許榮記飲食專家

Open Now

Now Closed

出街食飯食得多，呢期仲密密打邊爐，偶然都想食下「普通野」，星期日喺附近拎網上訂嘅貨，於是醒起呢間許榮記，早十幾廿年前我都經常喺呢度食晏，因為當時公司喺附近，今日再黎，別有一番感觸。同老婆黎到，佢第一次食。星期日下午茶時間，都唔算好多人，眼見反而有唔少外賣單。呢度主要食粉麵，魚片頭、魚蛋、雲吞、貢丸等等等，亦都有客飯，例如牛什、牛腩、叉燒炒蛋呢啲，飯同麵價錢差不多，咁因為人地都係做麵起家。我地一人點左碗麵，加碟菜，兩杯檸茶，食左個快飯。魚片頭魚蛋河老婆點嘅雙拼河粉，好快上枱，其實喺太子區果邊食呢啲粉麵真係平好多，不過今日懶得行。河粉幼身，唔會太黏口，條條分明，加少少辣椒油，幾好食。魚片頭同魚蛋都幾出名，片頭正常厚度，真係幾彈牙，魚蛋亦都有魚味，係潮洲式嘅白魚蛋，一樣咁爽雲吞魚皮餃麵我點嘅都係雙拼，雲吞就中規中矩，魚皮餃感覺好食過啲雪藏餃好多。麵質因為我地都好快手影完相就食，都唔會話變到淋哂。

星期二的晚上六半，又係同同事去食飯的時間，今日同事提議食呢間許榮記。鋪頭門面唔算大，唔係太起眼。餐牌好多頁，睇到我花多眼亂，所以我叫個精選套餐算。我見好多人都點牛腩同魚片頭麵，應該幾出名。我怕唔夠飽所以點了香蒜瑞士雞翼肥牛飯，肥牛太肥，不過肥牛正常係肥ge。。。雞翼同個瑞士汁好味，仲要比隻碟我放骨，幾貼心。牛腩雲呑麵，同事話她每次都係點呢個。上面個菜肉餃拼墨魚卷撈麵都幾有份量。嗌套餐送飲品可以揀豆漿大大杯好夠飲。下次會再試撈或湯麵，支持小店

每次我哋去兩個人去食都必食一個瘦腩飯，一碗半肥瘦牛腩河多蔥、加蠔油生菜、兩杯凍豆漿。兩個人、加埋＄100。喺旺角區邊到搵呀？牛腩又諗又入味，湯底一流另外之前試過豬手都係好好食。除左野食好食，人情味對我地黎講都好重要。從來都唔知道佢呢間店嘅故事，都係啱啱睇到飲食男女個訪問先個。個囡對爸爸嘅尊重同埋爸爸對食物嘅堅持真係無野可以形容。我地成日都好好奇，點解間野咁好食，價錢又實惠，點解無大排長龍？佢地係絕對值得有更多嘅生意。好食+老字號+滿滿嘅人情味既一間小店PS. 鋪頭出邊有個貓籠，裏面有一隻惡貓，呢隻流浪貓都係店主十幾年前執返嚟養架

許榮記餐廳好細，座位唔多，好迫原本喺門口見到寫住自家製魚蛋及魚片頭，於是等位入內一試，大約等左十分鐘就有位原先一心吃魚片頭河，點知見到對面吃緊豬手飯好香，俾碟飯吸引住心多既我轉左吃豬手飯，豬手飯份量好大，豬手入哂味，滷水汁惹味，豬手爽口，有口感雖然豬皮有小小肥膏，我都吃哂

尋日凍冰冰想食下有湯熱野，諗住上網search下旺角邊度有魚湯麵/飯，點知上網搵到ge大部分都執曬，咁就去返朋友之前都推介我去ge許榮記，其實之前食過不過想試下新野先上網再搵下。相比其他同區粉麵舖，其實算幾乾淨唔逼，其他得個平字，但質素普通又坐得唔舒服，d人不斷出出入入。睇返佢舖頭入面報紙訪問d相，應該係幾年之前裝修過。食呢類粉麵，好少睇d麵好唔好食ge，所以唔多講。魚片頭係重點推介! 好有魚鮮味，完全唔腥，肉實彈牙，表面冇其他舖炸得咁金黃，但唔代表佢冇甘香，反而冇咁重油溢味。睇佢貼出黎ge訪問，原來老闆從來唔加麵粉去整魚片/魚蛋，100%真材實料，仲要堅持每日天未光就開始整，真係貴得有道理!麵就份量少，湯就冇乜味 (咁都好過重味精ge... )，如果俾返支魚露吊下味就正!強烈建議想試可以買返去打邊爐，唔使試佢個麵啦!

