飲嘢 (Closed)

一個人閒遊大埔，突發現這間小店餐廳的名面裝潢近乎台式，再看內部，這似乎是間個讓人偷閒和與三五知己暢談的好地方。厚奶緹綠,飲品面頭既鮮奶泡沫就係奶緹，質感綿密，有點點鹽味。厚奶緹綠而底下既綠茶，茶味清新又濃(唔係苦澀果種，只係對比返連鎖店既茶味更出)而且仲係大大杯，無需額外加冰，好抵飲呢個深海拼盤，有魚手指，魷魚圈同墨魚丸。當中最特別既係墨魚丸，佢並唔係用一粒粒果隻款，而係用墨魚肉，類似返墨魚滑，口感相較彈牙而魚手指都比得幾多，整體黎講性價比都唔錯

去飲野，叫左杯熱咖啡，好大杯，不過睇落就麻麻地，唔知飲落會唔會有不同，飲左啖，好淡咖啡味，水多過啡咁，唔多似咖啡，如對咖啡有要求既朋友就未必啱！層次問題....................下次可試其他，其他可能會好D....

很多年後,大埔依然有她的存在,但已不是我最愛的地方這天因為公事突然來到這個熟悉而陌生的地方我這位客人是大埔區著名的土豪,特意要我來這兒跟她說明公司的業務,還指明要找一家較多年輕人的餐廳,打電話問問朋友,才找到了這一家飲野沿路走著走著,滿載是她的回憶,火車站旁的公園依舊沒變來到餐廳,先點一些小食等待那位麻煩的客人喝了一杯熱的普洱奶緹,味道濃郁中帶點CREAMY甜味,相當有趣不過熱飲要慢慢喝,慢慢享受,可惜眼前卻只有我一人,無人分享終於等到客人來了,說了一堆無意義的開場白後,小食來了薯條十分香脆而粗大,口感味道都不錯,是認真制作的東西雞翼肉質嫩滑,味道不算太強烈,但入口也是不錯吃過東西後,跟客人解釋一番,又到了傍晚,跟客人道別後便回家去了

炎炎夏日,不是有事也不想下午外出,碰巧這天就是要跟舊同事研究一些工作上的問題,所以來到大埔沒有約好再那兒等,所以先到先找地方坐下,這天不幸是我早來了附近沒有坐得舒服的地方,所以找了這家餐廳坐下等了半小時舊同事終於來到,天氣炎熱所以先點飲品我喝了一杯符碌特飲,味道像檸檬爽打,感覺清爽,而且相當多氣,所以解渴感十足,份量也相當大,足夠讓你坐足半天朋友喝的是厚奶緹普洱,濃郁的普洱上有種creamy的感覺,味道頗有趣,不過凍飲茶味較強我則不太喜歡就這樣坐了半天,時間真是很快

星期日原本打算去大尾篤燒野食,不過天公不造美,落起大雨,黎到先話取消,無辦法之下去左朋友屋企玩左一陣打左一陣機,就落左樓外食D野,放假周圍都好多人,所以我地都係搵左一間無咁多人既餐廳入到去原來剩係食小食,好在我地之前食左小小零食,唔多肚餓食左個扭紋薯條,估唔到幾好食,薯仔味好強,應該用D靚薯仔,食起黎又好脆炸得唔錯,金黃色,好過出面果D黃金薯條而且都幾大份下,我地2個人食完真係飽飽地跟住叫左杯梳打,都幾解渴,檸檬味幾重好大杯,唯一缺點係酸左小小,可能我唔慣太酸既野掛埋單2個人都係100蚊左右,都算幾平唯有下星期睇下可唔可以燒野食啦

放假同朋友黎左大趙踩單車,踩完之後成身濕曬,所以上左佢屋企沖完涼,換件衫再落街行下行左一陣超級城,依度仲有好多女仔衫睇,好開心買左D衫之後,就同朋友去左飲野去左一家飲台式飲品既餐廳,拎住太多野所以坐一坐飲左杯青檸特飲,青檸幾重,但一D都唔酸,所以幾好飲同埋好大杯,咁大杯都係$36,好抵飲完之後好解渴同埋佢唔多冰,所以唔驚佢溶左同埋好鍾意餐廳依個鐘,好得意,依度燈光好光猛,好適合傾計

