任你點車仔麵 (Closed)

落雨天諗唔到食咩好，揸咗架車去九龍城睇吓有咩食。一落車見到有間車仔麵招牌好顯眼，叫「任你點」，見係食車仔麵橫掂自己又唔知食咩所以就入咗去食。入到去冷氣夠曬凍，可惜今日落雨，其實唔使開到冷氣咁大。點餐我就叫左好少車仔麵店會有供應既拉麵，再揀咗三個餸，分別係咖喱魚蛋、蘿蔔、墨魚餅。咖喱魚蛋好有咖喱味，feel到浸得好入味，蘿蔔好清甜，最好味一定係墨魚餅，聽講係自家製手打，成塊餅充滿着好多墨魚肉，咬落去真係啖啖肉，冇花冇假，而且非常煙銀有彈性，真係好鍾意呢個餸。嘢飲就有汽水檸檬茶等，最後我揀咗豆漿。總結三餸一麵連嘢飲都係$50左右，味道喜出望外特別個墨魚餅，湯底都係我鍾意嘅類型我揀咗牛腩汁。會再繼續來幫襯呢間車仔麵，因為仲有好多其他餸我仲未去試，包括好出名嘅招牌鮑汁炆花膠

成日聽朋友話九龍城係美食天堂，見咁岩行過九龍城見到間車仔麵就行入去試下。 一坐低就feel到冷氣好凍，好似入左雪櫃咁，但唔知點解隔離左右d人都好似無咩反應咁 拿起餐牌見到都好多選擇，眼闊肚齋的我簡左花膠，自家製水餃，菜同芝士丸。花膠出乎意料好大舊，而且又整到好霖。我最怕食d好硬花膠，所以煮到咁霖真係抵讚。湯底方面簡左個辣汁湯底，e到面款有好多選擇，我簡左一般鋪頭好少見拉麵 總括而言，我覺得d 餸夠入味而且份量都好大，會值得再入去encore多次

呢間好特別，有超多嘅選擇可以畀呢揀。仲有最重要嘅一點喺，超抵食，性價比好高。我自己搭咗一份公仔面＋手打墨魚餅＋豆卜＋生菜先３５蚊，分量又大。湯底都好好飲，唔係個種調料調出來嘅味道，喺有好濃郁嘅用心整嘅鮑汁炆花膠，好香好香。車仔麵都可以整得咁用心喺真嘅唔多見，而且又唔貴。

今晚 懷著肚餓的心情 拿拿林 去到這間車仔麵， 叫了 一個幼麵 再加上 花膠，牛腩，同埋咖哩豬皮 及咖哩魷魚，生菜。本應自己已經很肚餓， 應該 食什麼落肚都好好味，但是 當那碗湯麵來到面前， 我先夾起一塊花膠進落口， 誰不知 牙齒 感覺咬到有些沙 沙聲，肯定他們魚肚洗得不乾淨，再夾了一注面放進口，那些麵淥太淋了（ 沒有牙齒的老人家也可食到）， 再加上他們做的咖哩 太甜，整碗湯 就好像食糖水 一般無異， 平時愛喝湯的我，一口湯也沒放進到口，可能有些食客鍾意食甜吧！ 咖哩只有咖哩粉的味道，沒有精心炮製，但我就一定不喜歡。我諗我自己以後都唔會再來這間 任你點車仔麵 食麵 了， 除非佢在這個 openrice裏面 告訴大家知，他們已經改善佢哋嘅汁料和湯底。

車仔麵有好多間，但有特別的配料麵條湯底真的不多。這間車仔麵可選鮑汁炆花膠、韓式粉絲和酸辣湯底🍲。聽說花膠很好吃，但我不吃的所以沒點。我選了雞翼🍗、午餐肉🍖、糖心蛋🍳配酸辣韓式粉絲，酸辣果然很惹味，不是太辣。糖心蛋超好食！是日本拉麵的質素。雞翼和午餐肉與一般車仔麵一樣都好吃👍🏻$35 真是超值，而且很大碗，我一個女生吃不完呢。😙😙