魚旦粉我一直都覺得係香港之寶，雖然魚旦粉度度都有，潮州呀泰國呀，度度都有佢既特色同賣點，但是點都好，都係香港既係最好。細細個就係何文田讀書，所以個頭都食均晒，但是近年何文田發展，個度愈來愈多高級日本餐（勝利道）同埋住宅，放學時間勁多同學仔係starbucks, 個時讀書邊有咁富貴飲靚咖啡，一杯都已經一個茶餐。好多以前係何文田餐廳已經好似慢慢被取締，要去到愛民頓先有小區味道，但是隨住地鐵開通，到時會唔會又翠華大家樂呢？講番許榮記，細細個已經成日去，所以今晚去番特別有感。佢裝修過舖頭好似細左，但係依然好好味。佢冇好靚裝修，面檔又唔係擺係門口畀人睇晒，簡簡單單最緊要好食。黎到都九點幾，唔洗等位就有得坐，一坐底見我地揀左好耐，其實都正常，去親食魚旦粉食咩從來都最難揀，由粉面，咩料到加唔加腩汁，仲未計套唔套餐，加個菜，未計撈唔撈。個staff都冇黑面，由我地慢慢揀，畀晒一大堆manu我地睇，最後嗌左個片頭菜肉餃湯飯菜肉餃魚片頭魚湯飯 46元平時一定嗌牛腩片頭河，認真好食! 但係個日突然好想食魚湯泡飯，但係發現旺角執晒，所以就係個到嗌，發現係食魚旦粉餐廳叫湯飯係幾伏。如圖所示，佢地就分開上，湯還湯

今晚我們去咗旺角廣華街嘅「許榮記飲食專家」食晚飯！我們叫咗牛腩麵嘅牛腩肉質好鬆軟嫩滑，牛肉味亦好香濃，麵質相當爽口彈牙！魚蛋粗麵嘅魚蛋非常爽滑彈牙，食得到有好鮮味嘅魚，而且唔會有腥嘅味道，粗麵嘅麵質好煙韌彈牙！南乳豬手河嘅豬手係分開上，唔會將味道浸淡晒，豬手燜得好腍好入味，南乳汁嘅味道唔會好鹹，河粉嘅麵質好軟滑！一口西多嘅表面炸得非常金黃香脆，入面相當軟熟，而且呢度唔係好似一般咁加蜜糖，而係加煉奶，令到味道更加香甜惹味！

滿有期望的試食魚蛋，但我認為是淡而無味，食過很多的都比這家好！魚片都還可以，跟普通的一樣..............................

魚蛋粉可以說是小女最喜歡既"食物"之一,食足三餐都冇問題XD但要搵到真係好食既魚蛋湯粉就唔係間間都做到了。許榮記是朋友介紹的,听聞魚蛋魚片頭是自家製的所以黎試下。果然唔錯, 所以都幫襯過幾次架啦。而且有早餐供應, 唔想食魚蛋粉的可以簡雪菜肉絲米或三文治。魚蛋片頭河魚蛋:手打白魚蛋,好彈牙好好味, 令我諗返起以前謝記魚蛋。雖然味道不一樣, 但食得出係自家製的。魚片頭:炸得好香好好味。如果可以再大舊返少少就滿足啦XD河粉:夠滑, 加埋腩汁入味。牛腩米粉牛腩:好夠林唔硬咬,有牛肉味道。米粉:不是粗身果隻, 好味D~另外,之前仲有試左份早餐叫左個雪菜肉絲米線。D雪菜又係自家製, 因為同媽咪整既一樣的,有別於出面一般茶記現成雪菜。肉絲應該都是佢地自家切的。加埋個湯底都夠味,所以我幾喜歡佢地呢份早餐