- 呢次去大埔睇鳳凰木，途中見到間幾有趣既飲食店鋪，又熱到死死下，就比『飲嘢』兩隻大字吸引左入去，..............................  - 門口有幾分似歐陸式既餐廳，而且門口仲放左ｄ牌，方便人望完再決定入唔入去，ｇｏｏｄ～  - 入到去店入面，環境十分企理，而且環境都幾寬敞，幾舒適：）..............................↑ 飲品List ;↑食品List ;  - menu方便明瞭，圖文並茂。..............................- 招牌拼盤 ;分別有三種小食；有薯角，一口炸雞粒，台式一口腸，薯角：　食得出既真薯仔味，而且唔會好油膩～一口炸雞：　配合沙律醬入口，香脆得黎又有幾分清新，而且都係鮮嫩既雞肉黎！台式一口腸：　雖然外皮有小小油膩，反而因為咁，佢啖啖都係香濃肉汁！，味道方面卻係唔錯～.............................. - 一口牛柳粒 ; 賣相幾精緻，而且味道方面仲幾有驚喜，因為ｄ牛肉粒唔單止有好豐富既肉汁，外皮咬落去仲脆卜卜，再加上有好鮮既牛肉味！配合燒汁入口，不可謂不享受：）抵讚！

約左好朋友傾計但又唔想去酒吧所以就試下朋友推介既飲嘢啦叫左個小食拼盤同飲品夾埋都唔洗$100好抵！飲品好正！我叫左金桔檸檬綠茶飲唔好清涼 金桔同檸檬 酸酸甜甜咁好正夏天飲勁正！飲完成個人都覺得好refresh !好鐘意佢調味調得剛剛好 唔會太甜 反而係由金桔同檸檬既酸配合甜味 小食拼盤既有炸雞粒、黑椒腸仔同巨型薯角腸仔個黑椒味好惹味薯角好巨形 但入面仲係好fluffy

今日去左飲嘢飲一飲嘢。叫左杯符碌果茶，超級fresh!呢幾日真係太熱啦，呢杯野真係成功幫我降火，飲完成個人舒服曬。好多生果係果茶度，真係真材實料！一入口，陣茶味好香，又唔會太苦，好好飲，生果味都溝得岩岩好，茶味唔會搶走生果味。一個字，正！一杯野飲，再叫多個深海拼盤，嘆住冷氣，呢種享受真係不得了。花枝丸好好食，炸物唔會油膩，好新鮮！好鐘意炸魚柳，魚肉仲好有水份架！好鐘意餐廳既氣氛，播住我鐘意既歌，飲一杯我鐘意既茶，食一碟我鐘意既小食，不知不覺，坐係呢間悠閒又有氣氛既餐廳已經個半鐘，真係好寫意。返完工，黎飲嘢飲杯嘢，壓力都冇曬！一個好好放鬆既氣氛餐廳，下次再黎！

香港依個天氣真係熱到就快令企鵝哥生存唔到，正常既企鵝已經生存唔到！不過鬼叫我百厭游左落黎香港流浪，前幾日去左大埔一帶搵朋友，因為熱到爆炸，佢帶左我依間餐廳仔飲嘢。而依間飲嘢就成為左企鵝哥遊歷香港美食第六站.間野個名都幾得意，就咁叫飲嘢，而隔離都有間share tea做生意，附近一帶又冇ok、7-11，依個位成為左飲嘢熱點唔出奇至中意佢有得坐係到嘆冷氣，買杯飲品係到梳乎下都唔錯，最緊要係大熱天時有個冷氣房舒舒服服，如果唔係企鵝哥應該會中暑。原來唔只有得飲仲有得食，都唔話得呀。咁熱緊係整杯冰爽飲品黎嘆下，唔係仲飲熱呀一口牛($46)上碟一共有8件，平均排列出一個圈，係想睇企鵝哥一粒粒咁送入口？牛肉味相當香濃，煎至岩岩外脆內嫩既口感，一咬落去牛味傳晒出黎，每件充滿煎香油份，油膩感點到即止，加上燒汁做配搭簡直一流，一個字：正！評分味道：9/10賣相：8/10抵食：7/10厚奶緹綠加珍珠($38)加左珍珠想食下個口感，不過珍珠咬落去韌韌地，而企鵝哥中意軟淋果種，而杯厚奶緹綠相當唔錯，上面一層厚厚奶緹，混合後清涼得黎又香甜，幾中意果種奶綠既口感，不過加左珍珠之後，大吸管唔夠長搞到愈飲愈落，有啲麻煩

下午茶時間行過飲嘢。坐底飲杯茶及食個小食吧!Weekday 好多中學生呢!差不多八成爆滿!點了凍的符碌茶。符碌茶$36符碌水果茶可以挑紅茶或綠茶底。今次選了綠茶底，比較清淡，水果茶小小一杯，其實用料十足，已有西瓜、菠蘿、青檸加上橙片連皮及檸檬片連皮。但也不會太甜。夏天消暑很不錯，份量也是大杯裝!它家拼盤都幾抵食。深海拼盤$58來個深海拼盤。有炸魚手指、炸魷魚圈及炸花枝丸。全都是即炸。炸魚手指有4條，超級滾熱炸起。炸花枝丸被切開、調味了。比我想像中好味!炸魷魚圈的炸漿也是咸度適中，魷魚仍是嫩口。幾個人過來傾傾計，飲番杯嘢，確實不錯!

