椰林閣餐廳 (Closed)

今日我用報紙的優惠卷10蚊食一個下午茶佢係煎蛋肉醬飯 + 熱餐一杯佢雖然係10蚊但係佢俾的料都ok，都好多肉醬好多汁，隻蛋煎得好好，但係如果個份量多一d會更好，雖然我食都飽肚，都好好味一句10蚊抵食

上星期六約左朋友去睇戲,睇戲前就嚟左呢度食lunch,見呢度平平地,點幾鐘好多人,等左幾張枱就張,坐卡位,都幾舒服,不過好似有點矮.都好多款餐選擇,我叫了一個黑椒西冷扒跟意粉,朋友叫了一個日式豬軟骨飯,兩個都是雜菜湯,雜菜湯都幾快嚟,賣相都好靚,好多料都好飲呀,不過如果熱d仲好,餐飽都幾大個及軟,都暖暖地.主菜,西冷牛扒都幾大份,但食落好重酥味,不太好味,牛扒都好淋的.朋友的豬軟骨好似普通蒸排骨咁樣,味道都一般.

西冷牛扒餐 $63upgrade 個餐加 $26 變成 : 酥皮湯, 特飲, 有小食一客小二問我牛扒要幾多成熟, 就七成熟啦~碟上, 件西冷牛扒好細件, 仲要係全熟, 又乾又硬又凍 小食要左豬頸肉薄餅, 用煮濃左黑黑地又乾又硬的薄餅, 包住幾小片豬頸肉及大量醬汁, 感覺唔好囉~

呢個冬天, 椰林閣推出左多款套餐由 $48起有湯, 有餐包, 有主菜, 有熱飲主菜有串燒牛柳, 什扒, 海鮮菠蘿炒飯, 芝士牛尾焗意粉... 以供選擇我選左芝士牛尾焗意粉及什扒什扒配飯@有牛扒, 豬扒及珍寶腸, 味道一般啦!食完什扒餐, 個芝士牛尾焗意粉仲未到, 追左之後就立即到芝士牛尾焗意粉@熱辣辣, 好香, 好甜的味道, 分量十足, 夠二人食, 牛尾有7-8件, 味道好香甜, 不過之後越食越甜, 越來越油, 食到一半已經頂唔順啲佢調味食物係中中至中下, 未至於要比喊嘅~

行到10點幾, 同男友又黎呢度食飯一入去冇人問你幾多位同自己搵位坐已成習慣, 所以冇乜所謂order左魚柳鴨胸意粉+紅湯+凍0茶 & 焗卡邦尼蟹柳吞拿魚長通粉(+17轉左set)+白湯+凍華田等一陣, 傾下計野食就黎紅湯-- 賣到尾唔夠就溝左粉'軒', 搞到d湯唔係清的, 男友飲左一半冇飲白湯-- 冇cream味, 冇誠意, 個白湯好怪, 似白汁魚柳鴨胸意粉-- 男友食焗卡邦尼蟹柳吞拿魚長通粉-- 完全唔可以算係卡邦尼囉, 失望 只可以係叫白汁.. 面果d芝士幾好味, 但少左d, overall呢個都ok凍0茶-- 男友凍華田-- 夠味, good!埋單不嬲都淡淡一句"多謝"就算, 有時連多謝都冇真係嬲嬲地

13-4-08 12點半左右...同個朋友去屯門行街順便食野...本身諗住去燉奶佬..不過見到入面好似咁黑咁...就去左隔離果間椰林閣..(睇落去都靚D-,-)估唔到咁就出事-_-"真係好後悔...首先我地係門口等左2分鐘都係冇人招呼~我個朋友等到唔耐煩直接入去...入到去唔知點解WAITER都冇個架WO...有就直行直過...望都唔望下你...咁我地就搵左個卡位坐低啦...正想行埋去果時...有個WAITER就話"坐卡位啦~隨便坐.."(我心諗:洗你講...都行緊去坐啦!)之後坐低左好快有人俾MUEN我地..不過又好快行開咩都冇講...淨係俾左一張午市特價既MUEN我地-,-咩意思? 好有睇唔起我地既感覺...之後我朋友問佢佢先拎其他黎...跟住又發生果種情況~舉手無人理-,-個個都好似好忙咁..但淨係見佢地行黎行去架咋WO!!之後終於點餐..我地叫左餐,餐飲...佢冇問我地飲咩湯..我同朋友係度傾計..佢就拎湯過黎.."羅宋湯邊位?"我即刻黑面:"冇人問我地飲咩湯WO"個WAITER好似同你懶熟咁.."咁..講啦~快D講飲咩湯啦"我就玩野要忌廉湯等佢行多次-V-"湯黎左...好難飲

