味火鍋 (雅仕洋樓)

頭盤選擇唔洗成枱都一樣，比較flexible👍🏻餐廳員工服務好，好難得喺香港地有間餐廳係個個都會識笑👍🏻食材新鮮👍🏻仲要無限時，坐成晚，食成晚，飲成晚，都唔洗$400，性價比高👍🏻值得推介。

天氣凍緊係整番個邊爐，聽人講啲間無限時火鍋好好味，所以就嚟試吓。開頭揀咗兩日都冇位，終於book到星期日試下。試咗佢地新頭盤彿跳牆，真係好出色，湯料好足，鮮甜好味！另外朋友食芝士焗龍蝦都好好味。再嚟個一次性海鮮盤，非常新鮮！完全值回票價。安格斯牛拼盤都同樣好新鮮，好有牛味。湯底呢我哋就揀咗花膠雞鍋，好多花膠同有一隻烏雞。見到佢哋呢個湯底就知道餐廳好認真製作每一樣嘢。仲有粟米唔知點解咁甜，我都未食過咁甜嘅粟米所有食物都好好味道，又無限時，可以慢慢食，唔使趕頭趕命！真係值得推介

朋友熱烈推介，又想暢飲暢食，所以初嚐無限時及放題的打邊爐放題。天寒地凍最好是打邊爐。友人精明策略地自選頭盤，試蠔及龍蝦，四人可試多食品。大家談及價格已加價⬆️，心想食物價格上升，總算可以接受。坐下層沒有人提供朋務 （只可等店員下一次經過），經多次催促，總算上了其他食物🥘。下完單提供QR code 作為放題點菜，點了幾樣結果是等了又等，都未上菜•⋯天寒地凍，沒有食物，再次催促叫上菜。食物到了，上枱食物又唔齊。惟有再order 不足食物，結果又是沒反應，再次追單，總算上了未解凍丸類。前後放題都只是加了數碟丸及小食，都要咁辛苦😓，食完一餐飯。天寒地凍著住羽絨打邊爐，不但服務差，更要抵受店員西面服務。此次飲食體驗，no next time。從來沒有試過這樣差到極的態度及服務。本來參考好評推薦而入店進食，惟獨希望大家不會有此經歷，貼錢買難受。😭😭😡

店員一開始傾電話服務態度已經好好 我地兩個人都可以係聖誕正日安排到卡位 由於趕時間 同佢地講order可唔可以快啲 其中一位待應女士超有交帶 真係好快上哂啲野 期間仲不斷行埋黎睇下有咩幫手食物質素方面都係一流 一開始既前菜個醋番茄同炸雞軟骨已經好好味 雞煲唔會太濃味 飲品更加有驚喜 竟然有唔同味既樽裝氣水！ 之後既海鮮盤都好新鮮 隻鮑魚仲郁緊 帶子都好甜 包左既安格斯牛有唔同部位 多到食唔哂 總括黎講好驚喜好滿足 三百蚊頭竟然可以有啲咁既服務同埋食物質素 一定會再黎！！

一家大細11人飯局之前食過性價比最高，就是那個芝士焗龍蝦今次再食。已經不再新鮮。同埋龍蝦芝士好厚其他手打丸類及海鮮牛肉也能保持水準。小朋友倒瀉水有位瘦削身形的叔叔。好認真的清潔返笪地招呼不錯，因為訂了VIP房邊爐鍋的，時常乾沒有人入來加水。其他也很滿意。

