Video
4-min walk from Exit B2, Tsim Sha Tsui / East Tsim Sha Tsui MTR Station
continue reading
Telephone
26032686
Opening Hours
Today
07:00 - 02:00
Mon - Sun
07:00 - 02:00
Above information is for reference only. Please check details with the restaurant.
大熱天時35度，帶住小朋友活動完之後，身水身汗，見到附近有元朗冰室，一於入去醫肚。餐廳嘅裝修主要以黃色為主，感覺精神有活力。打開餐牌，有很多不同嘅選擇，由一般茶餐廳嘅食品，到小朋友喜愛嘅菜式都有，正值下午茶時間，我哋一於試多幾款一齊食。咖喱牛肉意粉牛肉嫩滑彈牙，意粉啖啖掛上香濃嘅咖喱汁，咖喱汁唔算辣，大人小朋友都食到。招牌厚豬扒上枱發現塊豬扒size大過我隻手, 唔單止大，還要是厚厚的。入口香脆啖啖肉，滿滿嘅肉汁，香氣四溢。素菜pizza配薯條是日pizza是素菜口味，上碟時小朋友見到已經心心眼😍，我哋一人一塊，食落有驚喜。批底香脆，配上三色椒及菠蘿，香甜爽口，小朋友食唔夠。和風雞肉披薩 小朋友要encore 🍕, 試埋佢嘅和風雞肉披薩。全個pizza有八件，雞肉配上和風醬，加埋脆脆嘅餅底，一人一件好快又食晒。冰室一口西多士一口西多士外脆內軟，配瀑布煉奶及朱古力醬喺面，切好晒一粒粒size剛剛好，小朋友食到舔舔脷，如果多啲朱古力醬仲正。禾味燒BB鴿外觀色澤光亮，散發着脆皮香氣，入口皮薄肉嫩，配上淮鹽，提升乳鴿口感層次。沙嗲牛肉包嫩滑彈牙嘅牛肉，配上香濃嘅沙嗲醬，再放入剛焗好香脆嘅熱狗包內，入口沙嗲醬滿滿的近乎爆出嚟，夾埋熱狗包吃剛剛好，口感大滿足。鹹魚雞粒炒飯炒飯夠乾身，粒粒分明，配上爆香咗嘅鹹魚粒及雞粒，每一啖都有唔同嘅口感，層次分明，一人一碗好快又K.O. 哂照燒汁鰻魚丼小朋友想食鰻魚，煎香嘅鰻魚面上鋪上厚厚嘅鰻魚汁，香滑綿綿，配上海帶、粟米及配菜，大家表示食完飽飽。總括而言，價錢大眾化，性價比高；夏天熱熱，坐得舒適。小朋友最鍾意食佢個比蕯，絕對係厚切豬扒以外嘅另一小驚喜。
continue reading
👱🏻♀️即興快閃約班friend出嚟食個晏🍴我哋要就返工嗰個😅所以就係佢公司附近快食🥳估唔到平時大家都咁難約😅反而傾傾下突然之間大家有OK噃👍雖然只係短短個零鐘⏰但係大家都好開心呢❤️🐽招牌厚豬扒：呢個厚豬扒外面煎得幾香👍豬扒口感肉質鮮嫩💯必食✅🧇奶油豬：未見過咁大塊奶油豬呀😍我地叫左烘底🔥即叫即做🈵黎到咬落去係脆卜卜添💯🍜沙嗲牛肉即食麵：呢個係我任何時候去茶記都忍唔住要食嘅沙嗲牛麵👍唔錯✅🐖和風叉燒拉麵：估唔到呢度會有和風叉燒拉麵🍜朋友勁鍾意豬骨湯🥳除咗叉燒🔥其他配菜都算多呀🥳🐮干炒牛河：不過不失✅牛肉份量都算多😍肉質嫩滑❤️🐷焗意式厚豬扒飯：呢度豬扒係signature💯所以我哋二話不說就叫左呢個焗豬扒飯👍果然一樣咁好正🈵🦆禾味燒BB鴿：估唔到冰室都有乳鴿食呀🦆即叫即炸🔥又香又脆👍每人半隻✅個個都食到津津有味呢❤️🧋紅豆冰：最愛紅豆冰🫘呢杯仲有好多紅豆添👍☕️熱鴛鴦：奶茶咖啡味道平均👍好香呀❤️☕️熱奶茶：茶底夠味👍個人口味喜歡多奶🥰🍹凍檸茶：茶底夠濃👍凍飲檸檬茶都一樣咁正💯
continue reading
