Yukkuri

Open Now

Now Closed

近年九龍城開左好多咖啡店，呢度暫時係係最新，之前經過係門口窗仔望過入去，好靚，今日決定入去試下。睇過門口餐牌，食飲種類唔多，一入到去已經忘記左係入黎食野，裝修得太精緻，日式茶道裝潢，店主將舖位分為兩邊，出面放左好多擺設，入面只放左五張枱，環境舒適到形容唔到，店員細心介紹餐牌內食飲品，落完單後忍唔住出返門口位參觀，好似去左藝術館咁，影完相岩岩好返去坐底食野，叫左個麵包定食，係酸種麵包，個羽衣甘藍餐包幾特別，另外叫左杯季節茶，終於有間叫茶飲既地方唔係用茶包，店員仲細心講話如果飲完可以再加水。舖頭位置雖然係太子道西，但入到去就有種好寧靜既感覺，有時間一定會再去。

Pushing open the pre-war French oak door, time seems to go back to the past here with all the beautiful antique utensils. Sunlight from outside lightens the aged wood with different grades of shades, adding extra softness to the space. Walking inside a darker space where the cafe is, customer’s eyes and soul and tummy can get healed here. In terms of F&B, I would rate their drinks with higher score than their food.等到變成了舊店才到訪的美店😆推開戰前的舊法國橡木門 在這裏時空彷彿突然往後退 滿眼是古道具室外陽光打在古木家具上的濃淡明暗 再為這空間再增添了一絲柔和感入內光線

九龍城新cafe，白色外牆加橡木門相當低調，如果唔係睇到餐牌可能就錯過左。店鋪分為兩個部分，一入去係賣物部，放滿木製傢俬同日系器皿等古道具，令人目不暇給。穿過拱門就到燈光昏暗嘅用餐區，朋友講笑話好似穿越左咁。四人枱係方枱，二人枱係圓枱，唔可以自選位置。用餐區氣氛靜謐，可惜嘅係餐桌旁嘅吊燈同視線同一水平，雖然影相好靚，但我地坐左一陣雙眼已經有殘影。食物方面，欣賞佢有唔少純素甜點，而且配搭頗有心思。留意逢星期四中午開放訂位，位置有限walk-in應該較困難。🍽紅豆厚切吐司 $60吐司相當有厚度，口感煙韌，可以一絲絲扯出黎嘅感覺， 紅豆仲食到原粒嘅口感亦唔太甜。
🍽忌廉夾心麵包 $45麵包烘至皮脆，純素忌廉輕盈唔甜膩，完全唔係平時麵包店食到上顎成片油嗰種忌廉軟包嘅感覺。🍽甜點定食 $80玫瑰荔枝海綿蛋糕：玫瑰味濃幾清新 ，好似有層果凍，甜左少少。柚子味噌撻：撻皮鬆脆出色，柚子味濃，味噌味唔明顯。
豆腐泡芙：餡同泡芙質感都好出色。🍽白川 (栗子檸檬撻) $75賣相美觀不在話下，純素撻都做到咁鬆脆唔容易。栗子蓉配檸檬撻呢個配搭幾新鮮，食落都幾和諧，不過檸檬嘅酸甜味始終較搶，建議先試清楚栗子嘅味道