吉野家 (Moved) New Location

夜晚黎食牛肉火鍋。每人一鍋，要左濃湯。有金菇、豆腐、白菜、日本魚蛋、冬菇同牛肉。湯滾後就試試，湯底幾好飲，牛肉份量都夠，加埋芝麻醬真係好好食!芝麻醬真係好香，用黎撈飯都得。$42蚊食到咁既火鍋，真係好抵食!

每次出牛肉鍋我都會去食, 一個禮拜最少食一次. 我最仲意濃味湯底甜甜哋. 個鍋有菇, 豆腐, 菜, 獅子狗巻 & 烏冬. d 烏冬真係好好味, 滑得嚟有d煙韌. d 牛肉份量適中, 點d 日式醬汁, 好味! 個餐仲有碗飯& 飲品, 四十幾蚊好味又飽肚, 如果食量唔大可以兩個人share 一鍋, 扺食呀!

尋晚bf放補習搵佢食dinner,由於5太肚餓and我少少5舒服,所以去吉野家(冇咁油利)去到我叫左牛肉飯跟果蜜紅茶,我bf叫左新出既豚雞便當(即豬扒加雞扒)配喬麥麵從未試過吉野家豬扒既我地都覺好好味,豬扒既照燒汁冇雞扒照燒汁咁甜,配豬扒一流!塊豬扒肉質5 un,口感好好,忽然好想佢出豬扒飯XP however個豚雞便當配既墨汁jelly就....聽個名都知好怪,勸大家不吃jelly為妙至於喬麥麵浸於熱湯亦十分爽口彈牙,highly recommen 豚雞便當牛肉飯都係咁la..but個果蜜紅茶甜得滯environment:clean but not enough seatsservice: oktaste: worth the price

今天去九龍灣睇戲,六時要入場,入場之前到附近的吉野家買外賣,叫了一客細牛飯,本以為20~25元左右,怎知原來是15元@@"因為六時之前都有下牛茶^^另外效率好快,叫了不用三分鐘就可以走了,之後入場,偷偷吃飯「我唔客氣啦」嘩...好味呀,牛肉脂肪均衡,香味撲鼻,飯的軟硬適中~雖然是一盒15元的便檔,但味道可媲美其他食店的「美食」XD相信吉野家可成為我必食的地方之一^^

行完megabox同德福後同朋友仔兩個都好累佢又話肚餓經過呢度就決定食個tea我仲好飽無食雖然只係一個tea set牛肉飯但牛肉絕對唔少飯又足足一碗半女仔食一個飽死味道無乜點變加左4.5又可以轉tropicana橙汁一支超抵不過因為唔夠汁幫朋友仔額外拎左牛肉汁先知道原來d汁係咁油架一大層油淨面所以叫多汁前大家要三思呀服務良好有禮抵讚

次次都要去食下午茶因為真係平好多試過牛飯同雞飯都好有水準抵讚的是佢地d酸薑同辣椒都係自己攞幾多都得我呢d辣人次次都落好鬼多kaservice快得黎有smilegood 呀

同事話要等tea, 慳$$. 終於等到3pm, 叫左個細雞飯. 食得多牛飯, 轉食雞飯都唔錯. 正, 多汁仲有小小泡菜. 叫左汽水加3蚊.(希望無記錯)

去日本留學初期成日幫襯吉野家o既對松屋約左舊同學見面香港無松屋,所以便幫襯吉野家牛肉飯唔夠多汁,所以另外要多少少牛肉一般回憶總是美好的,所以總係覺得日本好食d

有次同bf黎食tea…見未食過li個wor…就叫左一個海苔珍菌泡飯加一個牛肉飯la…好鍾意食菇類gei我仲諗住li個一定好o岩我食tim…點知唔係…<br />個泡飯好似咩味都無咁…好似水加飯咁…好難食…食左幾啖已經唔想食…bf話唔掂…好似病人d稀粥咁…<br />可能係我地食唔慣la…又或者係li間gei問題…<br />不過真係無信心再試la…所以都係食返牛肉同煎雞飯穩陣d…

好耐未黎過吉野家,本來想試下新出既蟹子三文魚飯,但係原來無得外賣,咁我就要左煎雞飯,$23一個餐,有麫豉湯,飯,泡菜,都唔算貴。雖然好耐無食,但係仍然咁滋味,可見吉野家保持一貫水準!我最鍾意d飯,係用日本米,好味d!個燒汁都幾好,不過今次俾得多左d,食到底就太鹹喇!

我以為吉野家好平,但原來一份餐都要三十几蚊.今晚同男友一人食一份試下,我要牛肉飯餐,佢要煎雞飯餐,2個餐都跟面豉湯一碗,汽水一杯,泡菜一小兜同甜品一小兜.個牛肉飯都ok啦,勝在夠哂大碗,d飯lum 0左少少,表面上睇落碗飯都几乾,但食落又唔會.個雞飯都係好大碗,仲有菜跟,不過d汁"結"得滯,食落口有d曖昧..面豉湯略鹹,泡菜冇食到..呢間舖環境一般,都唔係頻密地執,而且冷氣太勁...坐到好凍...

我一向都唔係幾想入呢間o野,因為d o野食似乎唔多o岩我食,但有次同同學過淘大,趕時間又唔知食乜好,夾硬比人拉o左入o黎..睇o左好耐好耐,唔知叫乜好,既然牛肉飯係招牌就叫o左佢個set lunch 啦!我著校服真係好鬼抵.d 飯我落o左好多七味粉,香香地辣辣地,好味到爆!於是決定搵日再試!!