港式茶餐廳，係永恒既經典，價錢又貼地，餐餐食唔厭。介紹下我呢排既新飯堂 —✨️ 元朗冰室🩷之前都唔知原來佢主打厚豬扒轉新工後，因為佢近，好食，價錢又ok，都食左好多餐。✨️招牌厚豬扒作為厚豬扒專門店，招牌厚豬扒係必試！超大塊又厚！大過我既手板！！肉質軟稔嫩滑，簡單經典港式調味，唔會過咸，又唔會太油膩，呢度既厚豬扒係優勝既！✨️奶油豬信我，要叫！會令人有驚喜之選！唔係平時圓圓的豬仔包嗰種，好x大奶...油豬！🤣😆滿滿牛油同煉奶，咸甜交織。正爆！🧈 🌅 早餐推介 早餐時段想食啲簡單又滿足嘅港式滋味？🍜 金牌沙嗲牛肉即食麵 港式風味，食極唔厭。牛肉片份量算不錯。 🌞 下午茶推介 🧇法蘭西多士法蘭西多士係下午茶必點，我既至愛！🍗 炸雞脾炸雞脾又係茶餐廳經典！呢度質素都唔錯，冇得輸💥 🌙 晚餐推介 晚餐時段選擇更多！！🥢干炒牛河10次有6次都食佢。鑊氣十足！河粉炒得乾身爽口。仲有鐵板、叉燒、禾味燒BB鴿呢d港式經典選擇！佢選擇多到，有次一個鐘意食鰻魚既朋友，竟然去到茶餐廳都有照燒鰻魚飯食！😆 飲品搭杯奶茶/凍檸茶/紅豆冰，經濟地道，黎呢度無錯！
continue reading
元朗冰室在尖沙咀鬧市，餐牌上多款道地港式美食，店員快速地為顧客上菜，展現冰室的高效率。香炸雞脾及厚豬扒的香氣交織，下午茶的菠蘿包，加上下午茶的絲滑奶茶，令人垂涎。沙嗲牛肉麵沙嗲味道濃郁，是港式經典風味。牛肉經過沙嗲炮製，肉質鮮嫩，沙嗲醬帶花生的香甜，湯底醇厚，麵條吸收後，啖啖惹味。奶油脆豬脆豬焗至金香酥脆，奶油的香氣融入麵包中，香甜的煉奶，讓人回味無窮。DOUBLE厚豬扒飯
厚豬扒份量驚人，豬扒軟腍多汁，外層煎至焦香，肉質油潤。飯粒吸收了香蔥油，每口甘香開胃，配一口厚切豬扒，美味吸引。菠蘿油脹卜卜的菠蘿油，外脆內鬆軟，夾著一塊厚厚的牛油，逐漸融化，又甜又咸的組合，十分邪惡。照燒汁鰻魚豬骨湯烏冬鰻魚香甜嫩滑，配上蜜甜照燒汁，鮮美可口。煙韌的鳥冬，掛上醇厚的豬骨湯，口感圓潤，令人滿足。厚豬扒配魔鬼醬脆豬包香脆的脆豬，包裹著厚身豬扒、生菜及蕃茄，大口咬下，厚豬扒肉味香濃，魔鬼醬帶微辣，口感豐富，讓人欲罷不能。紅豆冰甜度適中，紅豆綿密，配上濃郁的椰汁，香甜細膩，夏日享用，倍感清爽。禾味燒BB鴿BB鴿外皮焦香，肉汁幼嫩鮮香，連同少許油脂，豐潤的肉汁散發，令人回味。香炸雞脾沙律炸雞脾新鮮熱辣，外皮脆卜卜，香嫰啖啖肉，非常誘惑。配上清爽的水果沙律，清新多汁，舐舐脷指數高。
continue reading
之前食過【元朗冰室】既早餐覺得唔錯，今次就試下佢地既下午茶+晚餐係唔係都係禁高質。元朗冰室主打厚豬扒，所以一定要試下。厚豬扒：豬扒厚切大塊，肉質軟滑唔乾柴！非常入味、連醬汁都完全唔需要落、經典港式風味～金牌沙嗲牛肉即食麵：沙嗲醬香濃帶微辣，牛肉片嫩滑，公仔麵煮得啱啱好唔會太淋。湯底濃郁，係茶記靈魂 comfort food！奶油脆豬：超級無敵大size豬仔包烘到外脆內軟，掃滿牛油同煉奶，邪惡到震！熱辣辣上枱，脆口香甜。禾味燒BB鴿：乳鴿燒到皮脆肉嫩，醃得入味，撕開肉汁爆出！蘸少少椒鹽更提鮮就已經好夠。嫩滑炒蛋：炒蛋滑溜有鑊氣，簡單但考功夫，搭配脆豬或者三明治一流。焗意式厚豬扒飯：厚豬扒鋪滿茄汁芝士焗到拉絲，飯底吸飽醬汁，酸甜開胃。抵食大份。沙爹金菇肥牛炒烏冬：烏冬炒得乾身有鑊氣，肥牛嫩滑，金菇索晒沙爹醬，惹味到停唔到口～芝士咸牛肉三明治：烘底三文治夾住溶化芝士同炒香咸牛肉，熱辣辣咬落去，鹹香濃郁～凍檸樂：解渴必飲
continue reading