友利冰室 x 勿當奴 (D2 Place TWO) (Closed)

個人喜歡試Fusion菜，今次揀咗呢間。✨乳豬卡邦尼意粉（$88）乳豬大大舊，外皮好脆，味道好香口！卡邦尼口感好滑帶點Creamy，食出淡淡的芝士香氣，十分之推薦呢道菜。✨日式咖喱吉列軟殼蟹日本蛋包飯（$72）軟殼蟹比我平時見開既大隻，香濃既咖喱配上蛋包飯真係冇得輸呀！仲可以先食旁邊既沙律作為前菜，開開胃。

餐廳食物多元化屬於fusion菜大力推介😄⭐️美團穀飼叉燒炒蛋飯餐廳的燒味係每日都係新鮮出爐叉燒係半肥瘦👍🏻充滿蜜汁味而且唔乾身燒得香脆肉質鮮嫩多汁炒蛋是採用日本蛋蛋味較香連埋叉燒一齊食口感一流😊⭐️蠔油菜心菜心夠新鮮非常翠綠&爽口🤩配埋蠔油一絕⭐️豬頸肉冷烏冬套餐 豬頸肉燒得夠香脆配埋甜辣醬口感唔錯😉烏冬採用日本烏冬夠彈牙食法好特別🥳冷烏冬配埋醬汁鏗魚汁&味噌湯同樣出色⭐️老火例湯合掌瓜湯好夠火候好滋補😋⭐️甜品-焦糖布丁甜度適中食埋非常滿足☺️⭐️飲品-蘋果伯爵茶餐廳自製飲品好特別蘋果味夠清新😙配埋伯爵茶兩款好夾

去開D2行市集行到差唔多晚飯時間，見呢幾日都凍凍地想食下熱辣辣煲仔飯，記得友利冰室有啲好抵食既套餐就去左食😆煲仔飯二人餐 $238 套餐包煲仔飯、小菜一碟、油菜同2杯飲品🐷手打肉餅臘腸潤腸煲仔飯份量好足料，真係夠晒2個朋友share，而且臘腸潤腸都係香港製造，肥瘦適中，臘味既油香滲透著粒粒米飯，飯粒軟熟唔會過硬，伴隨著店內自家製豉油，非常滋味另外手打肉餅都好厚身，啖啖肉有彈性，味道適中冇過咸，送飯一流古法雙冬羊腩煲 （+$60）加$60可以由小菜轉做羊腩煲，岩晒而家入冬食❄️羊腩炆得好軟腍，羊皮羊脂羊肉三者非常入味，完全唔膻，羊肉份量十足而且大大舊，加上支竹索晒濃郁既醬汁，非常惹味食完羊腩煲唔夠喉，原來友利冰室都有古法羊腩煲急凍包賣🐑 想食既時候唔洗出街就可以上網訂返屋企食📍Yaulei.com.hk

今晚約友人在荔枝角，就在附近找間店鋪食晚飯，天氣涼了，正好吃個火煱。我們點了火鍋套餐，有花膠雲吞鸡做湯底，先飲些湯好好味夠入味，肥牛好香，雜菜就款式齊全很合意。開心又一日

我地又去友利食Lunch，最喜歡友利中西餐都有，我就比較鍾意食中菜，老公就喜歡食西式野。記得上次去太子始創分店好有驚喜，今次就決定去D2 Place分店睇下係咪都咁好質素。去到見到D2 lunch menu同上次太子始創一樣，選擇好多，真係一時三刻都揀唔到食乜好。D2友利地方都好寬敞，牆上有很多有趣的壁畫，整間店比人感覺舒服。 😋日式咖喱吉列軟殼蟹日本蛋包飯 – 賣相好靚仔。講到明自己係黎自日本的蛋，包住粒粒日本珍珠米，配上日式甜咖喱，十分好味。仲有最喜歡的軟殼蟹，大大啖咬落去，脆卜卜好香口。 😋美國穀飼叉燒煎蛋飯 - 叉燒同煎蛋永遠係最佳配搭，當然都仲要有埋白飯。叉燒燒得好香，肉質多汁，連埋蛋漿同飯一啖食，非常唔錯。😋沙嗲和牛牛肉公仔麵配炒蛋及蒜香多士 – 呢個餐老公必點，見佢食到津津有味， 我都食兩啖。沙嗲汁濃杰，唔會比d湯沖到淡哂，仲要連埋大大份炒蛋，個餐性價比都幾高。

喺荔枝角返咗大半年工，發覺荔枝角嘅茶記都幾多，但價錢一啲都唔平，無 $50 up 都食唔到個常餐，既然係咁，不如食啲特別啲嘅，去 D2 place 2 食呢間 Fusion 茶餐廳！😲餐廳內外都掛咗唔少二次創作嘅掛畫同香港電影海報，走港式情懷路線。而有特色漢堡、意粉、亦有古法明火燒味，食物材料大部分由外國入口，🤪就係好似香港咁，樣樣都有啲，又樣樣都似模似樣！🍝燒日月貝黑松露炒意粉 $88熱辣辣嘅炒意粉撈滿黑松露汁，好香好cramy，日月貝同帶子差唔多，唔算太厚，但幾彈牙香口。🍔軟殼蟹牛油果醬漢堡 $68粗薯條都炸得好脆，軟殼蟹幾大隻，炸到脆卜卜，有肉地，牛油果醬帶微微鹹香，同軟殼蟹嘅夾。🍎富士山蘋果伯爵茶伯爵茶帶好香嘅蘋果味，味道天然，唔會太甜，幾好飲！🧐最搞笑係佢有急凍羊腩煲賣，唔止門市有，仲可以喺 網上 買，搵日放工買返屋企試下先！