小姐帶我地入座但因為張枱好窄,又見到卡位有人走,所以我地就同個侍應講我地坐卡位.因為我地冇跟佢既安排女侍應們刻意唔執枱,就算我地點叫"唔該"都唔理,仲要見到你舉手叫佢都即刻擰開望第2面,扮睇唔到!!!之後係因為有個男侍應行過先有人執枱.到想落單時一樣,點叫人都冇用,扮睇唔到,聽唔到.其中既表表者就是"x芷櫻"係後面枱落單,佢終於唔可以扮睇唔到,點頭應我地.....最後佢落完果張枱既單就走左.即使經理見到我地都係話"轉頭幫你"之後一直冇再返黎幫我地........如果唔係朋友肚餓其他地方又多人等位我先唔入去呀!!不過之後就算其他地方有好多人等位我都唔會再去呢間咁既野呀,我搵唔到點樣投訴佢既有效方法咋,如果唔係我一定投訴佢呀!!!

環境:經過裝修後不錯味道:只屬一般服務:差劣..冇人落單..全程黑面..要等勁耐野食先黎..抵食:一般乾淨:差劣..toilet可謂嚇人..

同媽咪揾地方食tea，咁啱經過這間，一句是但就入咗嚟．一個要乾炒牛河，一個要咖哩海鮮炒飯．牛河一般，好油，炒飯冇乜海鮮，好多油．總括嚟講好多油！

11/9 o個日返學好早就放break..同成班同學去左椰林食野叫左個雞扒早餐黎食..咬左一啖就咬唔到喇..跟住就叫左個waitress 黎幫我換左佢..d 語氣勁差..換左個牛扒仲衰tim..換左同冇換都係冇咩分別..食左幾啖+salad 就冇食..仲見到牆上面有''章狼''..搞到冇意欲再去食野= =

個日行過見佢新裝修, 走去食個set lunch, $30個茄汁焗雞扒飯, $32西班牙炒意粉個cream soup好味,有好多粟米同火腿, 例湯來講都算係咁啦,起碼唔會係糊仔feel, 個餐飽超熱超軟熟好正, 好好味西班牙炒意無料到, 又係勁多蟹柳, 加埋d蝦仔番茄絲咁, 又好多油, no good. 茄汁焗雞好熱, 係即焗的, 好香, 有一大片濃味cheese係面, 不過over baked, 未能一絲絲拉起, 雞扒大件肉地都滑, 好味的, 茄汁略為多了點, 但係好開胃全場sofa位, 坐得舒服, 勁多學生, 令我想起以前學生年代......

噙晚同媽子兩人不約而同唸住來呢樹開餐。見門口有寫住優惠晚餐(比正價平約十蚊)，時間係由五點半至七點半，當時已經係六點九，有D猶疑，後來問清楚原來係指落單時間，咁就唔駛唸啦。叫左一份安格斯牛柳(七成)配薯菜同埋香草煙三文魚配意粉。先來餐湯，羅宋湯幾足料，亦有蕃茄味，隱約有少少牛肉味添，唔錯，忌廉湯就一般啦，最正係個餐包上時係熱的，我成日覺得雖然餐包唔係主角，但都唔應該“冷落”佢，因熱辣辣的餐包係可以令個餐生色不少。主菜上場，一個大碟，有兩件牛柳，一堆薯條及豆角(？)，牛柳唔只七成，不過可接受，當然同二三百元一客的來講定有距離，但以價錢來講是食得過。另一主菜煙三文魚，個人覺得較腥，但媽子則說OK。至於餐茶的熱檸水當然唔會有任何要求，最好只求係佢唔好俾檸檬頭就算呢!!!有服務但無熱誠，“多謝”都只係淡淡然的...不過埋單都只係九十幾，餐的份量亦足，算係唔錯的選擇!!