越式阿肥美食

Open Now

Now Closed

呢間越南店由細食到大，佢嘅蒜蓉牛油雞翼好地道好好食，今次專登經過外賣都要拎返屋企食。鋪面啲姐姐出名冇禮貌，好似唔憂做咁。叫個雞翼都要等一陣先叫到，可能佢地好忙掛。雞翼即叫即做，大概三個字就有得食。

香噴噴牛油雞翼慈雲山最喜愛小店！沙嗲汁四寶飯係comfort food呀，佢個沙嗲汁好香好啱餸飯😚 呢間嘅扎肉好食，好有口感，我次次都嗌，唔係軟PatPat 嗰啲，朋友就鍾意肉餅，因為好香口。阿肥好似食咗好多年咁嚕，我好多款嘢食都食過，wingwing.foodfood最鍾意當然係即炸牛油雞翼！必試！好邪惡但好好味👅我有日想食得fresh啲，嗌咗越式粉包嚟試，第一次食覺得好得意，加埋魚露超開胃！話咁快就清咗一碟😋 越式阿肥美食Yummy Fast Food地址：慈雲山毓華里16號地下6號舖。

下午茶時間，心思思想搵啲嘢食經過阿肥，就望下有冇咩好食以前喺附近返學，通常都係嚟食碟頭飯碟頭飯就真係好好食仲有撈檬嗰啲都好ok今次下午茶時間經過唔想食太飽，就揀咗兩樣小食蒜蓉包(3件）落單時阿姐話要焗一焗，可能要耐少少一打開個盒已經好香蒜蓉味包上面仲有少少洋蔥🧅加上個包啱啱焗完，真係好香脆值得一試！👍🏻牛油雞翼(半客)雞翼上面有少少蒜蓉牛油味唔係好出不過雞翼好juicy，唔會整到好乾好柴食落都夠味，幾香口呢2款小食都幾好食希望下次可以再試下其他小食😬

🍴魚餅拼豬扒飯（半客）HKD 34一上枱見到啲肉多到覆蓋晒啲飯 再加上超香嘅蔥油味 未食都已經覺得正🤪香茅豬扒煎得好香 嗰邊卜卜脆 但係食落去又唔會好油👍肉質都夠軟 同時又好入味 配埋蔥油將味道更加昇華🥳魚餅有好香嘅香茅同薑味 食落彈牙‼️🍴肉餅拼雞翼飯 跟沙嗲汁（半客) HKD 36呢個餐就加左兩蚊轉沙嗲汁 個汁好香椰奶同花生嘅味 味道好濃郁又滑 送飯一流🤪肉餅又係煎得超香 脆卜卜 口感紮實👍雞翼都有兩大隻 炸到剛剛好 食落去肉汁同雞油爆曬出來🤪🍴龍眼冰 HKD 20有粒粒龍眼肉 酸酸甜甜好開胃 飲落都唔會好甜 剛剛好可以解膩👍

位於毓華街馬路邊既小店鋪 街舖冇門 所以環境一定稱唔上乾淨架喇🥲一路食會有好多人路過亦有好多等緊位/外賣既人望住 有啲尷尬感😳只有4張檯仔 加埋應該坐到十個左右既🥸聽聞對熟客幾好 但對生客就.....🥶﹊﹊﹊﹊﹊﹊﹊﹊﹊﹊﹊﹊☞ 香茅豬扒撈檬 32$ / 香矛牛肉撈檬 34$三十幾蚊碗撈檬黎講 佢都算抵食 又大碗 餸又多 👏🏻但係個檬粉就好普通比較碎 好在佢個汁取勝 食得出同出面個啲唔同 加左黑椒粒 係自家製有誠意啊😋牛肉就好嫩滑 唔會好似食緊柴咁🥰而豬扒香茅味好重 但就有啲啲乾 小小肥肉都冇 食落口就比較dry🥲﹊﹊﹊﹊﹊﹊﹊﹊﹊﹊﹊﹊✎ 牛油雞翼 (半客) 43$佢既牛油雞翼 真係好出色🤩 完全係驚喜🤤🤤🤤即叫即炸 上檯超級香脆 第一啖咬落去已經有牛油蒜味 再咬係超入味 唔係剩係個面有味架 係連入面都有味 出色😻!!!!Fat9超級推介 必食啊喂👍🏻﹊﹊﹊﹊﹊﹊﹊﹊﹊﹊﹊﹊☞ 越式粉包 39$好小見 基本上我係冇見過😳粉皮好有水份同彈性 應該係即叫即蒸再包🤭🤭面頭放滿蔥同炸蒜 整個配合very nice 而個餡係豬肉碎加木耳 食落味道係唔差 但Fat9略嫌個餡就有點平凡 冇咩特別之

炸扎肉牛肉飯Price：$46📌比起肥牛小妹更中意手切鮮牛😋肉質嫩滑唔會嚡颯颯🤢外賣焗左陣都仲有少少粉紅色未熟透🤤炸扎肉就普通啦，感覺上有少少油膱味😢建議大家直接嗌沙嗲牛肉飯🤣因為佢既鮮牛肉真係出色無得輸❤️飯有沙嗲醬鋪面，不過重花生醬味，沙嗲味反而唔係好食到🤔小妹麻麻地好重花生醬味既沙嗲醬🥲而且個醬令到個飯濕漉漉痴埋一舊，呢到有少少扣分😭P.S. 老闆娘好有性格🤣各位唔好亂催單🤣🤣