朋友特登過嚟d2 place 行街，諗住食飽飽先😋一上電梯就見到呢間冰室，見到環境都好大，坐得舒服，所以就入咗去。一開始要喺收銀處叫咗嘢食先，不過過程感覺不太良好，收銀處那位女士服務態度有待改善。講返食物先叫咗茄汁焗豬扒飯，同埋黑松露牛肝菌焗飯茄汁焗飯，味道酸酸甜甜，都幾好食，豬扒已經幫你切開咗，唔會太大塊要自己慢慢切。另外牛肝菌焗飯，可能因為落咗好多芝士，因此都幾入味，不過略嫌太多芝士，令到個飯好漏，食咗幾啖就好快飽😂總結而言，食物質素還可以，只是收銀處服務員態度有待改善。

D2 pace有個中古玩具車展，經開見到呢間餐廳嘅餐牌食物款式幾特別，就嚟試下環境環境闊落坐得舒服，位與位之間闊落，冷氣足夠，但係收銀姐姐服務態度非常差，希望可以好好改善服務態度食品我點了個鮮茄焗豬扒飯，有質素，芝士蕃茄汁很多，芝士仲可以做到拉絲，豬扒細心地已切開幾份，食落好方便，豬扒入味唔會太硬，焗飯軟硬度適中，各方面配合埋一齊，好好食，份量亦都好足夠，上枱時熱辣辣的總結：食物環境都是OK，服務態度有待改善

今日同媽咪去D2睇戲,搵到一間幾得意嘅冰室佢周圍都痴左好多2次創作人物,野食方面都好多選擇佢有西式鋸扒,有燒味小菜,仲有邊爐唔知點解見到就好想打個邊爐,就同媽咪叫左個2人火鍋餐,好抵$298 有新鮮蔬菜拼盤,雜錦肉類,日本豆腐同午餐肉我地叫左個藥膳花膠雞煲入面又真係好多花膠,同埋個湯係勁香好多雞,唔會好咸,另外叫多個美國SRF 金標和牛三角肥牛片,呢款食材係外國入口都幾抵,牛肉味濃,肉色澤靚,油花分佈幾均勻,同埋佢都好貼心,佢話不如碟牛唔幫我打開,食到咁上下我地先自己打開,我同媽咪都覺得咁幾好,好似感覺上衛生d,咁飲品有勁多款,全部都係任飲,有一D自家製富士山蘋果伯爵茶,羅漢果茶,洛神花茶,玻璃樽汽水,茶啦店員哥哥仲提我地,每位客人都有movenpick 雪糕,唔好唔記得店入面仲有個士多位,係可以買返我地打邊爐加嘅肉啦同埋有好多急凍野,零食啦亂入都入到間好野,正

近一輪天氣開始轉涼了，想吃點暖胃的料理，心念念羊腩煲，跟朋友看完電影後看見這間店舖，竟然有羊腩煲呢，必須一試，店內環境闊落，非常寬敞，貼了些有趣的貼紙在玻璃上，十分不錯古法雙東羊腩煲（2人份） 398元羊腩煲大大鍋，用料十分足夠，有冬菇，腐竹等配料，濃濃的湯汁使羊肉及配料等非常入味，羊肉嫰滑而且不會有騷味，羊腩煲亦配有蔬菜包及丸類包，配合起來像吃火鍋一樣，亦不會只有肉吃那麼上火，之後加了出前一丁，麵條沾滿湯汁，份外惹味，公仔麵果然是跟雞煲火鍋任何煲類產物的絕配呢日本北海道梅肉加腩肉豚肉拼盤 128元2款豚肉，薄切上，外表色澤均勻，肉質嫰滑有咬口，亦沒有肉鞋的感覺友利冰室 x 勿當奴 (D2 Place TWO)荔枝角長順街15號D2 Place TWO 1樓109號舖

火鍋是港人的必食美食，易打淥都加入戰場， 趁天氣開始轉涼即刻試下先。。。花膠雲吞🐥雞煲♨️雞隻肉身都好嫩滑份量相當足料仲有花膠， 雲吞皮薄餡靚，半透明的皮包得滑溜溜像金魚尾巴一樣，蝦肉彈牙呢個質素，呢個價錢完全係超值❤️ 本來仲想叫🐮牛肉但係太飽🤭仲有蔬菜拼盤、娃娃菜、生菜、粟米、金菇、蘿蔔、翠玉瓜另外再加咗午餐肉、芝士腸、魚蛋酥炸魚，皮薄酥脆的好口感香脆鬆化出面仲有其他火鍋醬料可自助去拎， 所有汽水都係樽裝嘅，正~下次要試下急凍羊腩煲先， 仲可以外賣架入冬必備可以買定， 無論係滋補暖胃的古法秘製雙冬支竹羊腩煲 ，定係矜貴香濃的藥膳花膠雞煲，想食隨時食