細個對車仔麵既印象一向都係蘿蔔，魚蛋，紅腸，腸仔+麵，對住咁多款餸，媽媽永遠只準我揀2-3款，怕我今唔晒，又會浪費。。今日食車仔麵己經唔同晒，除左有永遠不敗既經典餸外，呢度竟然仲有矜貴食材-花膠。✌🏻✌🏻😂😂一個麵3款餸係呢度食車仔麵最低要求，唔同餸價錢亦唔同，而最貴的餸都只係$13，包括花膠。呢度可以叫既麵款有好多，今次我揀左食韓國粉絲，而家姐就揀左薯粉，大食瑤就揀左烏冬。至於餸方面，我叫左永遠不敗的蘿蔔 （車仔麵必食的），豬軟骨同豆腐魚腐再配蕃茄湯底，家姐就有魚片頭，貢丸同墨魚餅配蕃茄湯，而大食瑤就㨂左日式叉燒，雞翼同牛腩（肉肉肉肉。。肉），睇到呢度係咪好奇怪點解我無叫推介的花膠呢？原因係我地3個都想食，如果3個人都叫嘅$13x3 =$39，而淨叫一碟係$32，睇到呢度，識叫就一定叫一碟開心Share 啦！🤪🤪🤪🤪 我地仲加左個無汁生菜，因為家姐極力推薦生菜㸃花膠汁，食落又真係幾好食！👍🏻👍🏻講下我個韓粉先，超好食，我仲要配蕃茄湯，啲韓粉索晒啲湯，好好食，索晒啲湯，唯一唔好就係要同佢鬧快，我就係唔夠快，結果啲湯就無晒。🤦🏼‍♀️🤦🏼‍♀️🤦🏼‍♀️ 豆腐魚腐好好食，好香，蘿蔔無渣，好甜，

今日想食車仔麵，咁啱去到九龍城遇上呢間小店，加上佢門口嘅招牌又夠吸引，所以就入去試吓。小店屬於小舖式經營，相信繁忙時間應該擠得水泄不通。不過，這也是香港小店經營的特色吧！反正我係嚟“賞及嚐”麵的，環境都係其次嘞！餸的款式很多，由港幣七元起，價錢算大眾化吧！值得一讚，小店很有心思，讓食客用雙頭筆於過膠的點餐咭上自選車仔麵，膠的點餐咭可以循環再用，既環保又可以節省小店的開支，一舉兩得！主角终於出場，呢碗揀咗豬腸、豬皮及鱿魚，米粉湯底。湯頭清甜，加埋腩汁更加惹味。豬皮入味得嚟，仍然爽口彈牙。魷魚份量很足，可見老闆大方，绝不吝嗇。豬腸非常出色，洗得乾淨，入味之餘又稔，仍不失咬口。仲可以揀乾撈，呢碗係雞中翼丶魷魚、花膠及蘿蔔，乾撈烏冬。雞中翼以瑞士汁調味，花膠及蘿蔔炆得夠稔。但乾撈烏冬遠不及撈粗，可能小店用上的烏冬較稔身（一般街市貨色），而不是日式那彈牙有咬口的烏冬，所以較失色吧！食車仔麵最緊要配返支樽裝可樂，加配$7就有一支大樽可樂，既消暑又解渴，非常夾配。總括而言，論食物質素、款式選擇及價錢，此店確實一試無妨！

每次嚟到深水埗都一定搵到好嘢食，今次都唔例外行到福華街見到呢間車仔麵見到入面好多人，其實原本諗住食第二間車仔麵既，不過決定比次機會哩間試試佢先，我嗌咗「日式糖心蛋」「瑞士雞翼」「日式叉燒」同埋糖心蘿蔔配米粉朋友嗌咗「日式糖心蛋」「瑞士雞翼」「蠔油冬菇」配河粉。呢度嘅服務態度好好，啲姐姐全部都好有禮貌，食物質素又好好，粒糖心蛋超級好食，瑞士雞翼好入味，完全一啲都唔馬虎，日式叉燒有驚喜。呢間車仔麵已經列入左我係深水埗第一位嘅餐廳

有時喺九龍城夜得濟唔知食咩好，都係會黎呢間食車仔麵。因為佢平得黎又好食，而且上菜速度快。蕃茄湯底，好濃郁嘅蕃茄味，魚蛋都大大粒的，牛腩都好足份量，真係好好食。漢堡扒吸哂湯底嘅味，好正。沙嗲湯底，有新鮮嘅生菜，白菜餃，同叉燒

