椰仔冰室 (屯門鄉事會路)

Open Now

Now Closed

唔知呢間餐廳原來有咁多分店純粹見佢都正常樣裝修就入左來試見佢招牌寫住招牌聰油豬扒太陽旦咪諗住試下點知出來個賣相都幾好 份量夠 1個大男人食都夠飽同埋聰油份量爆多 我鍾意呀就係鐘意咁重口味ahah如果怕油的女士可以叫少d聰油就健康d2個太陽旦d汁 咇出來 咁撈飯食正呀🤣🤣🤣奶茶來講 就真係少冰少甜係王道啦茶味有 唔會太多奶蓋左茶味正常發揮普通lunch諗唔到食咩都可以一試價錢就正常價 唔會好平 又唔會太貴啦平民路線但因為太多客人呢所以覺得呢到服務生人數可以加多d會好d

去食個早餐 叫左個沙嗲牛肉麵 腸仔 熟蛋 多士，好失望沙嗲牛肉麵無味道，一上枱個都既溫度都只係微暖，個煎熟蛋 黎到係生蛋黃，仲要凍嘅多士同腸仔又係 凍嘅出餐係快但食物質素惡劣 食一次唔會再食啦

叫咗全日早同沙牛面餐，樣樣有啲炒蛋係煎爐上面煎到熟晒嗰種，好有以前屋村茶餐廳嗰啲特色，明明係煎蛋皮又當自己係炒蛋，基本上呢啲餐廳幫襯過一次就唔會再去我覺得最搞笑係剩係得腸蛋，轉做餐肉火腿都唔可以，啲阿姐可能喺度做得耐，我態度有少少覺得你係咪新嚟㗎？腸仔冇得轉做餐肉都唔知？我建議阿姐唔好淨係食員工餐，平時都出街食下其他早餐沙嗲牛麵啲牛肉係OK嘅，有一兩舊鐘幾淋幾好食添因為真係近年食過最差，所以都忍唔住要打返個食評，如果你有緣睇到，又諗住去嗰度食早餐嘅話千祈唔好去不過禮拜六日都仲係好多人，可能因為佢個位就腳，附近又真係冇乜餐廳可以食早餐睇吓其他師兄師姐有冇好推介，如果淨係睇個早餐我絕對唔會再翻兜呢間嘢，佢會唔會係有一兩樣嘢做得非常非常出色㗎？

其實新墟呢間椰仔疫情以降我常常幫襯外賣晚餐小菜，外賣小菜以茶記而言我覺得係ok 唔錯的。今日第一次來堂食下午茶，却是有點失望呢。點了🐯焗芝士肉醬意粉 $46算是挺快送上，份量以下午茶而言正正常常，賣相也不錯。芝士算挺多，但肉碎比較少，感覺不太足料。調味不過不失。🐯乾炒牛河 $43最令人失望係乾炒牛河，等了十至十五分鐘，不知是不是因為跟隔離枱點一樣，份量分得不太平均！份量超少！幾啖食完，唔夠飽之後要去食多個麥當勞包😞味道方面，炒得有點燶，而且牛肉好碎好少兼無咩味。唔會encore!🐯熱檸蜜唔洗加錢，算挺大杯🐯凍奶茶 +$3正常

垃圾服務 垃圾收銀 完全廢唔會再幫襯 服務廢 野好食都冇用啦 搵d廢人招呼客人 咁既環境 服務水平咁垃圾 等收皮都得平時都唔見多人食 完來就係呢個原因欠左佢咁 都膠膠地 我就唔會再去買同叫d老友唔會再去叫外賣

攞飛排隊入座都冇用都唔係計次序求其叫，啲服務呢態度又衰又冇表情，好似仇人咁， 不如係做外賣算啦， 問佢幾時有位永遠等陣等陣，啲公仔麵煮到腍bet bet， 杯奶茶淡而無味，4個字衰到貼地， 叫我要入200字先可以評分我食唔曬都走咗啦， 仲要係氣沖沖發曬脾氣走嗰隻， 我平時都已經好少話因為服務態度同埋啲食物味道寫評語， 因為我對服務態度同食物都冇乜大要求， 但依間真係極品，呢間我真係頂唔順， 稍為正常啲就保一個冇著制服嘅女人，佢唔知係咪 高級啲， 佢個態度都好好， 但係有其他嗰啲員工真係倒米啦， 好好改善啦