亞來泰菜 (Closed)

餐廳位置不是太方便，附近都是村屋，不是地頭蟲，真係唔食來！餐廳內所有侍應，甚至廚師都是泰國人，入到去，簡直覺得自己身處泰國泰式生蝦超爽口，有蝦味，醬汁正！椰汁雞湯，味道似酸辣湯加椰汁，幾特別明爐酸辣烏頭魚條魚好腥，啲配菜好似放左好耐咁椰汁西米糕，大大粒，落單兩件起，要幾多叫幾多，唔使做大唗鬼

聞說元朗有好多好野食，我呢啲九龍仔，難得入到來元朗，梗係搣住啲元朗朋友衫尾，要求帶我食好野啦！元朗朋友帶我來左間泰國餐廳，佢話海南雞飯好出名，但心諗⋯泰國餐廳梗係食泰國野啦，點會食海南野。所以無聽佢講，叫返啲地道泰國菜式😁食泰菜既例牌菜，生蝦刺身👍🏻👍🏻 好爽口彈牙！面埋生蒜，正呀！橄汁珍多冰，略甜，無乜椰香泰式雜菜粉紅煲，味道唔錯，好足料泰式香葉雞肉炒河，可以多啲香葉同多啲雞肉雖雞味道不過不失，但呢間真係純正泰菜餐廳，啲廚師同侍應全部都係泰國人，可以一試😁

個蝦柚子沙律, 蝦得2隻太小氣了吧, 個汁太甜好似糖水咁唔係好有泰式風味,有點香料同辣先係似食泰國野。個包雞香茅味重醃得幾好, 蝦餅都幾彈牙架, 春燒係包了D米粉同蔬菜絲啦, 唔算好特別, 味道正常。個芒果蟹肉炒果是敗筆一個, 好濕D飯都炒唔均, 蟹肉碎唔覺有, 只吃到有蟹肉殼碎,加了雞蛋咁, 完全唔得。椰青, 好熱飲仲開, 涼快又清甜小店衛生好一般, 注重環境的人未必喜歡, 食物出得快太絕對稱不上好食,不要有期望來吃就OK了。

雖然已經搬左入洪水橋接近一年，但從未試過這間泰菜，仲枉我們咁鐘情泰國！聽過幾位住附近的朋友推薦，但有時廢事排隊而放棄，今晚6點就到，不錯，人不多！我們兩人個，點了: 生蝦、飛天通菜、鳳爪、蟹肉芒果炒飯。生蝦:不在於蝦，係在於汁！呢個汁夠辣夠香鳳爪: 大碟，正，又係夠辣飛天通菜: 相對顯得有點失色蟹肉芒果炒飯: 夠火喉！下次偷懶唔煮飯，再去食。

是日想試洪水橋的泰菜，原屬意泰馨，走了很久才到達。但由於不少人在等位，加上看看也不覺太特別，便光顧了這間。一般人讚的生蝦，不新鮮，醬汁也調得不好，回家肚子不舒服。生菜包一般水準，不算太出色。薄餅一般，像超市買的那些。泰式檸茶茶香特別，可以一試。烤魚不錯，正宗做法，可惜魚不算新鮮。最好味的是辣椒糕炒蝦，蝦的份量不少，香濃的醬汁極惹味，很正宗的泰菜味道。雖然部分食物味道中上，可是到埋單時令我們很失望。這一餐竟然要六百多，查單才說不小心把蝦寫成蟹。198元寫錯成315元，老公認為是故意的，因為我們點的不少。改單後仍要5百多，因為店方的不誠實，加上食味不突出，再者位置不方便，不會再來了。

本來想去同一條街既另一間食私房菜既泰國菜, 見到 D 評語麻麻, 所以再 SEARCH 下之後, 見到呢間泰菜, 決定一試. 因有小朋友, 所以早一日打電話去 BOOK 位, 可能我地人多 (7 大 3 細), 佢地安排左間房比我地 (但只有一間), 房間有電視.叫左以下食物, 其中一碟蝦膠釀皮蛋唔記得影相

設有訂枱服務, 如果人多, 可以安排房間, 但只有一間, 要訂請趁早.為慶祝媽媽生日, 特意揀黎呢間泰菜食.每碟都係超水準之作, 比九龍城的泰國菜館有過之而無不及, 正正正呀.........

次次去都幾乎冇哂生蝦刺身~今次終於都食到啦~正到即刻叫多碟~嘻~通常去食泰國菜都會發現佢地既泰菜迎合香港人既口味~但呢度唔同囉~我去泰國食既幾乎同呢間一樣~最鐘意係佢既炒飯~特別的乾身~地方不大~但有房~可以一班朋友十幾個聚會~

經朋友介紹,今晚去左洪水橋亞來食泰國菜. 我地一家5人, 係屋企坐的士去(*洪水橋麗虹花園落車),亞來就係對面, 我地6:45左右去到, 啱啱仲有2張6人枱, 真好彩唔洗等位. 我地坐低冇耐, 開始有人等位, 門口亦開多2張2位枱.我地叫左: 泰式刺身虾 x2 ( 一碟有10隻, d 虾好新鮮) 木瓜沙律 ( 用青木瓜, 好新鮮)炸芝士虾丸 ( 味道唔係好特出, 但都ok)(細)冬陰公 ( 我本身唔食得辣, 我都飲到,但唔代表佢唔辣喎, 幾好飲架) 生菜包* 必食(啲豬肉碎味道非常好, 生菜又新鮮) 咖哩虾包 (有6隻大虾左右, 不過唔夠味, 個咖哩唔辣但好香,用嚟餸白飯一流, 都ok)串燒半打- 雞+豬 ( 味道唔係好特出, 但都ok)脆咸肉炒椰菜苗 ( 椰菜苗好新鮮, 好清甜)濕粉海鮮河 ( 河粉炒得幾靚, 唔會一舊舊, 不過汁太多)另外再叫左一支泰啤及2個白飯仲送埋甜品埋單$612總結: 真係幾好食, 一定會多啲去, 價錢亦唔貴, 不過星期六, 日, 假期去就最好6:30前到, 應該唔洗等位

有人話好食 , 諗住去試吓啦 , 上 openrice 搵到個地址就過去 ... 個地圖好難睇囉 ... ( 原來只係喺惠康嗰度一直行...去到隧道口前面嗰個燈位隔離就係...XDD ) 去到十點半 , 人地 11 點關 , 喺門口仲諗緊入唔入去既時候 , 有兩個食完既人走出黎 , 佢地話 : 估唔到喺咁既地方 , 都有咁好食既嘢 ! ( 聽到人地都咁講咯 ... 唔理啦 ! 阻住人收工都入呀 ! ) 叫左個咖哩蟹包 <--- 好食 ! 好大 TIM ! ( 無論個蟹同包都係 ! ^^ ) 仲有叫左個芝士蝦餅 <--- 好好味 ! 好多芝士喺裡面 !!! 仲送左個甜品 TIM ! 有 2 舊椰汁糕 ( 我唔食既...所以唔知咩味 ... ) 同 4 舊椰青大菜糕 <--- 好味 ^^

好久沒有在那區食過好味的泰國菜,老闆是泰味村前二厨我男友很愛吃它的生蝦,我喜歡海南雞飯,咖喱蟹,炒通菜,青檸冰及甜品.環境ok食物有水準,服務好過香辣屋大公司唔憂做亞來勝在服務好鋪細細