椰仔冰室 (鳳琴街)

Open Now

Now Closed

新開左一排，第一次黎試見到啲食評話態度差，我就覺得茶餐廳態度可以好得去邊？好啦，今日係黎食茶餐一心黎食雞脾我就嗌左炸雞脾拼西多落單無耐飲品先到，速度正常點知過左陣A侍應行黎話無雞脾當下o左嘴，茶餐時間可以無雞脾供應？我問點解，答案竟然係未解凍🤨咁我本身諗下再食乜之制再搵b侍應問點解茶餐時段可以無雞脾供應而原因仲要係未解到凍，之後突然c侍應行黎又話師傅話等十分鐘便可，問我係咪照要咁佢話做到，我就照要啦西多黎到，係有4舊，2舊係有花生涵，另外2舊係乜涵都無（記憶中餐牌係無提及個西多係2個味）有個小兜放糖漿，本身落嘅份量係勁少，我諗係小兜嘅1／5,之後叫個侍應加返多啲啲，佢就起勢落，咩事🙄？其中一個茶餐嘅雞脾係真係十分鐘左右就到，另一隻雞脾係由落單起計等左起碼20mins先到總括黎講，食物質素ok, 係正常，今日試嘅無野係難食or唔擺得入口但雞脾未解凍真係令我費解。。。

今次已經係第二次幫襯。。依然係極度失望，首先上一次幫襯我叫時菜牛肉炒河居然等左20分鐘有多先到都有錯!!黎到變左時菜豬肉炒河仲要D豬肉好似湯渣咁，我都廢事同D員工講換免得過又再等20幾分鐘，嗱嗱聲食完就算，到今次再幫襯入舖前希望佢有改善...點知又係失望今次我食最普通嘅常餐衹係叫佢走包，員工落單先係應承左我，但到頭來件包依然都係我面前，再望下張單,根本無註明走包，本身吾想浪費先叫走包，而家為由食埋佢免得過佢掉浪費，呢間門面靚制服整齊嘅椰仔真係當D客係傻仔先啱，一間失望的餐廳!!

今次第二次嚟食，樓面嘅服務態度真心極差，食物落左單成半個鐘，隔離枱遲過我黎都已經食完撩緊牙，但我毛都冇。咁我問侍應幾時到，侍應單都未Check就話d碗未洗得切，又話好多單無咁快，我心諗留單仲咁多解釋，我已經少少唔耐煩叫佢入廚房check咗先講，佢先肯望下我張單再去問廚房。幾經辛苦終於等到餐，點知原來仲要落錯單，我問可唔可以換，佢仲要大我等好耐，明明錯在你地 ，仲可以將個責任由個客承擔。明明啲食物都幾好食同埋裝修都唔錯，竟然啲服務態度咁差，以後真係永不錄用，同埋叫埋啲朋友以後唔好再食。

今早落樓下食早餐點完餐正拎緊餐具途中佢有位女職員亦咁岩轉身大家都無心情況下佢撞左去櫃角雖然知係真係痛但難道客人會專登開櫃撞佢？我杯咖啡飲都未飲無左半杯另外有個職員行黎話剩係幫我換左個底碟😑😑😑本身想叫直頭換過杯算啦 趕時間 忍佢之後有個餐等左30分鐘都仲未黎於是追單另外有位員工話多單廚房洗唔切碗這是個什麼解釋及服務態度？後來轉公仔麵又無轉話如果要換 要再等好耐但隔離枱遲過我地都已經食完啦人地個碗就洗得切？而家係你地餐廳職員訓練唔夠落錯單而你怪個食客？撞櫃角大家都唔想 專登玩野執復？雖然野食味道係ok但有班咁既職員食到成肚氣又唔分是非黑白大把選擇 唔洗揀呢間

真係好後悔冇行多兩步去對面食！茶記同我講冇乾炒牛河賣基本野黎咖喎？都算！諗住叫咸蛋肉餅飯 冇死啦潷一啖 都未入口 咦？有毛嘅喂！點食呀？都算！咖哩牛腩飯咸到苦 苦過杯齋啡牛腩又鞋又韌都算！有咩茶記會連茶走都沖錯？離晒大譜！呢間野係由廚房到水吧 冇一樣野得喎？一路望住條豬毛 一路聽到周圍都話漏單 都真係世界級過多一條馬路 是但一間茶記都好過你地啦唔識不如開第二樣啦是但做三文治外賣/賣野飲好過啦簡單啲 至少冇乜機會有豬毛先啦😂😂😂茶餐廳唔代表求其先囉！相冇乜點影 真係見到都冇心情影

尋日終於有機會去椰仔食個沙爹牛肉麵 之前朋友介紹話呢度個沙爹牛肉麵好香 因為知我勁鍾意食😁但好耐都無食過嘞 因為出面好多都唔好食😌所以過黎試下 我平時好少會寫呢d食評的 不過今次都忍唔住要讚下👍👍等多 d人知道邊度有好野食都好呀😁首先環境幾好 好坐 舒服 整體服務態度都ok 睇埋餐牌 有齊我最愛沙爹牛麵和牛角包😍其實仲有好多想試🤣由其有個蔥油餅雞排飯 見人食到好滋味😅下次一定要試真心好味 絕對係我久違了的{沙爹牛麵嘅味道}牛角包都好鬆軟 咖啡都 ok和 朋友的奶茶佢話好飲呀👍《椰仔》 I Be Back 我一定會再黎架😁😁

第二次嚟，叫咗意式風情焗意粉，意粉一嚟到我就問聞到陣牛味，因為我唔食牛所以對我個陣味好敏感，我就問侍應係米牛，佢一口就話唔係牛，唔會用牛整嘅，我叫佢問廚房師傅，佢話問咗幾次唔係牛，既然侍應覆我幾次唔係牛，我就相信佢地啦，我一食，頂, 係牛嚟嘅，我冇食牛廿幾年，就係呢間咁嘅嘢食咗，我同個侍應講返，佢先話今日轉咗個師傅係用咗牛嚟整，咁點解當時覆我話師傅話唔係牛整呀，又話今日轉咗個師傅，費話大話連編。🤬🤬🤬🤬🤬🤬🤬我唔會再去架啦，費事下次又領野啦。雖然種類多，但食物又唔係好食，侍應態度麻麻唔認真，足以令我冇第三次。😡😡😡😡

元朗雞地又新開一間茶餐廳前身是酒樓.今日中午特意來一試,進店見car坐都有十多枱而且很寬敞,點一客干牛河和干炒豬扒烏冬配凍奶茶,炒河粉和烏冬味道算好但牛肉同豬扒好似柴皮牛肉更難咬份量算小很失望但奶茶質素相當不錯！