68推介:⭐️⭐️⭐️⭐️⭐️賣相有誠意，牛角包窩夫酥脆，入口質感鬆化中帶厚實。士多啤梨及藍莓鮮甜加埋Oreo 及品牌士多啤梨雪糕嘅點綴，有驚喜👍🏼🍹黃の玉 $38推介:⭐️⭐️⭐️⭐️⭐️好飲推介特調飲品有驚喜呢杯加入芒果﹑金柚及愛玉啖啖都有嚼勁，口感好豐富，勁多鮮甜芒果超正🤤☕️熱荔枝雪梨茶 $25推介:⭐️

石門真係一個美食天堂朋友喺附近返工帶我嚟呢間餐廳好抵食．仲免加一服務費菜式都係即叫即製✨ 沖繩風大蝦加入洋蔥．蘿蔔粒．紅椒絲．香菜原隻開邊蝦．從蝦殼到蝦肉都沾上醬汁非常惹味✨ 濃湯蕃茄牛肉稻庭烏冬蕃茄湯底加入大量鮮茄同車厘茄牛肉份量幾多，口感軟腍配上滑溜溜嘅烏東，連湯底都徹底飲清✨ 雞肉軟骨餃子餃子煎得香口．外層餃皮脆卜卜添上柚子汁，酸酸地好清新✨草莓芭菲雪糕球有幾種口味選擇我地揀咗士多啤梨味下面係粟米脆片．抺茶蕨餅加埋酸酸甜甜嘅士多啤梨醬味道同賣相都好吸引✨ 赤の果選用草莓﹑藍莓即製嘅Smoothie冰量打得細膩，唔會太甜✨ 紫の心另一杯粉紫色面層都吱上幼滑忌廉牛奶裡面滲出啖啖紫薯味星期六日及公眾假期12:00-17:00惠顧刺身丼、丼飯、烏冬、特調飲品即享$10折扣優惠以後到石門又多間美食好地方唔洗再頭痕食乜好啦 #YataiPlus #石門美食 #香港日本菜 #新店速遞 #鍋物 #牛角包窩夫 #香港美食 #平民美食 #拍拖好去處 #HKEats #Croffle

趁唔洗返工嘅日子，約咗老豆食lunch☺️ 不過因為臨近假期，原本dayoff嘅佢都要努力返工，唔緊要～ 因為佢返工嘅呢一帶都好多好嘢食😆 今次帶咗地膽都未食過嘅日式餐廳🇯🇵 𝗬𝗔𝗧𝗔𝗜 𝗣𝗟𝗨𝗦，有冇人知YATAI點解？我睇完Menu就知啦，就係屋枱嘅意思～➿ 赤の丼 ($85) 呢個丼飯包括4款刺身，有赤海蝦、三文魚、吞拿魚、吞拿魚腩蓉，仲有玉子燒添😋 赤海蝦大大隻又彈牙～ 三文魚比日常食到嘅肥美🍣 吞拿魚腩蓉口感順滑，正😌➿ 滑蛋鰻魚丼 ($85)鰻魚有輕輕炙燒過～ 除咗滑蛋之外🥚 仲有加咗啲本菇，口感唔單調👍🏼 老豆話整體偏濕潤～Lunch Set已包指定嘅特飲，選擇都唔少😆➿ 百香果綠茶有個香而甜度又適中👍🏼➿ 熱黑糖薑蜜冬天之選～ 薑以蓉狀🫚加入喺茶入邊，唔會好辣，老豆話再薑啲都得啊！

石門小店眾多，今次試呢間日式小店，估唔到非常有驚喜🤩🥢廣島蠔土手鍋$88鍋裏面有好多蔬菜，包括有娃娃菜、大蔥、紅蘿蔔、水菜、冬菇、金菇、本菇及豆腐，所以湯底帶着濃郁而鮮甜嘅蔬菜味，主角廣島蠔，鮮甜嫩滑，呢個鍋物好味之餘仲營養高纖維高👍；加$20仲可以升級套餐，有白飯及三文魚頭麵豉湯添😋🥢五極丼（赤海蝦、三文魚、鯛魚、帆立貝、松葉蟹爪）$128三文魚估唔到有腩位，肥美鮮甜😋帶子鮮爽鯛魚及松葉蟹爪新鮮鮮甜赤海蝦蝦頭好多蟹膏，肉質鮮甜爽彈跟咗個壽司薑唔會太甜，酸酸辣辣啱哂我5款刺身非常新鮮，都只係賣$128，抵食又好食👍🥢大蝦辛味噌櫻花蝦稻庭烏冬$78大蝦炸得超香脆，鮮甜爽彈，並配上鮮味鹹香嘅櫻花蝦，配合埋個濃而不鹹並帶辣辣地嘅湯汁，夾到不得之了，食一口Q彈烏嘅同時飲上一啖湯汁，惹味到一個點😋👍整體味道濃而不鹹，食到原味道同時又非常惹味，仲要免收加一，性價比高👍