有朋友極力推薦這間味火鍋，剛好有兩位朋友生日要食生日餐，所以就決定試呢間，裝修幾特別，而且座位寬敞坐得舒服，因為我們有九個人，餐廳特意安排了房間給我們，非常細心！這是任食的我們六點開始入座，食到10點！因為有九個人，所以我哋可以試齊酸菜魚、魚肉嫩滑，酸湯非常夠味，好味道我哋連湯都飲埋。雞煲~用自家製秘製汁去炒非常惹味,雞肉嫩滑不鞋口，吸收咗濃杰嘅秘製醬汁好好食。芝士焗龍蝦～ 新鮮彈牙，加入大量濃郁嘅芝士一齊焗超正。到達芝士焗生蠔~又係落大量芝士同焗，生蠔非常鮮甜肥美。每人試少少不敢食得太飽，因為之後仲有重點海鮮打邊爐！非常推介手砌牛很美味九個人可以開兩個喎，要咗一個鴛鴦鍋，一邊冬陰功一邊同椰子雞湯底，冬陰功湯底超級夠味，食材都唔使再點醬料，椰子雞就冇乜特別！除太量醬料任你溝之外，仲有大量汽水任攞任飲。最後個個都食到捧住個肚話飽，嗰陣時間都只不過係8:30，大家都不約而同話下次再嚟呢間食，最重要係不限時間，而且性價比超高！

之前朋友介紹味火鍋，一直book mark左今次朋友生日終於可以去試，本來唔鍾意食火鍋嘅我朋友生日所以一年都會食一次，呢間火鍋好特別有三部曲今次我揀咗龍蝦朋友揀咗芝士焗蠔，另一個朋友揀咗酸菜魚，可以大家試唔同嘅嘢，每樣食物都好足料好新鮮，以$339一個人真係非常超值，我幾個朋友都非常之讚，而且值得一提嘅係佢哋服務一流香港而家大部份嘅食肆都冇乜心去做，但係依間味火鍋每一個同事都好有禮貌好有熱誠走嘅時候我仲同佢哋講叫佢哋要加油我一定會幫佢哋寫食評，所以夜晚返嚟即刻急不及待就寫希望多啲人去食，因為呢間真係唔錯，仲要冇限時我哋最後坐到11點，好嘅嘢一定要大力大力咁推和介紹

經朋友介紹，book左星期日19:00好滿足，埋單連埋加一$7xx兩個人🤭🤭食完頭二部曲（海鮮 + 牛肉）已經飽左🫨不限時，有圓枱有卡位坐，傾計聚會一流🤗服務人員經常執枱，加湯👍🏻

經過尖沙咀亞士厘道，見到一間無限時任食「味火鍋」，好似好正咁🤩.芝士焗波士頓龍蝦（半隻）🦞龍蝦表面鋪滿芝士🧀️ 味道濃郁鹹香，龍蝦厚肉大隻👍🏻鮮甜彈牙😆伴有小沙律🥗.芝士焗美國生蠔(3隻)🦪生蠔Juicy😗芝士唔會搶走咗生蠔鮮味😌同樣有個小沙律😉.鴛鴦湯底🍲揀咗養生牛肝菌湯鍋同日式豆乳海鮮鍋💁🏻‍♀️牛肝菌湯比較清淡☺️但充滿牛肝菌味🍄豆乳海鮮鍋同樣較淡味🥛主要係豆乳本身嘅味道.精選時令海鮮拼盤🌊賣相精緻😍有新鮮鮑魚、蟶子皇🐚廣島蠔、新鮮龍躉片🐟沙白、新鮮海蝦🦐墨魚🦑自家製手打墨魚丸、自家製手打蝦丸、日式蟹棒🦀全部海鮮都超新鮮又大隻💯海蝦鮮甜結實，鮑魚同蟶子彈牙多汁😋.美國安格斯牛肉拼盤🥩有手切牛小排🐄牛肩胛🐮封門柳、牛板腱🐂幾款肉肉味重，肉質嫩滑又有咬口🤤.蔬菜拼盤🍽️有生菜🥬金菇、秀珍菇、娃娃菜、南瓜🎃芋頭、粟米🌽番茄🍅.火鍋配料🍢美國肥牛、特級黑豚肉🐖黃金麻吉燒、灸燒芝心包🫕自家製鮮蝦水餃🥟濃芝豆腐燒、生菜、番茄、蘿蔔🥕薯粉等🍜.四式前菜拼盤🥢有手拍青瓜🥒中華沙律💚酸辣雲耳、炸雞軟骨🐓.飲品🥤有茶類飲品🍵果汁飲品🧃汽水、涼茶飲品🥥

