吉野家 (東廣場)

Open Now

Now Closed

早上遇上一場大驟雨 ，没有帶傘的我，為了避雨就停下來吃一個早餐喇！因雞扒與楓糖分開上，最啱走甜的我！避雨代價HK$32食完天氣已經好轉，太陽亦出來了。我忍不住邊行邊哼唱 '天氣不似預期…………' ，繼續一天的工作！

今日去觀塘返學，食咗個極速午餐，通常去吉嘢家都係打邊爐，今日就無得食啦，因為得一個鐘，太趕了。D人成日都話去吉野家就會諗起佢嘅牛肉飯，牛牛牛...呀！我都好鐘意食肥牛㗎，所以今次就食佢招牌相Lee個"和風牛肉飯"，唉... 睇我影嗰張相好似好多肥牛咁，但無諗過係唔夠我食㗎，得面個一層薄薄的，唔單止牛肉少，連牛肉汁同洋葱都一樣咁少嘅，點解咁呢？餸太少，連個白飯都食唔落就浪費咗小半碗。其實價錢都唔算好平啦，如果可以相對比返合理份量，感覺會好好多囉！

吉野家的海報有我最愛的芝士，我就😍😍眼都凸埋呀！仲要有黑松露好似好矜貴咁喎！點知真實同張相差好遠啦。男朋友就嗌咗個泡菜火鍋！我真係第一次見呀...韓國嘅粉絲好似好粗，好硬...我就唔係好敢食...

我點了三文魚飯 ，關東煮 ，茶原來後面個女仔同我一樣點呢d我一坐低 ，有個員工一野就拎走關東煮，話我拎錯 最後櫃臺解釋 兩個都有點 ，佢就放低走 ，抱歉呢d全部冇講 ，正常唔係應該問顧客有冇拎錯咩？點解咩都唔講就一下拎走我既餐呢？？事後亦冇道歉！！

早陣子錯過了吉野家的芝士鍋朋友注意，吉仔的雞煲強勢回歸(跟之前的有什麼不同?我唔知，因為我都錯過左XD)今次的芝士雞鍋主角有雞件，雞件埋在重重芝士下，見到都流口水。芝士汁不算太杰，可以隨以搞動雞件。鍋內有雞肉、三色椒和一粒包心芝士丸(太少了)。其實雞肉一早已熟透，所以芝士一溶最好先食，芝士汁包裹住雞件，啖啖芝味，yummy。食完所有配料就可放即食麵，吉仔另外給一碗湯我們，如果芝士太杰可加湯，我們一開始就全加，反而沖淡了芝味。芝士加即食麵，絕配，加烏冬都好好食，吉仔的烏超滑。總結，必食。p.s食的時候最好不停搞動，因為爐不能調校火力，會有痴底的情況。

下午茶的蘑菇薯蓉雞絲飯($22)因為是新出的原因，和家人走去試。食落去同炸雞店的沒太多分別，白汁十分濃郁，也很杰身，不過沒有炸雞店的黑椒香辣味和多料的感覺。雞絲味道不分單調好似無乜點醃過咁，有點失望，但仍是預期之內。吉野家還是食小牛好過

放工想一試火山芝士雞鍋，上網看到強烈推介，我又喜歡芝士，一定要試一下。特意到東廣場分店，因為比apm 分店少人，果然等了一會，約5 分鐘左右便有位。點了火山芝士雞鍋，大少則吃普通芝士竹輪鍋。滿心期待，一打開，有雞件、很多洋蔥和青黃椒，少量芝士…雞件是挺滑，但完全沒有芝士味，只吃重重的洋蔥味。鍋沒有其他配菜，如豆腐、蟹柳等只有雞加烏冬，很單調 後加了肥牛，但加了湯的芝士鍋更加沒有味道，淡！烏冬要靠芝麻醬先有味道。我寧願吃普通的鍋，真的中伏了！！

