吉野家

Open Now

Now Closed

Office附近已經食到唔知食乜早餐好，突然諗起同事話最近去吉野家見到有西式早餐賣$23，就去試一試。個set有：一兜粟米火腿豬骨湯桂格通粉，D通粉比平常大粒好多，不過比平常通粉個質感薄D，口感唔差幾得意，個湯的確有D豬骨湯嘅味，唔會淡茂茂。一舊炒蛋，size有手掌心咁大，炒得濕濕地唔會乾爭爭唔錯。半塊方包嘅薄多士，有D＂林＂，唔多好食。一杯熱飲，我叫咗奶茶，普通，唔好追求茶餐廳茶濃奶滑嗰D質素。外賣+$1，total$24食個早餐ok接受嘅。

今日返工食晏，周圍都好多人排隊，諗諗吓都已經冇乜時間，唯有去食快餐。最後揀咗吉野家，我叫左個玉子牛肉丼，只係分開上 ，牛肉丼唔係好夠汁，所以要加汁先好味！由於太耐無食吉野家，都唔知佢而家出咗個冰鎮奶茶，味道又幾好喎！雖然間間吉野家都差唔多，但係呢一間嘅職員都好好人，姐姐都好客氣！起碼食餐飯唔駛受氣先啦

諗住食個早餐, 枇醒起月曆4月COUPON, 但職員話唔用得, 我問佢話明4月用喎, 個職員就轉口話依間店唔用得, 話第2間店可能用得....有咩理由同一張劵, 唔同分店有用到有用唔到, 分明想收多些錢!

吉野家相信香港人都無咩人唔識，除非你係大官貴人，唔洗食呢啲，如果唔係街邊都仲叫到呢一間日本牛肉飯餐廳！我覺得佢嘅一人邊爐，以佢個價錢黎講質素唔錯！不過今次唔係講邊爐，而係下午茶！今次經過灣仔，下午茶時段想食個平平地飽肚食物，轉個身就見到呢間！唔洗諗，食呢間！叫左個細牛肉飯餐，配茶！23蚊，去邊到搵～ 唔會加多一兩蚊轉左做雪碧！啲牛肉有啲老，但唔係好韌，已經足夠，加上入味洋蔥，同埋白飯，下午茶其實已經夠飽！食完已經夠哂，一個普通得黎唔會難食又好抵嘅下午茶，貧窮人士恩物！其實唔洗餐餐食得咁好嘅，有時呢樣食下，個樣食下，仲開心！

雖然不常到吉野家，由細到大偶然幫襯挺喜歡的。不過這次到灣仔分店午餐，牛肉溫泉蛋丼真的很難吃。牛肉正常，但珍珠米煮得超級爛，尤其加上肉汁後更甚。食之無味，棄之可惜。

我平時好少食大約$35既早餐，通常星期五先會食。 星期一突然好想食個豐富既，我就去買吉野家的早餐，雖然有好多選擇，但見到楓糖丹麥包多士，我都唔會諗其他既。(楓糖同丹麥包兩種食材我都好鍾意)！佢個餐配烏冬同一杯飲品。 我加左$8，要左炒蛋。未食過已得咁少👇👇得兩啖👆👆返到公司打開真係嚇一跳，個烏冬係得個盒既三分一！有相為証！張相以手指作比例，係開始食的！個湯真係好濃夠，裏面有粟米粒，同嗚門卷一片！丹麥包係烘過的，但返到公司已經凍了，無嗰啲一層層酥軟感。但好在有啲楓糖配，令個包無咁dry!個炒蛋都算乾身，唔夠滑，但好彩加左佢，如果唔係餓成朝！ 另外，同事問我點解個炒蛋咁黃，黃得有啲假，我就唔知點答，因為我都認同。本來想食得豐富少少，但換來失望，那同事問我會唔會俾多次機會佢，我只有答：睇吓點。。。。👆句statement 有如呃人

昨晚做了運動, 因為不想吃太豐盛, 便到附近的吉野家吃吧!找了偏入的位置坐下, 地下很污濁!! 好像很久沒有人拖地了的樣子.... 點了最新出的海蜆蕃茄鍋, 配牛肉, 加了娃娃菜, 餐飲可樂~筷子還黏著一粒米飯...自行清潔吧!其實打邊爐都完全無技巧可言, 取決於食材和湯底~ 那些蜆肉並不多, 還是有砂的!! 而那2條蟹柳是酸臭的!!! 一咬即刻吐出來!! 免得吃壞人!!到底是放了哪裡、放了多久才會變成這樣!?並不期望快餐店的食材非常新鮮,  但起碼不是這樣吧?? 接著唯有吃其他正常的東西填飽肚子便算!還好蕃茄湯底味道OK~ 好配烏冬吃~可樂都夠汽~不過吃完感覺還是很差......  很懷疑這家吉野家的衛生狀況!!!