朋友介紹去尖沙咀味火鍋，食材非常新鮮，特別是海鮮又大又鮮，最開心的是冇限時任食。當天我們先吃了前菜小食，之後我們選了芝士焗蠔，接著吃了預定的海鮮併盤，之後就可任點其他限定的火鍋料，最後還有雪糕，真的大滿足啊！

火鍋店環境乾淨企理，職員服務態度好又貼心，火鍋食材好，海鮮、牛肉、餃子、蔬菜、手打蝦丸墨魚丸，以及各樣配料都不錯，點讚還送上雪糕，更難得有樽庄可樂/忌廉，值得推介這家火鍋店比大家。

好好味😋好抵食👍海鮮好新鮮👍湯底選擇多👍頭盤4款都好好味😋飲品選擇款式都好多。價錢又唔貴，座位都算座得舒服，地點又唔難搵。不過如果伙記可以多留意每枱嘅需要就會好啲因為座到好入嘅位置每次叫加湯或收拾都要行出去叫或等好耐先有人嚟做。但伙記服務態度都係好有禮貌的。

一年四季都愛打邊爐，如果一大班人無限時任食更是我首選，吹水吹幾耐都唔怕😁味火鍋 無限時之外，仲有送四川麻辣雞煲、芝士焗波士頓龍蝦、黑松露芝士焗生蠔、酸菜魚，每位揀一款✅食哂之後叫湯底打邊，有成10款湯底選擇，例如藥膳醉雞鍋、大排檔豬骨鍋、養生牛肝菌、日式豆乳海鮮、泰式冬陰功海鮮等等，我就揀咗鮮蕃茄豬骨濃湯🤤我超愛蕃茄，佢個湯底非常香濃，勁多蕃茄，不用點醬汁都非常夠味👍🏻👍🏻👍🏻未點菜前會有巨型海鮮拼盤+安格斯牛肉拼盤送到，跟住再QR code落單點其他打邊配料😋

呢間火鍋真係性價比高🤣就係三百幾蚊就可以食到啱啱新鮮嘅火鍋，而且係無限時嘅放題，真係唔駛擔心唔夠食！最令人興奮嘅係你仲可以食到芝士焗龍蝦，真係滿足口腹之慾🫶🏻餐廳環境都幾好，整齊淨俐，冷氣又夠凍，唔會太熱😎係度打邊爐真係舒服🫕首先，我哋揀咗芝士焗龍蝦。龍蝦新鮮，又大隻，入口有啲彈牙，同芝士結合落嚟，滋味濕潤鮮嫩，好好味🦞然後，我哋揀咗自選湯底，鴛鴦 湯底不用加💰！麻辣鍋，豆乳海鮮鍋選擇真係多得嚟有啲微辣，啱晒鍾意香辣味嘅人！🥳皇牌火鍋拼盤，真係好多選擇！海鮮拼盤有啲係冰座底，好靚啲，尤其係海蝦超大隻，爽口有咬勁😜佢地呢度牛肉拼盤都唔錯每塊牛肉都好嫩滑特別係手切牛小排，食落夠嫩，牛味濃郁唔好忘記火鍋嘅配料，有啱啱蔬菜同麵類啱晒食火鍋嘅心情飲品方面，選擇都多，特別係細支裝汽水，令人驚喜，可以隨心選擇！呢間火鍋真係好抵食，係品質同選擇上都表現出色，值得一試！

每一/2個月都會同朋友一齊食飯出來吹下水！今次去番老地方！ 鐘意佢無限時，地方又乾淨舒服啊野食照舊新鮮熱辣嘅！牛仔今次吾肥！ 岩岩好！ 仲係靚貨來既！再加單果啲就係普通牛…就真係好普通😆海鮮依舊新鮮！夠晒肥美！唔知係咪啲蠔用咗本土蠔金屬未沖咗😂