今晚叫左兩個餐，呢到要先俾錢才攞位，一個瑞士無骨雞飯，味道可，份量較少，另一份系美國穀飼叉燒炒蛋飯，幾好味不過份量都比較少，價錢比較貴，成$65一碟，地方都大嘅

友利冰室 x 勿當奴 (D2 Place TWO) 地址: 荔枝角長順街15號D2 Place TWO 1樓109號舖電話: 23386788和朋友去D2 Place行街，梗係食埋先返屋企啦，路經去咗呢間友利冰室，點了花膠雲吞雞煲火鍋套餐二人前，隨套餐附送每日新鮮蔬菜拼盤，加日本豆腐、雜錦台灣肉丸及午餐肉，雪櫃飲品任飲及每位一客甜品（Movenpick 雪糕及日本森永布丁等）。套餐$298性價比頗高，花膠及雞份量不少，雞肉鮮嫩，花膠夠淋夠入味；附送的新鮮蔬菜拼盤色彩繽紛，有金菇、旺菜、蘿蔔、生菜及粟米等，增添火鍋的豐富口感。日本豆腐很滑，能吸收湯底的味道，美味👍肉丸和午餐肉則帶來彈牙的肉質享受。無限供應的雪櫃飲品讓火鍋更加涼爽，樽裝汽水跟打邊爐是絕配😋甜品部分的Movenpick雪糕和日本森永布丁口感豐富濃郁，吃完火鍋就是喜歡吃一點甜品，更感滿足！整體來說，這套餐蔬菜鮮美、肉類豐富，飲品自由選擇，甜品完美結束餐點，食物品質和服務令人滿意。另外，聽聞這裏的乳豬卡邦尼意粉及威靈頓牛都幾出名，也有急凍羊腩煲售賣 ，下次可以來試試呢！

一間餐廳又可以打邊爐🍲，又可以食中西菜式🍗，你估有冇可能？答案係絕對可以！呢間餐廳我係新蒲崗返工果時已經成日食，可惜之前結業左🥹，今次我去D2 PLACE行街果時，又比我見返佢，咁緊係要食🙈😈 餐廳地方寬敞，空間感十足☺️，打邊爐區域同普通用餐區分開，咁就唔驚打邊爐既氣味會影響到其他食客，相當細心❤️ - 芝士大啡菇手打牛肉漢堡🍔 $68富有牛油香氣🧈鬆軟包體，夾住厚實多汁大啡菇🍄，手打牛肉經炒香過既洋蔥碎🧅提味，加上邪惡芝士🧀、清新生菜🥬番茄🍅解膩，以千島醬調味，整體口感很豐富，夠曬惹味😛- 薯條🍟 (跟餐)脆卜卜薯條配上番茄醬，味道不錯😗- 可樂🥤 (跟餐)- 軟殼蟹鮮茄羅勒意粉🍝 $88軟殼蟹🦀炸得香脆而不油膩，做到外脆內軟，扁意粉口感煙韌彈牙，掛汁效果很好😆，沾滿了新鮮微酸番茄醬🍅及羅勒香味，整個意粉食落去很開胃🤤原來餐廳仲有急凍包係🔗Yaulei.com.hk賣，分別係雙冬羊腩煲及花膠雞煲😙，遲下天氣凍左，就可以買返去係屋企過一個暖粒粒既冬天❄️☃️ 📍友利冰室 x 勿當奴 - 荔枝角荔枝角長順街15號D2 Place TWO 1樓109號舖@yauleibistro 另有分店: 太

冇嚟一排原來D2間友利而家有半層咁大多咗好多位，光猛咗，好坐咗嘢食選擇就差唔多燒味，日式丼飯同馳名嘅勿當奴餐仲喺度就食佢啦！懶得諗！軟殼蟹漢堡，好大個我至欣賞佢有兩塊新鮮番茄同埋用咗牛油生菜軟殼蟹我個人覺得炸得過咗火食完真心係好熱氣🤣再加埋個薯條，真係好彩呢個餐包飲品加$8可換港式茶飲（本身送汽水）滑蛋雞扒丼正常發揮，雞扒煎得幾靚仔的厚得黎塊皮都幾脆前處理幾好，入味得嚟唔鹹飯粒粒分明唔爛，高質個汁係甜豉油，有啲似食緊叉燒飯🤣點解呢？我覺得同日式飯有啲落差嘅但認真講，佢係好食的，冇乜問題飲品我都覺得幾好港式凍咖啡走甜，冇中伏富士山蘋果伯爵茶，少甜夠香濃整體來講合格，好坐唔迫加分！加上佢哋用外國食材，係幾高質嘅而家晚市原來做埋邊爐同羊腩煲遲下天氣凍都可以一戰噃😎仲可以買急凍羊腩煲，返屋企自己整又得