吉野家水準一向都保持得幾好。最近忽然想食牛肉丼就想起它了。公司附近有四間，哈哈....同七十一概念一樣，梗有一間係左近。中午十二時人流不多，要了一客牛肉丼，面層鋪滿了牛肉，肥瘦適中，入口軟腍，咪以為平嘢冇好，還好有牛肉香。我最鐘意有好多洋蔥伴。牛肉汁不會太濃，每粒飯粒都沾満肉汁，久違了真的好味。另要求可拿取一包包的酸羌片，酸咪爽口，特別開胃。跟餐有飲品，熱檸水估不到檸檬居然會有半個，感覺好抵，好開心呀！

因為朋友今日要食素, 所以一個人在灣仔地鐵站附近揾食.一個人既時候, 真係: 太貴唔食所以俾我見到吉野家好開心需要行落地庫, 店舖唔算大間一個人好易有位坐上網接收都順暢可以好好享受一個人的晚餐!

近排好多野都有櫻花蝦，吉野家都跟上潮流，有櫻花蝦海鮮火鍋限定，當然要試下啦！上次試左一次覺得回味無窮又抵食，今次趁天氣仲凍決定再encore！櫻花蝦海鮮火鍋配牛同烏冬 濃湯底左下果杯係櫻花蝦 自由落 鍾意幾時落都得！落咗去濃湯度更顯鮮甜,就算加左湯都有櫻花蝦味肥牛有點肥，不過都唔錯～烏冬彈牙買滿$120，汽水免費加大材料都唔少架，絕對夠食！友人的芝士竹輪鍋配麵豉湯底芝士竹輪一如以往的好食 ！簡單又滿足的一餐！

Lunch time時間又到,一個人自己簡簡單單去左吉野家試新出既黑松露芝士牛肉飯少少黑松露食落已經多一份味道,加埋好多溶晒濃郁既芝士,撈埋牛肉一齊食味道都幾特別鹹鹹地得黎又有一份好香既黑松露味慢慢散發出黎,牛肉份量都幾多,夠晒撈飯食,薄薄一片片肥牛好嫩滑,我最鍾意食吉野家就係佢地用既係珍珠米,食落特別有口感店員亦好好,我叫佢汁另上,完全冇say no仲非常願意,仲問我夠唔夠! 另外跟餐有清清地既一杯綠茶,一碗麵豉湯,仲有一兜辣辣地既細泡菜,一個餐咁多野真係足夠晒飽!

本人昨天和今天都光顧這間分店，昨天下來就人頭湧湧，只有一個收銀員，今天早五分鐘到達，沒有這麼多人，以為好一點，我和另一個男孩總共兩個顧客，我先落單，叫了一個咖喱牛肉拼雞扒飯套餐，另一個男孩跟著我，由於是收銀員落單後會直接用咪嗌入水吧，跟著即時制作，但是我在水吧等了很久，飲品一早就放在餐盤上，但是雙拼飯就不見，只見到三個男職員不停地說話，但是後面那個男孩就有啦，我原本想找到他們的經理投訴，但是其他人一般只等一分鐘便成，但是礙於本人穿著制服，所以不方便。

$48 is quite reasonable for a shabu shabu.You get noodles, beef and vegetables.The taste was ok but I chose the wrong broth which ruined it.The broth was too sweet for my liking.This branch is small and cramped but close to the MTR station which is good,

吉野家一人一鍋打邊爐，就最適合倆口子去。☺️ 在這莊士敦道的分店10月才新開張， 雖地方不大，但正正就在灣仔地鐵站對面，過一條馬路便到，非常方便。 和大部份新店裝修的一樣，不再是過往的gas爐， 而是枱面上內置電磁爐，感覺又high class左。😏 入秋之前，吉野家推出了全新「珍寶蟹棒藍青口鍋」（$66.9）， 火鍋配料一目了然， 除了有連鍋都放不下的特長珍寶蟹棒外，還有藍青口、南瓜和粟米等蔬菜， 而且還可自選牛肉或雞肉， 包一杯飲品及烏冬、飯或即食麵等主食。 湯底可選擇清湯和日式濃湯，或新口味的日本信州味噌湯。 小編就覺得日式濃湯和牛肉的組合是最搭配的。😌 特長珍寶蟹棒不但吸晴，👀口感啖啖肉，👄 雖然蟹柳味道不突出，但吸了火鍋湯底的味道，軟腍多汁。 雖吉野家標榜藍青口來自加拿大，但青口肉卻非常細粒，不過以數量和價格而言都算符合性格比。 去吉野家一定少不了的牛肉， 牛肉一客都有5、6塊，份量都算合理， 唯驟眼看脂肪比例較多，但肉質都算細嫩美味。 小編覺得最好食莫過於烏冬了！ 烏冬煙韌彈牙，口感絕對唔「粉」！ 肥妹就最愛「芝士竹輪鍋」定食，這是一如既往的供應，而且現時還有特價