香港美食裏面，我就最鐘意食車仔麵啦！最開心嘅係同朋友去食嘅時候，可以叫唔同嘅餸，大家交換食，叫三個餸就可以變做食六個餸啦！第一碗車仔麵叫左米粉，配料有蘿蔔，豬腸，雞翼，咖哩豬皮等。湯底係沙嗲汁同腩汁，雖然有兩種汁，但味道都唔算好濃，鐘意食濃味嘅朋友未必啱你。米粉正正常常，蘿蔔清甜夠淋，好味！咖哩豬皮入哂味，爽口彈牙！其他配料就一般啦。另一碗車仔麵叫左烏冬，配菜有手打墨魚餅，餃子，咖哩豬皮等等。湯底係蕃茄湯，蕃茄味道夠，唔錯！餃子大大舊，味道亦平衡，幾好味。值得一提嘅係手打墨魚餅，食得岀同岀面機制嘅墨魚餅唔同，墨魚味十足。呢個咖喱魷魚望落顏色好靚，份量亦多。食落無想像中咁有味道，魷魚亦有點過熟。如果咖哩汁濃啲就好啦！食飽哂都唔貴，叫埋小食一人都係60蚊多啲，係抵嘅。

中女獨食難肥日誌 呢間車仔麵深水埗起家，依家九龍城插旗，最出名$13有花膠食喎，骨膠原對女人好重要喔！食得出係有心嘅車仔麵！三餸車仔麵 豬紅花膠溏心蛋韓式粉絲$39溏心蛋又入味又流心，必食！豬紅唔會一夾就散最好味係大大塊花膠（雖然係由小花膠製成）但真係鮑汁炆到入哂味，枱枱客都叫真係必食！嗜辣叫左麻辣中辣，大約譚仔小辣，香辣惹味，仲有蒜香，麵底有得揀韓式粉絲索哂湯汁推介

第一次寫食評就咁負面。。。真係一肚氣星期六 (5/1)見有位，想吃個靚靚車仔麵，款式多又新奇，叫了酸齋，點餐時向短馬尾大媽表示"分開上呀唔該!"短馬尾大媽: 唔得喎我︰唔米想D湯浸走D味短馬尾大媽:冇得咁架喎，說時已把餐牌 (亦是點餐紙交返俾我)我: 咁我唔要酸齋了短馬尾大媽:我地D酸齋有倨醬點架~~~我: (心想你早講呀!) 咁照要啦~~~~麵多了，大件夾好食, 但湯有點清，問短馬尾大媽想加D汁短馬尾大媽: 咩汁呀?我: 腩汁辣汁果D呀短馬尾大媽: 點餐紙(佢地係餐牌上點餐, 點左餐佢就收左你餐牌)一早寫左啦~我: 係呀, 你俾張點餐紙，我話你知加咩汁結果問左兩次短馬尾大媽都冇俾餐牌我，我便拿住碗自己同廚房講加汁!!!)唔知係咪踩親短馬尾大媽條尾~食到一肚氣! 但見其他員工都好好人，好友善，相信短馬尾大媽係害群之馬!

話說九龍城都多嘢食 🤑😍但偏偏食車仔麵既選擇唔多。😅今次見到呢間車仔麵係深水埗都有分店😂於是來呢度食下先😛有鮑汁花膠 牛腩 雞翼呢三類花膠好入味 好霖好好食😍😍 但我嫌牛腩得幾舊同價錢有D唔對比lor 食落好韌 唔霖 一般般啦😟而最後雞翼係幾正既 好入味 👍👍👍同文記車仔麵招牌雞翼有🉐️比較🤤湯底正 濃厚 香辣 整體唔錯🤫最後嫌棄價錢偏貴 同深水埗總店還有點差距 希望下次食可以有改變🤑🤗😶🤗

黎九龍城食宵夜，選擇左尼間「任你點車仔麵」。佢標明無味精。我今次叫左蘿蔔，手打墨魚丸，仲有鮑汁炆花膠（個個過黎食都點尼個鮑汁紋花膠）。我食車仔麵就一定要食油面。湯底選咖哩汁。首先個蘿蔔清甜多汁。而手打墨魚丸彈牙，墨魚丸入面有墨丸肉，味道相當唔錯。仲有佢既鮑汁炆花膠，膠質重，軟林林的，相當野味😍😍。唔怪得甘多人都點啦，仲要$13有甘大塊。真係必點推薦呀。我都愛上。仲有佢既咖哩汁真係不得了，真係好辣嫁。令味道更濃郁更野味。成碗都好好食。特別之處係尼到有樽裝可樂，最有趣的是樽裝可樂大小同價。

那天去九龙城，一个人无聊闲逛，走了一会，看到了之前想吃的各种甜品店，但是无奈没吃饭真的不想吃这些，就没吃 ，直到走到这家车仔面就停下来吃了，那个猪软骨不错，响铃也还可以，我要的沙爹