新蒸頭，觀塘區好多食肆都無開，最後我同朋友就去左吉野家，諗住睇下仲有無打邊爐，但竟然比我地發現仲有鰻魚飯食！一於試試佢～鰻魚飯餐有飯、麵豉湯同汽水，盛惠$82，以鰻魚飯呢個價錢黎講都合理既。個鰻魚飯分別有三格，兩格各有半條鰻魚，最後一格就有紫菜，多汁，感覺幾好。首先試一試條鰻魚，都幾多骨（無論邊個部份都好多骨），同埋有少少瘦，而且肉質都幾韌下，食落感覺唔太好，飯維持一貫水準，但整體上都一般。麵豉湯ok唔太咸，中間仲有幾塊海帶，唔錯。

早前見吉野家的鰻魚飯預告係FB不停洗板，已經心思思。等到佢一出就飛去試。鰻魚飯set 跟湯，盛惠$82。先講外表，以日式飯盒盛載，鰻魚及大量碎紫菜舖滿白飯之上，而鰻魚及紫菜比例2:1。 至於最重要的鰻魚則掃上鰻魚汁，令魚身表面很有光澤，賣相不錯。另外其味道也不錯，鰻魚肉質嫩但厚身小小會更好，而配搭上大量紫菜可減淡鰻魚汁的咸味，令味道剛剛好。不過個人認為汁太小同埋如可燒濃小小，有多點烤燒味會更加好。

近日冬冬地又係打邊爐既好時間，由於已經夜收工，於是就去左觀塘搵阿囡去吉野家打邊爐今次我就揀左竹輛牛肉火鍋，阿囡去拎餐時發現牛肉勁肥，佢好靈目地叫店員換返瘦D返到位後等一陣就有得食，首先濃湯底仍舊微甜，係待最愛，有水準！而牛肉的肉質就好鮮嫩，輕灼後活沾上日式芝麻醬極之野味，而竹輪中更充滿芝士，咬一口就會爆出，真係勁好味，不過就得1粒，有少少到喉唔到肺，豆腐就好滑有豆香，加上適量的蔬菜下，確實很豐富，加上很彈牙的烏冬下，使整個邊爐的層次感更高，亦能為呢餐畫上完滿的句號，大滿足呀

終於有一天不趕時間, 可以靜靜的坐下來吃早餐其實公司位於觀塘,早餐實在有很多的選擇,只係今天很想吃烏冬點了牛肉烏冬配熱奶茶,吉野家的烏冬曾經一段時間換了牌子, 質素很不好,現在又好像再換了, 也許太多人不喜歡吧說這個牛肉烏冬, 烏冬算是有口感, 不會太淋可是, 湯底偏咸, 味精味偏重早餐吃得太咸, 感覺真是怪怪的

趕住返STUDIO做野，好多時都就咁食快餐填肚，而係一眾快餐之中我就比較中意吉野家，因為感覺比較健康。今日就試左個新既粟米牛肉飯，其實就真係冇乜特別，咪就係普通牛肉飯加左D粟米，味道就普通，不過加左粟米口感係爽少少既。

好耐無食吉野家了，自從日本福島事件，傳聞米是福島來後，一直無食而且一聽到朋友話去，我都無SAY NO今次同事再問去唔去，一餐半餐就食下啦溫泉蛋牛飯配日本茶 29蚊牛仍然幾好味，好多年前都係呢隻味蛋是凍的，我不知道是我唔識食嗎？熱牛熱飯配凍蛋，感覺不太好因為溫泉蛋只是熟了一成，是生蛋，但又是凍的....飯是熱的，是一個可以當午餐的下午茶份量OK，整體算不錯

本人是吉野家火鍋 fans，又喜愛大韓泡菜，即 order 了辣泡菜湯。基本上配料同平時差不多，一鍋有4隻青口，都唔差架。可惜在個湯底喇，冇泡菜味，又唔辣，咁點叫辣泡菜湯！我只好當清湯鍋食啦

久唔久都想要D飯氣，所以去左吉野家溫泉蛋野菜牛肉飯，真係揀無可揀，想搵少少菜食下0者...食一啖淨牛肉飯超級鹹! 打爛隻溫泉蛋撈來食中和返，不過無蛋汁撈既地方仲係好鹹，多吃傷身...