香茅豬扒飯真係我既comfort food ,隔幾月就要食一次,特別係呢間,我由中學就開始食呢間係我食過最GOOD、回頭最多香茅豬扒飯,豬扒唔會乾爭爭,馳名蔥油都好正不過呢度都有缺點,就係阿姐好惡死,阿姐好似心情長期都燥燥地咁,真心不過名店係咁,所以我通常都係外賣,一買到就即刻番屋企食

香茅豬扒雞翼飯（$41）👌🏻呢間舖最岀名既飯，豬扒幫食客剪定一舊舊，呢方面幾細心，份量足夠，豬扒唔會乾爭爭，都入味，但未去到好驚喜，雞翼煎得岩岩好，唔錯。反而最鐘意係佢配飯既蔥油，撈飯好香，如果放多d就好！香茅牛肉魚餅飯（$42）魚餅辣辣地，幾惹味但牛肉真係無咩特別.熱奶茶（$14）一向鐘意唔加糖，咁先可以品嘗到真正既茶香同純奶，呢到沖既奶茶不過不失，唔會有苦澀味。.因為2人限聚，成間舖只有5張枱，所以想堂食，真係要有d耐性等位。唔知係太忙定點，見到比我地攪拌奶茶d匙羹有好多茶漬即刻唔想用，衛生真係一般般！

一直聽聞阿肥美食是慈雲山名店，難得上去慈雲山就買了香茅豬扒雞翼飯。之前看見openrice相片唔錯，由於該店老闆娘出名惡，叫外賣前已有心理準備，所以服務態度不作任何評論接過外賣回家途中已經滿心期待，大約15分鐘到家，以為可以食到肉汁豐富又入味的豬扒，一打開飯盒。。。。。。入味是入味，連骨頭都有味，但豬扒乾到柴，唔係即叫即煎，感覺是一早煎定，連番煎加熱都波有；相比之下雞翼更出色，起碼還是熱辣辣，可能其他配料更好，只是豬扒試一次就夠

點解我會打麻甩佬係因為小編夏天時食過幾次，每次都係要拎住把風扇一邊食一邊吹。因為間鋪頭係室外冇冷氣，但點解小編夏天30幾度時都會去食呢？可想言之佢嘅嘢食係幾咁好味😋佢嘅炸香腸同炸豬扒係好好味，而最好味嘅嘢就係佢嘅炸雞翼。建議鍾意食碟頭飯嘅你哋趁而家秋天，小編建議最好等天氣涼浸浸時不妨去試吓佢既碟頭飯同撈濛啦🍛服務：⭐️⭐️⭐️⭐️價錢：⭐️⭐️⭐️⭐️⭐️食物：⭐️⭐️⭐️⭐️性價比：⭐️⭐️⭐️⭐

不論係堂食定電話叫外賣，態度都超級差，句句粗聲粗氣。十問九唔應，一係就勁大聲/冇禮貌答你。食物質素已經唔同哂，豬扒乾爭爭，扎肉仲衰，白”哂哂”兼凍冰冰，食落係好生！肯定唔會再幫襯

細舖吾係日日都會開，而且好多人等位，夏天食真係會熱到hihi，好難得今日有位之餘，仲有部風扇吹住食馳名蔥油豬扒飯 豬扒唔厚身但有肉汁 上碟前已剪開細件方便食 配埋蔥油 香口唔死鹹 用黎點豬扒又得 用黎送飯都得 蔥油先係主角吾可以少

慈云山街坊無人不知亞肥美食，小店只有幾張枱，（露天茶座）😉😉，不過都是經常排長龍等位，店舖特點除了美食之外，還有幾位惡姐姐😅，可能因為太忙，不論外賣、堂食客人如等得不耐煩追單的時候，惡姐姐一律無面俾。另外，小店不是經常開舖，最好查清楚日子，以免白走一轉啦！我家在附近，通常都在12点左右到小店光顧午餐，因避開午市繁忙時間，因鄰近學校村，好多中小學生光顧🥣，而晚餐時段又太多人等枱，只可買外賣😂😂$44（連凍飲🥤）沙嗲牛肉飯甜甜地有花生碎粒的沙嗲汁包住每粒飯，再加小店蔥油特色淋滿飯面，雖然天氣熱辣辣，但都能令你好開胃，牛肉大大件，論現在百物騰貴，食材價格飛升，店舖總算好抵食！😚$43牛油雞翼（半客）好香牛油味，雞翼大大隻，外皮炸得好香脆，乾蔥、蒜頭、包住每隻雞翼，真每次都忍不住口😉

6:40左右去到等位，無問題，行去同啲店員講四位，跟住佢黑口黑面同我講話邊度食完就過去啦自己⋯問佢有冇飛又話冇，之後叫野食話唔得閒落單，好啦行去水吧講自己嘅order啦！係唔肯定佢聽唔聽到既時候，佢又態度好差咁叫我繼續⋯叫咗有D野又無嚟度（肯定啦！都無mark過）已經無冷氣，食餐飯都仲要俾人串，我就肯定唔會再去，第一去因為見D人話好食，本人認為非常一般，只可以比較平啫，想去試既朋友個日心情要好好，其次就係千萬唔好夏天去呀😪

今日去食左沙爹豬扒飯沙爹汁有花生味，但唔夠沙爹味（香料果D味）感覺亦甜過頭， 認真麻麻豬扒爽口 有香矛味 唔錯飯普普通通最為人讚嘆既蔥油 我覺得普通蔥油唔算特別香 食落咸口覺得蔥油冇自己食開雞果間既好食總之有優有缺 不過不失下次試埋檬