我今日去石門遊玩，順道去位於沙田石門京瑞廣場一期1樓150號鋪的 Yatai Plus食日本菜。環境舒適，好有日本風味，簡約明亮。我點左五極丼$128（三文魚、鯛魚、帶子、蟹鉗及大蝦），廣島蠔土手鍋$88，沖繩風大蝦$58及雞肉軟骨餃子$35。刺身鮮味，配珍珠米飯，好味又好食；廣島蠔好大隻又新鮮，手鍋配有豐富菇菜，好有心思；沖繩風大蝦的大蝦炸得香脆，可以連蝦殼都食埋；雞肉軟骨餃子熱辣辣，好好味道👍👍！整體黎講係有水準的佳餚，值得推介！#YataiPlus＃石門美食＃香港日本菜＃新店速遞＃鍋物＃牛角包窩夫＃香港美食＃平民美食＃拍拖好去處＃HKEats＃Croffle

今晚接完老公放工之後又去拍拖食嘢 最近都想食清啲 老公好肚餓呀嚟到呢一間喺石門 港鐵站好近嘅日式簡約 餐廳小店 裝修都唔錯呀 非常簡約 坐得好舒服 感覺好乾淨餐牌上面選擇都好多有 海鮮丼 熱鍋 今晚就試咗個五極丼非常豪華 配料好足 有厚切嘅三文魚魚腩 鯛魚片 好甜 好新鮮嘅大蝦 蟹肉 鮮帶子 等等配料 非常之新鮮 加上大大碗好味嘅珍珠飯 真係好滿足 海鮮用料 新鮮乾淨 份量好多 覺得抵食赤蝦三文魚丼三文魚份量好多 好鮮味 赤蝦亦都好大隻好靚 我哋都想食啲熱嘢 點咗個 廣島蠔土手鍋 加20蚊可以配三文魚頭麵豉湯 同白飯 廣島蠔份量好多 同埋好大舊 好味好濃鬱 熱辣辣食配白飯啱曬 仲有好多蔬菜菇類 湯底亦都好甜 好啱送飯✨ Hashtag reference #YataiPlus #石門美食 #香港日本菜 #新店速遞 #鍋物 #牛角包窩夫 #香港美食 #平民美食 #拍拖好去處 #HKEats #Croffle

​係京瑞發現一間新開嘅日式小店，簡約木系嘅裝修，除左有日式小食、丼飯、鍋物，仲有甜品同特飲添，都算多選擇😜🔸九州醬油漬丼（HK$98）刺身新鮮肥美，包括有三文魚，吞拿魚，三文魚籽，鯛魚，好滿足😛🔸豚之角煮丼（HK$78）有醬汁醃過嘅三層豚肉，配上日本生雞蛋，撈飯食好落飯🍚🔸流心芝士玉子燒（HK$45）即叫即整熱啦啦，採用日本蛋製成，蛋味都幾突出，而且有流心芝士，食完都唔覺得漏🥚🔸 櫻花蝦茄子（HK$38）茄子比預期大，上面佈滿櫻花蝦同木魚碎，好足料，而且味道都濃郁，唔會太鹹😎🔸 野莓牛角窩夫（HK$68）牛角窩夫外脆內軟，配埋士多啤梨雪糕，冷熱口感更有層次🍓

餐廳裝潢以淺色木系和純白色為主，環境令人輕鬆寫意。店內提供多款西日料理，包括鍋物、丼飯、小食，還有甜品菜式，包括窩夫、芭菲等，是一間主菜與甜品並重的餐廳。赤蝦三文魚丼賣相一流，刺身厚薄得宜，色澤新鮮，鮮甜豐腴，沒有腥味，配上香甜軟糯的醋飯，令人滿足。豚の角煮丼豚肉配上鹽蔥調味並炙燒，肥美肉厚，甘甜的油脂逼出，色澤亮麗，入口即溶。粒粒米飯被豚油裹著，濃郁甘香。沖繩風大蝦開邊蝦炸得酥脆惹味，連殼都可以食，醬汁酸甜開胃。雪の玉(荔枝、雪梨、愛玉)以雪梨汁做基底，滿滿荔枝、雪梨、愛玉的料。赤の果(草莓、藍莓)酸甜開胃，味道清新怡人。