住在新界區的人都會記得早幾年前也有流行一段台式料理飲品店，仙跡林、仙桃園，但近年以來好像都絕跡江湖，想一想以前小時候幾十元去吃午餐、下午茶，或者相約飲，絕對和長大了的飲不同。所以是日相約舊友聚會就選擇了大埔新開這家飲料店，坐位是很舒服的sofa，店內裝潢很別緻。很溫馨的小店感覺，不會很嘈吵。炸花枝丸$36 ～很大一份的花枝丸對半切開，灑上胡椒鹽和香草，配上番茄醬和沙律醬任君選擇～美味可口～飲品方面：棉花可可$34～濃厚的泡沫上有點咸味，應該加了一點點的鹽，棉花糖在泡沫上都不會沉下去，直到你攪拌，香濃朱古力奶，很大一杯，絕對能陪你消磨上一個下午～熱符碌茶$36～其實是水果茶，喝一口茶，也吃一口新鮮水果，茶不會苦澀，還帶上了果味，非常好喝！店員非常友善，選擇了餐飲後坐在位置上，店員會幫你送上。總括而言，各方面都很出色，絕對會有下次！

自從上次黎過之後，一直對呢到念念不忘。不過今次係自己一個人黎。由於食得太飽又勁口渴，好需要呢杯野飲黎消濟！當時已經11:40，專登打去問下幾點關門。幸好趕得切12點前去到！！！真係好想飲。<<金桔檸檬綠茶>>呢杯飲品，超級幫助消化！飲落感覺好清新！酸酸地嘅金桔配檸檬，味道獨特，十分好味。入面仲有話梅，為成杯飲品味道更增添層次。味道真心好飲，飲落成個人更refresh！係難得我會覺得好飲嘅飲品。

大埔燒完野食出返黎市區，當然要食埋糖水或者飲埋杯野先叫功德圓滿啦！行下行下入咗呢間裝修非常骨子嘅路邊小店。由於時間尚早，人流唔多。暗暗燈光，悠揚音樂，傾計談心都零舍舒服。以台式飲品為主，種類繁多，實在花多眼亂。最後揀咗招牌飲品－符碌茶。符碌茶者，Fruit茶是也。起初都有少少擔心會味道古怪，因為坊間實在太多怪味果茶…但招牌飲品喎，就試試佢！好好彩，符碌茶足料不特止，味道仲非常之夾，酸中帶甜，真係啱晒BBQ食滯咗嘅我！食埋杯入面嘅生果，BBQ放肆之夜終於都冇咁大罪惡感！睇真D原來用左青檸去調味， 所以就算焗得耐都唔會有檸檬既太多苦澀，同埋特有既青檸酸係同檸檬唔同，清甜之餘少少酸好鬼解膩。 成隻杯有成大半LITRE，食完野過黎想飲晒都唔係易事， 因為真係好大杯！

今天放半天假，於是來到大埔作半天遊，雖然下著大雨，但是在閒逛前先來一個下午茶。飲嘢位於舊墟直街，距離超級城有十多分鐘腳程。店內環境時尚優雅，有一個大大的鐘，座位尚算闊落。由於是下午二時多，食客不多，可隨意坐下來。在櫃檯前先拿下餐牌，回到座位詳細研究一番，當中以小食，麵食私為主，亦有三文治及飲品。點來腸仔蛋出前一丁（三十二個大洋），是一道很普通的食物，但是卻又很久沒吃過。腸仔皮香脆，內層軟腍有咬口，炒蛋並沒有蛋汁在內，與一般炒蛋無異，但是吃下卻又有點滑溜。出前一丁雖不是常吃，但是偶爾吃一個，滋味無窮，麵條不是太腍也不硬，淥得剛好。點來一客日式炸雞（三十二個大洋），作為今餐小食。雞件炸得金黃，而且還有少許香草在內，入口時雞件外層酥脆，肉質都結實，但又不失其滑溜之感，也有點肉汁在內。熱奶緹綠（三十二個大洋）是一款熱鮮奶加上綠茶的飲品，上層厚厚的熱奶，覆蓋著綠茶，喝一口熱奶，有種鹹鹹的味覺，亦具濃烈，但是之後卻又孌得輕度鹹味。而綠茶因沒混和熱奶，故喝起來是綠茶本身的味道。店子以港式食品為主，不失為一間歇腳的好去處，尤其逛街累了，可以稍作停留，休息一下吧。