已經不止一次來這所可算是老店的地方吃東西。前陣子"夏銘記"收爐的新聞鬧得熱哄哄，而事實上城中好的魚蛋粉店已可謂買少見少了 ---- 先有再之前的"山窿謝記"，接著來有"夏銘記"，一間一間都不在了。魚蛋粉老店陸續的撤退，這令好此道之老饕是越來越為難....這裡是小弟印象中仍有一定歷史資歷，以魚蛋、炸魚片及片頭作主打招倈的店子。小弟每隔一陣子就會來光顧，主要便是為了一碟的炸片頭。有時入秋冬後要在家舉行邊爐宴，自己亦會不嫌麻煩專道跑來買些片頭回去作料....今天帶太太和小友來堂食，老店雖經翻身但每逢一多人之時亦難免會感到迫狹。但為了一嚐這兒出品的味道，我倒是不太介意大家坐得親密一些的....這裡的魚蛋小弟好說之前也吃過不少次，但墨丸倒是第一次品嚐。今趟將之配搭著魚餃來伴河粉，想不到其質地是相當的彈牙且足料 (墨魚粒加上馬蹄)；而魚餃則主要是吃它煙煙韌韌而含鮮味的皮。再伴以滑溜的河粉，味道自然甚佳....一家三口都是屬雞翼狂迷。看到有瑞士雞翼這一道"小吃"，又怎能錯過 ? 雞翼味道相當濃甜亦鹵醬得入味，肉軟淰得跡近至爛。小友索性用手拿來食，啜得連手指也要掉出來了....萬料不到這兒的牛腩水準也

很小的茶餐廳，座位狹小坐得不舒服，路過吃了一個晚餐麻婆豆腐飯，由於怕太辣先問清楚，侍應阿姐都算貼心，豆腐和飯分開上，蔥放在湯匙怕我不愛吃，整體味道還不錯，茶餐廳來說水準是可以的，服務態度不錯，但實在坐得不太舒服，盡快吃完離開。

係香港嚟講呢間係我最喜愛嘅魚蛋粉面鋪。 呢間野除左出名魚片頭 , 另外豬手同牛腩都係出名嘅。 聽過有大陸人, 特登嚟食豬手添。 我每次都基本會叫腩河。佢地嘅腩好比其他要加錢的坑腩河。 湯底香濃，牛肉唔會有臊味，而係好香既肉味 另外河粉係幼身薄既，食落幾滑呀，唔會話好厚粉既感覺。 值得一試, 不過有時排隊，就等得耐d。

路過廣華街，正正是午飯時間，想食light d 最食個粉啦片頭河$28一個，份量唔大，一個剛剛好，河粉好滑，加左腩汁仲正，片頭外層好香，好好味原來就咁買要90幾蚊一斤嫁。見到旁邊有人食豬手飯，又係勁香，下一次可以試下

是日放假又去銀行辦事, 於是留在旺角食個平D早餐. 轉吓轉吓走咗去廣華街, 見此店王祖藍食過咪試吓.點了沙嗲牛肉米粉+火腿奄列+牛油麵包+熱奶茶 沙嗲牛肉米粉 - 沙嗲幾咸, 牛肉都"淋", 米粉普通貨火腿奄列+牛油麵包 - 奄列都幾老吓, 牛油麵包因為冇烘底覺得麻麻地熱奶茶 - 都幾算大杯, 多了奶味少了茶味.- 盛惠$26 旺角少有呢個價錢環境都幾幽暗, 枱有D黐立立.

本來打算吃韓餐 但路經此店忽然想吃麵坐下來 環顧四週 店子比想像要小 就六七張桌子衛生不太好 餐牌黏黏的 桌子還擱着一隻死蒼蠅.........不過不到難以忍受 只是吃個麵就離開還是可以點了牛肚粗麵熱檸茶 價錢跟平常吃的差不多不過牛肚份量算是多一點 約莫六七件牛肚軟腍 口感好 味道夠濃但牛味不突出大概是因為湯咸了一點 而這個咸還是在適當範圍只是淡一些應該更能突顯食材本身的味道粗麵跟平常麵店吃到的不同 也不是說這種麵是獨家只是平常我去的店大多不是用這種而已平常吃到的是麵條相對吸湯較多 軟一點這個是爽口帶滑 但這個滑不是麵條本身的滑而是麵條吸收湯的份量比較少 大部份是掛在麵條表面一種水滑的爽口 麵在湯裡久一點都不會太泡自己更喜歡這種提供的辣油不夠香 但下一點已經夠辣 畢竟這種油類少放更好熱檸茶帶三片檸檬 不苦澀 放一包糖喝到一半還覺得多放了這區的麵店越來越少 很多店都換上金鋪或連鎖店雖然這裡環境說不上好 但價錢份量適中 味道不錯而且感覺那位收銀兼照顧店面的員工有禮且有人情味熟客來買雲吞外帶 她悄悄多給沒有刻意讓客人知道若無其事收錢交上下次在這一區又想快快吃個麵 這裡將會是我的首選