Video
Telephone
91231080
Introduction
This restaurant mainly serves grilled fish with 6 Sichuan flavors that have several spicy levels. The fishes taste nice since they are cooked with over 20 types of seasoning which are most imported from Sichuan.
continue reading
Opening Hours
Today
17:00 - 00:00
Mon - Sun
17:00 - 00:00
Above information is for reference only. Please check details with the restaurant.
約左幾個識左好耐但甚少見面既朋友聚舊，其中有人話想食烤魚，朋友就推介黎三坡坊呢間烤魚雞煲 - 漁不老。星期六晚7點半左右時段，可能時間尚早，並未見有太多食客。店內鋪面地方不算大，只有數張枱。到8點半左右便全部坐滿，所以唔想等位就要早少少入座。打開餐牌就會發現，雖然餐廳叫漁不老，但除左烤魚，仲有麻辣雞鍋以及其他不同既特色湯底。因為我地今次專程黎食烤魚，所以我地就點左酸菜味龍躉烤魚，因為驚會太辣未必三個人都接受到，我地只係要左小辣。食完烤魚先再食其他火鍋配料。龍躉肉超級滑，再配上酸菜，超惹味。好快我地3人就食晒條龍躉，我地就再點左牛小排，蟹籽墨魚滑，鮮淮山，娃娃菜。牛肉同酸辣真係唔係好夾，所以唔太受歡迎🤣反而原本冇乜味既墨魚滑，娃娃菜同淮山就好入味，好好味。最後我仲點左紅薯粉，紅薯粉吸收左成煲既精華，真係超好味。絕對地係大滿足既一餐😋
continue reading
大年初八，今日去到三坡坊搵食。男朋友話要年年有餘，所以揀咗尼間漁不老，兩支大啤加小食點咗個麻辣皮蛋，椒麻比例調配剛好，皮蛋有糖心。朋友比較揀飲擇食，淨係要食鹹水魚，所以揀咗條沙巴龍躉配鮮青椒味 BB辣，烤魚上枱面頭好多芫荽，撥開之後就見到好大條魚魚喇⋯⋯ 成條魚嘅肉質口感非常好又厚實，唔會比辣味掩蓋，其實條魚好大條，兩個人食已經好夠飽，但都叫多一碟豬潤，又可以有啲打邊爐嘅感覺🤭每件都係厚切 唔係細細碎碎嘅，我哋灼到僅僅熟斷生，口感爽嫩不老，正呀！
continue reading
平時帶毛孩出街，都唔知有咩餐廳去到，個日行完山，係荃灣search 下，搵到呢間係三坡坊既雞煲火鍋，其實同街全部餐廳都有室外位置，所以有毛孩既朋友下次可以黎搵食。重慶麻辣雞煲 $168 半隻 中辣中辣都非常夠辣 雞件份量都唔小，味道正正常常，值得一試。牛小排$238佢d 油脂花紋唔錯，食落都妹有牛味，佢比較試厚身有咬口，我比較鐘意食薄切，因為唔鐘意食到根。雞子 $62呢個新鮮，份量都好多。娃娃菜 $30因為係中辣，食都流晒口水。👍必食！炸紫菜響鈴卷$40呢個係應該係自己制作，加左紫菜既響鈴中和左平時既油溢味，食多幾個都唔膩。鵝腸$72 呢個非常失敗，冇晒鵝腸入面既肥膏，唔知自己食緊乜😢食完雞煲之後加湯打邊爐，但係加左之後非常之唔夠味，最後問店員可唔可以加番d 調味，佢非常好問埋我地要咩辣，最後比左成杯辣椒八角既調料比我地繼續食，不過後來見到張單見到有$18/人 既醬料收費，即係收左$56，如果佢比之前講聲，成件事會更完美😊價錢：～$300/人回頭：👧🏻👧🏻👧🏻（5最高）好味：😋😋😋（5最高）
continue reading
今次試佐個麻辣烤魚 真心覺得好好味 條魚又吾多骨 仲有好多配菜😍😍環境方面又乾淨 坐得又舒服嘎 下次去可以再試嚇其他野先😬😬希望店舖會一直keep住呢個味道❤️👍👍
continue reading
每次去荃三陂坊揾食，只識得打冷同炒小菜，今次見到呢間漁不老呢個名幾特別，就入去試試。人去第一個感覺裝修幾得意，跟著坐低睇吓餐牌，望落價錢又唔貴，所以就試咗香辣味烤魚同麻辣雞煲。香辣烤魚我就揀咗沙巴龍躉，味道真係十分，魚多肉少骨，無因為多香料蓋過魚味，好食！麻辣雞煲，雞鮮嫩滑，麻香味十足！食完魚我哋仲叫咗啲打邊爐配料，醉雞子，招牌肥腸同鴨血，配上香辣魚汁，簡直天衣無縫絕配！仲有佢嘅小食腐皮蝦卷同泡椒雞腳，好味😋😋總結:可以再試，下次試吓佢哋小龍蝦同埋藥膳雞煲！👍🏻👍🏻
continue reading