平時去石門覓食多，最近行過見到新開既一間日式餐廳，今日放工就去試下～試咗佢個九州醬油丼，有三文魚、吞拿魚等既刺身，都算新鮮另外叫咗個牛肉壽喜燒鍋，牛肉多脂肥厚，好香口，送上黎既時候仲係熱辣辣。都多配菜，有冬菇、金菇，娃娃菜，$88算好大鍋。飲料方面我試咗牛油果🥑牛奶，夠健康，又可以抗衰老，好大杯，完全無落糖，$38一杯性價比不錯。紫薯拿鐵都唔錯，也是不太甜，很喜愛。七點左右已經full house,，好彩早啲黎

住在石門附近，經常嘗試京瑞廣場不同新開的小食店。今次呢間Yafai Plus為我哋帶嚟驚喜，菜色味道雖然比較地道，但地方乾淨整齊，座位都好寬敞，一家4口坐都唔會迫迫吓……上菜算好迅速，特別推介濃湯蕃茄牛肉烏冬，湯真係好濃，有茄肉，牛肉都算易咬，適合小朋友食。而焦糖香蕉牛角窩夫亦都勁正，有朱古力碎、果仁碎、甜糖，整體唔算太甜，但食完好滿足。唯一熱雪梨茶就覺得太甜，但有真雪梨砌條又係錦上添花。希望呢間小店再開創多啲新菜式，可以愈做愈好！

最近去朋友位於石門嘅新居坐下，朋友介紹左附近京瑞廣場內一間好食仲免收加一嘅餐廳「Yatai Plus」 位於京瑞廣場一期一樓 鄰近石門站 位置方便易搵~店舖走日式簡約風 店內光亮舒適🫶🏻食品種類非常豐富🌟樣樣都好吸引 花多眼亂🤩決定用第一感覺去揀比較吸睛既菜式🐟五極丼 $128刺身份量多 比好多出面日式餐廳嘅海鮮丼都更足料，而且刺身非常新鮮肥美😋質素高🍲廣島蠔土手鍋 $88可以選擇加配飯，廣島蠔份量同圖片一樣👍🏻蠔嘅鮮甜配埋蔬菜加微辣麵豉湯底 食晒啲配料都飲咗一半湯🤭🦐大蝦辛味噌櫻花蝦稻庭烏冬 $78呢個好驚艷❤️大量嘅櫻花蝦+大蝦再配辣味噌湯底 濃味得來又帶鮮味而且又有櫻花蝦嘅香脆🦐朋友果然冇介紹錯😚食物真材實料 用心 絕無馬虎 而且價錢合理 仲不設加一 服務良好貼心👍🏻認真抵讚。現凡於星期六日及公眾假期12:00-17:00期間 惠顧刺身丼、丼飯、烏冬、特調飲品，仲享$10折扣優惠🥰

石門果頭依家多咗好多野食餐廳，最近夜晚經過京瑞廣場，揀咗呢間---🌟Yatai Plus🌟食晚餐，佢係間日式餐廳，主打有丼飯同鍋物，仲點咗佢哋嘅芭菲作為甜品🤩._.🍣| 五極丼 |🍣(赤海蝦、三文魚、鯛魚、帆立具、松葉蟹爪)丼飯嘅選擇都幾多下，我見呢個丼飯有齊我最想食嘅刺身，仲要五款唔同刺身，好吸引，刺身厚砌又新鮮，每款都有兩塊，好滿足。仲可以揀埋跟配酸薑.🦪| 廣島蠔土手鍋 |🦪(+$20 白飯及三文魚頭麵豉湯)鍋物選擇有四款，四款都好吸引下，我就鐘情於蠔，所以揀咗有比較多數量嘅廣島蠔，隻隻都好肥美飽滿，鮮味十足!+$20仲可以配埋三文魚頭面豉湯同日本飯，好滿足!.🥭| 芒果芭菲 |🥭（意大利芝士蛋糕雪糕）甜品有芭菲或窩夫選擇，大大杯橙色高身嘅芒果芭菲好吸引，裏面嘅層次配撘好多，多重口感，面頭嘅雪糕仲係用Movenpick，有多隻味選擇😍._.